<p>ჰოკეი. NHL. რეგულარული ჩემპიონატი <br> ცოტა ხნის წინ, ჰოკეის ეროვნული ლიგის უიმედო აუთსაიდერი "ანაჰაიმი" შესანიშნავ ფორმაში შევიდა და თანდათან უახლოვდება პლეი ოფის ზონას.</p><p>"ანაჰიამმა" ახალი წლის შემდეგ მე-20 მატჩი ჩაატარა და მე-14 შეხვედრა მოიგო. სტუმრად "პიტსბურგის" წინააღმდეგ "იხვები" აუთსაიდერებად ითვლებოდნენ, რადგან 11 წელი არ ჰყავდათ დამარცხებული "პინგვინები". თანაც, "პიტსბურგს" შინ ზედიზედ ექვსი მატჩი ჰქონდა მოგებული. მაგრამ ანაჰაიმმა აღმავლობით ითამაშა და პირველი პერიოდის წაგების მიუხედავად, მოახერხა გამარჯვების მოპოვება.</p><p>სტუმრებმა მთავარი მოახერხეს - შეაჩერეს ჩემპიონატის საუკეთესო ბომბარდირი ევგენი მალკინი, რომელმაც ამ თვეში მხოლოდ მეორე მატჩში ვერ დააგროვა ქულები.</p><p>შეხვედრის პირველი ვარსკვლავი კი ლეგენდარული ფინელი ტეემუ სელიანე გახდა, რომელმაც გამარჯვების შაიბა გაიტანა. ეს მის კარიერაში 656-ე გოლი იყო და ამ მაჩვენებლით ლიგის ყველა დროის სნაიპერთა სიაში მე-12 ადგილზე მყოფ ბრენდან შენეჰანს გაუთანაბრდა.</p><p>ამ მოგებით ანაჰაიმი 6 ქულით მიუახლოვდა პლეი ოფის ზონას.</p><p><strong></p><p>* * *</strong></p><p>აღმოსავლეთის ერთ-ერთი ლიდერი "ბოსტონი" პირველადგილოსანი "რეინჯერსის" დაწევას ცდილობს. ბოლო პერიოდში სტენლის თასის მფლობელი არცთუ ისე დამაჯერებლად გამოიყურება, თუმცა გუშინ შეძლო სტუმრად "მონრეალის" დამარცხება, რომელიც პლეი ოფში მოსახვედრად იბრძვის.</p><p>გარდამავალი უპირატესობით მიმდინარე შეხვედრაში ყველაფერი ბულიტების სერიაში გადაწყდა, სადაც ბოსტონელმა მეკარემ, ტიმ ტომასმა სამივე ბულიტი მოიგერია, მისმა თანაგუნდელმა ტაილერ სეგუინმა კი კერი პრაისს გაუტანა და თავის გუნდს ორი ქულა მოუტანა.</p><p><strong>* * *</p><p></strong>ორი დღის განმავლობაში ზედიზედ ორი მატჩი მოიგო "ოტავამ", თანაც ამ ორ შეხვედრაში "სენატორებმა" 10 გოლი გაიტანეს.</p><p>ამჯერად კანადელებმმა "ფლორიდას" მოუგეს. უკვე პირველი ორი პერიოდის შემდეგ მატჩის ბედი პრაქტიკულად გადაწყვეტილი იყო - სტუმრები 4:1-ს იგებდნენ.</p><p>ვერ ვიტყვით, რომ "ფლორიდა" ამ მატჩში უშანსოდ იყო - მასპინძლებმა 44 ზუსტი დარტყმა განახორციელეს, მაგრამ ბრწყინვალე იყო "ოტავას" მეკარე კრეიგ ანდერსონი, რომელმაც 42 დარტყმა მოიგერია.</p><p>შესანიშნავად გამოიყურება "ოტავას" ერთ-ერთი ლიდერი ჯეისონ სპეცა, რომელმაც წინა დღეს ჰეთ-თრიკი შეასრულა, ახლა კი სამი საგოლე პასი ჩაიწერა აქტივში. ბოლო ხუთ მატჩში მის ანგარიშზე ხუთი გოლი და 7 პასი მოდის.</p><p>წაგების მიუხედავად, "ფლორიდა" ინარჩუნებს დივიზიონში ლიდერობასა და ადგილს აღმოსავლეთის პირველ სამეულში, "ოტავა" კი მყარად დგას მეშვიდე პოზიციაზე.</p><p><em><strong>პიტსბურგი-ანაჰაიმი 1:2</p><p></strong></em>1:0, 0:1, 0:1</p><p>გოლები: 1:0 ჯ. სტაალი-17 (დუპუი-20), 1:1 პერი-28 (რაიანი-14, სბისა-17), 1:2 სელიანე-19 (ბელესკი-9, ბრუკბანკი-8).