<p>ვერცხლის მედალი ის მიზანი არ არის, რისთვისაც "პარკ დე პრენსზე" კარლო ანჩელოტის უხმეს <br> "პარი სენ-ჟერმენი" ლიგა 1-ის ცხრილს სათავეში 24 სექტემბერს "მონპელიესთან" გასვლაზე 3:0-ის მოგების შემდეგ ჩაუდგა და მას მერე მეორე ადგილის ქვემოთ აღარც დაშვებულა.</p><p>ამის საფრთხე დედაქალაქურ გრანდს სეზონის ბოლომდე ნაკლებად ემუქრება, თუმცა ვერცხლის მედალი ის მიზანი არ არის, რისთვისაც "პარკ დე პრენსზე" კარლო ანჩელოტის უხმეს. ჩემპიონატში ზედიზედ ნათამაშები 3 ფრის შემდეგ (ნიცა 0:0, მონპელიე 2:2, ლიონი 4:4) "ლურჯ-წითლები" სწორედ ამ ადგილზე არიან.</p><p>წინა ორი ტურისგან განსხვავებით, ამჯერად მათ ლიგა 1-ის გრანდთან ჭიდილი აღარ უწევთ, მაგრამ საქმე მთლად ასე იოლადაც არ არის, როგორც ეს შეიძლება ჩვენს მკითხველს მოეჩვენოს: კორსიკელებს ყველა ტურნირში ერთად აღებული ბოლო 11 შეხვედრაში ძირითად დროში მხოლოდ 1 წაგება აქვთ (მონპელიე 0:3), რისი წყალობითაც ჩემპიონატში საგრძნობლად გამოასწორეს საქმე - მე-20 ადგილიდან მე-16-ზე აღზევდნენ.</p><p>პარიზელებს 3 ქულის აღება მართებთ, თუ არა და ლიდერი შეიძლება მეტისმეტად გაუფრინდეთ... თუ პირველ წრეში ამ გუნდების დაპირისპირებას გავიხსენებთ, მაშინაც ისმოდა ჩვენი ფრანგი კოლეგების შეძახილები, "ფრანსუა კოტიზე" ისტორიაში არასოდეს უმარჯვიათ და ახლაც გაუჭირდებათო, მაგრამ მაშინ სტუმრებმა კევინ გამეიროს ჰეთ თრიკის წყალობით 3:1 იძალეს.</p><p>"ლიონთან" თამაში მართლა კარგად დავიწყეთ, თუმცა მერე კონცენტრაცია არ გვეყო. თითქოს მინდორზე დავიკარგეთ და დროის მოკლე მონაკვეთში ზედიზედ 3 ბურთი გავუშვით. არადა ისეთი გუნდის წინააღმდეგ, როგორიც "ლიონია", ეს დაუშვებელი იყო. მსგავსი მოდუნების შემთხვევაში მას იოლად შეუძლია მეტოქის დასჯა.</p><p>თამაშს ბოლოსღა დავუბრუნდით, ძალები მოვიკრიბეთ და ქულა დავიმსახურეთ. მატჩის ასე შემობრუნებამ ჩვენზე დადებითად იმოქმედა.</p><p>კვირის შეხვედრას მოუთმენლად ველოდები. რა თქმა უნდა, მხოლოდ მოსაგებად ვიბრძოლებთ. ამიერიდან ქულის დაკარგვის უფლებაც კი აღარ გვაქვს. ყველა ტურნირში ერთად ზედიზედ 14 მატჩია არ წაგვიგია. "ლიონთან" მომეჩვენა, რომ ეს რაღაცის დასაწყისი იყო და მისი შენება სწორედ "აიაჩოსთან" უნდა დავიწყოთ", - განაცხადა პსჟ-ის მარჯვენა მცველმა კრისტოფ ჟალემ.</p><p>თავის მხრივ კორსიკელები ყველაფერს გაიღებენ, რომ გასავარდნ ზონაში აღარ დაეშვან. ბოლო სამი თვის განმავლობაში ამ მიზნის მისაღწევად მათ ძალიან ბევრი ოფლი დაღვარეს. არადა, ოლივიე პანტალონის ბიჭები ჯერ ნამდვილად არ აქვთ უფლება თავი სამშვიდობოს დაიგულონ, რადგან მე-18 ადგილს სულ 3 ქულით არიან დაშორებულები.</p><p><span style="color: #ff0000;"><strong>საფრანგეთი. ლიგა 1. XXVI ტური</strong></span></p><p><em>3 მარტი</em></p><p>დიჟონი-მონპელიე 22:00</p><p>ლილი-ოსერი 22:00</p><p>მარსელი-ტულუზი 22:00</p><p>ნანსი-ლიონი 22:00</p><p>სტ. ეტიენი-ევიანი 22:00</p><p>სოშო-ვალანსიენი 22:00</p><p>ბორდო-ნიცა 00:00</p><p><em>4 მარტი</em></p><p>კანი-ბრესტი 20:00</p><p>პსჟ-აიაჩო 20:00</p><p>ლორიანი-რენი 00:00</p><p><span style="color: #ff0000;"><strong>სატურნირო ცხრილი</strong></span></p><p>თ მ ფ წ ბ ქ</p><p>1. მონპელიე 25 16 5 4 48-25 53</p><p>2. პსჟ 25 15 7 3 44-25 52</p><p>3. ლილი 25 12 10 3 43-27 46</p><p>4. სტ. ეტიენი 25 12 7 6 33-26 43</p><p>5. ლიონი 25 12 4 9 41-32 40</p><p>6. რენი 25 11 7 7 34-30 40</p><p>7. ტულუზი 25 11 7 7 27-23 40</p><p>8. მარსელი 24 10 9 5 34-23 39</p><p>9. ბორდო 25 9 9 7 30-28 36</p><p>10. ვალანსიენი 25 8 6 11 26-27 30</p><p>11. ბრესტი 25 5 14 6 22-22 29</p><p>12. ევიანი 24 6 9 9 33-37 27</p><p>13. კანი 25 7 6 12 30-37 27</p><p>14. ლორიანი 25 6 9 10 24-32 27</p><p>15. დიჟონი 25 7 5 13 30-44 26</p><p>16. აიაჩო 25 6 8 11 27-43 26</p><p>17. ნიცა 25 5 8 12 23-29 23</p><p>18. ნანსი 25 5 8 12 22-35 23</p><p>19. ოსერი 25 4 10 11 30-38 22</p><p>20. სოშო 25 4 8 13 22-40 20</p><p><strong>ყოველდღიური სპორტული გაზეთი "ლელო"</strong></p>
პსჟ-ს ტრავმის გამო კიდევ ერთი ფეხბურთელი გამოაკლდა
"სიტი" პსჟ-ს კიდევ ერთი ვარსკვლავის გადაბირებას ცდილობს
"ზაბარნის ყველაფერში დავეხმარები" - მარკინიოსმა უკრაინელ მცველს თანადგომა აღუთქვა
ბერნალს 382 დღე გაუცდა და "ბარსელონამ" კონტრაქტი გაუხანგრძლივა
კონტე: "მილანთან" დავმარცხდით და არა რომელიმე აუტსაიდერთან
"მანჩესტერ იუნაიტედი" ამორიმის შემცვლელად, ინგლისის ნაკრების ყოფილი მწვრთნელს მოიაზრებს
საერთაშორისო აღიარება - საქართველოს ხმა მსოფლიო ველოსპორტის არჩევნებში
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
წიტაიშვილი და აბუაშვილი შეცვლაზე და "მეცის" ფრე "ჰავრთან"
იური ტაბატაძე შეცვალეს - "კადისი" "სეუტასთან" ფრეს დასჯერდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
[VIDEO] ლომინაძე და ქოჩორაშვილი შეცვლაზე შევიდნენ - "სპორტინგმა" "ნაპოლიმდე" "ეშტორილს" სძლია
"[VIDEO] ბარსელონასთან" მატჩის წინ ხვიჩამ ტრავმა მიიღო - პსჟ-მ "ოსერს" მცველების გოლებით მოუგო
მიქაუტაძის 73 წუთი - "ვილიარეალმა" "ატლეტიკი" დაამარცხა და ზედიზედ მესამე გამარჯვება მოიპოვა
დავითაშვილი შეცვალეს - "სენტ-ეტიენი" სახლში "გენგამთან" დამარცხდა
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