<p>ამას სიკვდილი, იმას შეწყალება - სადისციპლინო კომიტეტმა მადრიდის "რეალს" განაჩენი გამოუტანა <br> ლა ლიგის დასრულებამდე 10 ტურით ადრე ჩემპიონატს ინტრიგა დაუბრუნდა - მთავარ კითხვას, ვინ გახდება ჩემპიონი, ერთმნიშვნელოვნად ვეღარ პასუხობენ - "რეალი" 6 ქულით წინ არის, მაგრამ ჩემპიონის სასარგებლოდ "კამპ ნოუზე" გასამართავი კლასიკო (აპრილში) და "ბარსას" შედარებით იოლი კალენდარი მეტყველებს.</p><p>თუმცა ხოსეპ გვარდიოლა მაინც მიიჩნევს, რომ მისი გუნდი ჩემპიონობისთვის ბრძოლაში აუტსაიდერია: "რა თქმა უნდა, 6 ქულა 10 ქულა არ არის, თუმცა "რეალის" უპირატესობა მაინც შესამჩნევია. მართალია, მათ ზედიზედ ორი ფრე ითამაშეს, მაგრამ ასე ხომ არ გააგრძელებენ?</p><p>როგორც წესი, "რეალი" ლა ლიგაში იგებს ხოლმე მატჩებს. ამიტომაც ვთქვი ადრე, რომ ჩემპიონატი წაგებული იყო".</p><p>სხვათა შორის, გვარდიოლამ თავი აირიდა "ვილიარეალისა" და "რეალის" მატჩის მსაჯობის შეფასებისგან - "რეალის" ბევრი მატჩი ვნახე, მაგრამ ეს არა, მხოლოდ ანგარიში შევიტყვეო.</p><p><strong></p><p>ამას სიკვდილი, იმას შეწყალება</strong></p><p>ამასობაში გაიმართა სადისციპლინო კომიტეტის სხდომა, სადაც "რეალის" ფეხბურთელებს და მწვრთნელებს სასჯელი განუსაზღვრეს, ზოგს დაუმძიმეს, ზოგიც შეიწყალეს. სერხიო რამოსს წითელი ბარათი გაუუქმდა და მას დღეს "რეალ სოსიედადთან" თამაშის უფლება მიეცა. სამაგიეროდ, 2-მატჩიანი დისკვალიფიკაციით დასაჯეს პეპე და ჟოზე მოურინიოს ასისტენტი რუი ფარია. თავად მოურინიოს, ისევე, როგორც მესუთ იოზილს - ერთმატჩიანი დისკვალიფიკაცია აკმარეს.</p><p>"რეალ სოსიედადთან" მატჩს დისკვალიფიკაციის გამო ლასანა დიარაც გამოტოვებს, მას 5 ყვითელი ბარათი დაუგროვდა.</p><p>სავარაუდოდ, ფაბიო კოენტრაოსაც მიეცემა თამაშის საშუალება, რომელიც "რეალის" ოფიციალური ინფორმაციის თანახმად, ტექნიკური მიზეზების გამო ვერ ვიხილეთ "ვილიარეალთან" მატჩში. ესპანური მედია კი ამტკიცებდა, რომ ის მოურინიომ დაბადების დღის აღნიშვნისას დისციპლინის დარღვევისთვის ("მარკამ" ფეხბურთელის ფოტო გამოაქვეყნა, სადაც კოენტრაო სიგარეტს ეწევა) დასაჯა.</p><p>ბასკებს არ ეყოლებათ გორკა ელუსტონდო, რომელმაც "ლევანტესთან" მატჩში წითელი ბარათი მიიღო, ყვითლები დაუგროვდა და "სანტიაგო ბერნაბეუზე" ვერ ვიხილავთ დანი ესტრადას. კარლოს მარტინესი და მარკელ ბერგარა ტრავმირებულები არიან. ბასკებს ძალიან გაუჭირდებათ სტუმრად 4-მატჩიანი წაგებათა სერიის შეწყვეტა.</p><p><strong>დიდი ხვრელი დაცვაში</strong></p><p>"ბარსელონა" ბალეარის კუნძულებზე მიდის, დღეს "ბლაუგრანა" "მალიორკას" გამოცდის. მასპინძლებს დისკვალიფიკაციამოხდილი ტრიო უბრუნდება: ივან რამისი, მიშელ პერეირა, ჩორი კასტრო. სამივე "მალიორკას" ლიდერია. ახლა მხოლოდ ერთი ფეხბურთელია დისკვალიფიცირებული - პედრო ბიგასი.