- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ევროპის ჩემპიონატი, U-18: პირველი ელიტური გუნდი დამარცხებულია
<p>ქართველები ექვსი წუთის განმავლობაში სამი კაცით ნაკლულნი ეთამაშებოდნენ ელიტურ სარაგბო გუნდს <br> <em><strong>საქართველო-იტალია 20:18</p><p></strong></em>საქართველო: 15. იოსებ კიკვაძე, 14. დევი დევსურაშვილი, 13. ნიკა ამაშუკელი, 12. ილია მელაძე (გიორგი ნათელაშვილი 63), 11. გიორგი ფრუიძე, 10. რევაზ ჯინჭველაშვილი (გიორგი აფციაური 67), 9. რევაზ ბროძელი. 1. ზაური ხარებავა, 2. ბექა ფირიაშვილი, 3. გიორგი მარგველანი, 4. ფარნავაზ გასვიანი, 5. შალვა შაშიაშვილი (ბადრი ალხაზიშვილი 52), 6. გიორგი გოგლიძე (ონისე მოგელაშვილი 33), 7. საბა შუბითიძე, 8. ვახტანგ ამირანაშვილი.</p><p>2ლ: ბროძელი, ფრუიძე. 2ს: ბროძელი, ჯინჭველაშვილი. 2გ: ბროძელი, ჯინჭველაშვილი.</p><p>სინბინი: მარგველანი, შუბითიძე, ფირაშვილი</p><p>მაჯი: ბესენთი (უელსი)</p><p>საქართველოს 18-წლამდელთა ნაკრებმა ესპანეთის დედაქალაქ მადრიდში მიმდინარე ევროპის ჩემპიონატზე იტალიის ნაკრები დაამარცხა - 20:18 და ახლა "უმცროსი ბორჯღალოსნები" მეხუთე ადგილისთვის მატჩში შოტლანდიელ თანატოლებს დაუპირისპირდებიან.</p><p>ის, რაც ჩვენმა მორაგბეებმა ჩაიდინეს, ძალიან იშვიათად ხდება. თითქმის წაგებული მატჩში, როცა ექვსი წუთის განმავლობაში სამი კაცით ნაკლულნი ეთამაშებოდნენ ელიტურ სარაგბო ქვეყნის გუნდს, ისეთი ხასიათი გამოავლინეს, რომ ყველაფერს გაუძლეს, თამაშში გარდატეხა შეიტანეს და ბოლო წუთებზე იტალიელებს გამარჯვება ხელიდან გამოგლიჯეს.</p><p>თამაში საქართველოს ნაკრებისთვის ძალიან ცუდად დაიწყო. იტალიელებმა პირველივე შეტევაზე ლელო გაგვიტანეს და შვიდი ქულით დაწინაურდნენ. ამან ჩვენი მორაგბეები ოდნავ დააბნია და მალევე, მე-10 წუთისთვის, უკვე 0:12 ვაგებდით.</p><p>თამაშის დალაგება და ღირებულის შექმნა ქართველმა ჭაბუკებმა მე-20 წუთზე მოახერხეს. მგეზავმა რევაზ ჯინჭველაშვილმა საჯარიმოდან გაიტანა - 3:12. ოთხ წუთში კი ჩვენი ლელოს ჯერიც დადგა. ცხრა ნომერმა რევაზ ბროძელმა მარცხენა ფრთაზე რაკში თამაშისას ბურთი შეუმჩნევლად გაიტაცა და ლელომდე თითქმის ცენტრიდან ირბინა, ჯინჭველაშვილმა გარდასახა - 10:12.</p><p>ტაიმის დასრულებამდე ათ წუთზე მეტი რჩებოდა. ინიციატივას უკვე საქართველოს ნაკრები ფლობდა. ჯინჭველაშვილმა ორი საჯარიმო ვერ გაიტანა. ჯერ 32-ე წუთზე 48 მეტრიდან დაარტყა უშედეგოდ, მერე 55 მეტრიდან სცადა ბურთის კარის ძელებს შორის გატარება, მაგრამ ესეც არ გამოუვიდა.</p><p>მეორე ტაიმის დასაწყისი პირველზე კიდევ უფრო საშინელი გამოდგა. 43-ე წუთზე უელსელმა არბიტრმა ჯერ შერკინების ბურჯი ფარნავაზ მარგველანი გაასინბინა, სამ წუთში კი ყვითელი ბარათი მესამეხაზელ საბა შუბითიძეს აჩვენა. ესეც არ გვაკმარა და 51-ე წუთზე კიდევ ერთი მორკინალი, ბექა ფირიაშვილი გააძევა ათი წუთით.</p><p>იტალიელებმა 43-ე და 46-ე წუთებზე ორი საჯარიმო გაგვიტანეს -18:10. სხვა მათ ვერაფერი დაგვაკლეს, მიუხედავად იმისა, რომ 61-ე წუთამდე ჩვენი გუნდი რიცხობრივ უმცირესობაში იმყოფებოდა.</p><p>მატჩის ბოლო თხუთმეტი წუთის განმავლობაში მთლიანად საქართველოს ნაკრები დომინირებდა. 63-ე წუთზე ბროძელმა საჯარიმოთი ანგარიშში სხვაობა ხუთ ქულამდე შეამცირა. თამაშის დასრულებას წუთი აკლდა, როცა საკმაოდ კარგი, მრავალფაზიანი შეტევის შემდეგ იტალიელეთა ლელოში გარემარბი გიორგი ფრუიძე შეიჭრა. ბროძელმა ესეც გარდასახა და საქართველოს ნაკრებმა უმძიმეს მატჩში, ექვსი ერის გათამაშებაში მონაწილე ქვეყნის 18-წლამდელთა ნაკრებს 20:18 მოუგო.</p><p>ახლა ჩვენი მორაგბეები 7 აპრილს მე-5 ადგილისთვის მატჩში კიდევ ერთი ბობოლა სარაგბო ქვეყნის, შოტლანდიის 18-წლამდელთა გუნდს დაუპირისპირდება.</p><p><strong>გიორგი ნიჟარაძე</strong>, საქართველოს რაგბის კავშირის პრეზიდენტი:</p><p>"მართალია, ძალიან ვინერვიულეთ, მაგრამ ბედნიერები ვართ. ამ პატარა ვაჟკაცებმა თავი ყველასთვის შესაშური ხასითით და თამაშის მაღალი ხარისხით გამოიჩინეს.</p><p>თავიდან ძალიან ავირიეთ. პირველივე წუთებზე ლელო მივიღეთ და ამან ოდნავ დაგვაბნია. მეორე ლელო საკუთარი ჩათვლის მოედანთან ახლოს თითქმის მოგებული დერეფნის შემდეგ მივიღეთ. მაგრამ გუნდმა მალე შეძლო დალაგება და ნელ-ნელა უპირატესობას დაეუფლა.</p><p>მსაჯობა იყო საზიზღარი, ამას ყველა აღნიშნავს. პორტუგალიის რაგბის კავშირის პრეზიდენტმა მითხრა, ამ მსაჯს თუ არ უჩივლებთ, მაშინ თქვენ მაგივრად მე ვუჩივლებო. ცხადია, ჩვენი გუნდის ასეთი მებრძოლი სულით ყველა აღფრთოვანდა, ყველამ მოგვილოცა - ბრიტანელებმაც და, სხვათა შორის, თავად იტალიელებმაც.</p><p>ის უელსელი მსაჯი კი რას გვერჩოდა, არ ვიცი. სამი მოთამაშე გაგვისინბინა და 6 წუთის განმავლობაში თორმეტნი ვეთამაშებოდით თხუთმეტს.</p><p>მიუხედავად ასეთი დიდი რიცხობრივი უპირატესობისა, მაინც ვერაფერი დაგვაკლეს. პირიქით, ასეთ რთულ სიტუაციაში ბიჭებმა გაათკეცებული ენერგიით იბრძოლეს და გარწმუნებთ, რომ მეტოქეს აბსოლუტურად ყველა კომპონენტში ვჯობდით, როგორც შერკინების, ისე გაშლილი, ღია თამაშისას.</p><p>ფანტასტიკური იყო, თამაშის ბოლო წუთები. გუნდმა შესანიშნავად გაშალა თამაში და ფრუიძემ გამარჯვების ლელო გაიტანა, რომელიც ბროძელმა გარდასახა. გამარჯვებას ჩვენ ვიმსახურებდით და მოვიგეთ კიდეც.</p><p>მომდევნო თამაში შოტლანდიის 18-წლამდელთა ნაკრებთან გვაქვს. ძალიან კარგი გუნდია. ვნახე "სკოტებისა" და პორტუგალიელების მატჩი. "უმცროსმა ლობუშებმა" საწყის 15 წუთში სერიოზული წინააღმდეგობა გაუწიეს მეტოქეს, მაგრამ შოტლანდიელებმა კლასის ხარჯზე მაინც დაჩაგრეს".</p><p><strong>ილია მაისურაძე</strong>, საქართველოს 18-წლამდელთა ნაკრების მწვრთნელი:</p><p>"დასაწყისში გაგვიჭირდა. მერე ჩვენი თამაში ვიპოვეთ და ყველაფერი თავის ადგილზე დადგა. ორიენტაცია დაცვით თამაშზე გავაკეთეთ, სწრაფ გადაწყობასა და ერთი-ერთზე ბოჭვებში მეტოქეს ვაჯობეთ, რამაც იტალიელებს სერიოზული პრობლემები შეუქმნა.</p><p>ერთი სიტყვით, დაცვის ხარჯზე შევძელით გარდატეხის შეტანა. ბოლო 15 წუთის განმავლობაში მოედანზე ჩვენ ვდომინირებდით. ამან შედეგიც გამოიღო.