<p>აზერბაიჯანულ "თავისუფალთა" ნაკრებში არ იასპარეზებს ოლიმპიური მედალოსანი, რომელიც გოგშელიძის უმთავრეს კონკურენტად მიიჩნეოდა <br> 18 აპრილს, დილით, საქართველოს თავისუფალი სტილით მოჭიდავეთა სამკაციანი ნაკრები სოფიაში გაფრინდა, სადაც 20-22 აპრილს ევროპის ზონის სალიცენზიო შეჯიბრებაში იასპარეზებს.</p><p>გუნდის თავკაცმა ზაზა თურმანიძემ ბულგარეთში <strong>ვლადიმერ ხინჩეგაშვილი</strong> (55), <strong>ზურაბ იაკობაშვილი</strong> (66) და <strong>გიორგი გოგშელიძე</strong> (96) წაიყვანა.</p><p>სამივე ჩვენებური 20 აპრილს იჭიდავებს. ამასობაში კი ჩვენთვის ფრიად საინტერესო ერთი ამბავი გაირკვა - აზერბაიჯანელ "თავისუფალთა" ნაკრებში არ იასპარეზებს ევროპისა და მსოფლიოს ჩემპიონი, ოლიმპიური მედალოსანი ხეტაგ გოზიუმოვი (96), რომელიც გოგშელიძის ერთ-ერთ უმთავრეს კონკურენტად მიიჩნეოდა.</p><p>არადა, აზერბაიჯანული მხარე აქამდე ყოველთვის გადაჭრით აცხადებდა, რომ ის აუცილებლად გამოვიდოდა სოფიაში. ახლა კი მის ნაცვლად კიდევ ერთი ოსი ლეგიონერი ასლანბეკ ალბოროვი წაიყვანეს.</p><p>იქაურთა ნაკრების დაღესტნელ თავკაც საიპულა აბსაიდოვს ცვლილების მიზეზი არ განუმარტავს, თუმცა არ გამოვრიცხავთ, მის ამ გადაწყვეტილებაზე გავლენა რუსთა გუნდის შემადგენლობამაც იქონია - მათ 96-ში ევროპის წლევანდელი ჩემპიონი აბდუსალამ გადისოვი დააყენეს, რომელმაც ევროპის პირველობაზე ბრწყინვალე სპორტული ფორმა აჩვენა. არადა, მანამდე რუსთა ბანაკიდან გამოდიოდა ხმები, რომ სოფიაში არა ის, არამედ ივან იარიგინის ტურნირის ვიცე-ჩემპიონი იბრაგიმ საიდოვი გამოვიდოდა.</p><p>მასთან გოზიუმოვს ბევრად მეტი შანსი ექნებოდა, ვიდრე - გადისოვთან. შესაძლოა, აზერბაიჯანელებმა ოლიმპიადისთვის საგანგებო გრაფიკით მოვარჯიშე გოზიუმოვი პრინციპულ მეტოქეს - გადისოვს ტაქტიკური მოსაზრებებით დაუმალეს.</p><p>ყოველ შემთხვევაში, გადაწყვეტილება რუსების მიერ შემადგენლობის გამოცხადების შემდეგ შეცვალეს, თორემ სხვა წონებში ადრევე დასახელებული ფალავნები მიჰყავთ - ევროპის ექსჩემპიონი მაჰმუდ მაგომედოვი (55) და ევროპის წლევანდელი ჩემპიონი ტოგრულ ასკეროვი (60). თუმცა, რაც უნდა იყოს გოზიუმოვის სახლში დატოვების მიზეზი, ამით გოგშელიძის შანსი იზრდება.</p><p>მართალია, იოლად გასავლელი არც ალბოროვი იქნება, მაგრამ გოზიუმოვი შეუდარებლად მაღალი დონეა.</p><p>შეგახსენებთ, რომ სოფიაში ორ-ორი ლიცენზია გაიცემა, ანუ მის მისაღებად ფინალში გასვლაა აუცილებელი. 96-ში ევროპელ ლიდერთაგან თურქეთმა და ბელარუსმა შარშან მსოფლიოზე მოიპოვეს საგზურები, რუსეთს, აზერბაიჯანსა და ბულგარეთს კი ხელი მოეცარათ. თუმცა ამ სამეულიდან ბულგარელებს არ ჰყავთ ძლიერი ფალავნები. წლევანდელი ევროპირველობის შემდეგ ვერცხლისმედალოსანი უკრაინელი ვალერი ანდრეიცევიც ლიდერებს უნდა მივათვალოთ.</p><p>"თავისუფლები" ტურნირში 20 აპრილს ჩაებმებიან და პირველი ექვსი წონა იასპარეზებს. მხოლოდ მძიმე წონაა გადატანილი 21-ში. ანუ ჩვენ 20 აპრილს უკვე გვეცოდინება, შევავსებთ თუ ვერა ბოლომდე ოლიმპიურ გუნდს და რამდენ საგზურს შევმატებთ მსოფლიოზე მოპოვებულ ოთხ ლიცენზიას.</p><p>21-ში "თავისუფალთა" მძიმე წონის გარდა, შეჯიბრებაში ბერძენ-რომაელებიც ჩაებმებიან - მათგან 55, 60, 66, 74 და 84 კილოგრამის ფალავნები იჭიდავებენ. 22-ში ბერძენ-რომაელთაგან 96-120 და ქალთა ოთხივე ოლიმპიური წონის (48, 55, 63, 72) წარმომადგენლები იასპარეზებენ.</p><p>ჩვენი ბერძენ-რომაელები სოფიაში ამ დილით გაფრინდებოდნენ ასეთი შემადგენლობით: <strong>გოდერძი დავითაძე</strong> (55), <strong>ფირუზ წულუკიძე</strong> (60), <strong>ზურაბ დათუნაშვილი</strong> (74), <strong>სანდრო დიხამინჯია</strong> (96) და <strong>სერგო გოგისვანიძე</strong> (120).</p><p><strong>ძიუდო: სემინარი ბავშვთა მწვრთნელებისთვის</strong></p><p>უკვე ორი დღეა, გლდანის ოლიმპიური მზადების ცენტრში ძიუდოში მომუშავე ბავშვთა მწვრთნელებისთვის სემინარი მიმდინარეობს, რომელსაც სპორტისა და ახალგაზრდობის საქმეთა სამინისტროს მხარდაჭერით საქართველოს ძიუდოს ფედერაცია ახორციელებს.</p><p>მასში ქვეყნის ყოველი რეგიონიდან შერჩეული ორ-ორი მწვრთნელი მონაწილეობს, რომლებიც თავად რეგიონულმა ფედერაციებმა შეარჩიეს - სულ 26 მწვრთნელი. სემინარს პროფესორი გურამ რატიშვილი უძღვება, მონაწილენი კი ათდღიან თეორიულ-პრაქტიკულ კურსს გაივლიან, რომელიც 38 აუცილებელ საკითხს მოიცავს.</p><p>პირველი რვა დღე თეორიულ მეცადინეობას დაეთმობა, რასაც ერთდღიანი პრაქტიკული კურსი მოჰყვება; მეათე დღეს კი მწვრთნელებს ტესტირება ჩაუტარდებათ, რომლის წარმატებით გავლის შემთხვევაშიც სათანადო სერთიფიკატს მიიღებენ.</p><p>შეგახსენებთ, რომ ძიუდოს ფედერაცია რეგიონებშიც ატარებს სამდღიან გასვლით თეორიულ-პრაქტიკულ მეცადინეობებს, რომელიც კახეთიდან დაიწყო, უახლოეს დღეებში კი სხვა რეგიონებშიც გაგრძელდება.</p><p><strong>ყოველდღიური სპორტული გაზეთი "ლელო"</strong></p>
საქართველოს თავისუფალი სტილით მოჭიდავე 20-წლამდელთა ნაკრები ევროპის ჩემპიონია!
პეტრიაშვილმა და ჭეჭელაშვილმა ევროპის ჩემპიონატზე ოქროს მედლები მოიპოვეს!
ევროპის ჩემპიონატზე ბოლქვაძემ და ხეცურიანმა ბრინჯაოს მედლები მოიპოვეს
ფუტსალი | საქართველო 2:2 ყირგიზეთი
პსჟ პაჩოს კონტრაქტს გაუგრძელებს
შენგელიას 18 ქულა და გამარჯვება, ბურჯანაძის 7 ქულა და ბრძოლაში მარცხი
ქალთა ნაკრები ორ ამხანაგურ მატჩს გამართავს
"ინტერის" სპორტულმა დირექტორმა ნეიმარის შესაძლო ტრანსფერზე ისაუბრა
ბენზემა ევროპაში დაბრუნდება? - ფრანგი ფორვარდის დამატება თურქულ გრანდს უნდა
აბუაშვილის და წიტაიშვილის "მეცმა" მორიგი მარცხი განიცადა
როგორი შეფასებები მიიღო მამარდაშვილმა "მანჩესტერ იუნაიტედთან" მატჩში?
[VIDEO] გამორჩეული დაპირისპირება მოულოდნელი გმირით - მამარდაშვილის "ლივერპული" სახლში "მანჩესტერ იუნაიტედთან" დამარცხდა
"მანჩესტერ იუნაიტედთან" მატჩში "ლივერპულის" შემადგენლობა ცნობილია
[VIDEO] კიტეიშვილის გამარჯვების გოლი და საგოლე გადაცემა - "შტურმმა" 4:3 მოიგო
ლოჩოშვილის მორიგი კარგი მატჩი - "ნიურნბერგმა" გამარჯვება ხელიდან გაუშვა
"შოთა არველაძის სამშობლოში ვართ და სამწუხაროა, რომ ის ვერ ითამაშებს" - ფრანკ დე ბური ლეგენდების მატჩის წინ
"ესპანური სწრაფად ვისწავლე, რადგან ეს პატივისცემის ნიშანია" - კილიან მბაპე მადრიდულ ცხოვრებაზე
"წლის საუკეთესო მებრძოლად მერაბ დვალიშვილი უნდა დასახელდეს" - უმარ ნურმაგომედოვი
"როცა გულის შეტევით საავადმყოფოში ვიწექი, მესის ქმედებით გაოგნებული დავრჩი" - კასილასმა აქამდე უცნობი ისტორია გაიხსენა
"საფონოვი მოთმინებას კარგავს" - რას წერს ფრანგული გამოცემა რუს მეკარეზე?
[VIDEO] შერმადინის და უერტასის დუეტი კვლავ ბრწყინავს - "ტენერიფემ" "მურსია" დაამარცხა
[VIDEO] აქ სიტყვები ზედმეტია - მესის ჰეთ-თრიქი და საგოლე პასი "ნეშვილთან"
გვარდიოლამ გაამხილა, როდის იფიქრებს მწვრთნელის კარიერის დასრულებაზე