- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
დაგეგმილი და უპრობლემო
<p>...რა უნდა მომხდარიყო, ჩემპიონს "დაგეგმილი" გამარჯვება რომ ვერ მოეპოვებინა? არც არაფერი - დღესდღეობით "ოლიმპი" თავის მეტოქეზე...</p><p><br> ...რა უნდა მომხდარიყო, ჩემპიონს "დაგეგმილი" გამარჯვება რომ ვერ მოეპოვებინა? არც არაფერი - დღესდღეობით "ოლიმპი" თავის მეტოქეზე ყველაფრით მაღლა დგას და თემურ მახარაძის გუნდმაც ახალ სეზონში თავის მეორე გამარჯვებას უპრობლემოდ მიაღწია. თანაც, იმის მიუხედავად, რომ მასპინძლებმა მეორე (ანუ, "დამამშვიდებელი") გოლი მხოლოდ მატჩის მიწურულს გაიტანეს - მთელი შეხვედრის განმავლობაში "ოლიმპის" უპირატესობა ეჭვს ნამდვილად არ იწვევდა.</p><p>...მატჩის დღეს რუსთავში არ გადაუღია: დილიდან საღამომდე წვიმდა, მაგრამ "ფოლადის" ხელოვნურსაფარიანი მოედანი იდეალურ მდგომარეობაში იყო. ანუ, უამინდობას ფეხბურთელებისათვის ხელი არ უნდა შეეშალა: პირიქით, სიგრილეში უწევდათ საკუთარი ოსტატობის დემონსტრირება.</p><p>სამწუხაროდ, საქართველოს ჩემპიონატში "ოსტატობის" ხსენებაზე, ალბათ, დაფიქრებაც გვმართებს: ისე როგორც სხვა დროს, ამ კონკრეტულ მატჩშიც ორივე გუნდის ფეხბურთელთა მოქმედებებში უამრავი წუნი შეიმჩნეოდა. თუმცა, ალბათ, სჯობს, რომ ქართული ფეხბურთის არახალ პრობლემაზე საუბარს თავი დავანებოთ და "ოლიმპი"-"სპარტაკის" მატჩის მეტ-ნაკლებად დასამახსოვრებელი მომენტები ვახსენოთ.</p><p>თუმცა მანამდე ისიც ვთქვათ, რომ პირველად ახალ სეზონში, "ოლიმპის" სამატჩო განაცხადში... 18 ფეხბურთელი იყო! ამასთან, მასპინძელთა ძირითადში დებიუტანტიც ვიხილეთ: 21 წლის გიორგი ქავთარაძე. ამპლუით საყრდენ ნახევარმცველს მშობლიური ქალაქის გუნდის ღირსების დაცვა პირველად მოუხდა (ბოლო წლებში თბილისის "დინამოში" ირიცხებოდა) და ურიგო შთაბეჭდილება ნამდვილად არ დაუტოვებია. სხვათა შორის, "ოლიმპის" ოთხწლიანი ისტორიის განმავლობაში, თუ არ ვცდებით, პირველად მოხდა, როცა ძირითად შემადგენლობაში რუსთავის ფეხბურთის 3 აღზრდილი გამოჩნდა - გიორგი ქავთარაძე, გრიგოლ ბედიაშვილი, გიორგი რეხვიაშვილი.</p><p>...მასპინძლებმა თამაში აქტიურად დაიწყეს და "სპარტაკის" კარს, თავდაპირველად, ხიფათს მარჯვენა ფლანგიდან უტევდნენ. განსაკუთრებით მონდომებულად კი თეიმურაზ ღონღაძე გამოიყურებოდა - "ოლიმპის" მარჯვენა მცველმა თავის ფლანგზე გაილაღა და მისი ერთ-ერთი მორიგი რეიდის შემდეგ გიორგი ბერიაშვილის თავური დარტყმა მცირეოდენ არაზუსტი გამოდგა.</p><p>სულ მალე კი მასპინძელთა "მთავარი იარაღი" ამოქმედდა - ისე როგორც წინა მატჩებში, კვლავაც მშვენიერი შთაბეჭდილება დატოვა რევაზ გეწაძემ; ამ ზაფხულს აზერბაიჯანიდან დაბრუნებულმა მარცხენაფლანგელმა მთელი შეხვედრა უაღრესად მოტივირებულმა ჩაატარა და მატჩის საუკეთესო ფეხბურთელიც, უდავოდ, სწორედ, იგი გახლდათ. სწორედ გეწაძის გამჭოლ გადაცემას მოჰყვა კიდეც ამ შეხვედრის გოლი: მეტოქის საჯარიმოში შექმნილ სიტუაციაში ყველაზე სწრაფად გიორგი ბერიაშვილი გაერკვა და თავის ახალ გუნდში პირველ წარმატებასაც მიაღწია.