- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ახალი ნაკრები ახალი ხალხით
<p>საქართველოს ჩემპიონატმა თავისუფალი სტილით მოჭიდავე ახალგაზრდებს შორის ბევრი ახალი სახე წარმოაჩინა <br> სპორტკომპლექს "არენაში" 24 თებერვალს დაიწყო საქართველოს ჩემპიონატი თავისუფალი სტილით მოჭიდავე ახალგაზრდებს შორის, რომელმაც ბევრი ახალი სახე წარმოაჩინა.</p><p>გარკვეულწილად ეს მოსალოდნელიც იყო, რადგან ლიდერების უფროსებში გადასვლის გამო შარშანდელი ნაკრები ლამის სრულად შეიცვალა. ახლანდელ მედალოსნებში ისეთებიც არიან, რომლებიც შარშან მეორე-მესამე ნომრებად გვევლინებოდნენ, ბევრი ჭაბუკთა ნაკრებიდანაც გვახსოვს, თუმცა რამდენიმეს აქამდე საკუთარი დარბაზის გარეთ არავინ იცნობდა.</p><p>ყველაზე მეტად ეს 74-ში გამარჯვებულ გორელ <strong>ჯუმბერ ყველაშვილზე </strong>ითქმის, თუმცა არც 96-ში გაჩემპიონებული <strong>გიორგი მეშვილდიშვილია </strong>ასაკობრივ ნაკრებებში გამობრძმედილი. პრიზიორებშიც არიან მოულოდნელი სახეები და ნებისმიერი ტურნირის დანიშნულებაც ესაა - ახალი კადრების წარმოჩენა. თუმცა მხოლოდ გამოჩენაც რა ბედენაა, თუ ხარისხიც არაა დამაკმაყოფილებელი, მაგრამ ამჯერად ამ თვალსაზრისითაც დამაიმედებელი სურათია - უფროსთა კვალად, ჭიდაობა ახალგაზრდებშიც საკმაოდაა გაუმჯობესებული.</p><p>ლიდერთა წასვლით ნაკრებში მოხვედრის შანსი სხვებსაც გაეზარდათ და ვაკანსიების შევსების მსურველიც ბევრი გამოჩნდა. 24 თებერვალს 50, 60, 74 და 96-ის ფალავნები ჭიდაობდნენ, მონაწილეთა საერთო რაოდენობამ კი მხოლოდ ამ ოთხ წონაში 115-ს მიაღწია. წონების მიხედვით ლიდერი 74 გამოდგა, სადაც 53 მონაწილე გამოდიოდა, თუმცა 60-შიც ბლომად მოგროვდნენ - 36 კაცი.</p><p>დღის უდაო გმირი მეშვილდიშვილი გახდა, იმდენად ლამაზი ფანდით დაასრულა ტურნირი. არადა, მეტოქეც სერიოზული ჰყავდა - <strong>ომარ გუსოშვილი</strong>, რომელიც აქამდე ჭაბუკთა ნაკრებში იყო, თუმცა ახალგაზრდულის თავკაცი <strong>ნუგზარ სხირელიც</strong> ხშირად ენდობოდა. წყვილში ფავორიტიც ის იყო, მაგრამ მხოლოდ მეორე პერიოდი მოიგო (პირველში მეშვილდიშვილმა წილისყრით იმარჯვა), ყველაფერი კი დამატებითში გადაწყდა. სწორედ იქ იხილა მაყურებელმა გდება, რომელიც დიდხანს არ დაავიწყდება და რომლითაც ონელმა ფალავანმა (თუმცა თბილისში ვარჯიშობს) ქართულ ჭიდაობას მოუხადა ხარკი - ჯერ ჯვარზე შეეკრა კარგად, მერე გარედან ფეხიც ჩინებულად ჩაუხვია და მოწყვეტით გადააგდო სამქულიანზე.</p><p>ეს ქართული ჭიდაობის ნამდვილი ზეიმი და თან კარგი პასუხი იყო ეროვნული საუნჯის არდამფასებელი სკეპტიკოსებისთვის, რომლებიც ძიუდოს გარდა ჭიდაობის სხვა სახეობებშიც მოიძებნებიან. ასეთი გდება გუსოშვილს რომ გაეკეთებინა, იმდენად არ გაგვიკვირდებოდა, რადგან გორში ქართულ ჭიდაობას დღემდე დიდ პატივს სცემენ, მეშვილდიშვილისგან კი ორმაგად გვესიამოვნა.