<p>10 მარტს მე-17 ტურში ერთი კალათბურთელი იყო შეუჩერებელი - ქუთათური დავით ბარბაქაძე, რომელმაც 33 ქულა ჩააგდო <br> მე-17 ტურის მატჩს, "შსს აკადემია"-"ქუთაისი", არაერთ კითხვაზე უნდა ეპასუხა. მოგების შემთხვევაში შსს-ელებს სამეულში მოხვედრის კარგი შანსი დარჩებოდათ, რადგან "ოლიმპს" ორი მოგებით ჩამორჩებოდნენ, "ქუთაისს" - ერთით.</p><p>თუმცა ბოლო წამებზე იმერლებმა 85:83 იმარჯვეს და სამეულში მოხვედრა თითქმის გაინაღდეს. რეგულარული ეტაპის დასრულებამდე ხუთი ტურით ადრე ასეთი თამამი განცხადების უფლებას დარჩენილი მატჩების კალენდარი და მეტოქეთა სიძლიერე გვაძლევს: ქუთათურებს ცხრილის ზედა ექვსეულიდან მხოლოდ "სოხუმთან" დარჩათ სათამაშო. სტატიას დავურთავთ საქართველოს ჩემპიონატის სატურნირო ცხრილს, დარჩენილი შეხვედრების კალენდარს და თავადაც შეგეძლებათ მსჯელობა.</p><p>რა ღირებულება აქვს მეორე და მესამე ადგილების დაკავებას, ამის შეხსენება არ დაგჭირდებათ - მეორე-მესამეები ძლევამოსილ "არმიას" ფინალამდე არ დაუპირისპირდებიან. მეოთხე-მეხუთე ადგილოსნების მეოთხედფინალურ სერიაში გამარჯვებული კი არმიელებს ნახევარფინალში შეხვდება.</p><p><strong></p><p>* * *</strong></p><p>უკვე მივეჩვიეთ "შსს აკადემიის" გამთამაშებლის, ლარი ბლერის ეფექტურ მონაგარს. 10 მარტსაც ერთი კალათბურთელი იყო შეუჩერებელი - ქუთათური დავით ბარბაქაძე, რომელმაც 33 ქულა ჩააგდო.</p><p>ეს იყო დათოს საუკეთესო შეხვედრა მიმდინარე სეზონში. თუმცა მისთვის 25-30 ქულა უცხო სულაც არ არის. იგი 2009-10 წლების სეზონში 6-ჯერ ასცდა 25 ქულას. მაშინ ბარბაქაძე თსუ-ს ღირსებას იცავდა. მომდევნო სეზონში სწორედ შსს-ში გადავიდა, საიდანაც მიმდინარე ჩემპიონატის დასაწყისში "ქუთაისში" მოხვდა.</p><p>10 მარტს მატჩისშემდგომ პრესკონფერენციას დათოს ძმა გიგი დაესწრო, რომელიც წინა შეხვედრებში გუნდის ერთ-ერთი სნაიპერთაგანი იყო, თუმცა "შსს აკადემიასთან" მხოლოდ 6 ქულას გამორჩა. გიგიმ პრესკონფერენციაზე იხუმრა - მთელი ენერგია ჩემს ძმას გადავეცი და მხოლოდ 6 ქულა ამიტომ შემრჩაო.</p><p><em><strong>სოხუმი-თსუ 89:83</p><p>შსს აკადემია-ქუთაისი 83:85</p><p>სამედიცინო-არმია 65:101</p><p>სტუ-ოლიმპი 74:91</p><p>რუსთავი-დინამო 87:95</p><p></strong></em></p><p><span style="color: #ff0000;"><strong>რეკორდები</p><p></strong></span><strong>ქულა</p><p></strong>41 - ლარი ბლერი (შსს აკადემია)</p><p>2-ქულ 11/21; 3-ქულ 4/8; საჯ 7/8</p><p>17.12.11 შსს-თსუ</p><p>41 - ლარი ბლერი (შსს აკადემია)</p><p>2-ქულ 14/20; 3-ქულ 2/6; საჯ 7/8</p><p>03.03.12 შსს-დინამო</p><p><strong>მოხსნა</p><p></strong>20 - რიჩარდ მათიაშვილი (ქუთაისი)</p><p>(მეტოქ: 4; საკუთ: 16)</p><p>23.12.11 ბათუმი-ქუთაისი</p><p><strong>პასი</p><p></strong>14 - ლაშა გამყრელიძე (ოლიმპი)</p><p>29.10.11 შსს-ოლიმპი</p><p>14 - ლაშა გამყრელიძე (ოლიმპი)</p><p>10.12.11 დინამო-ოლიმპი</p><p>14 - ბენჟამინ ვუდსაიდი (არმია)</p><p>17.12.11 სოხუმი-არმია</p><p><strong>ჩაჭრა</p><p></strong>8 - ბენჟამინ ვუდსაიდი (არმია)</p><p>10.03.12 სამედიცინო-არმია</p><p><strong>დაფარება</p><p></strong>6 - ილიცა მილუტინოვიჩი (ოლიმპი)</p><p>15.10.11 თსუ-ოლიმპი</p><p>6 - ბექა ბექაური (სამედიცინო)</p><p>05.11.11 დინამო-სამედიცინო</p><p>6 - მილან ოლუიჩი (დინამო)</p><p>14.02.12 დინამო-არმია</p><p><strong></p><p>სატურნირო მდგომარეობა</strong></p><p>გუნდი თ მ წ სხ ქ</p><p>1. არმია 15 15 0 1368/953 30</p><p>2. ქუთაისი 16 12 4 1362/1232 28</p><p>3. ოლიმპი 15 12 3 1243/1103 27</p><p>4. სოხუმი 16 10 6 1307/1217 26</p><p>5. შსს აკადემია 16 9 7 1438/1282 25</p><p>6. დინამო 16 8 8 1325/1366 24</p><p>7. სამედიცინო 16 6 10 1290/1379 22</p><p>8. სტუ 15 5 10 1162/1280 20</p><p>9. თსუ 15 5 10 1209/1339 20</p><p>10. ბათუმი 15 2 13 1055/1327 17</p><p>11. რუსთავი 15 1 14 1046/1327 16</p><p><strong></p><p></strong><strong>ყოველდღიური სპორტული გაზეთი "ლელო"</strong></p>
ტაბლოები და სროლის დასახვეწი ტრენაჟორები ონმა და ამბროლაურმაც მიიღეს
"ქუთაისმა" თსუ-ს ფინალური სერიის ზედიზედ მესამე მატჩი მოუგო და ჩემპიონი გახდა
ფიბა-ს პროგრამის ფარგლებში საქართველოს ოთხმა ქალაქმა თანამედროვე საკალათბურთო ტაბლოები მიიღო
საქართველოს ნაკრებს ევრობასკეტზე მიღწეული ისტორიული შედეგისთვის მთავრობა ფულადი პრემიის სახით 3 მილიონ ლარს გადასცემს
"ალბათ ამ პასუხს ნაკლებად ელოდით" - გვარდიოლამ დაასახელა ფეხბურთელი, რომლის "სიტიდან" გაშვებასაც ყველაზე მეტად ნანობს
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
მამუკელაშვილი: შემიძლია ვემბანიამას მივწერო - საფრანგეთს მასთან ერთდაც მოვუგებდით
[VIDEO] დუბლი 2 წუთში - ტაბატაძე "კადისის" ფანების საყვარელი მოთამაშე ხდება
"მადლობა საბერძნეთს" - გოგა ბითაძე სოციალურ ქსელში პოსტს აქვეყნებს [PHOTO]
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია
ოფიციალურად: "კოლოსმა" ზურაბ რუხაძე წარადგინა
ტიაგო მოტამ შესაძლოა, ბუნდესლიგის ბინადარი გუნდი ჩაიბაროს
ონანა კარიერას სავარაუდოდ, თურქეთში განაგრძობს
როდრიმ მისი აზრით "ოქროს ბურთის" ორი ფავორიტი დაასახელა
"სექსის დროს არ მინახავს, არ იცოდა, რომ კამერებზე წვდომა მქონდა..." - როგორ გაიგო ღალატის შესახებ არგენტინელი ვარსკვლავის მეგობარმა გოგონამ
ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს
მოულოდნელი ამბავი - ზიდანი სამწვრთნელო საქმიანობას შესაძლოა, თურქეთში დაუბრუნდეს
ქოჩორაშვილი: აქამდე სწორედ იმიტომ მოვედით, რომ არასდროს ვნებდებით
ევრობასკეტის მთავარი სენსაცია - სერბეთის ნაკრები ფინეთთან დამარცხდა და ტურნირს გამოეთიშა
"შავი ლომი" "ძებრესთან" დამარცხდა
მატჩის დღე - ქართველებსა და ბულგარელებს ცუდად დაწყებულის გამოსწორება სურთ!