</p><p><em><strong>მონრეალი-ბოსტონი 3:4 (ბ)</p><p></strong></em>0:1, 1:2, 2:0, 0:0</p><p>გოლები: 0:1 ფერენსი-5 (მარშანი-21), 1:1 დარში-5 (სუბანი-20), 1:2 პუიო-9 (კელი-12, პევერლი-29), 1:3 პ. ბერჟერონი-17 (სეგუინი-25, ხარა24), 2:3 პასიორეტი-24 (დეშარნე-31, ე. კოული-22), 3:3 ე. კოული-22.</p><p>ბულიტები გაიტანეს: სეგუინი (ბოსტონი).</p><p><em><strong>ფლორიდა-ოტავა 2:6</p><p></strong></em>1:1, 0:3, 1:2</p><p>გოლები: 0:1 ო'ბრაიენი-1 (ფოლინო-21, ლი-6), 1:1 მატიასი-10 (ვივერი-14), 1:2 დაუგავინსი-4 (ლი-7, კონდრა-13), 1:3 ბ. ბატლერი-6 (მ. მიხალეკი-14, სპეცა-36), 1:4 ალფრედსონი-20 (დაუგავინსი-6), 1:5 მ. მიხალეკი-25 (ე. კარლსონი-43, სპეცა-37), 2:5 ბერგენჰაიმი-12 (ბ. კემპბელი-36, ფლიშმანი-25), 2:6 კუბა-5 (სპეცა-38, ალფრედსონი-23).</p><p><em><strong>ედმონტონი-ტორონტო 3:4 (ო)</p><p></strong></em>1:2, 1:0, 1:1, 0:1</p><p>გოლები: 0:1 ლუპული-23 (კესელი-32, ოლი-2), 0:2 ლომბარდი-7 (ფრენსონი-13), 1:2 იგერი-7 (პეტრელი-4), 2:2 ტ. ჰოლი-20 (სემ განიე-24, ე. სატონი-7), 2:3 გარდინერი-3 (მაკარტური-14, ფრენსონი-14), 3:3 ებერლე-25 (რაიან უიტნი-8), 3:4 ტიმ კონოლი-8 (ლუპული-38).</p><p><em><strong>ვანკუვერი-კოლორადო 3:1</p><p></strong></em>1:0, 0:1, 2:0</p><p>გოლები: 1:0 ბუტი-11 (რეიმონდი-8, ბიეკსა-26), 1:1 ე. ჯონსონი-3 (ჰეიდუკი-20, დ. ჯონსი-11, 2:1 ჰანსენი-14 (ჰოჯსონი-17), 3:1 ბაროუზი-20 (ჰიგინსი-17, კესლერი-22).</p><p><strong>ყოველდღიური სპორტული გაზეთი "ლელო"</strong></p>
საქართველოს თასის პირველი და მეორე ეტაპის წილისყრა
მეორე ლიგის "სპაერმა" თბილისის "დინამოს" მოუგო და თასის მფლობელი გახდა [VIDEO]
საქართველოს თასის ნახევარფინალური ეტაპის წილისყრა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
"[VIDEO] ბარსელონასთან" მატჩის წინ ხვიჩამ ტრავმა მიიღო - პსჟ-მ "ოსერს" მცველების გოლებით მოუგო
მიქაუტაძის 73 წუთი - "ვილიარეალმა" "ატლეტიკი" დაამარცხა და ზედიზედ მესამე გამარჯვება მოიპოვა
დავითაშვილი შეცვალეს - "სენტ-ეტიენი" სახლში "გენგამთან" დამარცხდა
პირველი ტაიმის შემდეგ პსჟ "ოსერს" 1:0 ამარცხებს
"ოსერთან" მატჩში პსჟ-ს სასტარტო შემადგენლობა ცნობილია
ზივზივაძის "ჰაიდენჰაიმმა" ნანატრი გამარჯვება მოიპოვა
[VIDEO] ხულიან ალვარესი მთელი თავისი ბრწყინვალებით - "ატლეტიკომ" მადრიდულ დერბიში "რეალი" გაანადგურა
[VIDEO] ნკეტიამ ალისონს ზედ საფინალო სასტვენის წინ გაუტანა - "ლივერპული" "კრისტალ პალასთანთან" დამარცხდა
გუნდია თუ საველე ჰოსპიტალი - პსჟ-ს კიდევ ერთი წამყვანი ფეხბურთელი გამოაკლდა
"იუნაიტედი" "ბრენტფორდთან" დამარცხდა - გაუშვებენ ამორიმს?
[VIDEO] კეინის ყველა დროის რეკორდი - "ბაიერნი" და ინგლისელი შეუჩერებლები არიან
დუდუ დადიანის მემორიალის 24-ე გათამაშება ოლიმპიურ სასახლეში დაიწყო
"ერთად დასაწყისიდან დასასრულამდე" - მესი ბუსკეტსის გადაწყვეტილებას ემოციური წერილით გამოეხმაურა
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