- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
გინესის რეკორდების ნომინანტები
<p>ჩვენი ჩემპიონატის 22-წლიან ისტორიაში პირველად მოხდება, რომ სეზონს სრულად მხოლოდ ერთი მწვრთნელი ჩაამთავრებს</p><p><br> მეორე ეტაპის დაწყებიდან თვეც არ გასულა და აი, მორიგი სამწვრთნელო ცვლილების შესახებაც შევიტყვეთ: გამოცდილი სპეციალისტი <strong>თემურ მახარაძე</strong> გორის "დილას" მთავარი მწვრთნელის პოსტიდან გაათავისუფლეს!</p><p>მოკლედ, საქართველოს ჩემპიონატში ბოლო წლებში დამკვიდრებული ტრადიცია კვლავაც გრძელდება და, ალბათ, სულ მალე "გინესის რეკორდების წიგნშიც" შევალთ: სეზონის დაწყებიდან უმაღლეს ლიგაში უკვე 29 სამწვრთნელო გადაადგილება მოხდა!</p><p>აქვე ბარემ ის გუნდებიც ვახსენოთ, სეზონის მსვლელობისას ყველაზე მეტი მწვრთნელი რომ შეიცვალეს: ბოლნისის "სიონსა" და გორის "დილაში" მეოთხე სამწვრთნელო გადაადგილება მოხდა. არც დანარჩენები ჩამორჩებიან, სადაც ორ-ორჯერ თუ სამ-სამჯერ შეიცვალა მთავარი მწვრთნელი.</p><p>არადა, 2011 წელი რომ დასრულდა და ჩემპიონატში პაუზა გამოცხადდა, იმ ფაქტზე ვამახვილებდით ყურადღებას, რომ უმაღლესი ლიგის 12 გუნდიდან მხოლოდ ოთხ გუნდში არ იყო შეცვლილი მთავარი მწვრთნელი; ანუ ეს ციფრი გვეცოტავებოდა და ახლა კი, ამ განვლილ სამ თვეში კვლავაც რამდენიმე სამწვრთნელო ცვლილების მომსწრენი გავხდით.</p><p>ჯერ იყო და, <strong>ელგუჯა ქომეთიანის</strong> ნაცვლად "ბაიას" მთავარ მწვრთნელად <strong>გოჩა ტყებუჩავა</strong> დაინიშნა; ამას მოჰყვა "დინამოს" თავკაცის პოსტიდან <strong>ალექს გარსიას</strong> წასვლა და ამ პოსტზე <strong>გიორგი დევდარიანის</strong> მოსვლა. მოკლედ, მეორე ეტაპის დაწყებამდე ორადორი სპეციალისტი იყო დარჩენილი, ვინც თავის გუნდში ჩემპიონატის დაწყებიდან მუშაობდა: <strong>ზურაბ ბერიძე</strong> ("ვიტ ჯორჯია") და <strong>მალხაზ ჟვანია</strong> ("მერანი"); თუმცა მარტის დასაწყისში ბერიძესაც წასვლა მოუწია (მის ნაცვლად "ვეტერინარების" თავკაცად <strong>მერაბ კოჭლაშვილი</strong> დაინიშნა) და დღეს მხოლოდ <strong>მალხაზ ჟვანია</strong> დარჩა "ხელუხლებელი"!</p><p>არადა, მსგავსი რამ ბოლოს როდის მოხდა, ვერც გაგვიხსენებია; უფრო ზუსტად, საქართველოს ჩემპიონატის 22-წლიან ისტორიაში არასდროს მომხდარა, როცა სეზონი სრულად მხოლოდ და მხოლოდ ერთადერთ მწვრთნელს ჩაემთავრებინა!</p><p>ისე, ჩემპიონატი ჯერ არ დამთავრებულა და ვინმემ შესაძლოა ისიც თქვას, რომ "მერანშიც" ნუ გამორიცხავთ სამწვრთნელო ცვლილებასო. თუმცა მოვლენების ასეთი განვითარების ნაკლებად კი არა, საერთოდ არ გვჯერა: მარტვილური კლუბის ხელმძღვანელობას, წესითა და რიგით, სრულად უნდა აკმაყოფილებდეს <strong>მალხაზ ჟვანიას</strong> მუშაობა. თანაც, ეს 36 წლის სპეციალისტი უკვე მეხუთე სეზონია, გადაბმულად მუშაობს მარტვილური კლუბის მთავარ მწვრთნელად და სწორედ ჟვანიას თავკაცობით შეძლო "მერანმა" უმაღლეს ლიგაში აღზევებაც.</p><p>აი, ნდობაც ამას ჰქვია და ისიც ნიშანდობლივია, რომ ახალგაზრდა სპეციალისტი ამ ნდობას ამართლებს...</p><p><span style="color: #ff0000;"><strong>გემოვნებაზე არ და</strong></span><strong><span style="color: #ff0000;">ვ</span></strong><span style="color: #ff0000;"><strong>ობენ</strong></span></p><p><strong>თემურ მახარაძეს</strong> სხვადასხვა დროს საქართველოს ჩემპიონატში არაერთ კლუბში უმუშავია და ვერავინ იტყვის, ტიტულები ან გამოცდილება აკლიაო. "ზესტაფონთან" ერთად თასი მოიპოვა, რუსთავის "ოლიმპთან" კი - ჩემპიონობა. აღარაფერს ვამბობთ მეორე-მესამე პრიზიორობასა თუ თასის ფინალისტობაზე.</p><p>"დილაში" მისვლამდე <strong>მახარაძეს</strong> დაახლოებით ერთწლიანი პაუზა ჰქონდა და აი, შარშან, გვიან შემოდგომაზე კვლავაც დაუბრუნდა საქართველოს ჩემპიონატს. თანაც, გორის "დილაში" სეზონის დაწყებიდან ეს უკვე მესამე სამწვრთნელო გადაადგილება იყო: ჩემპიონატი ახალგაზრდა სპეციალისტმა <strong>გია ცეცაძემ</strong> დაიწყო, ვინც მოგვიანებით <strong>რამაზ სოღოლაშვილმა</strong> ჩაანაცვლა; მერე კი, როგორც უკვე აღვნიშნეთ, <strong>თემურ მახარაძე</strong> მიიწვიეს.</p><p><strong>ცეცაძის</strong> ხელმძღვანელობით "დილა" მართლაც თვალსასეირო ფეხბურთს უჩვენებდა და რამდენიმე ხმაურიანი სენსაციაც შემოგვთავაზა. ჯერ მარტო "ზესტაფონთან" სტუმრად გამარჯვება (4:0) რად ღირდა; ან კიდევ ასევე სტუმრად თასის მერვედფინალში "დინამოსთან" ფრე (2:2). თუმცა 4-3-3 ტაქტიკური სქემის მოყვარულ <strong>ცეცაძეს</strong> დიდხანს მუშაობა არ დააცადეს და XI ტურის შემდეგ, "სპარტაკთან" საშინაო მარცხის (1:2) მერე, გუნდიდან გაუშვეს.</p><p>"დილის" გაძღოლა დროებით <strong>რამაზ სოღოლაშვილს</strong> დაეკისრა - ამ გუნდის ისტორიაში ერთ-ერთ საუკეთესო მეკარეს და მოგვიანებით უკვე მეკარეების მწვრთნელს სერიოზული გამოცდის ჩატარება მალე მოუწია - თასის მერვედფინალის საპასუხო შეხვედრას ვგულისხმობთ, როცა "დილამ" თავისთვის სასურველი ანგარიშით (0:0) დაამთავრა მატჩი და "დინამო" ამ გათამაშებიდან გამოთიშა!</p><p>რაც შეეხება ჩემპიონატს, <strong>სოღოლაშვილის</strong> ხელმძღვანელობით გორელებმა მხოლოდ 2 მატჩი ჩაატარეს - "ვიტ ჯორჯიასთან" შინ ფრედ (1:1) ითამაშეს, "ტორპედოსთან" სტუმრად კი დამარცხდნენ (1:2). აი, სწორედ ამის შემდეგ ჩაიბარა გუნდი <strong>თემურ მახარაძემ</strong> და უნდა ითქვას, რომ მის წინაშე დასახული ორივე ამოცანა შეასრულა: თასის მეოთხედფინალში "დილამ" ორი მატჩის ჯამში "ბაიას" აჯობა და რაც მთავარია, ჩემპიონატში საუკეთესო 8 გუნდში მოხვდა.</p><p>ოღონდ ისიც უნდა ითქვას, რომ ზამთრის პაუზის დროს "დილას" სერიოზულზე-სერიოზული პატრონიც გამოუჩნდა. გუნდში ერთი-მეორეზე უკეთესი ფეხბურთელებიც ჩაირიცხნენ და ასეთი ამბიციური კლუბის "ზედა რვიანში" ვერმოხვედრა, ცოტა არ იყოს, წარმოუდგენელიც იყო.</p><p>რა თქმა უნდა, ნებისმიერი მწვრთნელისთვის საოცნებოა, როცა კლუბს სერიოზულ-გავლენიანი პატრონი ჰყავს, უცხოურ შეკრებასაც რომ გაივლის და გუნდშიც კვალიფიციურ ფეხბურთელებს რომ მიუყვანენ, მაგრამ, ეტყობა, ბევრს დაავიწყდა, რომ ახალი გუნდი ერთ და ორ თვეში არ იქმნება: "დილაში" 20-ამდე ახალწვეული ჩაირიცხა და ერთმანეთთან შეუთამაშებლობის პრობლემა გორელთა გუნდის თითქმის ყველა მატჩში ცხადად ჩანდა.