</p><p>"ბარსელონამ" 1-2 კვირით ადრიანო დაკარგა, რის გამოც გუნდს დაცვის მარცხენა ფლანგზე სერიოზული საკადრო პრობლემა შეექმნა. დაცვაში მართლაც რთულად აქვს საქმე პეპს - დანი ალვეში და ხავიერ მასკერანო დისკვალიფიკაციის გამო ტოვებენ თამაშს. ჯანმრთელი განაპირა მცველი ჩემპიონს უბრალოდ არ ჰყავს.</p><p><span style="color: #ff0000;"><strong>ესპანეთი. ლა ლიგა. XXIX ტური</strong></span></p><p><em>24 მარტი</em></p><p><em><strong>მალიორკა-ბარსელონა 21:00</strong></em></p><p>დისკვალიფიკაცია: ბიგასი - დანი ალვეში, მასკერანო</p><p>ტრავმა: ოგუნჯიმი, ტეხერა - ვილია, ფონტასი, აბიდალი, აფელაი, ადრიანო</p><p><em><strong>რეალი-სოსიედადი 23:00</strong></em></p><p>დისკვალიფიკაცია: იოზილი, პეპე - ესტრადა, ელუსტონდო</p><p>ტრავმა: კარვალიო, დი მარია, ალბიოლი - მარტინესი, ბერგარა</p><p><em><strong>ხეტაფე-ვალენსია 01:00</strong></em></p><p>დისკვალიფიკაცია: კოსტა (ვალ)</p><p>ტრავმა: პედრო ლეონი, ლოპო, უსტარი, ბარადა, ლოპესი - ბანეგა, კანალესი, ალკასერი, კოშტა, მიგელი</p><p><em>25 მარტი</em></p><p><em><strong>სარაგოსა-ატლეტიკო 14:00</strong></em></p><p>დისკვალიფიკაცია: რუბენ მიკაელი, პოშტიგა (სარ)</p><p>ტრავმა: და სილვა, ლაკრუსი - ტიაგო, სილვიო, ლოპესი, დიეგო</p><p><em><strong>ესპანიოლი-მალაგა 18:00</strong></em></p><p>დისკვალიფიკაცია: ვერდიუ (ესპ)</p><p>ტრავმა: ალვარესი, მატიონი, სანჩესი, ს. გარსია - ბაპტიშტა, როსარიო, ხუანმი, ტულალანი</p><p><em><strong>ლევანტე-ოსასუნა 18:00</strong></em></p><p>დისკვალიფიკაცია: ვალდო (ლევ)</p><p>ტრავმა: ხუანლუ - სოლა, ლოლო, იბრაჰიმა, მასუდი, სერხიო</p><p><em><strong>ბილბაო-სპორტინგი 20:00</strong></em></p><p>დისკვალიფიკაცია: ირაოლა (ბილბ)</p><p>ტრავმა: ოსიო, მარტინესი, ლორენტე, კასტილიო, გურპეგი - სუარესი, გრეგორი</p><p><em><strong>ბეტისი-რასინგი 21:45</strong></em></p><p>დისკვალიფიკაცია: ფრანსისი, გულონი (რას)</p><p>ტრავმა: უსტარიცი, მარიო, სერხიო - აკოსტა, ტონიო</p><p><em><strong>ვალეკანო-ვილიარეალი 21:45</strong></em></p><p>დისკვალიფიკაცია: მარჩენა (ვილ)</p><p>ტრავმა: მიჩელი, ლაბაკა - კატალა, ვალერო, როსი</p><p><em>26 მარტი</em></p><p><em><strong>გრანადა-სევილია 23:00</strong></em></p><p>ტრავმა: რობერტო, დიახატე, რომერო, რიკო, იებდა - სპაჰიჩი</p><p><span style="color: #ff0000;"><strong>სატურნირო ცხრილი</strong></span></p><p><em>ა თ მ ფ წ ბ ქ</em></p><p>1. რეალი 28 23 3 2 90-25 72</p><p>2. ბარსელონა 28 20 6 2 82-22 66</p><p>3. ვალენსია 28 13 8 7 44-33 47</p><p>4. ლევანტე 28 13 5 10 41-38 