<p>სრულიად მოულოდნელად გამოფხიზლებულმა "ინდეპენდიენტემ" ჩემპიონს მისსავე მოედანზე თრილერი მოუწყო <br> კლასიკო ისეთი გამოდგა, რომ ორიოდე სიტყვა არ გვეყოფა "ბომბონერაზე" მომხდარის აღსაწერად. სრულიად მოულოდნელად გამოფხიზლებულმა "ინდეპენდიენტემ" ჩემპიონს მისსავე მოედანზე თრილერი მოუწყო, რომლიდანაც გამარჯვებული გამოვიდა - 5:4.</p><p>შეგახსენებთ, რომ აქამდე "ინდეს" ზედიზედ 4 მარცხი ჰქონდა და მყარად იყო ბოლო ადგილზე (ახლაც ბოლოზეა). სტუმრები ახალი მწვრთნელის, უფრო ზუსტად, მოვალეობის შემსრულებლის, კრისტიან დიასის ხელმძღვანელობით გამოვიდნენ. გამოვიდნენ და "ბოკას" 34-მატჩიანი წაუგებელი სერია შინაურ პირველობაზე დაამხეს.</p><p>მასპინძელთა თავკაცმა ფალსინიმ რატომღაც ექსპერიმენტებს მიმართა ნახევარდაცვაში. რიკელმეს გვერდით ლედესმა, ერბესი და სანჩეს-მინიო თამაშობდნენ, რომელთაც ძირითადში მოხვედრა უჭირთ. დიასმაც დაამატა გუნდს ერთი-ორი ახალგაზრდა.</p><p>ვფიქრობთ, ამ მატჩში, რომელიც ლამის 100 წუთი გაგრძელდა, ყოველთვის რაღაც ხდებოდა. გადიოდა გოლები, ანიავებდნენ ხელსაყრელ მომენტებს და მიუხედავად ამისა, შეხვედრა არ ყოფილა უხეში - სულ 3 ყვითელი ბარათი.</p><p>ანგარიში უკვე პირველ წუთზე გაიხსნა - ერნესტო ფარიასის პასით ახალგაზრდა ვიდალმა კარიერაში პირველი პროფესიული გოლი გაიტანა და ისიც "ბომბონერაზე"! ყველა გოლის აღწერას არ შევუდგებით; ვიტყვით, რომ "ბოკამ" 0:2 რომან რიკელმეს დიდებული თამაშის წყალობით 4:3-დ აქცია, მაგრამ აქ ისევ სტუმრებმა იყოჩაღეს - ერნესტო ფარიასმა კიდევ ორი გოლი გაიტანა (ჰეთ თრიკი შეასრულა). განსაკუთრებით მაგარი კი გამარჯვების გოლი იყო - 4:5.</p><p>სპეციალისტები უკვე ლაპარაკობენ, რომ შესაძლოა, ეს კლასიკო "ბოკას" და "ინდეპენდიენტეს" შესრულებით ისტორიაში საუკეთესო იყო.</p><p>ამ ტურში კიდევ ერთი ჰეთ თრიკი ვიხილეთ, რომლის ავტორიც "რასინგის" ახალგაზრდა ფორვარდი ლუკას კასტროა. მან "ოლ ბოისს" გაუტანა, რომელსაც მე-5 ტურამდე გოლი არ გაეშვა. იცით ვინ დგას "ოლ ბოისის" კარში? ესტებან კამბიასოს ძმა ნიკოლას კამბიასო.</p><p>საოცარია, მაგრამ კლაუსურას ლიდერი "ტიგრე" ამავდროულად გასავარდნ ზონაშია. სხვათა შორის, არ არის გამორიცხული, რომ ასე გაგრძელდეს ბოლომდეც, კლაუსურა ხომ სულ რაღაც 19-ტურიანია. ასეთ შემთხვევაში კი, გუნდი, რომელიც გავარდება, ავტომატურად კარგავს ტიტულის მიღების უფლებას. აი, ასე!..</p><p><strong>ტურის ციფრები</p><p></strong>ტურში გავიდა 27 გოლი, 16:11 სტუმართა სასარგებლოდ. იყო ორი ჰეთ თრიკი და არც ერთი დუბლი. დაუმარცხებელი სამია: "ტიგრე", "ველეს სარსფილდი" და "ესტუდიანტესი".