<p>მამაკაცთა პროფესიულ ტურში გრუნტის საგაზაფხულო გათამაშება კასაბლანკასა და ჰიუსტონის ტურნირებით დაიწყო <br> კასაბლანკასა და ჰიუსტონის ტურნირებით დაიწყო გრუნტის საგაზაფხულო გათამაშება მამაკაცთა პროფესიულ ტურში.</p><p>მაროკოში შეჯიბრი ძლიერი შემადგენლობით ვერ დაიკვეხნიდა - პირველ ნომრად განთესილი იყო რეიტინგის მე-20 ჩოგანი ფლორიან მაიერი, რომელიც ამ სეზონში აშკარად სუსტად თამაშობს.</p><p>გერმანელი მეორე წრიდან ჩაება ბრძოლაში და მხოლოდ ოთხი გეიმი მოუგო ჟერემი შარდის. ამავე რაუნდში წააგო მეორე განთესილმა - ალექსანდრ დოლგოპოლოვმა, რომელმაც დიდი წინააღმდეგობა ვერ გაუწია ფლავიო ჩიპოლას - 4:6, 1:6.</p><p>პირველ ოთხ ნომრად განთესილთაგან, რომლებმაც მეორე წრიდან დაიწყეს ტურნირი, ნახევარფინალამდე მხოლოდ პაბლო ანდუხარმა მიაღწია. მოქმედი ჩემპიონი ჩიპოლაზე ძლიერი აღმოჩნდა და ფინალში გავიდა - 6:3, 7:5.</p><p>მეორე ნახევარფინალში კიდევ ერთი ესპანელი ალბერტ რამოსი რუს იგორ ანდრეევს ხვდებოდა. ყველა გადამწყვეტ ბურთზე უკეთ რამოსმა ითამაშა. ანდრეევმა მეორე პარტიაში სეტზე ვერ ჩააწოდა. გარდა ამისა, ტაი-ბრეიკზე ორი სეტბოლი ვერ გამოიყენა - 6:3, 7:6(7).</p><p>ფინალში ყველა მნიშვნელოვანი გათამაშება ანდუხარმა მოიგო - მან ოთხი ბრეიკ-პოინტი მიიღო და ყველა გამოიყენა - 6:1, 7:6(5). პაბლო კარიერაში მეხუთე ფინალს თამაშობდა, მაგრამ ჯერჯერობით მხოლოდ მაროკოული კორტების დაპყრობას ახერხებს, სხვაგან კი მანუგეშებელი პრიზით კმაყოფილდება.</p><p><strong></p><p>* * *</strong></p><p>ჰიუსტონში შეიძლებოდა განმეორებულიყო კასაბლანკას სიტუაცია, როცა პირველივე მატჩები წააგეს პირველ ორ ნომრად განთესილებმა. მერდი ფიში (1), რომელიც ძალიან ცუდად თამაშობს ამ სეზონში, მხოლოდ ოთხი მოგებული გეიმით დაკმაყოფილდა მაიკლ რასელთან მატჩში.</p><p>ჯონ ისნერმაც (2) წააგო სასტარტო სეტი ორასიო სებალიოსთან, მაგრამ მაინც მოიგო შეხვედრა. შემდეგ ხუთ სეტში ისნერმა ოთხი ტაი-ბრეიკი ითამაშა და მათგან სამი მოიგო.</p><p>განსაკუთრებით მძიმე გამოვიდა ნახევარფინალი ფელისიანო ლოპესთან, მაგრამ ჯონმა უკეთესი ფიზიკური მომზადებითა და ძლიერი მოწოდებით მოიპოვა ფინალის საგზური - 6:7(5), 7:6(4), 6:3. სამი მატჩის განმავლობაში ამერიკელმა 40 ეისის შესრულება შეძლო.</p><p>მეორე ნახევარფინალში ხვდებოდნენ ხუან მონაკო და მაიკლ რასელი. ამერიკელი ჰიუსტონში ცხოვრობს. ამიტომაც იქაურ კორტებს კარგად იცნობს, თან პუბლიკაც აქტიურად უჭერდა მხარს. მანამდე 33 წლის რასელს არასოდეს მიუღწევია ნახევარფინალამდე, მაგრამ აქ შეძლო ამის გაკეთება. ფინალში გასვლაც შეეძლო, უფრო ლამაზად და შინაარსიანად თამაშობდა, მაგრამ მესამე პარტიის ბოლოს საკუთარი გეიმი ცუდად ჩაატარა და წააგო - 7:5, 1:6, 4:6.