- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ივო კატუშიჩი: ქართველები 10 წელი თამაშობენ და ბურთთან ვარჯიშის აზრზე არ არიან
<p>ქუთაისის ”ტორპედოს” ფიზმომზადების ხორვატი მწვრთნელი გუნდში თავის რთულ მისიაზე საუბრობს <br> ქუთაისის "ტორპედოს" სამწვრთნელო შტაბის ფიზმომზადების ხორვატი მწვრთნელი <strong>ივო კატუშიჩი</strong> გახლავთ. იგი 1979 წლის 5 აგვისტოს დაიბადა ხორვატიის ქალაქ სპლიტში. იქვე დაამთავრა სკოლა და სპორტის ინსტიტუტი (2002), რის შემდეგაც საკმაოდ ვიწრო სპეციალიზაციით - ფიზმომზადების მწვრთნელი ფეხბურთში, მუშაობას შეუდგა.</p><p><strong>- ივო, თავიდან ალბათ ფეხბურთის თამაშით დაიწყეთ...</p><p></strong>- კი, მაგრამ ფეხბურთი 15 წლამდე ვითამაშე და როცა შევხედე, რომ ჩემში ფეხბურთელის ტალანტი არ იყო, გადავედი მძლეოსნობაში. 400 და 800 მეტრზე სირბილში ხორვატიის ჩემპიონატის გამარჯვებულიც არაერთხელ ვყოფილვარ და პრიზიორიც, მაგრამ ისეთი შედეგები არ მქონდა, რომ დიდ საერთაშორისო დონეზე გავსულიყავი.</p><p>20 წლისამ მძლეოსნობასაც თავი დავანებე და მთლიანად გადავერთე მწვრთნელობაზე. ინსტიტუტში სწავლის II კურსიდან დავიწყე ბავშვების წვრთნა. ხშირად ვესწრებოდი გამოცდილი მწვრთნელების ვარჯიშებს. ნელ-ნელა შევუდექი დამოუკიდებელ პრაქტიკას ხორვატიის მე-3 დივიზიონიდან მოყოლებული უმაღლეს ლიგამდე.</p><p>სხვადასხვა დროს მიმუშავია: ხორვატიაში - "შიბენიკში", სპლიტის "ჰაიდუკში", "სოლინში", ბოსნიაში - "პოსუშეში", აზერბაიჯანში - "ოლიმპიკში" (ახლანდელი "აზალი").</p><p><strong>- საქართველოში როგორ მოხვდით?</p><p></strong>- აზერბაიჯანში მუშაობისას ჩვენთან დაახლოებით ნახევარი სეზონი თამაშობდა მიხეილ ხუციშვილი. ერთხელ მან მითხრა, რომ თბილისის "დინამოს" უნდოდა ჩემთან ურთიერთობის დამყარება. მართლაც შევხვდით, მოვილაპარაკეთ და მეც 2009 წლის ზაფხულში აქ გადმოვედი.</p><p><strong>- მერე იყო "ზესტაფონი" - ერთი წელი და ახლა ქუთაისის "ტორპედო"...</p><p></strong>- ის განსხვავებაა, რომ "ტორპედოსთან" 2-წლიანი კონტრაქტი მაქვს.</p><p><strong>- თქვენი სპეციალიზაცია მხოლოდ ფეხბურთით ისაზღვრება, თუ უფრო ფართო პროფილი გაქვთ?</p><p></strong>- ესაა ძალიან ვიწრო სპეციალიზაცია. სხვაზე ვერ ვიტყვი, მაგრამ მე ფეხბურთის გარდა, სპორტის ვერცერთ სახეობაში ვიმუშავებ.</p><p><strong>- ხართ "ტორპედოში" და იცით ამ გუნდის გეგმები. როგორია თქვენი ადგილი ამ გეგმების შესრულებაში?</p><p></strong>- ჩვენ ახალგაზრდა გუნდს ვაყალიბებთ და ყველას ძალიან ბევრი სამუშაო გვაქვს. ჩემი ამოცანაა ფეხბურთელებს ვარჯიშის სწორი მიმართულებები დავუსახო. როცა ყველას ეცოდინება, როგორ უნდა ივარჯიშოს, მერე დავიწყებთ ფიზიკური მომზადების საჭირო დონეზე აყვანას.</p><p>სამწუხაროდ, საქართველოში სიძნელეებს ვაწყდებით. მაგალითისთვის, გუნდში მყავს ფეხბურთელები, რომლებიც 10 წელი თამაშობენ ფეხბურთს, მაგრამ საკუთარი სხეულის და ბურთთან ვარჯიშის აზრზე არ არიან. რთულია, მაგრამ თუ დასახული მიზნის მიღწევა გვინდა, ამ სიტუაციის გამოსწორება მოგვიწევს.</p><p>ეს რომ მოხდეს, ჩამოყვანილ მწვრთნელებზე კი არაა აქცენტის გაკეთება საჭირო, ადგილზე საკუთარი კადრები უნდა მომზადდეს. სხვაგვარად ქართული ფეხბურთი ვერ განვითარდება.