</p><p><strong>ტურის გმირი</p><p></strong>ერნესტო ფარიასი (ინდეპენდიენტე)</p><p><strong>ტურის ფრაზა</p><p></strong>კრისტიან დიასი: "ინდეპენდიენტემ კვლავ ითამაშა, როგორც დიდმა კლუბმა. დაამარცხა დაუმარცხებელი "ბოკა". ბოლომდე დავიხარჯეთ, რადგან ძალიან ცუდი სიტუაციიდან გამოსვლა გვინდოდა".</p><p><strong>ვინ ვარდება</p><p></strong>20. ოლიმპო - 1,129; 19. ტიგრე - 1,220; 18. სან ლორენსო - 1,250; 17. ატლეტიკო - 1,250.</p><p><em><strong>კოლონი-ნიუელსი 0:3</p><p></strong></em>გოლები: 0:1 პ. პერესი (45), 0:2 ტონსო (87), 0:3 ურუტი (90)</p><p>გაძევება: მორენო ი ფაბიანესი (69. კოლონი), ალკობა (82. კოლონი)</p><p><em><strong>ესტუდიანტესი-ლანუსი 1:0</p><p></strong></em>გოლი: 1:0 სარულიტე (65)</p><p><em><strong>არხენტინოსი-სან მარტინი 1:1</p><p></strong></em>გოლები: 1:0 გრაბინსკი (26 ს.კ.), 1:1 კარპარი (65)</p><p>გაძევება: ნ. ფერნანდესი (75. არხენტინოსი)</p><p><em><strong>რასინგი-ოლ ბოისი 3:0</p><p></strong></em>გოლები: 1:0 ლ. კასტრო (18), 2:0 ლ. კასტრო (35), 3:0 ლ. კასტრო (78)</p><p>გაძევება: პერეს გარსია (58. ოლ ბოისი)</p><p><em><strong>ბელგრანო-სან ლორენსო 1:2</p><p></strong></em>გოლები: 1:0 ხიმენესი (10), 1:1 ალვარადო (63), 1:2 ორტიგოსა (68-პენ)</p><p><em><strong>ბანფილდი-ტიგრე 0:2</p><p></strong></em>გოლები: 0:1 მაჯოლო (84), 0:2 ლუნა (90)</p><p><em><strong>გოდოი კრუსი-არსენალი 0:1</p><p></strong></em>გოლი: 0:1 ორტისი (6)</p><p><em><strong>ატლეტიკო-სანტა ფე 0:2</p><p></strong></em>გოლები: 0:1 ხარა (40), 0:2 მანინი (56)</p><p><em><strong>ბოკა-ინდეპენდიენტე 4:5</p><p></strong></em>გოლები: 0:1 ვიდალი (1), 0:2 ო. ფერეირა (6), 1:2 რონკალია (12), 1:3 ფარიასი (32), 2:3 რიკელმე (45), 3:3 რონკალია (51), 4:3 ლედესმა (74), 4:4 ფარიასი (88), 4:5 ფარიასი (90)</p><p><em><strong>ველესი-ოლიმპო 1:0</p><p></strong></em>გოლი: 1:0 ბელა (62)</p><p><strong></p><p>სატურნირო მდგომარეობა</strong></p><p>თ მ ფ წ ბ ქ</p><p>1. ტიგრე 5 4 1 0 8-1 13</p><p>2. ველესი 5 3 2 0 9-3 11</p><p>3. ესტუდიანტესი 5 3 2 0 6-2 11</p><p>4. ბოკა 5 3 1 1 10-5 10</p><p>5. ოლ ბოისი 5 2 2 1 3-3 8</p><p>6. სან მარტინი 5 2 1 2 6-6 7</p><p>7. ნიუელსი 5 2 1 2 5-5 7</p><p>8. ბელგრანო 5 2 1 2 5-6 7</p><p>9. სან ლორენსო 5 2 1 2 5-8 7</p><p>10. სანტა ფე 5 1 3 1 4-3 6</p><p>11. ლანუსი 5 2 0 3 6-6 6</p><p>12. არსენალი 5 1 3 1 5-5 6</p><p>13. ოლიმპო 5 2 0 3 7-8 6</p><p>14. რასინგი 5 1 2 2 4-3 5</p><p>15. არხენტინოსი 5 1 2 2 4-4 5</p><p>16. გოდოი კრუსი 5 1 2 2 3-5 5</p><p>17. კოლონი 5 1 2 2 5-8 5</p><p>18. ატლეტიკო 5 1 1 3 6-7 4</p><p>19. ბანფილდი 5 1 1 3 3-11 4</p><p>20. ინდეპენდიენტე 5 1 0 4 6-11 3</p><p><strong>ბომბარდირები</p><p></strong>5 - კარპარი (სან მარტინი); 4 - ფრანსოია (ოლიმპო), განდინი (ატლეტიკო).