- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
გერმანია. ბუნდესლიგა. XXX ტურის წინ: ოტო რეჰაგელის 828-ე ბრძოლა
<p>ბედის ირონია: ლევან კობიაშვილს თავისი ყოფილი გუნდის - "ფრაიბურგის" დამარცხება სჭირდება</p><p><br> ბუნდესლიგის 30-ე ტური შუა კვირაში იმართება: ოთხი მატჩი 10 აპრილს გაიმართება და ამ სტატიაში სწორედ შეხვედრებზე მოგითხრობთ, დანარჩენი ხუთი კი - 11-ში.</p><p>ცხადია, ამ ტურის და ზოგადად, მთელი სეზონის ცენტრალური შეხვედრა დორტმუნდის "ბორუსიას" და "ბაიერნის" საჩემპიონო დუელია, რომელიც 11 აპრილს შედგება და ამ მატჩზე ვრცლად ოთხშაბათს ვისაუბრებთ. თუმცა არც 10 აპრილსაა უინტერესო მატჩები.</p><p><strong><span style="color: #ff0000;">ჰერტას პირველი ფინალი</span></p><p></strong>სამშაბათს გასამართი შეხვედრებიდან ჩვენთვის ყველაზე საინტერესო ბერლინის "ჰერტასა" და "ფრაიბურგის" მატჩია - რასაკვირველია, <strong>ლევან კობიაშვილის</strong> გამო, რომელიც იმ გუნდს უპირისპირდება, საიდანაც გერმანული კარიერა დაიწყო.</p><p>ბერლინელები ბოლოსწინა ადგილზე არიან და თუ ელიტაში დარჩენა სურთ, უშუალო კონკურენტი "ფრაიბურგი", რომელიც მე-13 ადგილზეა და "ჰერტას" 5 ქულით უსწრებს, აუცილებლად უნდა დაამარცხონ - წინააღმდეგ შემთხვევაში, კობიაშვილის გუნდის გადარჩენა ერთობ არარეალური გახდება.</p><p>ეს მატჩი დღესდღეობით ყველაზე გამოცდილი გერმანელი მწვრთნელის (ოტო რეჰაგელი, "ჰერტა") და აბსოლუტური დებიუტანტის (კრისტიან შტრაიხი, "ფრაიბურგი") დუელიცაა. ცხადია, მწვრთნელების დაპირისპირებაში ფავორიტი რეჰაგელია, მაგრამ ბოლო დროს "ფრაი" ისე ეფექტურად ათამაშდა, რომ "ჰერტას" ფავორიტად ვერ შევრაცხავთ.</p><p>აქვე ისიც უნდა ვთქვათ, რომ "ჰერტას" ბუნდესლიგაში ერთ-ერთი ყველაზე სუსტი წინა ხაზი (ბოლოდან მესამე ადგილი გატანილი გოლების მიხედვით) ჰყავს, "ფრაიბურგს" კი - ერთ-ერთი უსუსტესი დაცვა ("ფრაიზე" მეტი გოლი მხოლოდ "კიოლნს" აქვს გაშვებული). "ჰერტა" საკუთარ "ოლიმპიაშტადიონზე" თამაშობს და ეს ფაქტორიც ავალდებულებს, მოიგოს.</p><p>"ეს ჩვენი პირველი ფინალია გადარჩენისთვის ბრძოლაში. თუ "ფრაიბურგს" მოვუგებთ, მეორე ბუნდესლიგაში დაქვეითების საფრთხე მნიშვნელოვნად შემცირდება; თუ არა და, ამ მიზნის მიღწევა ძალიან გაგვიჭირდება.</p><p>"ფრაიბურგთან" აუცილებლად უნდა გავიმარჯვოთ," - აცხადებს 73 წლის რეჰაგელი, რომლისთვისაც ეს თამაში სამწვრთნელო კარიერაში (მხოლოდ ბუნდესლიგის ეგიდით) რიგით 828-ე (!) იქნება.</p><p>აღსანიშნავია, რომ "ფრაიბურგს" 6-მატჩიანი წაუგებელი სერია აქვს და ზედიზედ ორი გასვლითი შეხვედრის მოგება მოახერხა. "ჰერტამ" კი ბოლო ორი საშინაო მატჩი წააგო: "ბაიერნთან" 0:6 და "ვოლფსბურგთან" 1:4. ბერლინელთა მენეჯერი მიხაელ პრეეტცი ამბობს, ფინიშამდე "ხუთი ფინალი" დაგვრჩა და ძალები უნდა მოვიკრიბოთო. დედაქალაქელებს პირველი "ფინალი" 10 აპრილს, "ფრაიბურგთან" აქვთ...