<p>"მანჩესტერ იუნაიტედის" თავკაცი ფიქრობს, რომ მიუხედავად მისი გუნდის სერიოზული უპირატესობისა, "მანჩესტერ სიტისთან" დერბი პრემიერლიგის ჩემპიონის ვინაობის გასარკვევად გადამწყვეტი იქნება <br> "მანჩესტერ იუნაიტედის" მთავარი მწვრთნელი ალექს ფერგიუსონი დღემდე ფიქრობს, რომ მიუხედავად მისი გუნდის სერიოზული უპირატესობისა, "მანჩესტერ სიტისთან" დერბი (30 აპრილი. 36-ე ტური. "ეტიჰადი") პრემიერლიგის ჩემპიონის ვინაობის გასარკვევად გადამწყვეტი იქნება. ამჟამად "ეშმაკები" თანაქალაქელს 5 ქულით უსწრებენ.</p><p>ამას დაუმატეთ, რომ კვირას რობერტო მანჩინის გუნდს "არსენალთან" "ემირიტსზე" ელის დაპირისპირება.</p><p>წარუმატებლობის შემთხვევაში ეს იქნება მე-4 მოუგებელი თამაში ბოლო 5-იდან. ბუნებრივია, ეს "ქალაქელებში" საკუთარი ძალების რწმენას სერიოზულად შეარყევს. დერბიმდე 8-ქულიანი უპირატესობის შენარჩუნების შემთხვევაში "იუნაიტედს" პრინციპული მეტოქის მოედანზევე შეეძლება მე-20 საჩემპიონო ტიტულის განაღდება. აი, რას ამბობს სერ ალექსი: "დერბი ყოველთვის მნიშვნელოვანია, მაგრამ წელს ის შეიძლება უფრო მნიშვნელოვანი აღმოჩნდეს. მატჩის შედეგი აუცილებლად იმოქმედებს საჩემპიონო რბოლის საბოლოო შედეგზე.</p><p>"იუნაიტედს" სჩვევია ბოლო ტურებში საუკეთესო ფეხბურთის ჩვენება და ამის იმედი ახლაც გვაქვს. ჩვენი წარმატების საიდუმლო დაბალანსებული შემადგენლობაა.</p><p>მაშინ, როცა ნემანია ვიდიჩმა უმძიმესი ტრავმა მიიღო, წარუმატებლობებს გვიწინასწარმეტყველებდნენ, მაგრამ ჯონათან ევანსმა სერბი იდეალურად შეცვალა და რიო ფერდინანდთან ბრწყინვალე წყვილი შეკრა. ჯონი, უბრალოდ, ბრწყინვალეა. ის უკვე შემდგარი ფეხბურთელია და ეს მნიშვნელოვანი იყო, რადგან უკანა ხაზში მშვიდი თამაში სხვა ფეხბურთელების განწყობაზეც დადებითად მოქმედებს".</p><p>"მანჩესტერ იუნაიტედის" ლიდერმა უეინ რუნიმ ცოტა უცნაური განცხადება გააკეთა. მისი თქმით, "ოლდ ტრეფორდზე" სეზონის საუკეთესო ფეხბურთელად დენი უელბეკს მიიჩნევს. არავინ უარყოფს, რომ ახალგაზრდა თავდამსხმელი ძალიან ნიჭიერია.</p><p>ეს არაერთხელ უთქვამს თავად ალექს ფერგიუსონს, ვინც ზოგადად კომპლიმენტების თქმისას საკმაოდ ძუნწია, მაგრამ... როგორც ჩანს, რუნის უბრალოდ თანაგუნდელის წახალისება სურდა. "შეიძლება ამ საკითხზე აზრთა სხვადასხვაობა იყოს, მაგრამ ჩემი ფავორიტი სეზონის ფეხბურთელის გამოვლენის დროს უელბეკი იქნება. "იუნაიტედში" პირველივე სეზონში ამდენი თამაშის ჩატარება და თანაც ასეთ დონეზე (10 გოლი, 5 პასი. რედ) მართლა ფანტასტიკაა. ის ასაკისთვის უჩვეულოდ მშვიდად უმკლავდება ზეწოლასაც.