<p>ფრეინდელფელდსის ტურნირში ჩვენმა ბიჭებმა ორივე სტილის სახეობაში ჯამში 29 მედალი აიღეს <br> ამ უქმეებზე რიგაში დამთავრდა ფრეინდელფელდსის სახელობის საერთაშორისო ტურნირი ახალგაზრდა მოჭიდავეთა შორის (ბიჭები, გოგოები).</p><p>საქართველოდან მხოლოდ ბიჭები გამოდიოდნენ ორივე სტილში და წარმატებითაც იასპარეზეს.</p><p>"თავისუფლებში" 13-იდან უკლებლივ ყველამ მედალი მოიპოვა, ბერძენ-რომაელებში კი 17 მონაწილიდან მხოლოდ 1 დარჩა უმედლოდ.</p><p>საინტერესოა, რომ ორივე გუნდმა 6-6 ოქროს მედალი წამოიღო სამშობლოში, სხვა სინჯის მედლებში კი მცირე უპირატესობა ბერძენ-რომაელთა მხარესაა - მათ წილად 4 ვერცხლი და 6 ბრინჯაო მოდის, "თავისუფლებზე" - 3 ვერცხლი და 4 ბრინჯაო.</p><p>ბერძენ-რომაელთაგან ჩემპიონები <strong>ზურაბ სანიკიანი</strong> (50), <strong>რამაზ სურმანიძე</strong> (55), <strong>გიორგი დავითაია</strong> (66), <strong>თორნიკე ძამაშვილი</strong> (74), <strong>რობერტ ქობლიაშვილი</strong> (84) და <strong>ლევან არაბული</strong> (120) გახდნენ; ვიცე-ჩემპიონობა <strong>გიზო მელაძემ</strong> (50), <strong>ხვიჩა ჭითავამ</strong> (60), <strong>იაკობ ქაჯაიამ</strong> (96) და <strong>შოთა გოგისვანიძემ</strong> (120) მოიპოვეს; ბრინჯაოს მედლები კი <strong>ნიკა ცეცხლაძეს</strong> (55), <strong>ამირან შავაძეს</strong> (60), <strong>ფირუზ წულუკიძეს</strong> (66), <strong>ლაშა გობაძეს</strong> (74), <strong>დავით ჩაკვეტაძეს</strong> (84) და <strong>ბექა ქურცაძეს</strong> (96) ერგოთ.</p><p>"თავისუფალთა" ტურნირი <strong>ბექა ბუჯიაშვილმა</strong> (50), <strong>ლევან ქელეხსაშვილმა</strong> (60), <strong>ზურაბ იაკობაშვილმა</strong> (66), <strong>სანდრო ამინაშვილმა</strong> (84), <strong>ომარ გუსოშვილმა</strong> (96) და <strong>გენო პეტრიაშვილმა</strong> (120) მოიგეს; <strong>ლაშა ტალახაძემ</strong> (55), <strong>ლაშა ბითარაშვილმა</strong> (60) და <strong>გიორგი მეშვილდიშვილმა</strong> (96) მხოლოდ ფინალური შეხვედრები დათმეს და ვერცხლის მედლებს დასჯერდნენ; მესამე პრიზიორები კი <strong>ოთარ გოგავა</strong> (55), <strong>კონსტანტინე ხაბალაშვილი</strong> (66), <strong>ზურაბ ყველაშვილი</strong> (74) და <strong>ლევან გოგრიჭიანი</strong> (84) გახდნენ.</p><p>როგორც ვხედავთ, რამდენიმე წონაში ქართული ფინალიც გაიმართა. მათგან უმეტესობაში საქართველოს პირველობის ფინალები განმეორდა, რაც ზოგიერთ შემთხვევაში ძველი შედეგით დასრულდა, თუმცა იყო საპირისპირო მაჩვენებელიც.</p><p>ასე მაგალითად, სანიკიანმა მაშინაც მოუგო მელაძეს, როგორც ქელეხსაშვილმა - ბიტარაშვილს. სამაგიეროდ, გუსოშვილმა რევანში აუღო მეშვილდიშვილს, ვინც ქვეყნის პირველობის აღმოჩენად იქცა.</p><p>სამწუხაროდ, ტურნირის მიმდინარეობაზე ჭიდაობის საერთაშორისო ფედერაციის არაორგანიზებულობის გამო ვერაფერს გეტყვით და არ ვიცით, წინასწარ შეხვედრებშიც შეხვდნენ თუ არა ჩვენები ერთმანეთს, მაგრამ შეგახსენებთ, რომ სურმანიძე, შავაძე, წულუკიძე, გობაძე, ჩაკვეტაძე, ქაჯაია, არაბული, ბუჯიაშვილი, ტალახაძე, იაკობაშვილი, ყველაშვილი, ამინაშვილი და პეტრიაშვილი ქვეყნის ჩემპიონები არიან.</p><p>სავარაუდოდ, რიგაში რამდენიმე მათგანი კონკურენტებსაც შეხვდებოდა, მაგრამ ამაზე გუნდების თბილისში დაბრუნების შემდეგ თუ შევიტყობთ. თუმცა როგორც უნდა განვითარებულიყო მოვლენები, თუნდაც მხოლოდ ზემოთქმული ნაკრებში კონკურენციის ზრდის ნიშანია.</p><p>საინტერესოა ორივე გუნდში მძიმე წონებში ნაჩვენები შედეგებიც. პეტრიაშვილისგან ჩემპიონობას ნამდვილად ველოდით და მისასალმებელია, რომ ფავორიტის იმიჯი გაამართლა. აი, არაბულმა კი მორიგი სიურპრიზი შემოგვთავაზა - ახალგაზრდებში მსოფლიოს მოქმედი ჩემპიონი გოგისვანიძე დაამარცხა.</p><p>შესაძლოა, გოგისვანიძე ჯერ არცაა ფორმაში, რადგან იმ გამარჯვების შემდეგ ტრავმები აწუხებდა და ძალიან ბევრი გაუცდა. არაბულმა ქვეყნის პირველობაც დამაჯერებლად მოიგო, სადაც ფინალში ზურაბ გედეხაურს აჯობა, რომელიც მსოფლიოს ჩემპიონ გურამ გედეხაურის შვილია. რიგაში მხოლოდ ის დარჩა უმედლოდ, რითაც გული არ უნდა გაიტეხოს.</p><p><strong>ყოველდღიური სპორტული გაზეთი "ლელო"</strong></p>
ლაშა გობაძე რეპეშაჟში დამარცხდა და ოლიმპიური თამაშები მედლის გარეშე დაასრულა
ლაშა გობაძე ოლიმპიური თამაშების მეოთხედფინალში ბულგარელ მეტოქესთან დამარცხდა
რობერტ კობლიაშვილი ოლიმპიადის პირველივე შეხვედრაში დამარცხდა
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია
ოფიციალურად: "კოლოსმა" ზურაბ რუხაძე წარადგინა
ტიაგო მოტამ შესაძლოა, ბუნდესლიგის ბინადარი გუნდი ჩაიბაროს
როდრიმ მისი აზრით "ოქროს ბურთის" ორი ფავორიტი დაასახელა
"სექსის დროს არ მინახავს, არ იცოდა, რომ კამერებზე წვდომა მქონდა..." - როგორ გაიგო ღალატის შესახებ არგენტინელი ვარსკვლავის მეგობარმა გოგონამ
ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს
ქოჩორაშვილი: აქამდე სწორედ იმიტომ მოვედით, რომ არასდროს ვნებდებით
ევრობასკეტის მთავარი სენსაცია - სერბეთის ნაკრები ფინეთთან დამარცხდა და ტურნირს გამოეთიშა
"შავი ლომი" "ძებრესთან" დამარცხდა
ლუქსემბურგის ახალგაზრდული ნაკრების ავტობუსი გზაში გადატრიალდა
გატუზო თავის სტიქიაშია - ზოგს წაუთაქა, ზოგს სილა გააწნა
დუე და დემბელე ლაზარეთში, ლუის ენრიკე საოპერაციო მაგიდაზე - რა ხდება პსჟ-ში?
ბულგარელთა მწვრთნელი: შეგვიძლია ის დანაკლისი აღმოვფხვრათ, რაც ჩვენი და საქართველოა ნაკრების ფეხბურთელების ხარისხს შორისაა
დავითაშვილი: ასეთები ხდება, მთავარია, ახლა არ გავიმეოროთ
სანიოლი: ისე ხდება, როგორც სკოლაში - გვირჩევნია ახალ ტაქტიკაზე ახლავე გადავეწყოთ
ანრის გაუთანაბრდა - მბაპე საფრანგეთის ნაკრებში ყველა დროის რეკორდისკენ მიდის
მატჩის დღე - ქართველებსა და ბულგარელებს ცუდად დაწყებულის გამოსწორება სურთ!