<p>ჰოლანდიური კლუბის ქართველი მცველის გამოსასყიდად 3,5 მილიონი ევროა საჭირო <br> არნემის "ვიტესმა" გურამ კაშიასთან ახალი კონტრაქტი რომ გააფორმა, "ლელო" ამაზე უკვე წერდა. 24 წლის მცველს კლუბთან კონტრაქტი 2013 წელს უმთავრდებოდა. კონტრაქტის გახანგრძლივება კი რამდენიმე თვის წინ შესთავაზეს, მაგრამ კაშია ფიქრობდა და თანხმობას არ ჩქარობდა.</p><p>"ვიტესის" კაპიტნის გადაწყვეტილებას ჰოლანდიური მედია გამოეხმაურა და საინტერესო შეფასებები გაკეთდა.</p><p>"თავიდან კაშიას მარჯვენა მცველად ათამაშებდნენ, მაგრამ ახალმა მთავარმა მწვრთნელმა, ჯონ ვან დენ ბრომმა ცენტრში გადაიყვანა და ძალიან ძლიერად ათამაშდა. კაშია არის "ვიტესის" კაპიტანი და ლიდერი, მოედანზეც და მის გარეთაც", - წერს gelderlander.nl.</p><p>კაშიამ "ვიტესში" უკვე 52 შეხვედრა ჩაატარა, ხუთი გოლი გაიტანა და არნემელთათვის შეუცვლელი მოთამაშე გახდა. აღსანიშნავია, რომ ახალ კონტრაქტზე სოციალურ ქსელ "ტვიტერზე" ქართველმა მცველმა დაწერა - "ვიტესში" კიდევ 20 წელი ვითამაშებო.</p><p>ცნობილია, რომ ქართველ მცველს ერედივიზიეს ბევრად ძლიერ კლუბებში, "ტვენტესა" და "ეინდჰოვენში" იწვევდნენ. რა იყო მთავარი მოტივი, რის გამოც კაშიამ არნემელებთან კონტრაქტის გახანგრძლივება გადაწყვიტა - პირობები თუ ნაცნობ გუნდში ერჩივნა კარიერის გაგრძელება? ამ კითხვით კაშიას გუშინ მივმართეთ.</p><p>"ორივე ფაქტორმა იმოქმედა. "ვიტესს" ძალიან შევეჩვიე და ეს თქვენთან ორიოდე დღის წინაც ვთქვი. გუნდმა ბევრი შემძინა და თანაც, პროგრესირებს.</p><p>მერაბ ჟორდანია არნემში ამბიციურ კლუბს აყალიბებს და იმედია, მომავალში ამბიციურ "ვიტესთან" ერთად დიდ წარმატებებს მივაღწევთ.</p><p>აქ თავს ბედნიერად ვგრძნობ, არნემში ყველაფერი მაკმაყოფილებს და დარჩენაც ამიტომ გადავწყვიტე.</p><p>ცხადია, ახალი კონტრაქტით პირობებიც გამიუმჯობესეს. ამას გარდა, ხელშეკრულებაში ჩაიდო პუნქტი, რომ ჩემით დაინტერესებულ კლუბს, გარკვეული თანხის გადახდის შემთხვევაში შეუძლია ჩემი ტრანსფერი გამოისყიდოს. ეს ძალიან მნიშვნელოვანი პუნქტია, რადგან რაც უნდა მოხდეს, "ვიტესი" შეთანხმებულ თანხაზე მეტს ვერ მოითხოვს. მაგრამ ასევე ჩაიწერა, რომ ერთი წლის განმავლობაში ვერსად გადავალ, მერე კი თავისუფლად შემეძლება გადასვლა - ცხადია, თუ თანხას გადაიხდიან", - გვითხრა კაშიამ.</p><p>"ვიტესის" კაპიტანს კლუბთან შეთანხმებული თანხა არ დაუზუსტებია, მაგრამ დავინტერესდით და გავარკვიეთ, რომ ლაპარაკია 3,5 მილიონ ევროზე. თუ გახსოვთ, სწორედ ამ პუნქტით ისარგებლა <strong>ალეკო ამისულაშვილმა</strong>, როდესაც <strong>შოთა არველაძის</strong> "კაისერიდან" რუსეთის პრემიერლიგელ "კრასნოდარში" გადავიდა - მას კონტრაქტში 3 მილიონი ევრო ეწერა. საერთოდ, ბოლო დროს, კონტრაქტის ამ პირობით გაფორმება "მოდაშია".</p><p>კაშია პირველი ქართველი არ გახლავთ, რომელიც უცხოურ კლუბს კაპიტნობდა: სამკლაურით გაჰყავდა მოედანზე სამარის "კრილია სოვეტოვი" <strong>დავით მუჯირს</strong>, <strong>ალეკო რეხვიაშვილს</strong> - "სკონტო", <strong>დავით გამეზარდაშვილს</strong> - ასევე "სკონტო", <strong>კახა ცხადაძეს</strong> - "ანჟი", <strong>ლევან კობიაშვილს</strong> - ჯერ "ფრაიბურგი", ახლა ბერლინის "ჰერტა", <strong>ალექსანდრე იაშვილს</strong> ეს პატივი წილად ხვდა "ფრაიბურგსა" და "კარლსრუეში", <strong>შოთა არველაძეს </strong>"ალკმაარში", <strong>ალეკო ამისულაშვილს</strong> - "კრასნოდარში", <strong>გია კვარაცხელიას</strong> "კაუნასში", მინსკის "მტზ-რიპოსა" და ბრესტის "დინამოში". <strong>პაოლო მალდინისა</strong> და <strong>ალესანდრო კოსტაკურტას</strong> ტრავმიანობის დროს, "მილანი" კაპიტნის რანგში მოედანზე რამდენჯერმე ვიცე-კაპიტან <strong>კახა კალაძესაც</strong> გაუყვანია.</p><p><strong>ყოველდღიური სპორტული გაზეთი "ლელო"</strong></p>
antokeli
ყველაზე სტაჟიანი კაპიტანი დაგავიწყდათ, ვაჟა თარხნიშვილი
"კვარაცხელია გამონაკლისს წარმოადგენს" - RMC Sport-ი ვარაუდობს, რომელ პოზიციაზე ითამაშებს დღეს ხვიჩა
"მიქაუტაძესთან დაკავშირებით საშიშროება არსებობდა" - "სიტისთან" მატჩამდე მარსელინომ ქართველზე ისაუბრა
ტაბატაძის ერთი ტაიმი - "კადისი" სახლში "ბურგოსთან" დამარცხდა
ფუტსალი | საქართველო 2:2 ყირგიზეთი
პსჟ პაჩოს კონტრაქტს გაუგრძელებს
შენგელიას 18 ქულა და გამარჯვება, ბურჯანაძის 7 ქულა და ბრძოლაში მარცხი
ქალთა ნაკრები ორ ამხანაგურ მატჩს გამართავს
"ინტერის" სპორტულმა დირექტორმა ნეიმარის შესაძლო ტრანსფერზე ისაუბრა
ბენზემა ევროპაში დაბრუნდება? - ფრანგი ფორვარდის დამატება თურქულ გრანდს უნდა
პსჟ-ში ტრავმირებულები ბრუნდებიან - დემბელესა და მარკინიოსს "ლევერკუზენთან" თამაში შეეძლებათ
აბუაშვილის და წიტაიშვილის "მეცმა" მორიგი მარცხი განიცადა
როგორი შეფასებები მიიღო მამარდაშვილმა "მანჩესტერ იუნაიტედთან" მატჩში?
[VIDEO] გამორჩეული დაპირისპირება მოულოდნელი გმირით - მამარდაშვილის "ლივერპული" სახლში "მანჩესტერ იუნაიტედთან" დამარცხდა
"მანჩესტერ იუნაიტედთან" მატჩში "ლივერპულის" შემადგენლობა ცნობილია
[VIDEO] კიტეიშვილის გამარჯვების გოლი და საგოლე გადაცემა - "შტურმმა" 4:3 მოიგო
ლოჩოშვილის მორიგი კარგი მატჩი - "ნიურნბერგმა" გამარჯვება ხელიდან გაუშვა
"შოთა არველაძის სამშობლოში ვართ და სამწუხაროა, რომ ის ვერ ითამაშებს" - ფრანკ დე ბური ლეგენდების მატჩის წინ
"ესპანური სწრაფად ვისწავლე, რადგან ეს პატივისცემის ნიშანია" - კილიან მბაპე მადრიდულ ცხოვრებაზე
"წლის საუკეთესო მებრძოლად მერაბ დვალიშვილი უნდა დასახელდეს" - უმარ ნურმაგომედოვი
"როცა გულის შეტევით საავადმყოფოში ვიწექი, მესის ქმედებით გაოგნებული დავრჩი" - კასილასმა აქამდე უცნობი ისტორია გაიხსენა
"საფონოვი მოთმინებას კარგავს" - რას წერს ფრანგული გამოცემა რუს მეკარეზე?
[VIDEO] შერმადინის და უერტასის დუეტი კვლავ ბრწყინავს - "ტენერიფემ" "მურსია" დაამარცხა
გვარდიოლამ გაამხილა, როდის იფიქრებს მწვრთნელის კარიერის დასრულებაზე