 
    
    
    <p>როგორც მოსალოდნელი იყო, ქალებს შორის მსოფლიოს თასის ტრიუმფატორი ამერიკელი ლინდსი ვონი გახდა <br> როგორც მოსალოდნელი იყო, ქალებს შორის მსოფლიოს თასის ტრიუმფატორი გახდა ამერიკელი ლინდსი ვონი. ის დიდი უპირატესობით უსწრებდა თავის კონკურენტებს და მისი რიგით მეოთხე ტიტული დროის საკითხი იყო.</p><p>საბოლოოდ, ამერიკელმა "ბროლის დიდი გლობუსი" შვედეთის კურორტ არეში მოიპოვა, თანაც იმ დისციპლინის მოგებით, რომელიც არ ითვლება მის საყვარელ სახეობად. გუშინ, ბევრისთვის მოულოდნელად, ვონმა არავის დაუთმო პირველობა გიგანტურ სლალომში. კარიერაში მან 52-ე ეტაპი მოიგო და მხოლოდ მეორედ იმარჯვა ამ დისციპლინაში.</p><p>ლინდსიმ მოიგო პირველი ცდა და შემდეგ იოლად შეინარჩუნა უპირატესობა. საბოლოოდ, მან 48 მეასედი წამი მოუგო მეორე ადგილზე გასულ იტალიელ ფედერიკა ბრინიონეს. მესამეზე გავიდა ოლიმპიური ჩემპიონი, გერმანელი ვიქტორია რებენსბურგი.</p><p>ვონი გენერალურ კლასიფიკაციაში 448 ქულით უგებს უახლოეს მდევარს, სლოვენიელ ტინა მაზეს და მიუღწეველია დარჩენილ ეტაპებზე. ლინდსიმ მსოფლიოს თასი ზედიზედ სამჯერ 2008-10 წლებში მოიგო. შარშან მას ეს ტიტული გერმანელმა მარია რიშმა ჩამოართვა (ამერიკელმა სამი ქულით წააგო სეზონი) და ახლა, ლინდსიმ დაიბრუნა ლიდერობა თანამედროვე სამთო-სათხილამურო სპორტში.</p><p>მსოფლიოს თასის მეოთხედ მოგებით, ვონმა გაუსწრო ხორვატ იანიცა კოსტელიჩს, შვეიცარიელ ფრენი შნაიდერსა და ავსტრიელ პეტრა კრონენბერგს, რომლებსაც კარიერაში სამ-სამი მოგება აქვთ. ლინდსის მხოლოდ ავსტრიელი ანემარი მოზერ-პრიოლი უსწრებს, რომელსაც ექვსი ტიტული დაუგროვდა 70-იან წლებში.</p><p>სხვათა შორის ვონს ისტორიული შედეგის დაფიქსირება შეუძლია. მას ახლა 1808 ქულა აქვს, სეზონის დასრულებამდე კი კიდევ ხუთი სტარტია დარჩენილი. ასე რომ, ამერიკელს შანსი აქვს 2000-ქულიან ზღვარს გადაცდეს, რაც ქალებს შორის ისტორიაში არასოდეს მომხდარა. ამ მხრივ, მოქმედი რეკორდსმენი კოსტელიჩია, რომელმაც 2005-06 წლების სეზონი 1970 ქულით დაასრულა.</p><p>ვონი ეტაპებზე მოგებათა რიცხვით მესამეა. მასზე წინ არიან მოზერ-პრიოლი (62) და შნაიდერი (55).</p><p><strong>ყოველდღიური სპორტული გაზეთი "ლელო"</strong></p>
სილქნეტის მხარდაჭერით საქართველოს თასის გათამაშების მეოთხე ეტაპი გუდაურში გაიმართება
ფიგურულ სრიალში ქართულმა წყვილმა გრან პრიზე ოქროს მედალი მოიპოვა
მომავალ სეზონებზე ბაკურიანი და გუდაური მსოფლიო თასის ეტაპებს უმასპინძლებენ
ოფიციალურად - სპალეტი "იუვენტუსის" მწვრთნელია
WU17 | ბოსნია და ჰერცეგოვინა 2:1 საქართველო
ყველაფერი ოზემპიკზე: გამოყენება, შედეგები და გვერდითი მოვლენები
პედრი თბილისში ვერ ჩამოვა
[VIDEO] წიტაიშვილის კარგი მატჩი და "მეცის" მოულოდნელი გამარჯვება "ლანსთან"
10:9 პენალტების სერიაში - კიტეიშვილის "შტურმი" მეოთხედფინალში გავიდა
[VIDEO] "კვარა" შეცვლაზე - პსჟ-მ "ლორიენთან" დუე და ორი ქულა დაკარგა
[VIDEO] გოგლიჩიძის უიღბლო 90 წუთი - "იუვენტუსმა" 8-მატჩიანი მოუგებელი სერია "უდინეზესთან" დაასრულა
"ლორიენთან" მატჩში პსჟ-ს შემადგენლობა ცნობილია
"კვარაცხელიას მარჯვენა ფლანგზე დაყენება ლუის ენრიკეს პრობლემური სიჯიუტეა" - ფრანგი ჟურნალისტი
"ვალენსიამ" შეიძლება "რეალის" ყოფილი ვარსკვლავი უფასოდ დაიმატოს
უეფა-ს კომიტეტის სხდომას ლევან კობიაშვილმა უხელმძღვანელა
დე ბრუინს ბელგიაში ოპერაცია გაუკეთეს
"რეალს" "ტოტენჰემის" მცველის დამატება სურს
უპირებენ თუ არა გათავისუფლებას სლოტს - ფაბრიციო რომანო "ლივერპულის" მწვრთნელის მომავალზე
"რეალთან" წაგების შემდეგ – "ბარსელონას" უჩვეულო გეგმა ფინანსურ სარგებელამდე
[VIDEO] დიდი შერიგება და სიყვარული - ვინისიუსის და ვირჯინიას ამ კადრებს 10 მილიონზე მეტი მოწონება აქვს
უდიდესი სენსაცია პარიზში - ალკარასმა ნორისთან წააგო
[VIDEO] "გოლდენ სტეიტი" სეზონს მაგრად იწყებს - "უორიორსმა" "კლიპერსი" მარტივად დაამარცხა
შენგელიას 11 ქულა და "ბარსას" მე-4 გამარჯვება ევროლიგაზე