</p><p><strong><span style="color: #ff0000;">აუგსბურგისა და შტუტგარტის განსხვავებული მისიები</span></p><p></strong>"აუგსბურგი" "შტუტგარტს" მასპინძლობს - მასპინძლები გადარჩენისთვის იბრძვიან, სტუმრები კი ევროპალიგის საგზურს უმიზნებენ.</p><p>"აუგსბურგი" გასავარდნ ზონაში არ არის, მაგრამ იქამდე მხოლოდ ერთი ქულა აშორებს. შტუტგარტელები კი ევროპალიგის ზონაში არიან, თუმცა "თავი ქუდში" ჯერ არ აქვთ.</p><p>"აუგსბურგმა" შაბათს მიუნხენში მედგრად იბრძოლა და "ბაიერნთან" 1:2 დამარცხდა. შვაბებმა კი "მაინცი" 4:1 გაანადგურეს და დაამტკიცეს, რომ კარგ ფორმაში არიან. ძირითად შემადგენლობას, სავარაუდოდ, არც შტუტგარტელთა დამრიგებელი ბრუნო ლაბადია შეცვლის და არც მასპინძლების მწვრთნელი იოს ლუჰუკაი.</p><p>ამ უკანასკნელისთვის ერთადერთი ალტერნატივა იან-ინგვერ კალსენ-ბრაკერია, რომელიც "ბაიერნთან" ძირითადში არ ყოფილა.</p><p><strong><span style="color: #ff0000;">კიოლნში ქაოსია, მაინციც ანერვიულდა</span></p><p></strong>შტუტგარტში განცდილი კრახის შემდეგ მაინცელები საკმაოდ ანერვიულდნენ, რადგან იგრძნეს, რომ პირველ ბუნდესლიგაში დარჩენა ჯერ არ გაუნაღდებიათ და 10 აპრილს მეორე ელიტიდან გავარდნის ერთ-ერთ კანდიდატ "კიოლნს" მასპინძლობენ.</p><p>თომას ტუხელის შეგირდები გამარჯვების შემთხვევაში დამშვიდდებიან და სამი ქულის მოპოვება მართლაც რეალურია, რადგან "კიოლნში" ბოლო დროს ქაოსია. მწვრთნელმა სტალე სოლბაკენმა განაცხადიდან ახლა სლავომირ პეჟკოც ამოაგდო - როგორც იცით, წინა კვირაში გუნდიდან ფორვარდი მილოვოე ნოვაკოვიჩი მოკვეთა.</p><p>პეჟკოს შემთხვევაში მიზეზი ლოთობაა - ეს უკანასკნელი კვირას გამთენიისას ავტომობილს ნასვამ მდგომარეობაში მართავდა. "მაინცთან" პეჟკოს, სავარაუდოდ, მატო იაიალო შეცვლის. "მაინცში" კი მოჰამედ ზიდანი ბრუნდება, რომელსაც ასევე შიდა დისკვალიფიკაცია ჰქონდა მისჯილი...</p><p><strong><span style="color: #ff0000;">როისი გლადბახს ბრემენში გაჰყვა</span></p><p></strong>10 აპრილს მეოთხე მატჩი "ვერდერისა" და "გლადბახის" ჯახია. მიონხენგლადბახელები ცუდ ფორმაში არიან, შედეგები მკვეთრად გააუარესეს და თუ ასე გააგრძელებენ, ჩემპიონთა ლიგის საგზურის მოპოვება კითხვის ნიშნის ქვეშ დადგება. თუმცა ლუსიენ ფავრის გუნდს ჯერჯერობით საუკეთესო ოთხეულიდან გამოსვლის საფრთხე არ ემუქრება, რადგან ბოლო ტურებში კონკურენტებმაც ვერ ივარგეს.