<p>"ფილადელფიამ" სერიოზული ნაბიჯი გადადგა პლეი ოფის საგზურისკენ - "სიქსერზმა" ლამაზ სტილში დაამარცხა "კლივლენდი" <br> "ფილადელფიამ" სერიოზული ნაბიჯი გადადგა პლეი ოფის საგზურისკენ - "სიქსერზმა" ლამაზ სტილში დაამარცხა "კლივლენდი".</p><p>პირველ ტაიმში თანაბარი თამაში მიდიოდა, მესამე მეოთხედის შუაში კი შეუჩერებელი გახდა ჰოლიდეი, რომელმაც სამქულიანის ხაზიდან დაბომბა "კავალერები". "ფილადელფიამ" 24:2 გაქცევა მოახერხა და ამის შემდეგ სტუმრები გონს ვეღარ მოვიდნენ. ბოლო მეოთხედში სასტარტო ხუთეულმა დასვენების საშუალება მიიღო.</p><p>გარდა ამისა, "ფილადელფიამ" კარგი ამბავი შეიტყო აშშ-ის დედაქალაქიდან, სადაც "ვაშინგტონმა" ჩემპიონატის ბოლოს ხასიათი გამოაჩინა. "უიზარდსმა" ბოლო ექვს მატჩში მეოთხედ მოიგო, "ბაქსმა" კი მხოლოდ ერთხელ მოიგო უკანასკნელ ხუთ შეხვედრაში.</p><p>ამ ძალიან მნიშვნელოვან მატჩში "მილუოკიმ" მესამე მეოთხედის დასაწყისში დაკარგა კონცენტრაცია და მასპინძლები 11 ქულით გაიქცნენ. ახლა "ირმები" 2.5 მოგებით ჩამორჩებიან "ფილადელფიას" და საკუთარი ბედის განსაზღვრა თავად ბოლომდე არ შეუძლიათ - გარდა იმისა, რომ დარჩენილ ხუთ მატჩში მაქსიმალურად უნდა იყოჩაღონ, კონკურენტის წაფორხილებასაც უნდა დაელოდონ.</p><p>"ნიუ იორკმა" მაიკ ვუდსონის მეთაურობით 20 მატჩიდან მე-15 მოგება გაიფორმა. ამჯერად "ნიქსმა" "ნეტსი" დაამარცხა, რომელიც დერონ უილიამსის გარეშე თამაშობდა.</p><p>კარმელო ენტონი აშკარად მიდის ამ სეზონში კვირის მოთამაშის პირველი ტიტულისკენ. სასტარტო მეოთხედში მან 21 ქულა დააგროვა და თავის გუნდს 16 ქულით დაწინაურების საშუალება მისცა. ბრუკლინელებმა ორი მეოთხედის განმავლობაში ტიტანური მონდომებით ხუთ ქულამდე შეამცირეს სხვაობა, მაგრამ თამაშში ჩაებნენ სტივ ნოვაკი და ჯერარ სმიტი, რომლებმაც სხვადასხვა დისტანციიდან სროლებით გაანადგურეს მეტოქე.</p><p>"ნიუ იორკს" რეგულარულის ბოლომდე ოთხი მატჩის ჩატარება დარჩა და ვუდსონის გუნდის უპირატესობა "მილუოკიზე" 3.5 მოგებას შეადგენს.</p><p>აგრძელებს ბრწყინვალე ფორმის დემონსტრირებას "ბოსტონის" კაპიტანი პოლ პირსი. სწორედ ის გახდა "კელტების" გადამრჩენი "ორლანდოსთან" მატჩში.</p><p>რაჟონ რონდოს არყოფნაში, რომელმაც წინა მატჩში ზურგი დაიზიანა, პირსმა კარიერის პირადი რეკორდი დაამყარა შედეგიანი გადაცემების რაოდენობით (14 პასი). პოლი წინა მატჩის მსგავსად პროდუქტიულად თამაშობდა შეტევაში. მისი იერიშები თამაშიდან ზუსტი ტყორცნებით სრულდებოდა ან კალათბურთელი საჯარიმოს ხაზზე დგებოდა. "ნიუ იორკთან" წინა მატჩში მან 17 საჯარიმო ჩააგდო, "ორლანდოსთან" - 11.