</p><p><strong>მომდევნო ტური</p><p></strong>16 მარტი: ლანუსი-არხენტინოსი, ოლ ბოისი-გოდოი კრუსი.</p><p>17 მარტი: ტიგრე-ესტუდიანტესი, სანტა ფე-ველესი, ინდეპენდიენტე-ბელგრანო, ოლიმპო-რასინგი.</p><p>18 მარტი: ნიუელსი-ატლეტიკო, სან ლორენსო-კოლონი, სან მარტინი-ბოკა ხუნიორსი, არსენალი-ბანფილდი.</p><p><strong>ყოველდღიური სპორტული გაზეთი "ლელო"</strong></p>
"კონკურენცია ძალიან მაღალია, შეცდომის დაშვების უფლება არ გვაქვს" - ანჩელოტიმ ნეიმარის ნაკრებში არგამოძახების მიზეზებზე ისაუბრა
"ლივერპული" პრემიერლიგის "გალაქტიკოსი" გახდა" - ჯეიმი კარაგერი
შესარჩევიდან ჩემპიონთა ლიგაზე - რას უნდა ველოდოთ ამ შვიდი გუნდისგან?
„Milan Junior Camp ჩვენი ახალგაზრდა ფეხბურთელებისთვის უდიდესი შესაძლებლობაა“ - გიორგი ფოფხაძე
პსჟ ბარკოლასთან კონტრაქტის გაგრძელებაზე მოლაპარაკებას აწარმოებს
საქართველოს ნაკრებს ევრობასკეტზე მიღწეული ისტორიული შედეგისთვის მთავრობა ფულადი პრემიის სახით 3 მილიონ ლარს გადასცემს
"სპალეტი ნომერ პირველი კანდიდატი იყო" - "ფენერბაჰჩეს" პრეზიდენტმა იტალიელ სპეციალისტზე ისაუბრა
"ამას ფეხბურთთან საერთო არაფერი აქვს" - "ბაიერნის" პრეზიდენტმა "ნიუკასლი" გააკრიტიკა
"ალბათ ამ პასუხს ნაკლებად ელოდით" - გვარდიოლამ დაასახელა ფეხბურთელი, რომლის "სიტიდან" გაშვებასაც ყველაზე მეტად ნანობს
მე-6 ტიტული დიდი სლემის ტურნირზე - კარლოს ალკარასი აშშ-ის ღია პირველობის გამარჯვებულია
შენგელია: გასაკვირია ჯიკიჩი ევროლიგის გუნდს რომ არ წვრთნის
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
მამუკელაშვილი: შემიძლია ვემბანიამას მივწერო - საფრანგეთს მასთან ერთდაც მოვუგებდით
[VIDEO] დუბლი 2 წუთში - ტაბატაძე "კადისის" ფანების საყვარელი მოთამაშე ხდება
ხიზანიშვილი: საუკეთესო გაგნიძე იყო - კაშიამ ართამაშის გადაწყვეტილება ისე მიიღო, როგორც უნდა მიეღო
ბულგარელთა მწვრთნელი: კვარაცხელია ფანტასტიკურია, ახლა ამ დონის ფეხბურთელები არ გვყავს
როგორი შეფასებები მიიღეს საქართველოს ნაკრების ფეხბურთელებმა ბულგარეთთან მატჩში?
"მადლობა საბერძნეთს" - გოგა ბითაძე სოციალურ ქსელში პოსტს აქვეყნებს [PHOTO]
[VIDEO] გამარჯვებების დღე - საქართველოს ფეხბურთელთა ნაკრებმა ბულგარეთს დამაჯერებლად მოუგო!
[VIDEO] ისტორიაში პირველად - საქართველოს ნაკრებმა საფრანგეთი დაამარცხა და ევრობასკეტის მეოთხედფინალში გავიდა!
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია