<p>ახლოვდება ეროვნული საკალათბურთო ასოციაციის სატრანსფერო ბაზრის ბოლო დღე და სულ უფრო აქტიურად განიხილავენ მომავალ ხმაურიან ტრეიდებს <br> ახლოვდება ეროვნული საკალათბურთო ასოციაციის სატრანსფერო ბაზრის ბოლო დღე და ამერიკულ პრესაში სულ უფრო აქტიურად განიხილავენ მომავალ ხმაურიან ტრეიდებს.</p><p>ESPN საკუთარ წყაროზე დაყრდნობით წერს, რომ "ბოსტონი" აქტიურად ცდილობს რაჟონ რონდოს გაცვლას. იტყობინებიან, რომ კლუბის ხელმძღვანელობა უკმაყოფილოა კალათბურთელის კონფლიქტით მწვრთნელ დოკ რივერსთან. ხოლო იმის გამო, რომ კლუბში აღარ სჯერათ ჩემპიონობის, ბოსტონელებს არ სურთ რონდოს გარშემო ახალი გუნდის შენება.</p><p>ასევე წერენ, რომ დეკემბერში "სელტიქსი" მოლაპარაკებებს აწარმოებდა "გოლდენ სტეიტთან" რონდოს სტივენ კარიში გაცვლის თაობაზე, მაგრამ გარიგება "უორიორზის" გამო არ შედგა.</p><p><strong></p><p>* * *</strong></p><p>ერთბაშად რამდენიმე წყარო იუწყება, რომ "ნეტსი" მზად არის თავისი ძირითადი ცენტრი ბრუკ ლოპესი "გოლდენ სტეიტს" მცველ მონტა ელისში გაუცვალოს. "მეომრების" ხელმძღვანელებმა ამაზე უპასუხეს: ელისში მხოლოდ ლოპესი ცოტაა. "გოლდენ სტეიტი" ელისს იმ შემთხვევაში დათმობს, თუ "ნეტსი" ლოპესის გარდა კიდევ ერთ მოთამაშეს გაიმეტებს.</p><p><strong>* * *</p><p></strong>ელისის გვარი სხვა ჭორშიც ფიგურირებს. ამ კალათბურთელით "ორლანდო" დაინტერესდა. როგორც ირკვევა, "მეჯიქს" მონტა ელისი დუაიტ ჰოვარდის შესანარჩუნებლად სჭირდება. კლუბის ხელმძღვანელობას იმედი აქვს, რომ ელისის შეძენით დაარწმუნებს "სუპერმენს" გუნდის კონკურენტუნარიანობაში და საბოლოოდ დუიატი არ მოისურვებს გუნდის დატოვებას.</p><p>წლევანდელ სეზონში მონტა საშუალოდ 22.2 ქულას აგროვებს, რაც ლიგაში მეშვიდე მაჩვენებელია.</p><p><strong>* * *</p><p></strong>სავარაუდოდ, "ფინიქსში" დარჩება ვეტერანი გამთამაშებელი სტივ ნეში. კლუბის ხელმძღვანელობამ განცხადებით უპასუხა ჭორს იმის შესახებ, თითქოს "ორლანდო" აპირებდა "სანზისთვის" ნეშის ტრეიდზე წინადადებით მიმართვას.</p><p>არიზონელთა განცხადების მიხედვით, "სანზი" ნეშის გაცვლას არ აპირებს. "ჩვენ სტივს სხვა გუნდში მხოლოდ მაშინ გავუშვებთ, როცა თავად მოითხოვს ტრეიდს", - ასეთია "ფინიქსის" პოზიცია. შეგახსენებთ, რომ თავად კანადელმა მცველმა არაერთხელ განაცხადა, რომ "ფინიქსის" დატოვებას არ გეგმავს.</p><p><strong>* * *</p><p></strong>ბოლო ორი რეგულარულის საუკეთესო ბომბარდირმა კევინ დურანტმა განაცხადა, რომ ყველაფერი აწყობს თავის დღევანდელ გუნდში.</p><p>"ოკლაჰომაში" თავს კარგად ვგრძნობ და ჯერ არსად წასვლას არ ვაპირებ. მომწონს ეს ქალაქი და ჩემს დღევანდელ თანაგუნდელებთან ერთად მოედანზე გასვლა.</p><p>თან კლუბთან მრავალწლიანი კონტრაქტი მაქვს გაფორმებული. ოდესღაც, შესაძლოა, თავისუფალი აგენტი გავხდე და ყველაფერი შეიცვალოს, მაგრამ ახლა მხოლოდ სიამოვნების მიღება მინდა კალათბურთისგან", - განაცხადა დურანტმა.</p><p><strong>ბრიტანეთი ძლიერდება</p><p></strong>"შარლოტ ბობკეტსის" ცენტრმა ბაირონ მალენსმა მოაგვარა ბრიტანული პასპორტის მიღებისთვის საჭირო ყველა ფორმალობა. ასე რომ, 23 წლის კალათბურთელი 2012 წლის ოლიმპიურ თამაშებზე ბრიტანეთის ნაკრების ღირსებას დაიცავს.