</p><p><strong>მახარაძის</strong> ხელმძღვანელობით "დილამ" ჩემპიონატში 12 მატჩი ჩაატარა: 4 მოიგო, 5 ფრედ ითამაშა და 3 წააგო (ბურთების სხვაობა - 13-6). განსაკუთრებით არადამაჯერებელი იყო "დილის" ასპარეზობა "ზედა რვიანში": სამი მატჩიდან ერთი წააგო და ორი ფრედ ითამაშა. თუმცა, გულახდილად რომ ვთქვათ, ბევრისთვის მოულოდნელი არც უნდა ყოფილიყო: ამ სეზონში "დილის" პრიორიტეტი ხომ თასზე წარმატებული ასპარეზობა იყო; მით უფრო, რომ გორელთა გუნდს კენჭისყრაზეც გაუმართლდა და ნახევარფინალში "ზესტაფონსა" და "მეტალურგს" ასცდა...</p><p><span style="color: #ff0000;"><strong>შეხვედრა წარსულთან</strong></span></p><p>XXIII ჩემპიონატს ვატარებთ და მხოლოდ ოთხი შემთხვევა იყო, გორის "დილას" უმაღლეს ლიგაში რომ არ უასპარეზია (2000-01 წლების სეზონში და 2008-11 წლებში); ანუ გუნდი ამჟამად XIX სეზონს ატარებს უმაღლეს ლიგაში და ამაზე უკეთესი მაჩვენებელი მხოლოდ თბილისის "დინამოს", ქუთაისის "ტორპედოსა" და ბათუმის "დინამოს" აქვს; ანალოგიური - ფოთის "კოლხეთს").</p><p>თუმცა "დილას" არასდროს ჰქონია პრეტენზია საპრიზო ადგილებისათვის და საქართველოს ჩემპიონატის ისტორიაში საუკეთესო შედეგი მეხუთე ადგილზე გასვლაა (2003-04 წლების სეზონში); უფრო ზუსტად, <strong>ზურაბ ხორგუაშვილის</strong> ხელმძღვანელობით მოასპარეზე "დილამ" ჩემპიონატი VI ადგილზე დაამთავრა, მაგრამ "სიონს" ყველა ქულა რომ ჩამოერთვა, ამის გამო საბოლოო ცხრილიც შეიცვალა.</p><p>ბევრად უკეთესი შედეგი აქვთ გორელებს საქართველოს თასზე: წლევანდელი სეზონის ჩათვლით, "დილა" მესამედ არის ნახევარფინალში გასული.</p><p>ამ სეზონში გუნდს... მეოთხე ახალი მწვრთნელი ეყოლება, თუმცა ასეთი მაგალითები "დილაში" ადრეც ყოფილა, როცა სეზონის განმავლობაში გუნდში სამი-ოთხი სამწვრთნელო გადაადგილებაც მომხდარა. საპირისპირო სიტუაციაც არ უნდა დაგვავიწყდეს, როცა ერთსა და იმავე მწვრთნელს სეზონის სრულად ჩატარების საშუალება ჰქონდა: <strong>მერაბ კოჭლაშვილს, რობერტ ამბრიაშვილს, დავით შავდათუაშვილს, ივანე თაყაძეს</strong> (ორჯერ) და უკვე ნახსენებ <strong>ზურაბ ხორგუაშვილს</strong>.</p><p>"დილის" ახალ თავკაცს, 44 წლის <strong>თემურ შალამბერიძეს</strong> დღემდე არც უმაღლეს და არც პირველ ლიგაში არ უმუშავია. სამაგიეროდ, ბავშვთა ფეხბურთში ერთობ წარმატებულ სპეციალისტად მიიჩნევენ. <strong>თემურ შალამბერიძეს,</strong> როგორც ოსტატთა გუნდის მწვრთნელს, თუ არ იცნობენ, სამაგიეროდ, ბევრს ემახსოვრება მისი საფეხბურთო კარიერა: თბილისის "შევარდენის", ხაშურის "ივერიის", გურჯაანის "ალაზნისა" და თელავის "კახეთის" შემადგენლობაში ეროვნულ ჩემპიონატში 180-ამდე მატჩი ჩაატარა და 23 გოლი გაიტანა (1990-97 წლებში).</p><p>სხვათა შორის, <strong>შალამბერიძეს</strong> გორთან ადრეც ჰქონია "გარკვეული ურთიერთობა": 1988 წელს, როცა "დილა" საკავშირო ჩემპიონატის მეორე ლიგაში ასპარეზობდა, სწორედ ამ გუნდში თამაშობდა.</p><p><strong>ყოველდღიური სპორტული გაზეთი "ლელო"</strong></p>
VIDEO | ეროვნული ლიგა | დილა 1-0 ტორპედო. რამდენი რამ იყო "პირველად"...
VIDEO | ეროვნული ლიგა | სპაერი 4-1 სამგურალი. ნამდვილი ლიდერი - "სპაერი" პლუს ოთხით!
VIDEO | ეროვნული ლიგა | რუსთავი 1:2 გაგრა. სულ სხვა "გაგრა"...
პერესის რჩეული - "რეალი" ოლისეს სუპერ ტრანსფერისთვის ემზადება?
სპალეტის იმედი აღარ აქვს - კლუბი დევიდის წასვლას ხელს არ შეუშლის
ახალი კონტრაქტი "ჯენოასგან" - დე როსის მიწვევა სხვა იტალიურ კლუბებსაც სურთ
"ჩელსის" დიდი დანაკლისი პსჟ-ისთან მატჩის წინ - ლონდონელებს გუნდის კაპიტანი გამოაკლდათ
მე-17 ტურის ბოლო მატჩში "რუსთავმა" გურჯაანში "დელტა" დაამარცხა
VIDEO | ეროვნული ლიგა | დილა 1-0 ტორპედო. რამდენი რამ იყო "პირველად"...
დიხამინჯიამ 7 ბურთი გაიტანა, გავაშელიშვილმა და ცხოვრებაძემ 5-5, 4 გოლია კალანდაძის ანგარიშზე
საქართველოს ნაკრები რუმინეთთან ამხანაგურ მატჩს გამართავს
"რასიზმი სირცხვილია, მაგრამ მოედნიდან არ უნდა გავდიოდეთ" - ხეფრენ ტურამი
[VIDEO] კიდევ ეს უნდოდა? - იგორ ტუდორის კურიოზული ვიდეო სოციალურ ქსელში ვირუსულად ვრცელდება
ბათუმმა ზედიზედ მეოთხე გამარჯვება ორბთან იზეიმა
[VIDEO] პსჟ-მდე "ჩელსი" სახლში "ნიუკასლთან" დამარცხდა
[VIDEO] აკი პუტინი არ ვარო - ლაპორტა მესამედ გახდა "ბარსელონას" პრეზიდენტი და წაუცეკვა
[VIDEO] რეგრესი - საქართველოს ნაკრები რაგბი ევროპის ჩემპიონატის ფინალში პორტუგალიასთან დამარცხდა
VIDEO | ეროვნული ლიგა | რუსთავი 1:2 გაგრა. სულ სხვა "გაგრა"...
[VIDEO] სობოსლაის ულამაზესი ჯარიმა და რიშარლისონის გოლი 90-ე წუთზე - "ტოტენჰემი" "ენფილდზე" არ დამარცხდა
[VIDEO] რაფინიას ბენეფისი "სევილიასთან" - "ბარსელონამ"უხვგოლიან დაპირისპირებაში გაიმარჯვა
[VIDEO] წიტაიშვილის საგოლე გადაცემა - "მეცმა" "ტუტუზასთან" ანგარიში 0:2-დან გაათანაბრა
VIDEO | ეროვნული ლიგა | იბერია 1999 0:0 დინამო (თბ). ნულები, რომელიც არ გვიკვირს
სუპერლიგის მე-17 ტური კსუ-ს, "ქუთაისის" და "ივერიონის" მოგებებით დაიწყო