<p>დიდი ბრიტანეთის ჩემპიონატში 21 წლის გუდაურელმა (2.33,40) მესამე ადგილი დაიკავა <br> ფრანგული საკურორტო ქალაქი მარიბელი (ლიონთან ახლოს) წლიდან წლამდე უამრავ სამთო მოთხილამურეს იზიდავს. აქაურ ტრასებზე FIS-ის ფედერაციის ეგიდით უამრავი შეჯიბრება ეწყობა, მათ შორის - სხვადასხვა ქვეყნის ჩემპიონატებიც.</p><p>შარშან, 3 აპრილს, აქ ახალგაზრდებში საფრანგეთის ღია პირველობაზე ჯაბა გელაშვილმა (თბილისი) მე-3 ადგილი დაიკავა. წლეულს ფრანგულ კურორტს ერთბაშად ხუთი ქართველი სამთო მოთხილამურე ეწვია. იუნიორთა შორის, დიდი ბრიტანეთის ჩემპიონატში, მათ ოთხი დღის განმავლობაში ორ-ორი ოქროს, ვერცხლისა და ბრინჯაოს მედალი მოიპოვეს.</p><p>30 მარტს გიგანტურ სლალომში 21 წლის გუდაურელმა ალექსი ბენიაიძემ (2.33,40) მესამე ადგილი დაიკავა, ხოლო 19 წლის ჯაბა გელაშვილი (2.34,51) მეოთხე ადგილზე გავიდა.</p><p>16 წლის სანდრო ოგბაიძე (გუდაური, 2.48,88) 39-ე იყო, ნინო წიკლაური (გუდაური) კი სლალომში (1.48,15) მე-10 ადგილს დასჯერდა. მომდევნო დღეს ქალებმა გიგანტურ სლალომში იასპარეზეს და წიკლაურმა (2.02,36) ხუთი საფეხურით წინ წაიწია, თუმცა გამარჯვებულ ბრიტანელ ალექსანდრა ტილს (1.58,11) საგრძნობლად ჩამორჩა. ვაჟებში ისევ ბენიაიძემ იყოჩაღა - სლალომში 1.40,34-ით ისევ ბრინჯაოს მედალი მოიპოვა.</p><p>ჩვენებურს ჩერნოგორიელმა ოლივერ ჯენოტიმ (1.38,82) და რუმინელმა ალექსანდრუ ბარბუმ (1.39,76) აჯობეს. ამ დღეს 22-ე იყო სანდრო ოგბაიძე (1.53,36), ხოლო ბაკურიანელი ნოდარ ჩუბკო (2.05,81) - ოცდამეცხრე.</p><p>ქართველი სპორტსმენებისთვის განსაკუთრებით წარმატებული გამოდგა ბოლო ორი დღე. კვირას გიგანტური სლალომის კვარცხლბეკის უმაღლეს საფეხურზე ავიდა ალექსი ბენიაიძე (1.49,13), რომელსაც 0,16 წამით ჩამორჩა ჯაბა გელაშვილი და ვერცხლის მედალი დაიმსახურა. ნოდარ ჩუბკო (1.59,73) 32-ე ადგილს დასჯერდა. სანდრო ოგბაიძემ კი პირველი დისტანცია ვერ ჩაამთავრა და შეჯიბრებას გამოეთიშა.</p><p>ამ დღეს ნინო წიკლაური ტრასაზე არ გამოსულა. სამაგიეროდ, გიგანტურ სლალომში მისი გუშინდელი ცდა იღბლიანი აღმოჩნდა - ნინომ 1.59,46-ით ვერცხლის მედალი მოიპოვა. ქართველ მოთხილამურეს ბრიტანელმა ალექსანდრა ტილმა (1.56,83) გადაასწრო. მესამე იყო, ასევე, კუნძულელი იმოგენ ტეილორი (1.59,84). ვაჟთა სლალომში უძლიერესი იყო ჯაბა გელაშვილი - 1.17,18. მეორე-მესამე ადგილები ჰოლანდიელმა დეან მოლონაარმა (1.18,31) და ხორვატმა ივან მიხალჩიჩმა (1.18,41) გაინაწილეს. მე-13 ადგილზე გავიდა ნოდარ ჩუბკო. პირველობის წინა დღის გამარჯვებულმა ბენიაიძემ და ოგბაიძემ შეჯიბრება ვერ დაასრულეს.