<p>ფერგიუსონის შეგირდებმა ამსტერდამში მოპოვებული ორბურთიანი უპირატესობა, შინ კინაღამ ქარს გაატანეს <br> ევროპის ლიგის 1/16 ფინალის საპასუხო მატჩები 22 თებერვალს "მანჩესტერ სიტისა" და "პორტუს" დაპირისპირებით დაიწყო, დანარჩენი შეხვედრები კი 23 თებერვალს გაიმართა.</p><p>რობერტო მანჩინის შეგირდებმა პორტუგალიურ გრანდს და ევროპის ლიგის მოქმედ ჩემპიონს საკუთარ კედლებში "გადაუარეს" და 4:0 გაიმარჯვეს. აღსანიშნავია, რომ ამ შეხვედრაში ანგარიში სერხიო აგუერომ მე-19-ე წამზე გახსნა.</p><p>23 თებერვალს გამართული შეხვედრებიდან გამოსარჩევი რამდენიმე მატჩია. "მანჩესტერ იუნაიტედმა" ამსტერდამის "აიქსთან" პირველ შეხვედრაში მოპივებული ორბურთიანი უპირატესობა კინაღამ ქარს გაატანა.</p><p>მასპინძლები ხავიერ ერნანდესის გოლით მეექვსე წუთზე დაწინაურდნენ, მაგრამ ჰოლანდიელებმა ანგარიში პირველივე ტაიმში გაათანაბრეს, მატჩის მიწურულს, 87-ე წუთზე კი ალდერვაიელის თავურით წინაც გავიდნენ. თუმცა, გადახალისებული შემადგენლობით მოთამაშე ალექს ფერგიუსონის გუნდს მერვედფინალში გასაღწევად კლასი მაინც ეყო.</p><p>მატჩის შემდეგ მანჩესტერელთა თავაკაცმა განაცხადა:</p><p>"დასასრული ძალიან ნერვიული გამოდგა. მეორე ტაიმში მეტოქე ჩვენზე გაცილებით უკეთ თამაშობდა. დამარცხებაზე პასუხისმგებლობას საკუთარ თავზე ვიღებ.</p><p>ძალიან ბევრი ახალგაზრდა მოთამაშე დავაყენე, განსაკუთრებით დაცვაში. მათ პოტენციალი გააჩნიათ, მაგრამ ევროპულ სარბიელზე გამოცდილებაც აუცილებელია.</p><p>"აიაქსს" კარგი ახალგაზრდული და მზარდი გუნდი ჰყავს, ჩვენმა ახალგაზრდებმა კი საჭირო გამოცდილება მიიღეს".</p><p>ბილბაოს "ატლეტიკმა" მოსკოვის "ლოკომოტივი" 1:0 დაამარცხა, რაც პირველ შეხვედრაში 1:2 დამარცხების შემდეგ მერვედფინალში გასასვლელად საკმარისი აღმოჩნდა.</p><p>აღსანიშნავია, რომ ესპანელებმა გოლი მე-60-ე წუთზე ამორებიეტას გაძევების შემდეგ, ორიოდ წუთში გაიტანეს. თავი ბასკების ლიდერმა მუნიაინმა გამოიჩინა.</p><p>კიდევ ერთმა ესპანურმა გუნდმა, მადრიდის "ატლეტიკომ" რომის "ლაციოსთან" საშინაო შეხვედრაშიც იმარჯვა. ესპანელებს პირველი შეხვედრა სტუმრად 3:1 ჰქონდათ მოგებული და, ფაქტობრივად შემდეგ ეტაპზე გასვლა განაღდებული ჰქონდათ. მადრიდელებმა ამჯერად გოდინის გოლით მონიმალური სხვაობით გაიმარჯვეს.</p><p><span style="color: #ff0000;"><strong>ევროპალიგა. 