</p><p>ტაიმის ბოლომდე "ოლიმპს" კიდევ ერთი გოლის გატანა შეეძლო: ამჯერად მარჯვენა ფლანგზე გადასულმა გეწაძემ საკმაოდ შორი მანძილიდან ძლიერად და ზუსტად დაარტყა, მაგრამ "სპარტაკი" მორიგ უსიამოვნებას გამოცდილი სოსო გრიშიკაშვილის რეაქციამ გადაარჩინა. სტუმართა მეკარემ გიორგი ქავთარაძის ასევე შორეული დარტყმა მოიგერია და აი, სულ ეს იყო "ოლიმპის" მეტ-ნაკლებად სახიფათო მომენტები. თუმცა მასპინძლებს რას "ვერჩით", როცა "სპარტაკი", ფაქტობრივად, არც ფიქრობდა შეტევებზე; ყოველ შემთხვევაში, თეიმურაზ შონიას და ტიერი-ანს კლოვისის დარტყმები გრიგოლ ბედიაშვილისათვის საფრთხეს ნამდვილად არ წარმოადგენდა.</p><p>თამაშის შინაარსი არც მეორე ტაიმში შეცვლილა: "ოლიმპს" სრული უპირატესობა ჰქონდა და თავისთვის უჩვეულო, მარჯვენა გარემარბის პოზიციაზე მოასპარეზე ირაკლი მოდებაძეს ორჯერ შეეძლო თავის გამოჩენა. ერთ ეპიზოდში კი სტუმრები ისევ გრიშიკაშვილმა გადაარჩინა, როდესაც ღონღაძის შორეული დარტყმა მოიგერია.</p><p>ისევე, როგორც პირველ ტაიმში, "სპარტაკი" კვლავაც პასიურად გამოიყურებოდა და ერთადერთხელ შეუტია მასპინძლებს: ბესიკ დეკანოიძის აქტიურობას კუთხური მოჰყვა, ამ სტანდარტულის დროს კი ნიკა მგელაძის თავური დარტყმა არაზუსტი გამოდგა. ამასობაში კი "ოლიმპის" ფეხბურთელთა შესრულებით მართლაც ეფექტური კომბინაცია ვიხილეთ: შეტევა ირაკლი მოდებაძემ წამოიწყო, ახალგაზრდა ჯაბა უგულუვამ ორიგინალურად გააგრძელა და საბოლოო დარტყმას "არანაკლებ ეფექტურად" რევაზ გეწაძე ასრულებდა, მაგრამ ბურთი მიზანს აცდა.</p><p>თუმცა "ოლიმპის" მარცხენაფლანგელს გარჯა მაინც დაუფასდა: ამჯერად უკვე საპირისპირო ფლანგზე მყოფმა გეწაძემ ლაშა ჯაფარაძისგან შორეული პასი მიიღო, ცენტრისკენ შემოიწია და თავის საფირმო "ცაციათი" ბურთი მეკარისაგან შორეულ კუთხეში ზუსტად გაგზავნა!</p><p>დარჩენილ დროში "ოლიმპს" კიდევ ერთი გოლის გატანა შეეძლო, მაგრამ რეხვიაშვილის თავური დარტყმა ოდნავ არაზუსტი გამოდგა. აი, ასე - უპრობლემოდ და დამაჯერებლად მოიპოვა "დაგეგმილი" 3 ქულა "ოლიმპმა"; რაც შეეხება "სპარტაკს", ამ გუნდმა კვლავაც თუ ასე... შიშითა და სიფრთხილით ისპარეზა დანარჩენ მეტოქეებთან, მაშინ ცუდად ყოფილა ამ გუნდის საქმე; ყოველ შემთხვევაში, ისეთი შთაბეჭდილება დაგვრჩა, რომ "სპარტაკის" ფეხბურთელები ამ მატჩში დამარცხებას, ფაქტობრივად, წინასწრაშეგუებულნი იყვნენ...</p><p>11.09. რუსთავი. ფოლადი. 