</p><p>დარჩენილი ფინალებიდან დაძაბული ბრძოლა 60-სა და 74-ში ვიხილეთ, 50-ში კი გორელმა <strong>ბექა ბუჯიაშვილმა</strong> ძირითად დროში იოლად დაამარცხა აჭარელი <strong>რამაზ დარჩიძე</strong>. 60-ის ფინალში ბოლო წლებში სხვადასხვა წონებში ჭაბუკთა ნაკრების ორი ლიდერი შეხვდა ერთმანეთს - <strong>ლაშა ბიტარაშვილი</strong> ევროპის ვიცე-ჩემპიონია, <strong>ლევან ქელეხსაშვილი</strong> - ევროპის ორგზის მესამე პრიზიორი, ოღონდ ორივეჯერ განსხვავებულ კატეგორიებში.</p><p>ეს შეხვედრა უხვქულიანობით გამოირჩა და ქელეხსაშვილის უპირატესობით დაიწყო - 1 ქულა იოლად აუღო ფეხში შესვლით, თუმცა ბიტარაშვილმა მალევე გადაიყვანა ჩოქბჯენში და კარგადაც დაატრიალა. პერიოდიც 4:1 მოიგო. მეორე პერიოდში ქელეხსაშვილმა იაქტიურა, რომელსაც ეფექტური მანევრებით არ გამოუჩენია თავი, მაგრამ ტაქტიკურად სწორად გამართული ჭიდაობით მეტოქე 4-ჯერ ჩაიყვანა დაბლა და 4:0 იმარჯვა. დამატებით დრო დაძაბული და უაღრესად საინტერესო გამოდგა. ის ბიტარაშვილის ლამაზი გდებით დაიწყო, რომელიც იოლად შევიდა ფეხში და მოწინააღმდეგე 3-ქულიანზე გადააგდო.</p><p>ქელეხსაშვილმა, რომელსაც შედარებით იოლად გადაჰყავდა მეტოქე ჩოქბჯენში, ამ გზით ერთი ქულა კი გაქვითა, მაგრამ ვერაფრით დაატრიალა. საერთოდ, ამ კომპონენტში მთელი შეხვედრა მოიკოჭლებდა, თუმცა ბოლოს სწორედ ამან მოუტანა გამარჯვება. ოღონდ მანამდე ჯერ კიდევ ერთი ქულა მიითვალა, რასაც მეტოქემაც ასევე უპასუხა - 4:2. ამასობაში დროც იწურებოდა და თითქოს ეს ანგარიში არ უნდა შეცვლილიყო, მაგრამ ქელეხსაშვილმა ბოლომდე მედგრად იბრძოლა, ჯერ ორჯერ დაიმსახურა თითო ქულა, ბოლოს კი ჩოქბჯენიდან დატრიალების მორიგი მცდელობა, როგორც იქნა, წარმატებით დაასრულა - 6:4 მის სასარგებლოდ.</p><p>74-ის ფინალიც არანაკლებ დაძაბული გამოდგა გორელ <strong>ყველაშვილსა </strong>და სამტრედიელ <strong>კახა თავაძეს</strong> შორის. თავაძე შარშანდელი ბრინჯაოს პრიზიორია და სპეციალისტები აქამდეც კარგად იცნობდნენ, ყველაშვილი კი სრულიად ახალი სახეა.</p><p>თავაძემ თავისი შანსი პირველი პერიოდის დასაწყისშივე დაკარგა, როცა შესვლა ვერ გამოიყენა. ამის შემდეგ კონცენტრაცია გაუჭირდა და ინიციატივა მთლიანად მეტოქეს გადაულოცა, რაც გორელმა მშვენივრად გამოიყენა - ქულებით სუფთა მოგება მიითვალა, 6:0. მეორე პერიოდში თავაძე მობილიზებული დაუბრუნდა ლეიბს, უფრო მწვავედაც უტევდა და ფიზიკურადაც უკეთ გამოიყურებოდა, თუმცა ფარ-ხმალი არც ყველაშვილს დაუყრია, შედეგად კი ბევრი ილეთი ვიხილეთ. თავაძემ ეს პერიოდი 6:4 მოიგო, თუმცა დამატებითში დასაწყისშივე მეტოქე იოლად შეუშვა ფეხში.</p><p>საერთოდ, ყველაშვილი მსგავს შანსს ყოველთვის კარგად იყენებდა - ეტყობა, რომ კარგად გრძნობს ილეთს. მან სამი ქულა მიითვალა - ორჯერ დაბლა ჩაყვანით, ერთხელ - წრიდან გაყვანით, თავად კი არაფერი დაუთმია, ისე გაიმარჯვა.