<p>"ატლანტას" ქართველმა ცენტრმა "კლივლენდთან" მატჩში მიმდინარე სეზონში პირადი რეკორდი დაამყარა <br> <strong>თომპსონი და ფაჩულია</strong></p><p>ტრისტანს მოვუსმინოთ:</p><p>- კვირას ზაზა ფაჩულიამ დამამარცხა. მოხსნებიც არ დამანება, სამწამიანი ზონიდან გამაგდო და საერთოდ, მოედანზე დამანარცხა. ეს დაუშვებელია. მაქვს შანსი, განმეორებით მატჩში შეცდომა გამოვასწორო, ზედმეტად ვიაქტიურო და ფაჩულიას მოხსნა არ დავუთმო.</p><p>ტრისტან თომპსონი "კლივლენდის" მეფარეა, რომელსაც "ატლანტა ჰოქსთან" ბოლო ოთხ დღეში ორჯერ მოუწია დაპირისპირება. ზემოთ მოყვანილი ფრაზა თომპსონმა სამშაბათს თქვა.</p><p>ოთხშაბათს კი ჯორჯიელებმა მეორედაც დაამარცხეს "კავალერები". ამჯერადაც 103 ქულა ჩაუგდეს, თუმცა საკუთარ კალათში 102 მიიღეს. რაც შეეხება ზაზასა და ტრისტანის დუელს, კლივლენდელმა ქართველს ვერც ამჯერად აჯობა. შედარებისთვის სტატისტიკას შემოგთავაზებთ. ფაჩულია: 47:52 წუთი, 14 ქულა, 7 მოხსნა. თომპსონი: 41 წუთი, 13 ქულა, 5 მოხსნა.</p><p>თუმცა ტრისტანმა იმდენი მაინც მოახერხა, რომ ზაზას სარეკორდო სვლა შეაწყვეტინა - კარიერაში პირველად ფაჩულიას ზედიზედ ექვსჯერ ჰქონდა გადალახული ათმოხსნიანი ბარიერი. "კლივლენდთან" კი 7 მოხსნა მოაგროვა.</p><p><strong></p><p>დრიუ ზაზას: შენი ბოლომდე მჯერა!</strong></p><p>კვირის მატჩში "ატლანტამ" სტუმრად "კავალიერსს" იოლად, 103:87 სძლია. 22 მარტს გამთენიისას კი შეხვედრა იმდენად საინტერესოდ წარიმართა, რომ ღამის გატეხვად ნამდვილად ღირდა. საწყის სამ პერიოდში "ატლანტას" ჩვეული თამაში არ გამოუვიდა, "კლივლენდს" საგანგებოდ ჰქონდა გადაკეტილი პერიმეტრი.</p><p>ამიტომ მასპინძლებმა აქცენტი ფარქვეშიდან შეტევაზე გააკეთეს. ეს კარგად გამოსდიოდა ჯოშ სმიტს, რომელმაც საბოლოოდ 32 ქულას მოუყარა თავი. შედეგიანად უტევდა ფაჩულიაც, რომელიც მეოთხე რაუნდს 14 ქულით შეხვდა. მიმდინარე სეზონში მისი რეკორდი 16 ქულაა. მესამე პერიოდის შემდეგ იმედი გაჩნდა, რომ ამ მაჩვენებელს თუ არ გააუმჯობესებდა, გაიმეორებდა მაინც.</p><p>ზაზამ მეოთხე პერიოდი და ოვერტაიმი შეუცვლელად ითამაშა, თუმცა ქულათა მონაგარი ვერ გაიმდიდრა და რეკორდი შემდეგისთვის გადადო.</p><p>არადა, იყო ეპიზოდი, როცა ზუსტი ტყორცნით ფაჩულიას მატჩის ბედის გადაწყვეტაც შეეძლო: ოვერტაიმის დასრულებამდე 32 წამით ადრე (ანგარიშზე 101:101) ხელსაყრელი პოზიციიდან სტყორცნა. მაშინ, როცა ყველას ბურთი კალათში ეგონა, ნასროლმა მიზანს ვერ მიაღწია. გაზეთ "ატლანტა კონსტიტუშენში" ეს ეპიზოდი "დენვერთან" ფაჩულიას მიერ ბოლო წამზე აცილებულს შეადარეს:</p><p>"ზაზამ მატჩი მაღალ დონეზე ჩაატარა, გამარჯვებაშიც დიდი წვლილი შეიტანა. ბოლო წუთებზე რომ არ აეცილებინა...</p><p>მის შესახებ მწვრთნელ ლარი დრიუს ვკითხეთ, რომელმაც აღნიშნა:</p><p>- ფაჩულიას ვუთხარი: შესაძლოა, ერთი მნიშვნელოვანი ტყორცნა გააფუჭო, მაგრამ ამით ჩემი შენდამი დამოკიდებულება არ შეიცვლება. კვლავაც ბოლომდე გენდობი. როცა საქმე გუნდის წინა ხაზს ეხება, მსოფლიოში ყველაზე მეტად შენი მჯერა-მეთქი."</p><p>ამიტომაცაა, დრიუმ ფაჩულია 48 წუთი რომ ათამაშა, რაც მიმდინარე სეზონში ქართველის პირადი რეკორდია.</p><p><strong>ჯოში და ჯო</p><p></strong>ბოლოს ორიოდე სიტყვა მატჩის ქრონოლოგიაზეც უნდა ვთქვათ. თამაშის დასრულების შემდეგ ნებისმიერი გულშემატკივარი (მნიშვნელობა არ აქვს, რომელ გუნდს ქომაგობდა) ემოციურად დადებითად დაიმუხტებოდა.</p><p>პირველი მეოთხედი "კლივლენდისა" იყო, რომელმაც მე-16 წუთზე 16-ქულიან უპირატესობას მიაღწია (42:26). სწორედ ამის შემდეგ გაიღვიძა ჯოშ სმიტმა, ზედიზედ 8 ქულა ჩააგდო. მას ზაზა (4 ქულა) და სტეკჰაუზიც (ორი სამქულიანი) შეეშველნენ და მეორე პერიოდის დასრულებამდე 44 წამით ადრე "ატლანტა" 54:53 დაწინაურდა.</p><p>მესამე თორმეტწუთეულს 2 წუთი უკლდა, როცა მწვრთნელმა ფაჩულია კოლინზით შეცვალა. ამ მცირე მონაკვეთში ჯორჯიელებს 7-ქულიანი ფორა ხელში "შემოადნათ" და გადამწყვეტ რაუნდს უპირატესობით "კავალიერსი" შეხვდა - 73:72.</p><p>მეოთხე პერიოდისთვის ჯო ჯონსონიც გამოფხიზლდა და კიდევ ერთხელ დაამტკიცა, რომ უმაღლესი კლასის კალათბურთელია: საფინალო სირენასთან ერთად სამქულიანი კალათში ჩაუშვა (91:91) და წაგებული თამაში შემოატრიალა.</p><p>ოვერტაიმში კაილ ირვინგის (29 ქულა, 9 მოხსნა, 9 პასი) აქტიურობით "კლივლენდი" წინ გაიჭრა - 101:95. სირენამდე 1:27 წუთით ადრე ექვსქულიანი ჩამორჩენის აღმოფხვრა ურთულესი საქმეა, მაგრამ ჯონსონისა და სმიტის სიზუსტის წყალობით "ატლანტამ" ამჯერადაც შემოატრიალა და რა ანგარიშითაც გაიმარჯვა, უკვე მოგახსენეთ.</p><p><em><strong>ატლანტა-კლივლენდი 103:102</p><p></strong></em>ზაზა ფაჩულია: 48 წუთი, 14 ქულა (12-დან 5 ორქულიანი, 4-დან 4 საჯარიმო), 7 მოხსნა, 1 პასი, 2 ჩაჭრა, 1 დაფარება, 2 შეცდომა, 4 ფოლი.</p><p><strong>ყოველდღიური სპორტული გაზეთი "ლელო"</strong></p>
საქართველოს ნაკრების კალათბურთელმა "ბაიერნში" გადასვლის შემდეგ განცხადება გააკეთა: ევრობასკეტზე ჯგუფური ეტაპი უნდა დავძლიოთ და შემდეგ ყველაფერია შესაძლებელი
საქართველოს ნაკრების მოთამაშე კარიერას "ბაიერნში" გააგრძელებს
მამუკელაშვილმა "ტორონტო რეპტორზთან" ორწლიანი კონტრაქტი გააფორმა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
"[VIDEO] ბარსელონასთან" მატჩის წინ ხვიჩამ ტრავმა მიიღო - პსჟ-მ "ოსერს" მცველების გოლებით მოუგო
მიქაუტაძის 73 წუთი - "ვილიარეალმა" "ატლეტიკი" დაამარცხა და ზედიზედ მესამე გამარჯვება მოიპოვა
დავითაშვილი შეცვალეს - "სენტ-ეტიენი" სახლში "გენგამთან" დამარცხდა
პირველი ტაიმის შემდეგ პსჟ "ოსერს" 1:0 ამარცხებს
"ოსერთან" მატჩში პსჟ-ს სასტარტო შემადგენლობა ცნობილია
ზივზივაძის "ჰაიდენჰაიმმა" ნანატრი გამარჯვება მოიპოვა
[VIDEO] ხულიან ალვარესი მთელი თავისი ბრწყინვალებით - "ატლეტიკომ" მადრიდულ დერბიში "რეალი" გაანადგურა
[VIDEO] ნკეტიამ ალისონს ზედ საფინალო სასტვენის წინ გაუტანა - "ლივერპული" "კრისტალ პალასთანთან" დამარცხდა
გუნდია თუ საველე ჰოსპიტალი - პსჟ-ს კიდევ ერთი წამყვანი ფეხბურთელი გამოაკლდა
"იუნაიტედი" "ბრენტფორდთან" დამარცხდა - გაუშვებენ ამორიმს?
[VIDEO] კეინის ყველა დროის რეკორდი - "ბაიერნი" და ინგლისელი შეუჩერებლები არიან
დუდუ დადიანის მემორიალის 24-ე გათამაშება ოლიმპიურ სასახლეში დაიწყო
"ერთად დასაწყისიდან დასასრულამდე" - მესი ბუსკეტსის გადაწყვეტილებას ემოციური წერილით გამოეხმაურა
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