</p><p>ხომ ხედავთ, იმ დროს, რასაც ის ვარჯიშებზე ატარებდა, ტყუილად არ ჩაუვლია. დენი ძალიან სწრაფია, მისი დაჭერა ძალიან ძნელია და აქედან გამომდინარე, საჯარიმოში მეტოქისთვის ყოველთვის დიდ ხიფათს წარმოადგენს. მისგან სარგებელს ნახავს როგორც "მანჩესტერ იუნაიტედი", ისე ინგლისის ნაკრებიც," - აცხადებს რუნი.</p><p>"იუნაიტედზე" წერას ნანიზე ინფორმაციით დავასრულებთ. 25 წლის პორტუგალიელმა გარემარბმა ტრავმის გამო თვეზე მეტი გამოტოვა. ის კვირის დასაწყისში სრულფასოვან ვარჯიშებს დაუბრუნდა და კვირას, 8 აპრილს "ქუინზ პარკთან", მინიმუმ, სათადარიგოთა შორის იქნება.</p><p>"ეშმაკებს" შუა კვირაში კიდევ ერთი თამაში ელით - 11 აპრილს "უიგანთან" გასვლაზე. ასეთი მჭიდრო გრაფიკის პირობებში კი სრულფასოვანი შემცვლელების ყოლა ძალიან მნიშვნელოვანია.</p><p><strong>ყოველდღიური სპორტული გაზეთი "ლელო"</strong></p>
ონანა კარიერას სავარაუდოდ, თურქეთში განაგრძობს
ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს
"დარწმუნებული ვარ, "მანჩესტერ იუნაიტედი" მომდევნო 10 წელიწადში პრემიერლიგას მოიგებს" - მაიკლ ოუენი
„Milan Junior Camp ჩვენი ახალგაზრდა ფეხბურთელებისთვის უდიდესი შესაძლებლობაა“ - გიორგი ფოფხაძე
პსჟ ბარკოლასთან კონტრაქტის გაგრძელებაზე მოლაპარაკებას აწარმოებს
საქართველოს ნაკრებს ევრობასკეტზე მიღწეული ისტორიული შედეგისთვის მთავრობა ფულადი პრემიის სახით 3 მილიონ ლარს გადასცემს
"სპალეტი ნომერ პირველი კანდიდატი იყო" - "ფენერბაჰჩეს" პრეზიდენტმა იტალიელ სპეციალისტზე ისაუბრა
"ამას ფეხბურთთან საერთო არაფერი აქვს" - "ბაიერნის" პრეზიდენტმა "ნიუკასლი" გააკრიტიკა
"ალბათ ამ პასუხს ნაკლებად ელოდით" - გვარდიოლამ დაასახელა ფეხბურთელი, რომლის "სიტიდან" გაშვებასაც ყველაზე მეტად ნანობს
მე-6 ტიტული დიდი სლემის ტურნირზე - კარლოს ალკარასი აშშ-ის ღია პირველობის გამარჯვებულია
შენგელია: გასაკვირია ჯიკიჩი ევროლიგის გუნდს რომ არ წვრთნის
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
მამუკელაშვილი: შემიძლია ვემბანიამას მივწერო - საფრანგეთს მასთან ერთდაც მოვუგებდით
[VIDEO] დუბლი 2 წუთში - ტაბატაძე "კადისის" ფანების საყვარელი მოთამაშე ხდება
ხიზანიშვილი: საუკეთესო გაგნიძე იყო - კაშიამ ართამაშის გადაწყვეტილება ისე მიიღო, როგორც უნდა მიეღო
ბულგარელთა მწვრთნელი: კვარაცხელია ფანტასტიკურია, ახლა ამ დონის ფეხბურთელები არ გვყავს
როგორი შეფასებები მიიღეს საქართველოს ნაკრების ფეხბურთელებმა ბულგარეთთან მატჩში?
"მადლობა საბერძნეთს" - გოგა ბითაძე სოციალურ ქსელში პოსტს აქვეყნებს [PHOTO]
[VIDEO] გამარჯვებების დღე - საქართველოს ფეხბურთელთა ნაკრებმა ბულგარეთს დამაჯერებლად მოუგო!
[VIDEO] ისტორიაში პირველად - საქართველოს ნაკრებმა საფრანგეთი დაამარცხა და ევრობასკეტის მეოთხედფინალში გავიდა!
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია