<p>ალვარო ნეგრედოს ერთი გოლი, ესთეტიკური თვალსაზრისით, დანარჩენ ხუთს წონის, თუმცა ტაბლოზე ეს არ აისახება <br> ორშაბათის თამაშები იშვიათად არის ხოლმე ესპანეთში ცენტრალური და შესაბამისად, თვალსასეირო, მაგრამ ამჯერად "ხეტაფე"-"სევილიას" დაპირისპირებას ბევრი წინაპირობა ჰქონდა - გუნდებს შორის მხოლოდ სამი ქულა იყო სხვაობა. მათთვის ევროთასების საგზურებისთვის ბრძოლა გადამწყვეტ ფაზაშია შესულია. თანაც, "ალფონსო პერეს კოლისეუმზე" მიჩელი ბრუნდებოდა, ახლა უკვე მეტოქე გუნდის თავკაცის რანგში. თამაშმა ერთიორად გაამართლა - სეზონში ასეთი თვალსასეირო ორთაბრძოლა ბევრი არ ყოფილა, ხოლო მიჩელს სრული განადგურება ელოდა ყოფილი გუნდისგან - 1:5.</p><p>საფეხბურთო გურმანები დაგვეთანხმებიან, ალვარო ნეგრედოს ერთი გოლი, ესთეტიკური თვალსაზრისით, დანარჩენ ხუთს წონის, თუმცა ტაბლოზე ეს არ აისახება.</p><p>"სევილიამ" მე-19 წუთზე გახსნა ანგარიში. ამ გოლზე დაწვრილებით არის დასაწერი, რადგან ის მსოფლიო კლასისა გამოდგა - პიოტრ ტროხოვსკიმ კარგად შეამჩნია საჯარიმოში შევარდნილი ნეგრედო. ესპანეთის ნაკრების ფორვარდმა ერთადერთი სწორი გადაწყვეტილება მიიღო იმ სიტუაციაში და ბურთი კარისკენ "მაკრატელა" დარტყმით გადაგზავნა, მასპინძელთა მეკარე კი მოძრაობაზე დაიჭირა.</p><p>ამის შემდეგ კი მოედანზე მხოლოდ ლუის გარსიას გუნდი ბატონპატრონობდა. პირველ ტაიმში "ხეტაფემ" გათანაბრება მოასწრო - გავილანის კუთხურს ანდალუსიელ მცველთა შეცდომა მოჰყვა. მიგელ ტორესიც ყველაზე უკეთ გაერკვა სიტუაციაში.</p><p>მეორე ტაიმი ლასენის გოლით დაიწყო. ამის მერე მიკუმ დუბლი შეასრულა, ხოლო პედრო რიოსმა გოლი თავით გაიტანა - 5:1. 30 წლის პედრო რიოსი ორივე გუნდში საუკეთესო იყო გოლით და ორი საგოლე პასით. "ხეტაფე" "სევილიას" ქულებით გაუტოლდა. ესპანეთის ჩემპიონატში 45-45 ქულა ერთბაშად 5 კლუბს აქვს - აი, ასეთი ბრძოლაა ევროსაგზურებისთვის.</p><p>ლუის გარსია (ხეტაფე): "ამ გამარჯვებით ჩვენ კარი ევროოცნებას გავუღეთ. ევროპა "ატლეტიკოს" ან "სევილიას" უფრო ელის, ჩვენთვის კი დიდი პატივია, რომ მათ თანაბრად ვებრძვით და ვჯობნით კიდევაც".</p><p>მიჩელი (სევილია): "თავის მართლებაც კი არ ღირს, ყველაფერი ცხადია".</p><p><em><strong>ხეტაფე-სევილია 5:1</p><p></strong></em>საუკეთესო: პედრო რიოსი (ხეტაფე)</p><p><strong></p><p>სატურნირო მდგომარეობა</strong></p><p>თ მ ფ წ ბ ქ</p><p>1. რეალი 33 27 4 2 107-29 85</p><p>2. ბარსელონა 33 25 6 2 96-24 81</p><p>3. ვალენსია 33 14 10 9 50-42 52</p><p>4. მალაგა 33 15 6 12 49-46 51</p><p>5. ლევანტე 33 14 6 13 47-46 48</p><p>6. ოსასუნა 33 11 13 9 37-53 46</p><p>7. ბილბაო 33 11 12 10 48-44 45</p><p>8. ატლეტიკო 33 12 9 12 44-41 45</p><p>9. სევილია 33 12 9 12 40-38 45</p><p>10. ესპანიოლი 33 12 9 12 43-43 45</p><p>11. ხეტაფე 33 12 9 12 38-44 45</p><p>12. ბეტისი 33 12 6 15 40-45 42</p><p>13. მალიორკა 33 10 10 13 35-41 40</p><p>14. ვალეკანო 33 12 4 17 49-58 40</p><p>15. სოსიედადი 33 10 9 14 40-49 39</p><p>16. ვილიარეალი 33 8 12 13 34-47 36</p><p>17. გრანადა 33 10 6 17 30-49 36</p><p>18. სარაგოსა 33 8 7 18 29-59 31</p><p>19. სპორტინგი 33 7 7 19 33-63 28</p><p>20. რასინგი 33 4 14 15 24-52 26</p><p><strong>ბომბარდირები</p><p></strong>41 - ლიონელ მესი (ბარსელონა), კრიშტიანო რონალდო (რეალი); 22 - რადამელ ფალკაო (ატლეტიკო); 21 - გონსალო იგუაინი (რეალი); 18 - ქარიმ ბენზემა (რეალი); 16 - ფერნანდო ლორენტე (ბილბაო), რობერტო სოლდადო (ვალენსია); 15 - მიჩუ (რაიო ვალეკანო).</p><p><strong>მომდევნო ტური</p><p></strong>21 აპრილი: მალიორკა-სარაგოსა, სპორტინგი-რაიო ვალეკანო, ბარსელონა-რეალი, სევილია-ლევანტე.</p><p>22 აპრილი: გრანადა-ხეტაფე, რეალ სოსიედადი-ვილიარეალი, რასინგი-ბილბაო, ატლეტიკო-ესპანიოლი, ვალენსია-ბეტისი.</p><p>23 აპრილი: ოსასუნა-მალაგა.</p><p><strong>ყოველდღიური სპორტული გაზეთი "ლელო"</strong></p>
ბერნალს 382 დღე გაუცდა და "ბარსელონამ" კონტრაქტი გაუხანგრძლივა
პსჟ-სთან მატჩამდე "ბარსელონამ "სოსიედადი" დაამარცხა და გალიდერდა
[VIDEO] ხულიან ალვარესი მთელი თავისი ბრწყინვალებით - "ატლეტიკომ" მადრიდულ დერბიში "რეალი" გაანადგურა
არისაბალაგა შეიძლება ფაბრეგასის გუნდში გადაბარგდეს
დუდუ დადიანის მემორიალზე ნახევარფინალისტები დაწყვილდნენ
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
[VIDEO] ლომინაძე და ქოჩორაშვილი შეცვლაზე შევიდნენ - "სპორტინგმა" "ნაპოლიმდე" "ეშტორილს" სძლია
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