</p><p>25 თებერვალს "არენაში" დარჩენილი წონების - 55, 66, 84 და 120-ის ფალავნები იჭიდავებენ. ამ დღესვე იასპარეზებს შარშანდელი შემადგენლობიდან შემორჩენილი ერთადერთი ლიდერი - მძიმეწონოსანი <strong>გენო პეტრიაშვილი</strong>, რომელიც შარშან ჭაბუკებში მსოფლიოს ვიცე და ევროპის ჩემპიონი გახდა, ხოლო ახალგაზრდებში ევროპაზე მესამე იყო. იმედია, ამჯერადაც ისეთივე ხარისხიან ჭიდაობას და დაძაბულ შეხვედრებს ვიხილავთ.</p><p><strong>კვარცხლბეკი</strong></p><p>50 კგ. 1. ბექა ბუჯიაშვილი (გორი), 2. რამაზ დარჩიძე, 3. რამაზ ზოიძე (ორივე - აჭარა), არჩილ ბეუქლიშვილი (ყვარელი).</p><p>60 კგ. 1. ლევან ქელეხსაშვილი (ხაშური), 2. ლაშა ბიტარაშვილი, 3. გიორგი რევაზიშვილი (ორივე - თბილისი), აკაკი მოწონელიძე (ხაშური).</p><p>74 კგ. 1. ჯუმბერ ყველაშვილი (გორი), 2. კახა თავაძე (სამტრედია), 3. ალექსანდრე ჯაჭვაძე (გარდაბანი), ზვიად მეკეიძე (აჭარა).</p><p>96 კგ. 1. გიორგი მეშვილდიშვილი (ონი), 2. ომარ გუსოშვილი (გორი), 3. ზურაბ ახობაძე (სამტრედია), გიორგი კაკაურიძე (ხონი).</p><p><strong></p><p>ყოველდღიური სპორტული გაზეთი "ლელო"</strong></p>
საქართველოს თავისუფალი სტილით მოჭიდავე 20-წლამდელთა ნაკრები ევროპის ჩემპიონია!
პეტრიაშვილმა და ჭეჭელაშვილმა ევროპის ჩემპიონატზე ოქროს მედლები მოიპოვეს!
ევროპის ჩემპიონატზე ბოლქვაძემ და ხეცურიანმა ბრინჯაოს მედლები მოიპოვეს
"კვარას" ბარკოლა შეცვლის - "ანჟესთან" მატჩში პსჟ-ს სასტარტო შემადგენლობა ცნობილია
პსჟ-ს მეკარე შეიძლება ესპანურ გუნდში გადავიდეს
ბუნდესლიგა ხმაურიანი მატჩით იხსნება - "ბაიერნი" "ლაიფციგს" უმასპინძლებს
"ამ ფეხბურთელმა ნამდვილად გამაოცა" - ოდეგორმა თანაგუნდელი გამოარჩია
ოფიციალურად: მატიჩი კარიერას სერია A-ში გააგრძელებს
"დარწმუნებული ვარ, ფორმაში შესასვლელად დიდი დრო დასჭირდება" - უოლკოტმა დიოკერეშზე ისაუბრა
"ნიუკასლის" ფეხბურთელი რომ ვიყო, ისაკის გუნდში დაბრუნება არ მენდომებოდა" - უეინ რუნი შვედი თავდამსხმელის სატრანსფერო საგას გამოეხმაურა
ქართველები ევროტურნირებზე - "სლოვანის" მარცხი, სიგუას დებიუტი
სფფ-ის ტექნიკური ცენტრი "ავაზა" გაიხსნა
[PHOTO] დაფრინავდნენ უნიტაზები, ფეკალიები, ქვები, ჯოხები - არიან დაჭრილები, 300 ფანი კი დაპატიმრებულია
[VIDEO] საქართველოს ნაკრებმა ბოლო სპარინგიც წააგო - რა იქნება ევრობასკეტზე?
სპერციანმა ინგლისური კლუბი უარით გაისტუმრა
ლუის ენრიკე: დონარუმა? კრიტიკა მესმის, თუმცა...
საქართველოს მეტოქეები მსოფლიო ჩემპიონატის შესარჩევისთვის უკრაინითა და დანიით შეივსო
"მის ჩანაცვლებას ვცდილობდით, მაგრამ ეს შეუძლებელია" - დე ლაურენტისმა კვარაცხელიაზე ისაუბრა
ჯიკიჩმა შემადგენლობა 3 მოთამაშით შეკვეცა
"ტოტენჰემი" სავინიოს სანაცვლოდ 80 მილიონს იხდის - რას გადაწყვეტს "მანჩესტერ სიტი"?
"საფონოვმა ეს სურვილი დააფიქსირა" - ფრანგი ჟურნალისტი რუსი მეკარის მომავალზე წერს
"ყველაფერი კარგად იყო, მაგრამ შემდეგ მბაპე და ნეიმარი მოვიდნენ" - დრაქსლერმა პსჟ-ში გატარებული პერიოდი გაიხსენა
მატჩის დღე! ხვიჩა კვარაცხელია განაცხადში არაა