1/16 ფინალი. საპასუხო მატჩები</strong></span></p><p><em><strong>ბილბაო-ლოკომოტივი 1:0 (1:2)</strong></em></p><p>გოლი: 1:0 მუნიანინი (62)</p><p><em><strong>ბრიუგე-ჰანოვერი 0:1 (1:2)</strong></em></p><p>გოლი: 0:1 დიუფი (21)</p><p><em><strong>პაოკ-უდინეზე 0:3 (0:0)</strong></em></p><p>გოლები: 0:1 დანილო (6), 0:2 ფლორესი (15), 0:3 დომიცი (51) პენ</p><p><em><strong>პსვ </strong><strong>ეინდჰოვენი-ტრაბზონსპორი 4:1 (2:1)</strong></em></p><p>გოლები: 1:0 მერტენსი (15) პენ, 2:0 მატავზი (31), 3:0 სტროოტმანი (38), 3:1 ილმაზი (41), 4:1 მატავზი (52)</p><p><em><strong>ტვენტე-სტიაუა 1:0 (1:0)</strong></em></p><p>გოლი: 1:0 ჩადლი (29)</p><p><em><strong>ვალენსია-სტოკ სიტი 1:0 (1:0)</strong></em></p><p>გოლი: 1:0 ხონასი (24)</p><p><em><strong>ანდერლეხტი-ალკმაარი 0:1 (0:1)</strong></em></p><p>გოლები: 0:1 მარტენსი (54)</p><p><em><strong>ატლეტიკო-ლაციო 1:0 (3:1)</strong></em></p><p>გოლები: 1:0 გოდინი (48)</p><p><em><strong>ბეშიქთაში-ბრაგა 0:1 (2:0)</strong></em></p><p>გოლები: 0:1 ლიმა (25)</p><p><em><strong>მანჩესტერ იუნაიტედი-აიაქსი 1:2 (2:0)</strong></em></p><p>გოლები: 1:0 ერნანდესი (6), 1:1 ოზბილიზი (38), 1:2 ბლინდი (87)</p><p><em><strong>მეტალისტი(ხ)-ზალცბურგი 4:1 (4:0)</strong></em></p><p>გოლები: 1:0 ჰინტერეგერი (28) ს.კ-ში, 1:1 იანტშერი (57), 2:1 კრისტალდო (62) 3:1 ბლანკო (63), 4:1 ბლანკო (87)</p><p><em><strong>ოლიმპიაკოსი-რუბინი 1:0 (1:0)</strong></em></p><p>გოლები: 1:0 ჯებური (14)</p><p><em><strong>სპორტინგ-ლეგია 1:0 (2:2)</strong></em></p><p>გოლები: 1:0 ფერნანდესი (84)</p><p><em><strong></strong></em><em><strong>შალკე-ვიქტორია 2:1 დ.დ (1:1)</strong></em></p><p>გოლები: 1:0 ჰუნტელაარი (8), 1:1 რაიტორალი (88), 2:1 ჰუნტელაარი (106)</p><p><em><strong>სტანდარდი-ვისლა 0:0 (1:1)</strong></em></p><p><span style="color: #ff0000;"><strong>1/8-ფინალში გუნდები შემდეგნაირად დაწყვილდნენ: </strong></span></p><p>"მეტალისტი"-"ოლიმპიაკოსი"; "სპორტინგი"-"მანჩესტერ სიტი"; "ტვენტე"-"შალკე"; "სტანდარდი"-"ჰანოვერი"; "ვალენსია"-პსვ; "ალკმაარი"-"უდინეზე"; "ატლეტიკო"-"ბეშიქთაში"; " მანჩესტერი"-"ბილბაო".</p><p>მერვედფინალური მატჩები 8 და 15 მარტს გაიმართება.</p>
ევროპა ლიგა. ორივე ფრანგულმა გუნდმა გაიმარჯვა
[VIDEO] "ტოტენჰემმა" "მანჩესტერს" სძლია და ევროპა ლიგის გამარჯვებული გახდა
ევროპა ლიგა. 1/2-ფინალი: გადამწყვეტ მატჩში ინგლისური გუნდები შეხვდებიან
დუდუ დადიანის მემორიალზე ნახევარფინალისტები დაწყვილდნენ
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
[VIDEO] ლომინაძე და ქოჩორაშვილი შეცვლაზე შევიდნენ - "სპორტინგმა" "ნაპოლიმდე" "ეშტორილს" სძლია
"[VIDEO] ბარსელონასთან" მატჩის წინ ხვიჩამ ტრავმა მიიღო - პსჟ-მ "ოსერს" მცველების გოლებით მოუგო
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