</p><p>ოჰაიოელმა კალათბურთელმა 32 მატჩი ჩაატარა "შარლოტის" რიგებში. მისი საშუალო მონაგარი 9.4 ქულა, 4.2 მოხსნა და 0.7 შედეგიანი გადაცემაა. ის 2009 წლის დრაფტზე 24-ე ნომრად აირჩია "დალასმა".</p><p>ბრიტანეთის ნაკრების ლიდერმა, "ჩიკაგოს" ფორვარდმა ლუოლ დენგმა განაცხადა, რომ უკვე ელაპარაკა ბაირონს ბრიტანელთა რიგებში სავარაუდო დებიუტზე. "როცა "შარლოტს" ვეთამაშებოდით, ბაირონს ამ საკითხზე გავესაუბრე. მე მგონი, კმაყოფილი ჩანს", - ამბობს დენგი ინგლისურ პრესაში.</p><p><strong>პატიმრობა მილების მოპარვისთვის</p><p></strong>NBA-ს ყოფილი კალათბურთელი ორლანდო ვულდრიჯი ქალაქ დესოტო პერიშში მიწის სათხრელი აგრეგატიდან ალუმინის მილების</p><p>მოპარვისთვის დააპატიმრეს.</p><p>ვულდრიჯს ბრალი წაუყენეს 1500 დოლარის ოდენობის ქონების მოპარვაში და მას შემდეგ გაათავისუფლეს, რაც ყოფილმა კალათბურთელმა გირაოს სახით 2000 დოლარი შეიტანა.</p><p>52 წლის ვულდრიჯი NBA-ში 1981-94 წლებში თამაშობდა. მისი პირველი კლუბი იყო "ჩიკაგო ბულზი", შემდეგ რამდენიმე გუნდი გამოიცვალა და კარიერა "ფილადელფიაში" დაასრულა. ამის შემდეგ კალათბურთელი ორი წელი ევროპაში თამაშობდა.</p><p>კარიერის დასრულების შემდეგ ვულდრიჯმა მწვრთნელობას მიჰყო ხელი და ქალების NBA-ში მუშაობდა. დღეს ის ABA-ის ლიგაში აგრძელებს სამწვრთნელო კარიერას.</p><p><strong>ყოველდღიური სპორტული გაზეთი "ლელო"</strong></p>
იქ, სადაც განსაკუთრებულად უყვართ - დემიენ ლილარდი "პორტლენდში" დაბრუნდა
იოკიჩმა "დენვერს" შეატყობინა, რომ კონტრაქტს არ გაახანგრძლივებს
"NBA-ის ისტორიაში საუკეთესო მექულე ვარ" - პოლ პირსი
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია
ოფიციალურად: "კოლოსმა" ზურაბ რუხაძე წარადგინა
ტიაგო მოტამ შესაძლოა, ბუნდესლიგის ბინადარი გუნდი ჩაიბაროს
როდრიმ მისი აზრით "ოქროს ბურთის" ორი ფავორიტი დაასახელა
"სექსის დროს არ მინახავს, არ იცოდა, რომ კამერებზე წვდომა მქონდა..." - როგორ გაიგო ღალატის შესახებ არგენტინელი ვარსკვლავის მეგობარმა გოგონამ
ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს
ქოჩორაშვილი: აქამდე სწორედ იმიტომ მოვედით, რომ არასდროს ვნებდებით
ევრობასკეტის მთავარი სენსაცია - სერბეთის ნაკრები ფინეთთან დამარცხდა და ტურნირს გამოეთიშა
"შავი ლომი" "ძებრესთან" დამარცხდა
ლუქსემბურგის ახალგაზრდული ნაკრების ავტობუსი გზაში გადატრიალდა
გატუზო თავის სტიქიაშია - ზოგს წაუთაქა, ზოგს სილა გააწნა
დუე და დემბელე ლაზარეთში, ლუის ენრიკე საოპერაციო მაგიდაზე - რა ხდება პსჟ-ში?
ბულგარელთა მწვრთნელი: შეგვიძლია ის დანაკლისი აღმოვფხვრათ, რაც ჩვენი და საქართველოა ნაკრების ფეხბურთელების ხარისხს შორისაა
დავითაშვილი: ასეთები ხდება, მთავარია, ახლა არ გავიმეოროთ
სანიოლი: ისე ხდება, როგორც სკოლაში - გვირჩევნია ახალ ტაქტიკაზე ახლავე გადავეწყოთ
ანრის გაუთანაბრდა - მბაპე საფრანგეთის ნაკრებში ყველა დროის რეკორდისკენ მიდის
მატჩის დღე - ქართველებსა და ბულგარელებს ცუდად დაწყებულის გამოსწორება სურთ!