<p>ავსტრალიის ღიაზე განცდილი კრახის შემდეგ, კაროლინ ვოზნიაცკიმ დოჰაშიც შეირცხვინა თავი, რაც მის აშკარა კრიზისზე მიუთითებს <br> თუ წამყვანი მამაკაცი ჩოგბურთელებისთვის თებერვალი თითქმის მთლიანად დასვენების თვეა, ქალებს ამის საშუალება ნაკლებად აქვთ, რადგან თებერვლის შუაში, დოჰაში Premier 5-ის კატეგორიის ტურნირი იმართება.</p><p>შეჯიბრის მაღალი რანგის მიუხედავად, პროფესიული ტურის ბევრმა ვარსკვლავმა არ მოისურვა კატარის დედაქალაქში ჩასვლა. მარია შარაპოვა, პეტრა კვიტოვა, ნა ლი, ანდრეა პეტკოვიჩი, სერენა უილიამსი, კიმ კლაისტერსი - ამ და სხვა ჩოგბურთელებს სხვადასხვა მიზეზის გამო ვერ ვხედავთ ბრძოლაში.</p><p>შარშან აქ ფინალში დანიელი კაროლინ ვოზნიაცკი და რუსი ვერა ზვონარევა შეხვდნენ და გამარჯვება სკანდინავიელს ერგო. 15 თებერვალს კი ისე მოხდა, რომ ორივე მეორე წრიდან გამოეთიშა ბრძოლას.</p><p>ავსტრალიის ღიაზე განცდილი კრახის შემდეგ, ვოზნიაცკიმ დოჰაშიც შეირცხვინა თავი, რაც მის აშკარა კრიზისზე მიუთითებს. ჩეხ ლუსი საფაროვასთან მატჩში ვოზნიაცკიმ მოიგო პირველი სეტი, მაგრამ მეტოქემ ჯერ გაათანაბრა ანგარიში, შემდეგ კი ტაი-ბრეიკზე გამოსტაცა კაროლინს მესამე წრის საგზური - 4:6, 6:4, 7:6(3). თამაში 2 საათსა და 28 წუთს გაგრძელდა და საფაროვამ 2:1 გახადა ვოზნიცკისთან ურთიერთშეხვედრათა ანგარიში.</p><p>ასე რომ, ამ წაგებით დანიელი მომავალ ორშაბათს 900 ქულას დაკარგავს კლასიფიკაციაში. მართალია, ის შეინარჩუნებს რეიტინგში მეოთხე ადგილს, მაგრამ ძალიან ჩამორჩება პირველ სამეულს და თან ქვემოდან კონკურენტებიც წამოეწევიან.</p><p>რაც შეეხება მეორე შარშანდელ ფინალისტს ვერა ზვონარევას, მან ტრავმის გამო ვერ დაამთავრა მატჩი რუმინელ მონიკა ნიკულესკუსთან, თუმცა ისედაც აგებდა შეხვედრას - 5:7, 2:3. ნიკულესკუ დოჰაში რუსების ნამდვილ რისხვად იქცა - პირველ წრეში მან 6:0, 6:1 გაანადგურა ელენა ვესნინა.</p><p>საერთოდ, წლევანდელი ტურნირი დიდად არ სწყალობს განთესილ ჩოგბურთელებს. მაგალითად, გუშინ ცუდი დღე ჰქონდათ სერბული ჩოგბურთის ლიდერებს - ანა ივანოვიჩსა და ელენა იანკოვიჩს. მათ ორ სეტში წააგეს საკუთარი მატჩები.</p><p>ივანოვიჩმა ორი პარტია ერთნაირი ანგარიშით დაუთმო მსოფლიოს 30-ე ჩოგანს პეტრა ჩეტკოვსკას - 4:6, 4:6. ჩეხს სულ რაღაც საათი და 16 წუთი დასჭირდა მსოფლიოს ყოფილი პირველი ჩოგანის დასამარცხებლად.</p><p>იანკოვიჩმა ისრაელის წარმომადგენელ შაარ პეერთან რვა ორმაგი შეცდომა დაუშვა. პირველი სეტი მან ტაი-ბრეიკზე წააგო, მეორეში კი პრაქტიკულად შეწყვიტა წინააღმდეგობა - 6:7, 2:6. სხვათა შორის პეერმა კარიერაში პირველად დაამარცხა იანკოვიჩი.</p><p>ფავორიტთაგან ყველაზე დამაჯერებელი შთაბეჭდილება დატოვა მსოფლიოს ახალმა პირველმა ჩოგანმა და ავსტრალიის ღია პირველობის ჩემპიონმა ვიქტორია აზარენკამ, რომელმაც ზუსტად ერთ საათში 6:1, 6:0 გაანადგურა გერმანელი მონა ბარტელი.</p><p><strong>* * *</strong></p><p>სანამ მეორე წრე დაიწყებოდა, პირველ რაუნდში რამდენიმე საინტერესო მატჩი გაიმართა. ინტერესს იწვევდა გასული კვირის ლაურეატების - ანჟელიკ კერბერისა და დანიელა ჰანტუხოვას შეხვედრები.