44</p><p>5. მალაგა 28 13 5 10 42-40 44</p><p>6. ესპანიოლი 28 11 7 10 36-37 40</p><p>7. ოსასუნა 28 9 13 6 32-41 40</p><p>8. ატლეტიკო 28 10 9 9 39-34 39</p><p>9. ბილბაო 28 9 10 9 43-39 37</p><p>10. ვალეკანო 28 11 4 13 42-47 37</p><p>11. მალიორკა 28 9 9 10 31-35 36</p><p>12. სევილია 28 9 9 10 30-31 36</p><p>13. ხეტაფე 28 9 9 10 28-35 36</p><p>14. სოსიედადი 28 9 6 13 31-40 33</p><p>15. ბეტისი 28 9 4 15 32-42 31</p><p>16. გრანადა 28 9 4 15 27-43 31</p><p>17. ვილიარეალი 28 6 10 12 28-42 28</p><p>18. რასინგი 28 4 12 12 22-43 24</p><p>19. სპორტინგი 28 6 6 16 27-53 24</p><p>20. სარაგოსა 28 5 7 16 24-51 22</p><p><strong>ყოველდღიური სპორტული გაზეთი "ლელო"</strong></p>
michael
ავტ აშკად ბასას ფან
[PHOTO] სიყვარულს რას გაუგებ - ნიკოლმა იამალს "რეალის" ახალწვეულთან უღალატა
ალექსის სანჩესი კარიერას ლა ლიგაში გააგრძელებს
მიქაუტაძის "ვილიარეალმა" დონეცკის "შახტარის" ფეხბურთელი ინათხოვრა
„Milan Junior Camp ჩვენი ახალგაზრდა ფეხბურთელებისთვის უდიდესი შესაძლებლობაა“ - გიორგი ფოფხაძე
პსჟ ბარკოლასთან კონტრაქტის გაგრძელებაზე მოლაპარაკებას აწარმოებს
საქართველოს ნაკრებს ევრობასკეტზე მიღწეული ისტორიული შედეგისთვის მთავრობა ფულადი პრემიის სახით 3 მილიონ ლარს გადასცემს
"სპალეტი ნომერ პირველი კანდიდატი იყო" - "ფენერბაჰჩეს" პრეზიდენტმა იტალიელ სპეციალისტზე ისაუბრა
"ამას ფეხბურთთან საერთო არაფერი აქვს" - "ბაიერნის" პრეზიდენტმა "ნიუკასლი" გააკრიტიკა
"ალბათ ამ პასუხს ნაკლებად ელოდით" - გვარდიოლამ დაასახელა ფეხბურთელი, რომლის "სიტიდან" გაშვებასაც ყველაზე მეტად ნანობს
მე-6 ტიტული დიდი სლემის ტურნირზე - კარლოს ალკარასი აშშ-ის ღია პირველობის გამარჯვებულია
შენგელია: გასაკვირია ჯიკიჩი ევროლიგის გუნდს რომ არ წვრთნის
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
მამუკელაშვილი: შემიძლია ვემბანიამას მივწერო - საფრანგეთს მასთან ერთდაც მოვუგებდით
[VIDEO] დუბლი 2 წუთში - ტაბატაძე "კადისის" ფანების საყვარელი მოთამაშე ხდება
ხიზანიშვილი: საუკეთესო გაგნიძე იყო - კაშიამ ართამაშის გადაწყვეტილება ისე მიიღო, როგორც უნდა მიეღო
ბულგარელთა მწვრთნელი: კვარაცხელია ფანტასტიკურია, ახლა ამ დონის ფეხბურთელები არ გვყავს
როგორი შეფასებები მიიღეს საქართველოს ნაკრების ფეხბურთელებმა ბულგარეთთან მატჩში?
"მადლობა საბერძნეთს" - გოგა ბითაძე სოციალურ ქსელში პოსტს აქვეყნებს [PHOTO]
[VIDEO] გამარჯვებების დღე - საქართველოს ფეხბურთელთა ნაკრებმა ბულგარეთს დამაჯერებლად მოუგო!
[VIDEO] ისტორიაში პირველად - საქართველოს ნაკრებმა საფრანგეთი დაამარცხა და ევრობასკეტის მეოთხედფინალში გავიდა!
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია