- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
NBA: გამთამაშებლების დღე
<p>ეროვნული საკალათბურთო ასოციაციის მორიგმა სათამაშო დღემ მაყურებელს ორი საინტერესო დაპირისპირება აჩუქა <br> ეროვნული საკალათბურთო ასოციაციის მორიგმა სათამაშო დღემ მაყურებელს ორი საინტერესო დაპირისპირება აჩუქა. "ბოსტონმა" საკუთარ მოედანზე მიიღო "ნიუ იორკი", "ლეიკერსმა" - "მაიამი".</p><p>"სელტიქსი" მიმდინარე სეზონში არც ისე წარმატებით თამაშობს. NBA-ის 17-გზის ჩემპიონები აღმოსავლეთის ცხრილის შუაში არიან და მოგება/წაგების თითქმის თანაბარი შეფარდება აქვთ.</p><p>"ნიქსი" კი, პირველ რიგში, არა საკუთარი თამაშით, არამედ ერთი კალათბურთელის მოქმედებით იწვევს ყურადღებას. მიხვდებოდით, რომ ეს მოთამაშეა ჯერემი ლინი. მთელს ამერიკას "ლინომანია" შეეყარა, თავად კალათბურთელი კი რამდენიმე დღეში ლებრონზე და კობიზე პოპულარული გახდა. თუმცა "ბოსტონის" წინააღმდეგ ლინმა საკმაოდ სუსტი მატჩი ჩაატარა.</p><p>"ნიქსმა" მატჩი კარგად დაიწყო. სტაუდმაიერმა და ფილდსმა პირველივე წუთებიდან უზრუნველყვეს სტუმრების უპირატესობა - 5:0. მაგრამ "ნიუ იორკმა" უპირატესობის განვრცობა ვერ მოახერხა, პირიქით, "ბოსტონმა" 12:0 გაქცევით უპასუხა, რომლის სულისჩამდგმელი 5 ქულით პოლ პირსი გახდა. ცოტა ხანში "ნიქსის" დამრიგებელმა ტაიმ-აუტი აიღო და სტუმრებს პაუზამ უშველა. მართალია, თავიდან "კელტებმა" უპირატესობა 9 ქულამდე გაზარდეს, მაგრამ შემდეგ ენტონიმ, ჯეფრიზმა, ჩენდლერმა და ნოვაკმა "ნიქსი" წინ გაიყვანეს - 29:27.</p><p>ლინმა კი თავისი პირველი ქულები მეორე მეოთხედის სტარტზე მოიპოვა. "ნიუ იორკი" აკონტროლებდა შეხვედრას და ახლოს არ უშვებდა მოწინააღმდეგეს. შუმპერტმა, ჩენდლერმა და ენტონიმ "ნიქსის" უპირატესობა 12 ქულამდე აიყვანეს. დიდ შესვენებამდე "სელტიქსმა" რონდოსა და პირსის მონდომებით სხვაობა 5 ქულამდე შეამცირა.</p><p>მესამე მეოთხედში "ბოსტონმა" გარდატეხა შეიტანა თამაშში. მასპინძლები სისწრაფის ხარჯზე ჯაბნიდნენ მეტოქეს და მესამე 12-წუთეული 29:16 მოიგეს. "სელტიქსი" დიდი ხანი ინარჩუნებდა უპირატესობას, მაგრამ თამაშის გადარჩენა მაინც მას მოუწია. ენტონის მონდომებით “ნიუ იორკმა” საფინალო სირენამდე 5 წამით ადრე სამი ქულით შეძლო წინ გასვლა, მაგრამ პოლ პირსმა, რომელმაც შეხვედრა 34 ქულით დაასრულა, სამქულიანი ჩააგდო და შეხვედრა ოვერტაიმში გადაიყვანა.</p><p>იქ კი რაჟონ რონდო დომინირებდა, რომელიც პასებს არიგებდა, თავადაც ზუსტად ისროდა და ფარქვეშ ბრძოლასაც არ ივიწყებდა. საბოლოოდ, ის მატჩის გმირი გახდა ფანტასტიკური სამმაგი დუბლით – 18 ქულა, 20 პასი და 17 მოხსნა. ეს ბოლო მაჩვენებელი მისი კარიერის რეკორდი გახლავთ. ოვერტაიმი ბოსტონმა 12:8 მოიგო და შეხვედრაში 115:111 გაიმარჯვა.</p><p>ამ გამარჯვებით "სელტიქსი" უფრო დაშორდა "ნიუ იორკს" ცხრილში და მეშვიდე პოზიცია გაიმყარა აღმოსავლეთ კონფერენციაში.</p><p><strong>* * *</p><p></strong>არანაკლებ დაძაბული გამოვიდა შეხვედრა ლოს ანჯელესში. პირველ ორ მეოთხედში მოედანზე ბრაიანტი და კომპანია დომინირებდა. დიდი შესვენებისთვის "ლეიკერსი" გასახდელში 12-ქულიანი უპირატესობით გავიდა.</p><p>"ჰიტის" რიგებში ყველაზე აქტიური ჯეიმსი იყო და სწორედ ის გახდა დევნის მთავარი ინიციატორი. მას ამაში უეიდი და ბატიე ეხმარებოდნენ.</p><p>საბოლოოდ, "ლეიკერსის" სოლიდური უპირატესობისგან მხოლოდ 2 ქულა დარჩა. მაგრამ მასპინძლებმა მეტის გაკეთების უფლება არ მისცეს მეტოქეს.</p><p>მესამე მეოთხედის ბოლოს ჯეიმსმა კინაღამ ჩხუბი მოაწყო მერფისთან, რომელმაც "მეფეს" წინააღმდეგ უხეშად ითამაშა. ურთიერთობის გარკვევამ კარგი არაფერი მოუტანა ლებრონს, რომელმაც დასკვნით მეოთხედში მხოლოდ ორი ქულა დააგროვა. უეიდმა კი მეექვსე პერსონალური მიიღო და შეხვედრა ვადაზე ადრე დაასრულა. საბოლოოდ, "ლეიკერსმა" 93:83 მოიგო. "მაიამიმ" ზედიზედ მეორე მატჩი დათმო.</p><p><strong>* * *</p><p></strong>სხვა მატჩებიდან აღსანიშნავია "დენვერის" ზედიზედ მესამე გამარჯვება, არადა, ეს გუნდი კვლავაც ნენესა და გალინარის გარეშე თამაშობს.</p><p>"ნაგეტსმა" სენსაციურად მოუგო სტუმრად "სან ანტონიოს" და ჩაუმწარა ამ გუნდს მანუ ჯინობილის დაბრუნებით გამოწვეული სიხარული.</p><p>მატჩის გმირი ტაი ლოუსონი იყო, რომელმაც 22 ქულა და 11 შედეგიანი გადაცემა დააგროვა. ბოლო წამებზე "სან ანტონიოს" შეეძლო თამაშის გადარჩენა, მაგრამ ნილის შორეული ტყორცნა მიზანს აცდა.</p><p>დერონ უილიამსის 57 ქულა გაახარებდა "ნიუ ჯერსის" მფლობელ მიხაილ პროხოროვს, რომელიც ვერ გახდა რუსეთის პრეზიდენტი. "ნეტსმა" 104:101 მოუგო "შარლოტს", უილიამსის გმირობებზე კი ქვემოთ მოგიყვებით.</p><p>ატლანტიკისა და ცენტრალური დივიზიონების ლიდერების მატჩში "ჩიკაგომ" სტუმრად დაამარცხა "ფილადელფია" - 96:91. დერიკ როუზმა 35 ქულა დააგროვა და საფინალო სირენამდე 20 წამით ადრე გადამწყვეტი ტყორცნა მოათავსა კალათში.</p><p><em><strong>ბოსტონი-ნიუ იორკი 115:111 (ო)</p><p></strong></em>27:29, 24:27, 29:16, 23:31, 12:8</p><p>ბ: პირსი (34+7 მოხსნა), ბასი (18+4 დაფარება), გარნეტი (18+10 მოხსნა+4 ჩაჭრა), რონდო (18+20 პასი+17 მოხსნა), ალენი (12+4 ჩაჭრა).</p><p>ნ-ი: ენტონი (25+7 მოხსნა), სტაუდმაიერი (16+13 მოხსნა), ლინი (14+5 პასი), ნოვაკი (14), შუმპერტი (14+5 მოხსნა), ჩენდლერი (8+14 მოხსნა).</p><p><em><strong>ტორონტო-გ. სტეიტი 83:75</p><p></strong></em>18:20, 20:27, 22:11, 23:17</p><p>ტ: დეროზანი (25), ბარბოზა (18), ჯ. ჯონსონი (12+12 მოხსნა), ა. ჯონსონი (11+13 მოხსნა+3 დაფარება), დევისი (2+12 მოხსნა).</p><p>გ-ს: ლი (22+12 მოხსნა), ელისი (20+7 პასი).</p><p><em><strong>ჰიუსტონი-კლიპერსი 103:105 (ო)</p><p></strong></em>30:25, 17:20, 27:32, 23:20, 6:8</p><p>ჰ: მარტინი (25+8 პასი), დალემბერი (17+12 მოხსნა+3 დაფარება), სკოლა (16+12 მოხსნა), ლოური (14+5 მოხსნა), ლი (13), პერსონსი (11).</p><p>კ: პოლი (28+10 პასი), ფოიე (15), ბატლერი (14), გრიფინი (14+11 მოხსნა), უილიამსი (14), მარტინი (10+7 მოხსნა), ჯორდანი (8+11 მოხსნა).</p><p><em><strong>ფინიქსი-საკრამენტო 96:88</p><p></strong></em>29:32, 18:20, 23:19, 26:17</p><p>ფ: ნეში (19+7 პასი), გორტატი (14+17 მოხსნა), დადლი (14+6 მოხსნა), ბრაუნი (13), ფრაი (11+10 მოხსნა).</p><p>ს: ტორნტონი (21+5 მოხსნა), ევანსი (17+7 მოხსნა+6 პასი), კაზინსი (16+14 მოხსნა).</p><p><em><strong>ლეიკერსი-მაიამი 93:83</p><p></strong></em>28:20, 22:18, 21:24, 22:21</p><p>ლ: ბრაიანტი (33), უოლდ პისი (17+7 მოხსნა+4 ჩაჭრა), ბინუმი (16+13 მოხსნა+4 დაფარება), გასოლი (11+10 მოხსნა).</p><p>მ: ჯეიმსი (25+13 მოხსნა+7 პასი+3 ჩაჭრა), უეიდი (16+5 პასი), ჩელმერსი (15+3 ჩაჭრა).</p><p><em><strong>შარლოტი-ნიუ ჯერსი 101:104</p><p></strong></em>25:22, 28:23, 19:28, 29:31</p><p>შ: მაგეტი (24+7 მოხსნა), ჰენდერსონი (15+5 მოხსნა), უოკერი (14), ოგუსტინი (12), მალენსი (12+5 მოხსნა).</p><p>ნ-ჯ: უილიამსი (57+6 მოხსნა+7 პასი), ჰემფრიზი (11+13 მოხსნა), შ. უილიამსი (10+5 მოხსნა).</p><p><em><strong>ფილადელფია-ჩიკაგო 91:96</p><p></strong></em>24:26, 22:14, 18:24, 27:32</p><p>ფ: იანგი (17+9 მოხსნა), ჰოლიდეი (16), იგუოდალა (14+6 მოხსნა+6 პასი), ბრენდი (14+13 მოხსნა+5 პასი), ვუჩევიჩი (14+8 მოხსნა).</p><p>ჩ: როუზი (35+8 პასი), ბუზერი (13+7 მოხსნა), ნოა (11+18 მოხსნა).</p><p><em><strong>სან ანტონიო-დენვერი 94:99</p><p></strong></em>17:25, 28:24, 26:26, 23:24</p><p>ს-ა: პარკერი (25+7 პასი), დანკანი (14+9 მოხსნა), ლეონარდი (13+6 მოხსნა), ბონერი (11+6 მოხსნა).</p><p>დ: ლოუსონი (22+11 პასი+9 მოხსნა), ჰარინგტონი (16+6 მოხსნა), აფლალო (14+6 მოხსნა), ბრიუერი (12), ფარიდი (11+5 მოხსნა), მილერი (11+6 მოხსნა).</p><p><strong>ყოველდღიური სპორტული გაზეთი "ლელო"</strong></p>
[VIDEO] დონჩიჩის 34 და რივზის 33 - "ლეიკერსმა" ლებრონის გარეშე მოიგო
[VIDEO] დონჩიჩმა ყოფილი გუნდის წინააღმდეგ ორმაგი დუბლი შეასრულა - "დალასს" დევისის დაბრუნებამაც არ უშველა
[VIDEO] მამუკელაშვილის 7 ქულა და ინგრამის გეიმვინერი - "ტორონტომ" "ინდიანა" ბოლო წამებზე დაამარცხა
"ახლა გუნდებს სჯერათ, რომ ჩვენთან დადებითი შედეგის მიღწევა შეუძლიათ" - სლოტმა "სანდერლენდთან" მატჩი შეაფასა
კიტეიშვილის "შტურმი" სახლში დამარცხდა და ვერ გალიდერდა
ფუტსალის ნაკრები საერთაშორისო ტურნირზე იასპარეზებს
[VIDEO] პარაგვაის ჩემპიონატის შეხვედრაში ცვლილებაზე 51 წლის კლუბის პრეზიდენტი შევიდა
პირველად "ბარსელონას" ისტორიაში - ლევანდოვსკიმ ანტი-რეკორდი დაამყარა
[VIDEO] დიდი პატივისცემა - რა გააკეთა ფლიკმა "ატლეტიკოსთან" საფინალო სასტვენის შემდეგ
[VIDEO] ნიკოლოზ ბასილაშვილი და მისი გერმანელი მეგობარი გოგონა ქართულად ამღერდნენ
სრულ მზადყოფნაშია - 2 თვეზე მეტის გასვლის შემდეგ, პალმერს დღეს "ჩელსის" ძირითადში ელიან
"შავი ლომი" ჩელენჯ თასს "მონპელიეთი" იწყებს
[VIDEO] "ბარსელონამ" სახლში "ატლეტიკოს" მოუგო
20 წ. | დიდი სხვაობით "კუდუსთან"
"კვარაცხელიას აშკარად ორი სახე აქვს" - ფრანგმა ჟურნალისტებმა პსჟ-ს ფეხბურთელების საქმისადმი განსხვავებულ დამოკიდებულებაზე ისაუბრეს
"სსრკ-ს ნაკრები წარმოსახვაში: მამარდაშვილი, კვარაცხელია, მიქაუტაძე, მწვრთნელი კლოპი" - რუსული გამოცემა ფანტაზიაში გადავარდა
მამის ნაკვალევზე - ისაგო სილვამ "ჩელსისთან" კონტრაქტი გააფორმა
"შეცდომებს დაუშვებს - დრო მიეცით" - ზაბარნიზე კომენტარი საფრანგეთის ნაკრების ყოფილმა მცველმა გააკეთა
იტალიაში საუკეთესოები აღიარეს - მაკტომინეი, "ნაპოლი", კონტე
რაფინიას პრემიერ ლიგაში უხმობენ - "ბარსელონას" ფინანსური პრობლემების გამო შესაძლოა, ფეხბურთელის დათმობა მოუწიოს
"ბრენტფორდს" კიდევ ერთ ფორვარდს გამოსტაცებენ? - 50-მილიონიანი ტრანსფერი დაიგეგმა
"ბაიერნის" პრეზიდენტმა ჰარი კეინის მომავალზე ისაუბრა
დიდი დაბრუნება სამწვრთნელო პოსტზე "რეალში"? - ალონსოს მუშაობა შესაძლოა, ძალიან მოკლევადიანი აღმოჩნდეს