- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ფენომენალური სკოლა
<p><p>მსოფიოს ჩემპიონატზე ბოლო ორი მეოთხედფინალისტი გამოვლინდა. გუშინ, საყოველთაო ყურადღების ცენტრში იყო...</p> <br> მსოფიოს ჩემპიონატზე ბოლო ორი მეოთხედფინალისტი გამოვლინდა. გუშინ, საყოველთაო ყურადღების ცენტრში იყო პრინციპული მეტოქეების - არგენტინისა და ბრაზილიის ნაკრებთა დაპირისპირება, თუმცა სამხრეთამერიკულ დერბიმდე გაიმართა ბოლოსწინა მერვედფინალი, რომელშიც ლიტვის ნაკრები აშკარა ფავორიტად იყო მიჩნეული. თუ ბალტიისპირელები მოახერხებდნენ ჩინელთა ლიდერის - იი იანლიანის შეჩერებას, მათ წესით უპრობლემოდ უნდა მოეპოვებინათ მეოთხედფინალის საგზური.</p><p>თუმცა ლიტველებმა თამაში ძალიან ცუდად დაიწყეს. რამდენიმე შეცდომის შემდეგ ჩინეთმა მესამე წუთისთვის ექვსქულიანი უპირატესობა მოიპოვა - 9:3. ბალტიისპირელთა დამრიგებელმა კიასტუტის კემზურამ ტაიმ-აუტი აიღო, მაგრამ ამ პაუზამ ფავორიტს ვერ უშველა. ორი წუთის შემდეგ სხვაობა საგანგაშო გახდა - 16:5. არადა, იანლიანს ლიტველები იოლად უმკლავდებოდნენ - ჩინელთა ლიდერი მეტოქის ფარს იშვიათად უახლოვდებოდა. სამაგიეროდ, გამოცდილი ვან ჟიჟი აწიოკებდა ევროპელთა დაცვას. ჯგუფური ტურნირის მატჩებს თუ გავიხსენებთ, ლიტველებისთვის ასეთი ჩამორჩენის გაბათილება განსაკუთრებულ პრობლემას არ წარმოადგენს - ჯგუფში ამ გუნდმა ორი წაგებული მატჩის გადარჩენა შეძლო. ასე მოხდა ამჯერადაც. როგორც მოსალოდნელი იყო, ლიტველთა რიგებში ლიდერის ფუნქციები ლინას კლეიზამ იტვირთა. მისი მონდომებით კემზურას გუნდი თითქმის დაეწია მეტოქეს, მაგრამ ლიუ ვეიმ სირენასთან ერთად ჩააგდო სამქულიანი და ჩინეთმა საწყისი მეოთხედი 22:17 მოიგო.</p><p>ლიტვამ მეორე მეოთხედის დაწყებისთანავე გაზარდა ტემპი. განსაკუთრებით აქტიურობდა კალნიეტისი, მაგრამ მის პასებს უმოწყალოდ ანიავებდა რობერტას იავტოკასი. თუმცა ბალტიისპირელები სწორედ ამ ცენტრის მიერ ჩაგდებული ბურთით გავიდნენ წინ - 32:31 3 წუთითა და 49 წამით ადრე. ქულა ქულაში თამაში დიდ შესვენებამდე გაგრძელდა და ლიტვამ ტაიმი სამი ქულით მოიგო - 43:40.</p><p>მეორე ტაიმის სტარტზე ჩინეთს მისმა მთავარმა იარაღმა - სამქულიანმა ტყორცნებმა უღალატა. სამაგიეროდ, ამ სათამაშო ელემენტში შესანიშნავი იყო მარტინას გეჩევიჩუსი, ვინც სამიდან სამი სამქულიანი ჩააგდო. ტემპს არ აგდებდა კლეიზა და მესამე მეოთხედის დასრულებამდე ორწუთნახევრით ადრე უკვე ლიტვამ მიაღწია ორნიშნა სხვაობას - 59:48, ბოლო მეოთხედის წინ კი ევროპელთა უპირატესობა 13 ქულამდე გაიზარდა.