</p><p>ერთ-ერთი მათგანია "ვერდერიც", რომელმაც სულაც ევროპალიგის საგზურის მოპოვება დაიყენა კითხვის ნიშნის ქვეშ - ბრემენული კლუბი მეშვიდე ადგილამდე ჩამოქვეითდა და მერვეადგილოსან "ჰანოვერს" მხოლოდ ბურთების უკეთესო შეფარდების გამო სჯობნის, მე-9 ადგილზე მყოფ "ვოლფსბურგს" კი ოდენ ერთი ქულით უსწრებს.</p><p>მიონხენგლადბახელთა რიგებში საეჭვო იყო მარკო როისის თამაში, რომელმაც შაბათს, "ჰერტასთან" მატჩში (0:0) ტრავმა მიიღო, მაგრამ როისი გუნდს ბრემენში გაჰყვა; თუმცა მოახერხებს თუ არა თამაშს, ეს ჯერ კიდევ საკითხავია.</p><p>ტრავმირებულია და ბრემენში არ წასულა ტონი იანტშკე, რომელსაც დაცვის ცენტრში მარტინ შტრანცლი შეცვლის. ბრემენელებს დაცვის ბურჯი ნალდო გამოუჯანმრთელდათ, მაგრამ მწვრთნელმა თომას შააფმა მისი სასტარტო შემადგენლობაში გამწესება შეიძლება ჯერ ვერ გარისკოს.</p><p><span style="color: #ff0000;"><strong>გერმანია. ბუნდესლიგა. XXX ტური</strong></span></p><p><em>10 აპრილი</em></p><p><em><strong>ჰერტა-ფრაიბურგი 22:00</strong></em></p><p>პირველ წრეში: 2:2</p><p>დისკვალიფიკაცია: მაკიადი (ფრაიბურგი)</p><p>ტრავმა: ფრანცი, მიატოვიჩი, ლუსტენბერგერი - ბართი, ფერატი, პუცილა, ს. ბრანდშტეტერი, შუსტერი</p><p><em><strong>აუგსბურგი-შტუტგარტი 22:00</strong></em></p><p>პირველ წრეში: 1:2</p><p>დისკვალიფიკაცია: არავინ</p><p>ტრავმა: იორლი, დე იონგი, ბა, გოგია, მორავეკი - ბულარუზი</p><p><em><strong>მაინცი-კიოლნი 22:00</strong></em></p><p>პირველ წრეში: 1:1</p><p>დისკვალიფიკაცია: ნოვაკოვიჩი, ჩიჰი (ორივე კიოლნი; გუნდის შიდა დისკვალიფიკაცია)</p><p>ტრავმა: ბელი, სვენსონი, რისსე - ანდრეზინიო, ჩიჰი</p><p><em><strong>ვერდერი-ბორუსია (მ) 22:00</strong></em></p><p>პირველ წრეში: 0:5</p><p>დისკვალიფიკაცია: არავინ</p><p>ტრავმა: პრიოდლი, ბარგფრედე, ბოროვსკი, ექიჩი, ჰანტი, არნაუტოვიჩი - იანტშკე</p><p><span style="color: #ff0000;"><strong>სატურნირო </strong></span><span style="color: #ff0000;"><strong>ცხრილი</strong></span></p><p><em>ა გ თ მ ფ წ ბ ქ</em></p><p>1. ბორუსია (დ) 29 20 6 3 66-22 66</p><p>2. ბაიერნი 29 20 3 6 69-19 63</p><p>3. შალკე 29 18 3 8 64-35 57</p><p>4. ბორუსია (მ) 29 15 7 7 41-20 52</p><p>5. შტუტგარტი 29 12 7 10 52-39 43</p><p>6. ლევერკუზენი 29 11 8 10 40-39 41</p><p>7. ვერდერი 29 11 8 10 42-44 41</p><p>8. ჰანოვერი 29 10 11 8 37-42 41</p><p>9. ვოლფსბურგი 29 12 4 13 41-52 40</p><p>10. ჰოფენჰაიმი 29 9 10 10 34-40 37</p><p>11. მაინცი 29 8 9 12 43-48 33</p><p>12. ნიურნბერგი 29 9 5 15 27-41 32</p><p>13. ფრაიბურგი 29 8 8 13 39-55 32</p><p>14. ჰამბურგი 29 7 10 12 33-51 31</p><p>15. აუგსბურგი 29 6 12 11 31-44 30</p><p>16. კიოლნი 29 8 5 16 36-59 29</p><p>17. ჰერტა 29 6 9 14 30-52 27</p><p>18. კაიზერსლაუტერნი 29 3 11 15 18-41 20</p><p><strong>ბომბარდირები</strong></p><p>25 - გომესი (ბაიერნი); 24 - ჰუნტელაარი (შალკე); 19 - ლევანდოვსკი (ბორუსია /დ/); 17 - პოდოლსკი (კიოლნი); 16 - პისარო (ვერდერი); 15 - როისი (ბორუსია /მ/); 14 - რაული (შალკე), ჰარნიკი (შტუტგარტი).