</p><p>სამი მორაგბე გაგვისინბინეს. ამათგან ერთისთვის ყვითელი ბარათის ჩვენება, ალბათ, სამართლიანი იყო; დანარჩენ ორს მსაჯი რას ერჩოდა, არ ვიცი.</p><p>შოტლანდიის ნაკრების თამაშის ფირს ვნახავთ, გავაანალიზებთ. აქცენტს ისევ დაცვაში კარგ თამაშზე გავაკეთებთ. ვნახოთ, თუ შევძელით და დაცვა უკეთესად ავაწყვეთ, ვიდრე იტალიასთან, ვფიქრობ, რომ შოტლანდიის დამარცხებაც შეიძლება".</p><p><strong>ნახევარფინალი</p><p></strong>I ადგილისთვის</p><p>ინგლისი-უელსი 22:16, ირლანდია-საფრანგეთი.</p><p>V ადგილისთვის</p><p>პორტუგალია-შოტლანდია 12:37</p><p><strong>7 აპრილი</p><p></strong>VII ადგილისთვის</p><p>იტალია-პორტუგალია</p><p>V ადგილისთვის</p><p>საქართველო-შოტლანდია</p><p>III ადგილისთვის</p><p>უელსი-</p><p>ფინალი</p><p>ინგლისი-</p><p><strong>ყოველდღიური სპორტული გაზეთი "ლელო"</strong></p>
-
davit batoni
გაიხარეთ ბიჭებო!ისევე ვამაყობთ თქვენით,როგორც საკუთარი ძმებით და შვილებით ვიამაყებდით!მადლობთ!
-
Iberioni
გაიხარეთ ბიჭებო,ოქრო ხალხი ხართ ამ დიდი სიხარულისთვის....ქართული სული ცოცხლობს თქვენში.ღმერთმა გაგაძლიეროთ!!!!!!!!!!!!!
18 წ. | დრამატული ფრე ირლანდიასთან
18 წ. | ირლანდიასთან ინგლისის მსგავსად
18 წ. | სამხრეთ აფრიკამ გვაჯობა
"ლიონი" - "მეცი". სამივე ქართველი სასტარტოშია
20 წლის ქართველი ფეხბურთელი "მილანთან" მატჩის განაცხადშია
"რეალმა" ტონი კროოსის შემცვლელს "კრისტალ პალასში" მიაგნო - "არწივები" 80 მილიონს ითხოვენ
"სამზარეულოში გიშვებდა და საჭმელს გაკეთებინებდა" - "იუნაიტედის" ყოფილმა მეკარემ სერ ალექს ფერგიუსონზე საინტერესო ისტორია გაიხსენა
"ყველაფერს გავაკეთებ, რომ კურტუას დონეზე ავიდე" - ლუნინმა "რეალიდან" წასვლა გამორიცხა
[VIDEO] ბუნდესლიგა უხვგოლიანი მატჩით გაიხსნა - "ბაიერნმა" "ლაიფციგი" გაანადგურა
ხვიჩას გარეშე. პსჟ სეზონს მძიმედ იწყებს - "ანჟესაც" მინიმალური ანგარიშით მოუგო
ლოჩოშვილის "ნიურნბერგი" ისევ დამარცხდა
"კვარას" ბარკოლა შეცვლის - "ანჟესთან" მატჩში პსჟ-ს სასტარტო შემადგენლობა ცნობილია
დე ლაურენტისი: "კვარა" და ოსიმენი პსჟ-სთვის 200 მილიონზე მეტად უნდა მიმეყიდა, მაგრამ...
პსჟ-ს მეკარე შეიძლება ესპანურ გუნდში გადავიდეს
"შავი ლომი" | 30 მორაგბით იტალიაში
ჩაკვეტაძის "ვალენსიაში" გადასვლა დღითიდღე არარეალური ხდება - როგორ აფასებენ ტრანსფერის შანსებს?
29 წლის ასაკში ქართველი ფეხბურთელი ტრაგიკულად დაიღუპა
"ამ ფეხბურთელმა ნამდვილად გამაოცა" - ოდეგორმა თანაგუნდელი გამოარჩია
ოფიციალურად: მატიჩი კარიერას სერია A-ში გააგრძელებს
"დარწმუნებული ვარ, ფორმაში შესასვლელად დიდი დრო დასჭირდება" - უოლკოტმა დიოკერეშზე ისაუბრა
"რასაც "კრასნოდარი" სპერციანს უკეთებს, ამას ეგოიზმი ჰქვია" - სომეხმა ჟურნალისტმა რუსული კლუბი გააკრიტიკა
"ჩეფერინი რუსულ ფეხბურთზე გიჟდება და მის ევროპულ არენაზე დასაბრუნებლად იმაზე მეტს აკეთებს, ვიდრე შეუძლია" - ვალერი კოლოტილო
მატჩის დღე! ხვიჩა კვარაცხელია განაცხადში არაა