</p><p>კერბერმა წინა კვირას პარიზის ტურნირი მოიგო, თან გზად მარია შარაპოვა და მარიონ ბარტოლი დაამარცხა. გერმანელს კარგი ფორმა დოჰაშიც გადაჰყვა და გერმანულ დერბიში მსოფლიოს მე-14 ჩოგანი, საბინ ლისიცკი დაამარცხა.</p><p>კერბერს თავდაპირველად გაუჭირდა და პირველი სეტი 4:6 წააგო. მეორე სეტშიც თავიდან დაძაბული ბრძოლა მიდიოდა და ყველაფერი მეცხრე გეიმში გადაწყდა, როცა კერბერმა ბრეიკი გააკეთა და შემდეგ იგივე ანგარიშით - 6:4 მოიგო პარტია. მესამე სეტში ლისიცკიმ ვეღარ შეძლო თამაშში დაბრუნება და მხოლოდ ერთი გეიმი აიღო.</p><p>კერბერისგან განსხვავებით, მეორე წრეში გასვლა ვერ შეძლო გასულო კვირას ტაილანდის ტურნირის გამარჯვებულმა დანიელა ჰანტუხოვამ. სლოვაკმა ორსაათნახევრიან ბრძოლაში წააგო რუმინელ სიმონა ჰალეპთან, რომელიც მსოფლიოს კლასიფიკაციაში 63-ე ადგილს იკავებს.</p><p>პირველი სეტი ჰანტუხოვამ 6:3 მოიგო, მაგრამ მეორე პარტია ჩააგდო და 2:6 დამარცხდა. დაძაბული ბრძოლა იყო მესამე სეტში. ჰანტუხოვამ მოგების რეალური შანსი გაუშვა ხელიდან - 6:5-ზე მატჩზე ვერ ჩააწოდა. საბოლოოდ, დაინიშნა ტაი-ბრეიკი, რომელიც ჰალეპმა უკეთ ჩაატარა და 7:4 მოიგო.</p><p>რუმინელი ამით არ დაკმაყოფილდა და გუშინ ჩეხი ივეტ ბენეშოვა დაამარცხა, რამაც მას მესამე წრის საგზური მოუტანა</p><p><strong>ყოველდღიური სპორტული გაზეთი "ლელო"</strong></p>
მხოლოდ 1 გეიმი - ბასილაშვილმა პეკინის ტურნირზე გამოსვლა დაასრულა
უცნაურია - მუსეტიმ ზედიზედ მეხუთე ფინალი წააგო
ბასილაშვილი ფორმაში შედის - ATP-ის ტურნირის მეოთხედფინალში გავიდა და ასეულში დაბრუნების შანსი აქვს
U17 | საქართველო 3:0 ლიეტუვა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
ფრე ქუთაისში... და "თელავის" მოგება "გაგრასთან"
პირველი ტაიმის შემდეგ პსჟ "ოსერს" 1:0 ამარცხებს
"ოსერთან" მატჩში პსჟ-ს სასტარტო შემადგენლობა ცნობილია
ზივზივაძის "ჰაიდენჰაიმმა" ნანატრი გამარჯვება მოიპოვა
[VIDEO] ხულიან ალვარესი მთელი თავისი ბრწყინვალებით - "ატლეტიკომ" მადრიდულ დერბიში "რეალი" გაანადგურა
[VIDEO] ნკეტიამ ალისონს ზედ საფინალო სასტვენის წინ გაუტანა - "ლივერპული" "კრისტალ პალასთანთან" დამარცხდა
გუნდია თუ საველე ჰოსპიტალი - პსჟ-ს კიდევ ერთი წამყვანი ფეხბურთელი გამოაკლდა
"იუნაიტედი" "ბრენტფორდთან" დამარცხდა - გაუშვებენ ამორიმს?
[VIDEO] კეინის ყველა დროის რეკორდი - "ბაიერნი" და ინგლისელი შეუჩერებლები არიან
FIFA-მ მალაიზიის ფეხბურთის ფედერაცია და 7 ფეხბურთელი მკაცრად დასაჯა
დუდუ დადიანის მემორიალის 24-ე გათამაშება ოლიმპიურ სასახლეში დაიწყო
"ერთად დასაწყისიდან დასასრულამდე" - მესი ბუსკეტსის გადაწყვეტილებას ემოციური წერილით გამოეხმაურა
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ
"როცა ის მოედანზე მყავდა, პატარა ბავშვივით ტკბილად მეძინა" - გვარდიოლამ "სიტის" ყოფილი ფეხბურთელი გამოარჩია
"პირველი იყო, ვინც "ოქროს ბურთის" მოგება მომილოცა" - უსმან დემბელემ ლიონელ მესიზე ისაუბრა
[VIDEO] რონალდოს 946-ე გოლი - "ალ ნასრმა" ბენზემას "ალ იტიჰადი" დაამარცხა
პრობლემების მქონე პსჟ-ისა და კარგ ფორმაში მყოფი "ვილიარეალის" მატჩის დღე