<p>ლევან კობიაშვილი ჩატარებული მატჩების რაოდენობით ბუნდესლიგურ რეკორდს უახლოვდება <br> სანამ ბრაზილიელი ზე რობერტოს რეკორდს დაამხობს, ლეგიონის უქმეების მიმოხილვის უმთავრესი თემა <strong>ლევან კობიაშვილი</strong> იქნება.</p><p>გერმანულ ბუნდესლიგაში ვეტერანმა ქართველმა 333-ე მატჩი ჩაატარა, ლეგიონერთაგან კი საუკეთესო შედეგი ჯერჯერობით ბრაზილიელ ზე რობერტოს აქვს - 336. შესაბამისად, ლევანს მისი რეკორდის გაუმჯობესებამდე ოთხიოდე შეხვედრა აშორებს, რომლებსაც, დიდი ალბათობით, ამ სეზონშივე ჩაატარებს.</p><p>თუმცა კობიაშვილის მიღწევას დიდი დღე არ უწერია იმ შემთხვევაში, თუ "ჰერტა" პირველი ბუნდესლიგიდან გავარდა.</p><p>სტუმრად მიონხენგლადბახის "ბორუსიასთან" ფრე სხვა დროს ბერლინელთათვის ურიგო შედეგი არ იქნებოდა, მაგრამ ამჯერად "ჰერტას" გამარჯვება ჰაერივით ესაჭიროებოდა. კობი და მისი თანაგუნდელები ფრეს დასჯერდნენ და ორი ქულით ჩამორჩებიან პლეი ოფის ზონაში მყოფ "კიოლნს", ხოლო სამით - სამშვიდობოზე მყოფ "აუგსბურგს".</p><p>კობიაშვილი ამჯერადაც "ჰერტას" კაპიტანი იყო. გუნდის თავკაცმა ოტო რეჰაგელმა იგი მოედნის ცენტრიდან მარცხენა მცველის პოზიციაზე დააბრუნა.</p><p>მეორე ბუნდესლიგაში "ქართული დერბი" გაიმართა - <strong>ნიკოლოზ გელაშვილის</strong> "ბოხუმმა" <strong>ალექსანდრე იაშვილის</strong> "კარლსრუეს" უმასპინძლა, თუმცა მატჩი უინტერესო გამოდგა და შესაბამისი ანგარიშით, 0:0 დასრულდა. პოზიტიურ ამბად მხოლოდ ის შეიძლება მივიჩნიოთ, რომ გელაშვილი ძირითად შემადგენლობაში დააბრუნეს. წინა ტურში მან მხოლოდ შეცვლაზე ითამაშა. შეგახსენებთ, მას შემდეგ, რაც ნიკამ გერმანული დებიუტი გოლით აღნიშნა, თავი აღარ გამოუჩენია.</p><p>თურქეთში რეგულარული სეზონი დასრულდა და მოწინავეები მაღალი მიზნებისთვის ბრძოლას აგრძელებენ, "ქაისერისფორისა" და "სამსუნსფორისთვის" კი ჩემპიონატი დამთავრებულია. <strong>შოთა არველაძისა</strong> და <strong>ზურაბ ხიზანიშვილის</strong> "ქაისერიმ" სუპერლიგა მე-11 ადგილზე დაასრულა, <strong>აკაკი ხუბუტიას</strong> "სამსუნი" კი "სივასფორთან" შინ განცდილი მარცხით ბოლოსწინა, მე-17 პოზიციაზე დარჩა და სუპერლიგიდან გავარდა. თუმცა ეს ქართველი მცველისთვის ბევრს არაფერს ცვლის - იგი კარიერას სხვა კლუბში გააგრძელებს.</p><p><strong>სანდრო კობახიძის</strong> დუბლი გასული უქმეების გამორჩეული ამბავია. ქართველი ლეგიონერებისგან გოლებითაც არ ვართ განებივრებულნი, დუბლი კი მართლაც ხაზგასასმელი ფაქტია. კიევის "არსენალის" ნახევარმცველმა "ობოლონის" კარში ორივე გოლი პირველივე ტაიმში გაიტანა (<a href="/mtavari/video.html?view=video&video=1244" target="_blank"><span style="color: #ff0000;"><strong>იხილეთ ვიდეო</strong></span></a>).</p><p>გოლის გემო გაიხსენა <strong>ოთარ მარცვალაძემ</strong>, რომელიც შეცვლაზე შევიდა და "კრასნოდარი" 76-ე წუთზე დააწინაურა (<a href="/mtavari/video.html?view=video&video=1245" target="_blank"><span style="color: #ff0000;"><strong>იხილეთ ვიდეო</strong></span></a>).</p><p>აზერბაიჯანში ბაქოს "ინტერი" მორიგი მარცხისგან <strong>ბაჩანა ცხადაძემ</strong> 91-ე წუთზე იხსნა. გამოცდილმა <strong>ალექსანდრე გოგობერიშვილმა</strong> თავი პენალტით გამოიჩინა. <strong>მამუკა ღონღაძემ</strong> კი "დაუგავას" ქულა გადაურჩინა.</p><p>კიდევ ერთი კარგი ამბავი კი ის არის, რომ გამოჯანმრთელდა და ფრანგული "ლე მანის" ძირითად შემადგენლობას დაუბრუნდა <strong>გიორგი მაკარიძე</strong>.</p><p><strong>ყოველდღიური სპორტული გაზეთი "ლელო"</strong></p>
joni
კრასნოდარს განაღდებული აქვს ადგილი და ამიტომ ფექტიურად მათჩებს ყიდის , ასე რომ რას წარმოადგენს მარცვალაძე , ამისულაშვილი და რევიშვილი მარტო შემდეგ სეზონში ვნახავთ.
ბიცოლა
კარგით, ერთი, არაფერი გემოც არ დავიწყებია მარცვალაძეს, მაგრამ ხან გუნდის ხელმძღვანელები ახურებენ და არ შეყავთ მინდორზე დროულად, ხან ტრავმა აგვს.. მოკლედ, ეგ ისეთი პეხბურთელია გემო სულ გონდა, აქვს და ეგნება, კაი ბიჭია,კაი და ღმერთმა გაახაროს
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
Le Parisien-ი კვარაცხელიას ტრავმის შესახებ ინფორმაციას ავრცელებს
წიტაიშვილი და აბუაშვილი შეცვლაზე და "მეცის" ფრე "ჰავრთან"
არისაბალაგა შეიძლება ფაბრეგასის გუნდში გადაბარგდეს
დუდუ დადიანის მემორიალზე ნახევარფინალისტები დაწყვილდნენ
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
[VIDEO] ლომინაძე და ქოჩორაშვილი შეცვლაზე შევიდნენ - "სპორტინგმა" "ნაპოლიმდე" "ეშტორილს" სძლია
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