- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
თბილისი ჭიდაობაში ევროპის 2013 წლის ჩემპიონატს უმასპინძლებს
<p>იმედია, ამ შეჯიბრებას ღირსეულად ვუმასპინძლებთ - ბევრად უკეთ, ვიდრე ეს ბელგრადმა შეძლო <br> 14 მარტს სპორტისა და ახალგაზრდობის საქმეთა მინისტრი <strong>ვლადიმერ ვარძელაშვილი</strong> ევროპის ჩემპიონატიდან დაბრუნებულ მოჭიდავეებს შეხვდა. ვინაიდან სამინისტროს შენობაში რემონტია, შეხვედრა მოსწავლე ახალგაზრდობის სასახლის სარკეებიან დარბაზში შედგა.</p><p>შეგახსენებთ, რომ ბელგრადში გამართულ ევროპის პირველობაზე ჩვენმა დელეგაციამ 6 მედალი მოიპოვა. აქედან თავისუფალი სტილით მოჭიდავეთა ნაკრების წილად 5 ჯილდო მოდის - 1 ოქრო და 2-2 ვერცხლ-ბრინჯაო, ბერძენ-რომაელთა მონაგარი კი 1 ვერცხლია.</p><p>"თავისუფალთაგან" ჩემპიონი <strong>დავით მარსაგიშვილი</strong> (84) გახდა, <strong>ბესიკ გოჩაშვილმა</strong> (55) და <strong>დავით ხუციშვილმა</strong> (74) ვერცხლი მოიპოვეს, <strong>მალხაზ ზარქუა</strong> (60) და <strong>დავით მოძმანაშვილი</strong> (120) მესამეზე გავიდნენ. ბერძენ-რომაელთაგან კონტინენტის ვიცე-ჩემპიონი <strong>მანუჩარ ცხადაია</strong> (74) გახდა.</p><p>შეხვედრას ეს ბიჭებიც ესწრებოდნენ და ევროპაზე უმედლოდ დარჩენილი სხვა ფალავნებიც, თუმცა პრესკონფერენციის მთავარ მოვლენად ჭიდაობის საერთაშორისო ფედერაციის (FILA) გარდამავალი დროშა იქცა, რომელიც ბელგრადში გადასცეს ჩვენს დელეგაციას, როგორც ევროპის მომავალი ჩემპიონატის მასპინძელს.</p><p>დიახ, საკმაოდ ძლიერი კონკურენტების მიუხედავად საბოლოოდ გადაწყდა, რომ კონტინენტის 2013 წლის პირველობას 19-24 მარტს თავისუფალსა და ბერძნულ-რომაულ ჭიდაობაში (აგრეთვე ქალებში), თბილისის სპორტის სასახლე უმასპინძლებს.</p><p>ეს ჩვენი ფედერაციისთვის ყველაზე მასშტაბური შეჯიბრება იქნება, რომელსაც, იმედია, ღირსეულად ვუმასპინძლებთ. ბევრად უკეთ, ვიდრე ეს ბელგრადმა შეძლო. იქ ადგილზე ორგანიზაცია როგორი იყო, ვერ გეტყვით, მაგრამ საინფორმაციო უზრუნველყოფა კრიტიკას ვერ უძლებდა - როცა ძიუდოში ან სპორტის უმრავლეს სახეობებში ინტერნეტით საშუალო დონის ტურნირების პირდაპირი რეპორტაჟიც კი ეწყობა, ბელგრადიდან ინფორმაციის მიღება ლამის შეუძლებელი იყო. მხოლოდ ფინალურ ბლოკს აჩვენებდნენ, აი, ინტერნეტში ბადეების განახლება კი ლამის "ქრისტეს პერანგის კერვად" აქციეს.</p><p>"თავისუფალთა" ტურნირზე დღის ბოლოს მაინც აახლებდნენ ბადეებს, ბერძენ-რომაელებისაზე კი ჯერ ჩემპიონატის ოფიციალური საიტი გაითიშა, მერე - თვით FILA-სი და მხოლოდ კვირა საღამოს ჩაირთო, თორემ მკითხველს კვარცხლბეკს ვერც მივაწვდიდით. პირდაპირი რეპორტაჟების უზრუნველყოფა და საშეჯიბრო ბადეების განახლება უფრო FILA-ს ტექნიკური ჯგუფის პრეროგატივაა, თუმცა, იმედია, საკუთარი პრესტიჟისთვის მასპინძლებიც იზრუნებენ და მათ საიტის გამართულ მუშაობას მოსთხოვენ.</p><p>მანამდე აუცილებელია, ინტერნეტის პრობლემა თავად სპორტის სასახლეში მოგვარდეს და ის პრეს-ლოჟამდე მიიყვანონ. ასევე აუცილებელია პრეს-ცენტრის მოწყობა, რათა მან გამართულად იმუშაოს. იმედია, ჩვენი ფედერაცია ამ პრობლემებს წარმატებით გადაჭრის. მით უფრო, რომ მაღალი დონის ტურნირთა კარგი ორგანიზების გამოცდილება უკვე აქვს - გემახსოვრებათ, 2009 წელს თბილისში ევროპის ახალგაზრდული პირველობა გაიმართა და გახსნის მაშინდელ ეფექტურ ცერემონიალს ბევრი დიდი ტურნირი ვერ დაიკვეხნის.</p><p>ვიმედოვნებთ, ამჯერად უფრო პრესტიჟულ შეჯიბრებას კიდევ უფრო ღირსეულად ჩავატარებთ, რაშიც მინისტრის სიტყვები გვაიმედებს:</p><p>"მინდა, ყველას მოგილოცოთ ეს მნიშვნელოვანი გადაწყვეტილება, რაც უთუოდ შეუწყობს ხელს საქართველოში ჭიდაობის კიდევ უფრო პოპულარიზაციას. სახელმწიფომ, ფედერაციამ, თითეულმა ჩვენგანმა ყველაფერი უნდა გავაკეთოთ საიმისოდ, რომ ეს იყოს გამორჩეული ჩემპიონატი, ის მაღალ დონეზე უნდა ჩავატაროთ. დარწმუნებული ვარ, ასეც იქნება", - განაცხადა ვარძელაშვილმა.</p><p><span style="color: #ff0000;"><strong>ევროპამ მწვრთნელები დააიმედა</strong></span></p><p>FILA-ს გარდამავალი დროშა საქართველოს ჭიდაობის ფედერაციის პრეზიდენტმა <strong>კახა გეწაძემ</strong> წარმოგვიდგინა, რომელმაც პრესკონფერენცია გახსნა. მის გარდა სპორტსმენებს ვარძელაშვილი და ცნობილი ვეტერანი, მსოფლიოს ორგზის ჩემპიონი <strong>გურამ საღარაძეც</strong> მიესალმნენ.</p><p>გეწაძემ და ვარძელაშვილმა "თავისუფალთა" კარგ გამოსვლასთან ერთად ბერძენ-რომაელთა მოკრძალებული შედეგიც აღნიშნეს, თუმცა ისიც დაამატეს, რომ ამ გუნდში მიღწეულზე მეტი პოტენციალი დაინახეს და სალიცენზიო ტურნირებს იმედიანად ხვდებიან. ახლა ზოგიერთმა თავის წონაში არ იჭიდავა, თორემ შედეგი უკეთესი იქნებოდაო, თქვეს მათ. ხელმძღვანელთა გამოსვლებში გამოსჭვიოდა იმის იმედი, რომ ეს წარმატება სპორტსმენებისთვის სტიმული იქნება და ოლიმპიადისთვის გაათმაგებული შემართებით მოემზადებიან.</p><p>პრესკონფერენციის დასასრულს ნაკრებთა მთავარ მწვრთნელებს - <strong>ზაზა თურმანიძესა</strong> და <strong>ბეგი დარჩიას</strong> ვთხოვეთ, შეეფასებინათ ბელგრადში ჩვენი გუნდების გამოსვლები, რამდენად კარგად შეასრულეს შეგირდებმა დავალებები და რამდენად სრულყოფილად წარმოაჩინეს საკუთარი შესაძლებლობები.</p><p><strong>ზაზა თურმანიძე</strong> (თავისუფალი ჭიდაობა):</p><p>"გოჩაშვილის გამოსვლამ მოლოდინს გადააჭარბა, თუშიშვილისამ - ათჯერ მეტად. ზარქუამაც გაამართლა იმედები, 74-ში კარგი შედეგია, მაგრამ ხუციშვილს ცოტა მეტად რომ მოენდომებინა, უკეთესი მაჩვენებელი გვექნებოდა. ეტყობა, მეტოქის ავტორიტეტმა მაინც იმოქმედა - ცარგუში ხომ მსოფლიოს ორგზის ევროპის აწ უკვე სამგზის ჩემპიონია.</p><p>84-ში დავით მარსაგიშვილის ჩემპიონობა აუცილებელი და საჭირო იყო სამომავლოდ თავად სპორტსმენის კიდევ უფრო მეტი თავდაჯერებისთვის.</p><p>ცხადია, გოგშელიძის გამოსვლით ოდნავადაც არ ვარ კმაყოფილი და მძიმე წონაშიც მოძმანაშვილს, მინიმუმ, ფინალი უნდა ეჭიდავა.</p><p>სალიცენზიო ტურნირებზე ვინ იჭიდავებს, ამაზე ლაპარაკი ჯერ ცოტა ადრეა, ჩამოყალიბებული არ ვართ. თუმც, ვფიქრობ, რომ 55-ში პირველივე ტურნირზე უნდა</p><p>მოვიპოვოთ ლიცენზია. ეს ძნელი იქნება, მაგრამ ყველაფერი უნდა გავაკეთოთ საამისოდ".</p><p><strong> ბეგი დარჩია</strong> (ბერძნულ-რომაული ჭიდაობა):</p><p>"ყველაზე მეტად კმაყოფილი იმით ვარ, რომ 84-ში ვლადიმერ გეგეშიძის, 96-ში კი სოსო ჯაბიძის გამოსვლაში პოტენციალი დავინახე. მანუჩარ ცხადაია სხვა თემაა - ის 66-ის მოჭიდავეა და არა 74-ის, თუმცა მაინც გავიდა ფინალში ანუ მასაც დიდი შესაძლებლობები აქვს.</p><p>ცოტა მიჭირს მძიმეწონოსან გურამ ფერსელიძის კრიტიკა, რადგან ძნელ ჯგუფში მოხვდა - მსოფლიოს ჩემპიონი და ამ შეჯიბრების მომავალი გამარჯვებული თურქი რიზა კაიალააპი და სომეხთა მსოფლიოს ვიცე-ჩემპიონი იური პატრიკეევი ჰყავდა, რომელიც ბელგრადში მესამეზე გავიდა.</p><p>ქემალ ხარაბაძეც ახალ წონაში გამოდიოდა - 55-ში და რევაზ ლაშხიც ზედა წონაში - 66-ში ჭიდაობდა, თუმცა მისგან მაინც მეტს ველოდი. მინიმუმ - სამეულში შესვლას, მაგრამ მოსამზადებელ პერიოდში ჯანმრთელობის მხრივ გარკვეული პრობლემები მასაც ჰქონდა. ამის მიუხედავად, მაინც გამოვიყვანეთ, რადგან სტარტი სჭირდებოდა.</p><p>მთლიანობაში, შედეგით კმაყოფილი არ ვარ, თუმცა გუნდის შესაძლებლობები გაიზარდა. ფინალს რაც შეეხება, ოქრო უნდა წამოგვეღო, რადგან ის შეხვედრა, ფაქტობრივად, მოგებული იყო. პირველი პერიოდი ჩვენსას მსაჯებმა წააგებინეს, მეორეს კი იგებდა და უპირატესობა არ უნდა დაეთმო. საწყენია, რომ ცხადაიას დონის ფალავანმა ასეთი შეცდომა დაუშვა.</p><p>სალიცენზიო ტურნირებზე ვინ სად იჭიდავებს, ამაზე ჯერ საბოლოო გადაწყვეტილება არ მიმიღია. თან ჩვენი შეჯიბრება აპრილის ბოლოს იწყება, მანამდე კი ანალოგიური ასპარეზობები პან-ამერიკაში, აზიასა და აფრიკაში ჩატარდება. იმათ შედეგებსაც გადავხედავთ და შემადგენლობის შერჩევისას გავითვალისწინებთ".</p><p><strong>ყოველდღიური სპორტული გაზეთი "ლელო"</strong></p>
U23. მსოფლიოს ჩემპიონატზე სულეიმანიშვილმა ვერცხლის მედალი მოიპოვა
საქართველოს თავისუფალი სტილით მოჭიდავე 20-წლამდელთა ნაკრები ევროპის ჩემპიონია!
პეტრიაშვილმა და ჭეჭელაშვილმა ევროპის ჩემპიონატზე ოქროს მედლები მოიპოვეს!
"ახლა გუნდებს სჯერათ, რომ ჩვენთან დადებითი შედეგის მიღწევა შეუძლიათ" - სლოტმა "სანდერლენდთან" მატჩი შეაფასა
კიტეიშვილის "შტურმი" სახლში დამარცხდა და ვერ გალიდერდა
ფუტსალის ნაკრები საერთაშორისო ტურნირზე იასპარეზებს
[VIDEO] პარაგვაის ჩემპიონატის შეხვედრაში ცვლილებაზე 51 წლის კლუბის პრეზიდენტი შევიდა
პირველად "ბარსელონას" ისტორიაში - ლევანდოვსკიმ ანტი-რეკორდი დაამყარა
[VIDEO] დიდი პატივისცემა - რა გააკეთა ფლიკმა "ატლეტიკოსთან" საფინალო სასტვენის შემდეგ
[VIDEO] ნიკოლოზ ბასილაშვილი და მისი გერმანელი მეგობარი გოგონა ქართულად ამღერდნენ
სრულ მზადყოფნაშია - 2 თვეზე მეტის გასვლის შემდეგ, პალმერს დღეს "ჩელსის" ძირითადში ელიან
"შავი ლომი" ჩელენჯ თასს "მონპელიეთი" იწყებს
[VIDEO] "ბარსელონამ" სახლში "ატლეტიკოს" მოუგო
20 წ. | დიდი სხვაობით "კუდუსთან"
"კვარაცხელიას აშკარად ორი სახე აქვს" - ფრანგმა ჟურნალისტებმა პსჟ-ს ფეხბურთელების საქმისადმი განსხვავებულ დამოკიდებულებაზე ისაუბრეს
"სსრკ-ს ნაკრები წარმოსახვაში: მამარდაშვილი, კვარაცხელია, მიქაუტაძე, მწვრთნელი კლოპი" - რუსული გამოცემა ფანტაზიაში გადავარდა
მამის ნაკვალევზე - ისაგო სილვამ "ჩელსისთან" კონტრაქტი გააფორმა
"შეცდომებს დაუშვებს - დრო მიეცით" - ზაბარნიზე კომენტარი საფრანგეთის ნაკრების ყოფილმა მცველმა გააკეთა
იტალიაში საუკეთესოები აღიარეს - მაკტომინეი, "ნაპოლი", კონტე
რაფინიას პრემიერ ლიგაში უხმობენ - "ბარსელონას" ფინანსური პრობლემების გამო შესაძლოა, ფეხბურთელის დათმობა მოუწიოს
"ბრენტფორდს" კიდევ ერთ ფორვარდს გამოსტაცებენ? - 50-მილიონიანი ტრანსფერი დაიგეგმა
"ბაიერნის" პრეზიდენტმა ჰარი კეინის მომავალზე ისაუბრა
დიდი დაბრუნება სამწვრთნელო პოსტზე "რეალში"? - ალონსოს მუშაობა შესაძლოა, ძალიან მოკლევადიანი აღმოჩნდეს