რეალ 04 დაკომპლექტდა!

როცა გადაწყდა, რომ კლაას იან ჰუნტელაარი კარიერას "შალკეში" გააგრძელებდა, ეს კი 31 აგვისტოს, სატრანსფერო პერიოდის ბოლო დღეს მოხდა, გელზენკირხენული კლუბის გულშემატკივრებმა ფელიქს მაგათის მიერ გაჩარხულ ძვირადღირებულ გარიგებას ცოტა პესიმისტურად შეხედეს. როცა გადაწყდა, რომ კლაას იან ჰუნტელაარი კარიერას "შალკეში" გააგრძელებდა, ეს კი 31 აგვისტოს, სატრანსფერო პერიოდის ბოლო დღეს მოხდა, გელზენკირხენული კლუბის გულშემატკივრებმა ფელიქს მაგათის მიერ გაჩარხულ ძვირადღირებულ გარიგებას ცოტა პესიმისტურად შეხედეს. ეს ლოგიკურიც იყო, რადგან 27 წლის ჰუნტელაარი ბოლო დროს ვეღარ ბრწყინავდა ისე, როგორც თავის დროზე ამსტერდამის "აიაქსში". ჰოლანდიელმა თავდამსხმელმა იმედები ვერც "რეალში" გაამართლა და არც "მილანში" ივარგა ისე, როგორც მისგან ელოდებოდნენ და ითხოვდნენ. სამაგიეროდ, ევროპის 2012 წლის ჩემპიონატის საკვალიფიკაციო ეტაპის პირველ ორ ტურში ჰუნტელაარმა ჰოლანდიის ნაკრების მაისურით ხუთი გოლი გაიტანა, რაც საკმარისი აღმოჩნდა იმისათვის, რომ "შალკეს" ფანების პესიმიზმი ოპტიმიზმისკენ შეტრიალებულიყო. სანაკრებო მატჩების შემდეგ, ჰუნტელაარი გელზენკირხენში ჩავიდა, გუშინ ის გელზენკირხენულმა კლუბმა ოფიციალურად წარადგინა - პარასკევს კი "შალკეში" ჰუნტელაარის ოფიციალური დებიუტი შედგება. ბუნდესლიგის მესამე ტურში გელზენკირხენელები ჰოფენჰაიმში ითამაშებენ და უკვე წყალი არ გაუვა იმას, რომ ჰუნტელაარი "ხუმარების" ძირითად შემადგენლობაში ითამაშებს და თავდასხმაში თავის ყოფილ თანაგუნდელ რაულს შეუწყვილდება. "რაული და მე ერთმანეთს ძალიან კარგად ვუგებდთ," - განაცხადა ჰოლანდიელმა გუშინ გამართულ პრესკონფერენციაზე. ფელიქს მაგათმა კი დასძინა: "დარწმუნებული ვარ, რომ ჰუნტელაარს ბუნდესლიგასთან ადაპტაცია არ გაუჭირდება და პირველივე მატჩში ძალიან კარგად იასპარეზებს. ზოგადად, ასეთი მაღალი კლასის ფეხბურთელები ახალ გარემოს მარტივად ეგუებიან ხოლმე და მათი ახალ კლუბში ინტეგრირება ძალიან იშვიათად ჭირს. ჰუნტელაარმა იცის, როგორ უნდა გაიტანოს გოლები მეტოქის კარში. ჩვენ სწორედ ასეთი ფეხბურთელი გვჭირდებოდა." "დესპოტი ფელიქსის" გეგმები ნათელია: ჰუნტელაარი "შალკეს" ცენტრფორვარდი იქნება და მუდმივად ითამაშებს, რითაც ჰოლანდიელი თავდამსხმელი ძალიან ბედნიერია. "მილანში" უმეტესად მარჯვენა გარემარბის პოზიციაზე მათამაშებდნენ, რაც ძალიან არ მომწონდა. ჩემი ადგილი ცენტრფორვარდის პოზიციაზეა, ფლანგზე თამაშის პერსპექტივა არ მხიბლავს. ჩემთვის ძალიან მნიშვნელოვანია ის, რომ ფელიქს მაგათი ჩემს შესაძლებლობებს სწორად აფასებს და უნდა, რომ ცენტრალური თავდამსხმელის პოზიციაზე მათამაშოს, - თქვა ჰუნტელაარმა და იქვე დასძინა, - ჩემი მიზანი "შალკესთან" ერთად სერიოზული წარმატებების მიღწევაა. ნახევარ საუკუნეზე მეტია, რაც ამ გუნდს გერმანიის ჩემპიონობა არ უზეიმია და ჩემი მიზანია, "შალკესთან" ერთად ჩემპიონი გავხდე. აქ ტიტულების მოსაგებად ჩამოვედი". "შალკემ" სეზონი ორი მარცხით დაიწყო და შესაბამისად, ჰუნტელაარიც ხვდება, რომ პირველივე სეზონში გერმანიის ჩემპიონობა ძალიან ძნელი იქნება, მაგრამ დარწმუნებულია, რომ გელზენკირხენელები თამაშს გამოასწორებენ როგორც მინიმუმ, ამავე სეზონში გაიბრძოლებენ პირველობისთვის. ჩვენმა გერმანელმა კოლეგებმა მაგათს ჰკითხეს, ჰუნტელაარისგან დაახლოებით რამდენ გოლს ელით და ითხოვთო. "რიცხვი აუცილებლად ორნიშნა უნდა იყოს, რაც ჰუნტელაარის ნომერსაც ეტყობა," - თქვა ფელიქსმა. ჰოლანდიელი გოლეადორი "შალკეში" 25-ე ნომერი იქნება. პრესკონფერენციაზე მაგათმა ისიც თქვა, რომ ჰუნტელაარის ყიდვამდე ლუკას პოდოლსკის შეძენაზე ფიქრობდა, მაგრამ მერე არჩევანი ჰოლანდიელზე შეაჩერა. ფელიქსმა იქვე აღნიშნა, ევროპის ჩემპიონატის საკვალიფიკაციო მატჩების შემდეგ, ასი პროცენტით დავრწმუნდი, რომ სწორი არჩევანი გავაკეთეო - ჰუნტელაარმა სან მარინოს ჰეთ-თრიკი შეუსრულა (5:0 ჰოლანდიის სასარგებლოდ), ფინეთს კი დუბლი (3:1). მოკლედ, ახლა ჯერი მაგათზე და მის შეგირდებზეა - "შალკეს" ასეთი ძვირადღირებული შემადგენლობა არსებობის ისტორიაში პირველად ჰყავს და შესაბამისად, ყველა დროის ყველაზე ძვირადღირებული "შალკე" ყველაზე წარმატებული "შალკე" უნდა გახდეს. შეგახსენებთ, რომ მაგათმა ზაფხულში 14 ახალი ფეხბურთელი შეიძინა და 37 მილიონი ევრო დახარჯა. 14 ახალწვეულიდან 4 მადრიდის "რეალის" ყოფილი მოთამაშეა: ჰუნტელაარის, რაულისა და კრისტოფ მეტცელდერის გარდა, 24 წლის ხოსე მანუელ ხურადოც სამეფო გუნდში თამაშობდა (2003-დან 2006 წლამდე).

ტიაგო მოტამ შესაძლოა, ბუნდესლიგის ბინადარი გუნდი ჩაიბაროს

"ფენერბაჰჩეს" მოურინიოს შესაძლო შემცვლელებს შორის ორი კანდიდატი ჰყავს

უარი ხავისგან - "ლევერკუზენი" ახალი მწვრთნელის ძიებაშია

„Milan Junior Camp ჩვენი ახალგაზრდა ფეხბურთელებისთვის უდიდესი შესაძლებლობაა“ - გიორგი ფოფხაძე

პსჟ ბარკოლასთან კონტრაქტის გაგრძელებაზე მოლაპარაკებას აწარმოებს

საქართველოს ნაკრებს ევრობასკეტზე მიღწეული ისტორიული შედეგისთვის მთავრობა ფულადი პრემიის სახით 3 მილიონ ლარს გადასცემს

"სპალეტი ნომერ პირველი კანდიდატი იყო" - "ფენერბაჰჩეს" პრეზიდენტმა იტალიელ სპეციალისტზე ისაუბრა

"ამას ფეხბურთთან საერთო არაფერი აქვს" - "ბაიერნის" პრეზიდენტმა "ნიუკასლი" გააკრიტიკა

"ალბათ ამ პასუხს ნაკლებად ელოდით" - გვარდიოლამ დაასახელა ფეხბურთელი, რომლის "სიტიდან" გაშვებასაც ყველაზე მეტად ნანობს

"რუსეთის საფეხბურთო ნაკრებს სათადარიგოთა სკამზეც კი სუპერვარსკვლავები ჰყავს" - "რეალისა" და ესპანეთის ნაკრების ყოფილი მწვრთნელი

მე-6 ტიტული დიდი სლემის ტურნირზე - კარლოს ალკარასი აშშ-ის ღია პირველობის გამარჯვებულია

პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა

მამუკელაშვილი: შემიძლია ვემბანიამას მივწერო - საფრანგეთს მასთან ერთდაც მოვუგებდით

[VIDEO] დუბლი 2 წუთში - ტაბატაძე "კადისის" ფანების საყვარელი მოთამაშე ხდება

ხიზანიშვილი: საუკეთესო გაგნიძე იყო - კაშიამ ართამაშის გადაწყვეტილება ისე მიიღო, როგორც უნდა მიეღო

ბულგარელთა მწვრთნელი: კვარაცხელია ფანტასტიკურია, ახლა ამ დონის ფეხბურთელები არ გვყავს

როგორი შეფასებები მიიღეს საქართველოს ნაკრების ფეხბურთელებმა ბულგარეთთან მატჩში?

"მადლობა საბერძნეთს" - გოგა ბითაძე სოციალურ ქსელში პოსტს აქვეყნებს [PHOTO]

[VIDEO] გამარჯვებების დღე - საქართველოს ფეხბურთელთა ნაკრებმა ბულგარეთს დამაჯერებლად მოუგო!

პირველი ტაიმის შემდეგ საქართველოს ნაკრები ბულგარეთს 2:0 ამარცხებს

მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო

კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია

ოფიციალურად: "კოლოსმა" ზურაბ რუხაძე წარადგინა