</p><p>როცა 20 წლის ხარ, ძნელია ფეხბურთელი გახდე. ამ ასაკისთვის ტაქტიკური, ტექნიკური და ფიზიკური განათლება უნდა გქონდეს იმ დონეზე, რომ მხოლოდ დახვეწაზე იმუშავო. საქართველოში კი, უკეთეს შემთხვევაში, სწორედ ამ ასაკში იწყებენ განათლების მიღებას, რაც უკვე დაგვიანებულია.</p><p><strong>- ე.ი. თქვენ საძირკველს აშენებთ?</p><p></strong>- სამწუხაროდ, ასეა.</p><p><strong>- "ტორპედოში" საფეხბურთო აკადემია ყალიბდება, სადაც საფეხბურთო კადრების მომზადებას ადრეული ასაკიდანვე შეუდგებით...</p><p></strong>- მე კლუბში მყავს თანაშემწე შალვა ღონღაძე, რომელსაც აკადემიისა და დუბლშემადგენლობასთან მუშაობა უწევს. მე კი დუბლებთან და პირველ გუნდთან ვმუშაობ.</p><p><strong>- ალბათ ოჯახთან განშორება გიჭირთ. არ გიფიქრიათ ოჯახის წევრების აქ ჩამოყვანა?</p><p></strong>- მყავს მეუღლე და წლინახევრის ვაჟი. ისინი მარტის შუა რიცხვებში ჩამოვლენ და ჩემპიონატის ბოლომდე ჩემთან დარჩებიან. ზაფხულში ისევ ხორვატიაში წავლენ და ვფიქრობთ, საქართველოში სექტემბრიდან ისევ შემომიერთდებიან.</p><p><strong>- როგორც ჩანს, საქართველოში მუშაობისას დაქორწინებულხართ...</p><p></strong>- "ზესტაფონში" მუშაობის დაწყებამდე რამდენიმე დღით ადრე - 2010 წლის 4 ივნისს ვიქორწინე და 10-ში გუნდს ავსტრიაში შევუერთდი შეკრებაზე.</p><p><strong>- ცოტა რამ საქართველოზე მოგვიყევით...</p><p></strong>- აქ საკმაოდ სასიამოვნო, სტუმართმოყვარე ადამიანები ცხოვრობენ, რომლებიც რაღაცით ხორვატებს მაგონებენ. ერთგვარი უცნაურობები აქაც შეინიშნება, მაგრამ ამ მხრივ გამონაკლისები არც ხორვატები ვართ.</p><p>ქვეყანას რაც შეეხება, აქ უკვე 3 წელი ვმუშაობ და, საერთო მდგომარეობის მხრივ, რაღაც პროგრესი შეინიშნება. რაც თვალში მხვდება და არ მსიამოვნებს, საგზაო ინფრასტრუქტურაა. კი ამბობენ, რომ თუ რამე გამოსწორდა, ყველაზე მეტად გზების მშენებლობა გამოსწორდაო, მაგრამ ე.ი. მანამდე იყო ძალიან ცუდად საქმე.</p><p>ქუთაისში რასაც ჯერ კიდევ ვერ ვგებულობ, ესაა წყალი გრაფიკით. შეიძლება ეს აქ ჩვეულებრივი ამბავია და ასეც უნდა იყოს, მაგრამ მე არ ვარ მიჩვეული ამას და იმიტომაც ვუსვამ ხაზს ამ უხერხულობას.</p><p><strong>- ივო, თქვენ მეტ-ნაკლებად კარგად იცით კონკურენტი გუნდების ფიზმომზადება. რა შანსი აქვს "ტორპედოს" მეტოქეებთან ჭიდილში უკეთესი სპორტული შედეგის ჩვენების საქმეში?</p><p></strong>- ასე ვიტყოდი, კარგი ფიზმომზადება გუნდს ძალიან ეხმარება კარგი შედეგის ჩვენებაში, მაგრამ მთავარი ტაქტიკა ტექნიკური მომზადება, გამოცდილებაა.</p><p><strong>- ბოლოს, თქვენს საფეხბურთო გეგმებზეც გვითხარით...</p><p></strong>- ჩემი გეგმის უახლოესი წელიწადნახევარი "ტორპედოს" უკავშირდება. მერე ვნახოთ, რა იქნება. სიმართლე გითხრათ, 3-4 წელი კიდევ მინდა უცხოეთში ვიმუშავო და სამშობლოში მერე დავბრუნდე.</p><p><strong></p><p>fctorpedo.ge</strong></p>
-
dudu
ეს კაცი მართალს ამბობს სამწუხაროდ. არ იცით, რო ქართველ ბავშვებს თამაშს არ ასწავლიან? ვერ ხედავთ, რო ქართველი ფეხბურთელი არაკონკურენტუნარიანია ევროპაში? 40 წუთში რო დაამთავრა, ის ვარჯიში შესაძლოა, 40 წუთი უნდა გაგრძელებულიყო სწორედ.