</p><p><strong><span style="color: #ff0000;">დორტმუნდის და ბაიერნის დარჩენილი მატჩები</span></p><p>ბორუსია (დ)</strong></p><p><em>ტური მატჩი</em></p><p>XXX ბორუსია (დ)-ბაიერნი</p><p>XXXI შალკე-ბორუსია (დ)</p><p>XXXII ბორუსია (დ)-ბორუსია (მ)</p><p>XXXIII კაიზერსლაუტერნი-ბორუსია (დ)</p><p>XXXIV ბორუსია (დ)-ფრაიბურგი</p><p><strong>ბაიერნი</strong></p><p><em>ტური მატჩი</em></p><p>XXX ბორუსია (დ)-ბაიერნი</p><p>XXXI ბაიერნი-მაინცი</p><p>XXXII ვერდერი-ბაიერნი</p><p>XXXIII ბაიერნი-შტუტგარტი</p><p>XXXIV კიოლნი-ბაიერნი</p><p><strong>ყოველდღიური სპორტული გაზეთი "ლელო"</strong></p>
[VIDEO] კეინის ყველა დროის რეკორდი - "ბაიერნი" და ინგლისელი შეუჩერებლები არიან
ბუნდესლიგის გუნდებმა მიმდინარე სეზონში 3 ტურის შემდეგ უკვე მეორე მწვრთნელი დაითხოვეს
ერიკსენი კარიერას "ვოლფსბურგში" გააგრძელებს
U17 | საქართველო 3:0 ლიეტუვა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
ფრე ქუთაისში... და "თელავის" მოგება "გაგრასთან"
პირველი ტაიმის შემდეგ პსჟ "ოსერს" 1:0 ამარცხებს
"ოსერთან" მატჩში პსჟ-ს სასტარტო შემადგენლობა ცნობილია
ზივზივაძის "ჰაიდენჰაიმმა" ნანატრი გამარჯვება მოიპოვა
[VIDEO] ხულიან ალვარესი მთელი თავისი ბრწყინვალებით - "ატლეტიკომ" მადრიდულ დერბიში "რეალი" გაანადგურა
[VIDEO] ნკეტიამ ალისონს ზედ საფინალო სასტვენის წინ გაუტანა - "ლივერპული" "კრისტალ პალასთანთან" დამარცხდა
გუნდია თუ საველე ჰოსპიტალი - პსჟ-ს კიდევ ერთი წამყვანი ფეხბურთელი გამოაკლდა
"იუნაიტედი" "ბრენტფორდთან" დამარცხდა - გაუშვებენ ამორიმს?
[VIDEO] კეინის ყველა დროის რეკორდი - "ბაიერნი" და ინგლისელი შეუჩერებლები არიან
FIFA-მ მალაიზიის ფეხბურთის ფედერაცია და 7 ფეხბურთელი მკაცრად დასაჯა
დუდუ დადიანის მემორიალის 24-ე გათამაშება ოლიმპიურ სასახლეში დაიწყო
"ერთად დასაწყისიდან დასასრულამდე" - მესი ბუსკეტსის გადაწყვეტილებას ემოციური წერილით გამოეხმაურა
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ
"როცა ის მოედანზე მყავდა, პატარა ბავშვივით ტკბილად მეძინა" - გვარდიოლამ "სიტის" ყოფილი ფეხბურთელი გამოარჩია
"პირველი იყო, ვინც "ოქროს ბურთის" მოგება მომილოცა" - უსმან დემბელემ ლიონელ მესიზე ისაუბრა
[VIDEO] რონალდოს 946-ე გოლი - "ალ ნასრმა" ბენზემას "ალ იტიჰადი" დაამარცხა
პრობლემების მქონე პსჟ-ისა და კარგ ფორმაში მყოფი "ვილიარეალის" მატჩის დღე