500 მაყურებელი</p><p>ოლიმპი-სპარტაკი 2:0</p><p><strong>1:0 ბერიაშვილი (25. გეწაძის პასით), 2:0 გეწაძე (83. ჯაფარიძის პასით)</strong></p><p><pre> ოლიმპი სპარტაკი</pre> <pre> 4-2-3-1 4-2-3-1</pre> <pre> ბედიაშვილი გრიშიკაშვილი</pre> <pre> თ. ღონღაძე ჭაფოძე</pre> <pre> ა. კვახაძე ბოიომო</pre> <pre> რეხვიაშილი თავბერიძე</pre> <pre> ჯაფარიძე კორსანტია</pre> <pre> დობროვოლსკი მგელაძე</pre> <pre> ქავთარაძე შონია</pre> <pre> მოდებაძე სარალიძე</pre> <pre> რაზმაძე კლოვისი</pre> <pre> გეწაძე შ. კაშია</pre> <pre> ბერიაშვილი დეკანოიძე</pre> <pre></p><p></pre> ოლიმპი</p><p>69. დობროვოლსკი - ჯ. უგულავა</p><p>88. მოდებაძე - ქემოკლიძე</p><p>90. გეწაძე - ხოჭოლავა</p><p>სათადარიგოები: ბათიაშვილი, ახალკაცი, გ. ჭელიძე, ყაზაიშვილი</p><p>სპარტაკი</p><p>67. სარალიძე - მაისურაძე</p><p>77. მგელაძე - ვ. ბოლქვაძე</p><p>86. კლოვისი - ბუზალაძე</p><p>სათადარიგოები: გალდავა, აქუბარდია, ჩალაძე, ხაჭვანი</p><p>გაფრთხილება: ჯაფარიძე (7), კორსანტია (60)</p><p>არბიტრი: ა. ნონიკაშვილი</p><p>რუსთავი-თბილისი</p>
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
ფრე ქუთაისში... და "თელავის" მოგება "გაგრასთან"
87-ე წუთი... "ტორპედომ" ფოთში მოიგო, "გაგრამ" "გარეჯთან" ქულა გადაარჩინა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
ფრე ქუთაისში... და "თელავის" მოგება "გაგრასთან"
პირველი ტაიმის შემდეგ პსჟ "ოსერს" 1:0 ამარცხებს
"ოსერთან" მატჩში პსჟ-ს სასტარტო შემადგენლობა ცნობილია
ზივზივაძის "ჰაიდენჰაიმმა" ნანატრი გამარჯვება მოიპოვა
[VIDEO] ხულიან ალვარესი მთელი თავისი ბრწყინვალებით - "ატლეტიკომ" მადრიდულ დერბიში "რეალი" გაანადგურა
[VIDEO] ნკეტიამ ალისონს ზედ საფინალო სასტვენის წინ გაუტანა - "ლივერპული" "კრისტალ პალასთანთან" დამარცხდა
გუნდია თუ საველე ჰოსპიტალი - პსჟ-ს კიდევ ერთი წამყვანი ფეხბურთელი გამოაკლდა
"იუნაიტედი" "ბრენტფორდთან" დამარცხდა - გაუშვებენ ამორიმს?
[VIDEO] კეინის ყველა დროის რეკორდი - "ბაიერნი" და ინგლისელი შეუჩერებლები არიან
FIFA-მ მალაიზიის ფეხბურთის ფედერაცია და 7 ფეხბურთელი მკაცრად დასაჯა
დუდუ დადიანის მემორიალის 24-ე გათამაშება ოლიმპიურ სასახლეში დაიწყო
"ერთად დასაწყისიდან დასასრულამდე" - მესი ბუსკეტსის გადაწყვეტილებას ემოციური წერილით გამოეხმაურა
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ
"როცა ის მოედანზე მყავდა, პატარა ბავშვივით ტკბილად მეძინა" - გვარდიოლამ "სიტის" ყოფილი ფეხბურთელი გამოარჩია
"პირველი იყო, ვინც "ოქროს ბურთის" მოგება მომილოცა" - უსმან დემბელემ ლიონელ მესიზე ისაუბრა
[VIDEO] რონალდოს 946-ე გოლი - "ალ ნასრმა" ბენზემას "ალ იტიჰადი" დაამარცხა
"მოურინიო გეი და ჰომოსექსუალია" - სკანდირებდნენ "პორტუს" გულშემატკივრები
Le Parisien: ფლანგებზე კვარაცხელია და ბარკოლა - დღეს "ბარსელონასთან" მატჩის გენერალური რეპეტიციაა
პრობლემების მქონე პსჟ-ისა და კარგ ფორმაში მყოფი "ვილიარეალის" მატჩის დღე