</p><p>თითქოს მატჩის ბედი ბოლო მეოთხედის სტარტზე გადაწყდა - 2 წუთი და 10 წამი ჩინეთმა ქულაც ვერ აიღო. რაოდენ საოცარიც არ უნდა იყოს, აზიელებს მეტოქის მწვრთნელი კემზურა დაეხმარა, რომელმაც მოულოდნელად ტაიმაუტის აღება გადაწყვიტა. სწორედ ამ პაუზის შემდეგ შემცირდა სხვაობა 5 ქულამდე და რომ არა კლეიზას აქტიურობა, ვინც იცის როგორ წარიმართებოდა მატჩის დასკვნითი ნაწილი. საბოლოოდ, ლიტვამ აღადგინა კომფორტული უპირატესობა და აღარ გასჭირვებია მატჩის თავის სასარგებლოდ დასრულება.</p><p>მატჩის გმირად ლინას კლეიზა აღიარეს. "ტორონტოს" ფორვარდმა თამაშიდან 20-ჯერ ისროლა და 14 ჩააგდო, 30 ქულა დააგროვა და ამას ცხრა მოხსნაც დაუმატა. რაც შეეხება იანლიანს, მან მართალია ორმაგი დუბლი მიითვალა, მაგრამ საერთო ჯამში პასიური იყო და სწორედ ამან განაპირობა ჩინელთა უშანსობა აღნიშნულ შეხვედრაში.</p><p><strong>ლიტვა-ჩინეთი 78:67</p><p></strong>17:22, 26:18, 21:11, 14:16</p><p>ლიტვა: კლეიზა (30+9 მოხსნა), გეჩევიჩუსი (14), კალნიეტისი (11+5 პასი), პოციუსი (7), იანკუნასი (5+7 მოხსნა), იავტოკასი (4+7 მოხსნა), იასაიტისი (4+8 მოხსნა), დელინიკაიტისი (3), მაჩიულისი (0+4 მოხსნა), კლიმავიჩუსი.</p><p>ჩინეთი: ლიუ ვეი (21), ვან ჟიჟი (11+7 მოხსნა), იი იანლიანი (11+12 მოხსნა), შიპენი (10), იუე (9), პენი (5), დინი, შულონი, სუ ვეი.</p><p>არგენტინისა და ბრაზილიის მატჩი არამარტო მერვედფინალური ეტაპის, არამედ მთლიანად ტურნირის მშვენება გახდა. ეს იყო აბსოლუტურად თანაბარი ძალის მეტოქეთა შეხვედრა, სადაც ყველაფერი ნერვების სიმტკიცემ და გენიალური ლუის სკოლას თამაშმა გადაწყვიტა.</p><p>ბრაზილიელთა რიგებში ირიცხებიან ისეთი მოთამაშეები, რომლებსაც შეეძლოთ "ჰიუსტონის" მძიმე ფორვარდის ნეიტრალიზაცია, მაგრამ ვერც ვარეჟაომ და ვერც ტიაგო სპლიტერმა ვერ მოახერხეს ტურნირის საუკეთესო ბომბარდირის ნეიტრალიზაცია.</p><p>პრაქტიკულად მთელი თამაში ქულა ქულაში მიდიოდა და შეხვედრის პერიპეტიების დაწვრილებით აღწერა შორს წაგვიყვანს. ამიტომაც რამდენიმე მნიშვნელოვან მომენტზე გავამახვილებთ თქვენს ყურადღებას. არგენტინა ყველაზე დიდი სხვაობით მეორე მეოთხედის დასრულებამდე ერთი წუთით დაწინაურდა - 43:38, მაგრამ ამის შემდეგ ბრაზილია 10:3 გაიქცა და პირველი ტაიმი ორი ქულის სხვაობით მოიგო.</p><p>არგენტინამ ეს ჩამორჩენა მესამე მეოთხედში გააბათილა, მაგრამ ბოლო 10-წუთეულის სტარტზე კრიტიკულ სიტუაციაში აღმოჩნდა - ბარბოზას ორი სამქულიანით მატჩში ყველაზე დიდი სხვაობა დაფიქსირდა - 72:66 ბრაზილიელთა სასარგებლოდ. მაგრამ იქვე ჰასენმა ასევე ორი შორეული ტყორცნა მოათავსა კალათში და ანგარიში ისევ გათანაბრდა.</p><p>ამის შემდეგ არგენტინამ საბოლოოდ იგდო ხელთ ინიციატივა და სტაბილურად ინარჩუნებდა 2-4-ქულიან უპირატესობას, მაგრამ როგორც კი წინ გაიჭრებოდა, ბრაზილიელთა რიგებში საუკეთესო მარსელო უერტასი (33 ქულა) სამქულიანებით ინტრიგას უბრუნებდა შეხვედრას.</p><p>საფინალო სირენამდე ორი წუთით ადრე სპლიტერმა ორი საჯარიმოთი კიდევ ერთხელ ორ ქულამდე შეამცირა სხვაობა და ამის შემდეგ, მორიგი ბენეფისი მოიწყო ლუის სკოლამ. ჰიუსტონელმა ბოლო ორწუთიან მონაკვეთში 10 ქულა ჩააგდო, აქედან რვა ქულა ზედიზედ აიღო, ხოლო ბოლო წამზე ორი ზუსტი საჯარიმოთი წერტილი დაუსვა შეხვედრას. მისმა საერთო მონაგარმა 37 ქულა (!) შეადგინა, არგენტინა კი მეოთხედფინალში გავიდა, სადაც ლიტვის ნაკრებს შეხვდება.</p><p><strong>არგენტინა-ბრაზილია 93:89</p><p></strong>25:25, 21:23, 20:18, 27:23</p><p>არგენტინა: სკოლა (37+9 მოხსნა), დელფინო (20), ჰასენი (15+5 მოხსნა), ობერტო (7+5 მოხსნა), პრიჯიონი (6+8 პასი), გუტიერესი (6), სეკერა (2), გონსალესი, კინტეროსი, კამერხსი.</p><p>ბრაზილია: უერტასი (32), ბარბოზა (20), მაშადო (10), სპლიტერი (10+5 მოხსნა), გარსია (7), ვარეჟაო (7+5 მოხსნა), ჯოვანიონი (3), ბეკერი, დოს სანტოსი, ვიეირა.</p><p>1/4 ფინალი</p><p>8 სექტემბერი</p><p>სერბეთი-ესპანეთი</p><p>თურქეთი-სლოვენია</p><p>9 სექტემბერი</p><p>აშშ-რუსეთი</p><p>ლიტვა-არგენტინა <p> </p> <p></p><p>ფოტო:</p><p>SCOLA - ლუის სკოლა</p> <p> </p></p>
გერმანიამ სერბეთი დაამარცხა და მსოფლიოს ჩემპიონი გახდა
ზედიზედ მეორედ - აშშ მსოფლიოს ჩემპიონატზე უმედლოდ დარჩა [VIDEO]
დონჩიჩის ლიდერობით - სლოვენიამ იტალია ბოლო წამებზე დაამარცხა [VIDEO]
ინძაგიმ გამორიცხა - იტალიის ნაკრების მთავარი მწვრთნელის პოსტზე მანჩინის ვარიანტი რჩება
კვერნაძის 74 წუთი და "ფროზინონეს" მორიგი გამარჯვება
[VIDEOS] გულიაშვილმა ესპანეთში დუბლი შეასრულა
სამწუხარო მარცხი ფინალში - ბასილაშვილი მონტეკარლოს ძირითად ბადეში ვერ მოხვდა
პაოლო მადლინი შესაძლოა, იტალიის ფეხბურთის ფედერაციის პრეზიდენტი გახდეს
[VIDEO] ლუკა გადრანმა "ბეითარში" სადებიუტო გოლი გაიტანა
[VIDEO] ყაზაიშვილმა ჩინეთის ჩემპიონატში ეფექტური გოლი გაიტანა
პეპ გვარდიოლამ "ლივერპულთან" პირადი რეკორდი დაამყარა
ოჩხიკიძის 21 პასი და ბათუმის რეკორდული გამარჯვება | თსუ რეგულარულის მოგების ზღვარზეა
ფუტსალის ნაკრები აზერბაიჯანთან ორ ამხანაგურ მატჩს გამართავს
[VIDEO] "ბარსელონა" "რეალს" 7 ქულით გაექცა
U16. სახვაძის დუბლი, კვარაცხელიას ორი საგოლე პასი - საქართველოს ნაკრებმა სამხრეთ აფრიკას მოუგო
[VIDEO] მორიგი გამარჯვება პირველივე რაუნდში - ღვინიაშვილი MMA-შიც შეუჩერებელია!
18 წ. | 3 ლელო საფრანგეთთან
"მამარდაშვილი მთავარი დამნაშავე არ არის" - ინგლისური მედია
გოჩოლეიშვილი შეცვლაზე და "ჰამბურგის" ფრე "აუგსბურგთან"
ზივზივაძე სასტარტოში იყო - "ჰაიდენჰაიმმა" "გლადბახთან" ქულები გაიყო
როგორი შეფასებები მიიღო მამარდაშვილმა "სიტისთან" მატჩში?
[VIDEO] "ლივერპულის" უნუგეშო დაცვა და ოთხი გოლი მამარდაშვილის კარში - "სიტიმ" "წითლებს" ისევ მოუგო
დე ბრუინს ჩემპიონობის ამ სეზონშიც სჯერა - ბელგიელმა "ნაპოლიში" გადასვლის მიზეზი ახსნა