</p><p>ქართველ მოთხილამურეთა უმრავლესობა ამჟამად გუდაურში იმყოფება და 7 აპრილამდე საქართველოს თასის გათამაშების მეხუთე-მეექვსე ეტაპებზე გაეჯიბრებიან ერთმანეთს და სამ ასაკში მთავარი პრიზის მფლობელებიც გამოვლინდებიან.</p><p><strong>ყოველდღიური სპორტული გაზეთი "ლელო"</strong></p>
სილქნეტის მხარდაჭერით საქართველოს თასის გათამაშების მეოთხე ეტაპი გუდაურში გაიმართება
ფიგურულ სრიალში ქართულმა წყვილმა გრან პრიზე ოქროს მედალი მოიპოვა
მომავალ სეზონებზე ბაკურიანი და გუდაური მსოფლიო თასის ეტაპებს უმასპინძლებენ
მამარდაშვილი "აინტრახტთან" სასტარტოშია, ქოჩორაშვილი "მარსელთან" სათადარიგოა
"მაშინ დავკარგე ფეხბურთელი, რომელთან მუშაობაც კიდევ 10 წლით მსურდა" - კლოპმა კოუტინიოს "ბარსელონაში" ტრანსფერი გაიხსენა
"მისით არ ვინტერესდებით" - "სპორტინგმა" საფონოვთან დაკავშირებული ჭორები უარყო
"ვილიარეალთან" თამაში ძალიან რთულია, რადგან ტოპ გუნდია" - გვარდიოლას კომენტარი გამარჯვების შემდეგ
კვარაცხელია: მეგონა, ბურთი კარს ავაცილე და ცოტა შემეშინდა
ლიდერი ისევ "დილაა"; "ტორპედომ" კი იბერიელებს აჯობა
"არსენალის" და "ინტერის" დამაჯერებელი გამარჯვებები და "ნაპოლის" განადგურება პსვ-სთან
მიქაუტაძის 66 წუთი - "მანჩესტერ სიტიმ" "ვილიარეალი" უშანსოდ დაამარცხა
[VIDEO] 2:7. "კვარას" გოლი პლუს საგოლე პასი, ორი გაძევება, ორი პენალტი და პსჟ-ს მიერ "ბაიერის" განადგურება
[VIDEO] ხვიჩას გოლი და საგოლე პასი პირველ ტაიმში - პსჟ "ბაიერს" ანადგურებს
"ბარსელონამ" "ოლიმპიაკოსი" გაანადგურა - ზარიას "კაირატმა" "პაფოსს" ვერ მოუგო
ორივე ქართველი სასტარტოშია. კვარაცხელია "ბაიერს" შეუტევს, მიქაუტაძე კი - "სიტის"
პსჟ-ს მეკარე მალე შეიძლება "სპორტინგში" ან "ვალენსიაში" გადავიდეს
კიტეიშვილით სერია A-ს კლუბი დაინტერესდა
17-წლამდე გოგონათა ნაკრები საკვალიფიკაციო ეტაპისთვის ემზადება
ყველა დროის ანტი-რეკორდი - იტალიაში 20-მა გუნდმა მხოლოდ 11 გოლი გაიტანა
ოფიციალურად: შონ დაიჩი პრემიერ ლიგას დაუბრუნდა
ტრენტს "ელ კლასიკოში" თამაში სურს - როდის დაუბრუნდება ინგლისელი მოედანს
ლუჩიანო სპალეტი შესაძლოა, სერია A-ში სამწვრთნელო საქმიანობას დაუბრუნდეს
ზარია სეზონის დასრულების შემდეგ "კაირატს" დატოვებს