-
shoda
მეტის ღირსი ვართ! უამრავი კარგი სპეციალისტი ჩაწიხლული, შეურაწყოფილი დადის და ამ დროს ვიღაც (ღმერთმა იცის ვინ) ჩამოყავთ და გენიოსი ჰგონიათ!!
-
beso
სიმართლე გითხრათ მაგ კაცის ვარჯიშზე შემთხვევით მოვხვდი, 40 წუთში დაამთავრა 25 კაცთან ვარჯიში.. ამ დატვირთვით ქუთაისის ტორპედო ქუთაისის პირველობასაც კი ვერ მოიგებს
[VIDEO] ვინ ვის ურტყამდა რთულად გასარჩევი იყო - გუნდი-გუნდზე ჩხუბი ბრაზილიის ჩემპიონატში
თუ ითამაშებს ხვიჩა ნაკრებში და ვნახავთ იტალიას მუნდიალზე? - მარტის მთავარი ამბები
"სჯობდა საერთოდ არაფერი ეთქვა" - კომპანიმ მოურინიო გააკრიტიკა
პერესის რჩეული - "რეალი" ოლისეს სუპერ ტრანსფერისთვის ემზადება?
სპალეტის იმედი აღარ აქვს - კლუბი დევიდის წასვლას ხელს არ შეუშლის
ახალი კონტრაქტი "ჯენოასგან" - დე როსის მიწვევა სხვა იტალიურ კლუბებსაც სურთ
"ჩელსის" დიდი დანაკლისი პსჟ-ისთან მატჩის წინ - ლონდონელებს გუნდის კაპიტანი გამოაკლდათ
მე-17 ტურის ბოლო მატჩში "რუსთავმა" გურჯაანში "დელტა" დაამარცხა
VIDEO | ეროვნული ლიგა | დილა 1-0 ტორპედო. რამდენი რამ იყო "პირველად"...
დიხამინჯიამ 7 ბურთი გაიტანა, გავაშელიშვილმა და ცხოვრებაძემ 5-5, 4 გოლია კალანდაძის ანგარიშზე
საქართველოს ნაკრები რუმინეთთან ამხანაგურ მატჩს გამართავს
"რასიზმი სირცხვილია, მაგრამ მოედნიდან არ უნდა გავდიოდეთ" - ხეფრენ ტურამი
[VIDEO] კიდევ ეს უნდოდა? - იგორ ტუდორის კურიოზული ვიდეო სოციალურ ქსელში ვირუსულად ვრცელდება
ბათუმმა ზედიზედ მეოთხე გამარჯვება ორბთან იზეიმა
[VIDEO] პსჟ-მდე "ჩელსი" სახლში "ნიუკასლთან" დამარცხდა
[VIDEO] აკი პუტინი არ ვარო - ლაპორტა მესამედ გახდა "ბარსელონას" პრეზიდენტი და წაუცეკვა
[VIDEO] რეგრესი - საქართველოს ნაკრები რაგბი ევროპის ჩემპიონატის ფინალში პორტუგალიასთან დამარცხდა
VIDEO | ეროვნული ლიგა | რუსთავი 1:2 გაგრა. სულ სხვა "გაგრა"...
[VIDEO] სობოსლაის ულამაზესი ჯარიმა და რიშარლისონის გოლი 90-ე წუთზე - "ტოტენჰემი" "ენფილდზე" არ დამარცხდა
[VIDEO] რაფინიას ბენეფისი "სევილიასთან" - "ბარსელონამ"უხვგოლიან დაპირისპირებაში გაიმარჯვა
[VIDEO] წიტაიშვილის საგოლე გადაცემა - "მეცმა" "ტუტუზასთან" ანგარიში 0:2-დან გაათანაბრა
VIDEO | ეროვნული ლიგა | იბერია 1999 0:0 დინამო (თბ). ნულები, რომელიც არ გვიკვირს
სუპერლიგის მე-17 ტური კსუ-ს, "ქუთაისის" და "ივერიონის" მოგებებით დაიწყო