</p><p>ფინალში თავი იჩინა ისნერის დაღლილობამ. მისი მოწოდება ოდნავ სუსტი იყო, რის გამოც არგენტინელმა 15 ბრეიკ-პოინტი მიიღო და საბოლოოდ, სამ სეტში გაიმარჯვა - 6:2, 3:6, 6:3. წაგების მიუხედავად, ისნერმა რეიტინგში გაუსწრო მერდი ფიშს და ამერიკის პირველი ნომერი გახდა.</p><p><span style="color: #ff0000;"><strong>ATP</p><p></strong></span><strong>Grand Prix Hassan II</p><p></strong>კასაბლანკა (მაროკო). გრუნტი</p><p>საპრიზო ფონდი: 531 266 დოლარი</p><p>ფინალი</p><p>პაბლო ანდუხარი (ესპ, 3)-ალბერტ რამოსი (ესპ, 7) 6:1, 7:6(5).</p><p><strong>Clay Court Championship</p><p></strong>ჰიუსტონი (აშშ). გრუნტი</p><p>საპრიზო ფონდი: 250 000 დოლარი</p><p>ფინალი</p><p>ხუან მონაკო (არგ, 4)-ჯონ ისნერი (აშშ, 2) 6:2, 3:6, 6:3.</p><p><strong>ყოველდღიური სპორტული გაზეთი "ლელო"</strong></p>
ნიკოლოზ ბასილაშვილი ჩინური ტურნირის პირველივე წრეში დამარცხდა
მე-6 ტიტული დიდი სლემის ტურნირზე - კარლოს ალკარასი აშშ-ის ღია პირველობის გამარჯვებულია
ოფიციალურად: როჯერ ფედერერი მილიარდერი გახდა
ქართველი მსაჯები სომხეთისა და ირლანდიის მატჩს განსჯიან
"ფენერბაჰჩეს" დომენიკო ტედესკო ჩაიბარებს
ნიკოლოზ ბასილაშვილი ჩინური ტურნირის პირველივე წრეში დამარცხდა
"ნოტინგემმა" ეშპირიტუ სანტუ გაათავისუფლა - მოურინიო მისი შეცვლის ერთ-ერთი მთავარი კანდიდატია
"მარტო უნდა დავტოვოთ" - სკალონის ჰკითხეს, ითამაშებს თუ არა მესი 2026 წლის მსოფლიო ჩემპიონატზე
"სამწუხაროდ, ესპანეთში მას არ აფასებენ" - დე ლა ფუენტემ საკუთარი გუნდის ფეხბურთელი გამოარჩია
აბურჯანია კარიერას საუდის არაბეთში გააგრძელებს
U21 | საქართველო V ჩრდილოეთ ირლანდია - მატჩისწინა ვარჯიში წყალტუბოში
ხარატიშვილი ჩეხურ კლუბში გადავიდა
„Milan Junior Camp ჩვენი ახალგაზრდა ფეხბურთელებისთვის უდიდესი შესაძლებლობაა“ - გიორგი ფოფხაძე
უთავმოყვარეო და მშიშარა უწოდეს - სანტუშს აზერბაიჯანის ნაკრების დატოვება მაინც მოუწია
პსჟ ბარკოლასთან კონტრაქტის გაგრძელებაზე მოლაპარაკებას აწარმოებს
რატომ მოვიგეთ და როდის გავიმარჯვებთ "არმოსაგებში" - ბავშვებო, ისწავლეთ ხვიჩასგან!..
საქართველოს ნაკრებს ევრობასკეტზე მიღწეული ისტორიული შედეგისთვის მთავრობა ფულადი პრემიის სახით 3 მილიონ ლარს გადასცემს
"ამას ფეხბურთთან საერთო არაფერი აქვს" - "ბაიერნის" პრეზიდენტმა "ნიუკასლი" გააკრიტიკა
"ალბათ ამ პასუხს ნაკლებად ელოდით" - გვარდიოლამ დაასახელა ფეხბურთელი, რომლის "სიტიდან" გაშვებასაც ყველაზე მეტად ნანობს
"რუსეთის საფეხბურთო ნაკრებს სათადარიგოთა სკამზეც კი სუპერვარსკვლავები ჰყავს" - "რეალისა" და ესპანეთის ნაკრების ყოფილი მწვრთნელი
მე-6 ტიტული დიდი სლემის ტურნირზე - კარლოს ალკარასი აშშ-ის ღია პირველობის გამარჯვებულია
[PHOTO] არდა გიულერის ემოციები ესპანეთთან განადგურების შემდეგ
[VIDEO] შერჩათ თურქებს იამალი? - ესპანელი კურიოზულ სიტუაციაში აღმოჩნდა