</p><p>ტრადიციულად, "ორლანდომ" ფარი მოუგო "ბოსტონს" - 43:29, მიუხედავად იმისა, რომ "ჯადოქრებს" დუაიტ ჰოვარდი არ ჰყავდათ. ბოლო მეოთხედის შუაში "სელტიქსს" მეტოქის გაქცევა გამოეპარა და 13-ქულიანი უპირატესობა ორ ქულამდე დავიდა. მიუხედავად ამისა, ფლორიდელებმა გადარჩენა ვერ შეძლეს. სირენამდე 30 წამით ადრე პირსმა საშუალო ტყორცნა ჩააგდო, შემდეგ კი ზუსტად ისროლა საჯარიმოები და თავის გუნდს მორიგი გამარჯვება მოუტანა.</p><p><em><strong>შარლოტი-ჩიკაგო 68:100</p><p></strong></em>20:34, 17:18, 22:25, 9:23</p><p>შ: უოკერი (16+5 პასი), ბრაუნი (14+6 მოხსნა), ჰენდერსონი (13).</p><p>ჩ: ჰემილტონი (22+6 პასი), ნოა (12+5 მოხსნა), ლუკასი (12), ბუზერი (10+7 მოხსნა), გიბსონი (9+12 მოხსნა), აშიქი (9+15 მოხსნა).</p><p><em><strong>კლივლენდი-ფილადელფია 87:103</p><p></strong></em>22:28, 27:25, 17:31, 21:19</p><p>კ: ჰადსონი (15), სამუელსი (15+5 მოხსნა), ტომპსონი (12+5 მოხსნა), ჯეიმისონი (11).</p><p>ფ: ჰოლიდეი (24+5 პასი), იგუოდალა (19+13 მოხსნა+7 პასი), იანგი (12), ბრენდი (12).</p><p><em><strong>მაიამი-ტორონტო 96:72</p><p></strong></em>25:24, 26:25, 23:11, 22:12</p><p>მ: ჯეიმსი (28+5 მოხსნა), მილერი (13+6 პასი), ჰასლემი (10+7 მოხსნა).</p><p>ტ: ჯონსონი (18+6 მოხსნა+3 ჩაჭრა), ანდერსონი (15), დეროზანი (12).</p><p><em><strong>ბოსტონი-ორლანდო 102:98</p><p></strong></em>33:22, 22:29, 24:19, 23:28</p><p>ბ: პირსი (29+5 მოხსნა+14 პასი), ბრედლი (23), ბასი (21), გარნეტი (15+9 მოხსნა).</p><p>ო: დევისი (27+7 მოხსნა+3 ჩაჭრა), ნელსონი (21+9 პასი), რედიკი (13+5 პასი), ანდერსონი (12+9 მოხსნა), რიჩარდსონი (11+6 მოხსნა).</p><p><em><strong>ვაშინგტონი-მილუოკი 121:112</p><p></strong></em>28:31, 32:31, 28:19, 33:31</p><p>ვ: კროუფორდი (32), სერაფინი (14+5 მოხსნა), უოლი (14+10 პასი), ნენე (14), ჯ. სინგლტონი (11+5 მოხსნა), კ. სინგლტონი (10+5 მოხსნა), ვესელი (8+10 მოხსნა).</p><p>მ: ელისი (31+6 პასი+3 ჩაჭრა), ჯენინგსი (25+5 მოხსნა), გუდენი (21+12 მოხსნა+6 პასი), ილიასოვა (14+11 მოხსნა+3 ჩაჭრა).</p><p><em><strong>ნიუ ჯერსი-ნიუ იორკი 95:104</p><p></strong></em>22:38, 25:26, 24:14, 24:26</p><p>ნ-ჯ: უოლასი (21+5 მოხსნა), გეინსი (18+6 მოხსნა+6 პასი), გრინი (12+7 მოხსნა), მოროუ (10), ჰემფრიზი (8+15 მოხსნა).</p><p>ნ-ი: ენტონი (33+7 მოხსნა), ჩენდლერი (18+10 მოხსნა), სმიტი (15+8 მოხსნა).</p><p><em><strong>ატლანტა-დეტროიტი 116:84</p><p></strong></em>39:20, 33:22, 24:19, 20:23</p><p>ა: მაკგრეიდი (17), ა. ჯონსონი (16+10 მოხსნა), ჯ. ჯონსონი (13), სმიტი (12+9 მოხსნა), გრინი (10), უილიამსი (10+7 მოხსნა).</p><p>დ: მონრო (17+5 მოხსნა), რასელი (15), ვილანუევა (14+6 მოხსნა).</p><p><strong>აღმოსავლეთი</p><p></strong>თ მ წ %</p><p>1. y-ჩიკაგო 62 47 15 75.8</p><p>2. y-მაიამი 61 44 17 72.1</p><p>3. x-ინდიანა 62 40 22 64.5</p><p>4. y-ბოსტონი* 63 37 26 58.7</p><p>5. x-ატლანტა 62 37 25 59.7</p><p>6. x-ორლანდო 62 36 26 58.1</p><p>7. ნიუ იორკი 62 33 29 53.2</p><p>8. ფილადელფია 62 32 30 51.6</p><p>9. მილუოკი 61 29 32 47.5</p><p>10. დეტროიტი 62 23 39 37.1</p><p>11. ნიუ ჯერსი 63 22 41 34.9</p><p>12. ტორონტო 63 22 41 34.9</p><p>13. კლივლენდი 61 20 41 32.8</p><p>14. ვაშინგტონი 62 16 46 25.8</p><p>15. შარლოტი 61 7 54 11.5</p><p>y - დივიზიონის ჩემპიონი; x - გავიდა პლეი ოფში; * - დივიზიონის ლიდერი</p><p><strong>ყოველდღიური სპორტული გაზეთი "ლელო"</strong></p>
იქ, სადაც განსაკუთრებულად უყვართ - დემიენ ლილარდი "პორტლენდში" დაბრუნდა
იოკიჩმა "დენვერს" შეატყობინა, რომ კონტრაქტს არ გაახანგრძლივებს
"NBA-ის ისტორიაში საუკეთესო მექულე ვარ" - პოლ პირსი
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
"მადლობა საბერძნეთს" - გოგა ბითაძე სოციალურ ქსელში პოსტს აქვეყნებს [PHOTO]
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია
ოფიციალურად: "კოლოსმა" ზურაბ რუხაძე წარადგინა
ტიაგო მოტამ შესაძლოა, ბუნდესლიგის ბინადარი გუნდი ჩაიბაროს
ონანა კარიერას სავარაუდოდ, თურქეთში განაგრძობს
როდრიმ მისი აზრით "ოქროს ბურთის" ორი ფავორიტი დაასახელა
"სექსის დროს არ მინახავს, არ იცოდა, რომ კამერებზე წვდომა მქონდა..." - როგორ გაიგო ღალატის შესახებ არგენტინელი ვარსკვლავის მეგობარმა გოგონამ
ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს
მოულოდნელი ამბავი - ზიდანი სამწვრთნელო საქმიანობას შესაძლოა, თურქეთში დაუბრუნდეს
ქოჩორაშვილი: აქამდე სწორედ იმიტომ მოვედით, რომ არასდროს ვნებდებით
ევრობასკეტის მთავარი სენსაცია - სერბეთის ნაკრები ფინეთთან დამარცხდა და ტურნირს გამოეთიშა
"შავი ლომი" "ძებრესთან" დამარცხდა
ლუქსემბურგის ახალგაზრდული ნაკრების ავტობუსი გზაში გადატრიალდა
გატუზო თავის სტიქიაშია - ზოგს წაუთაქა, ზოგს სილა გააწნა
დუე და დემბელე ლაზარეთში, ლუის ენრიკე საოპერაციო მაგიდაზე - რა ხდება პსჟ-ში?
ბულგარელთა მწვრთნელი: შეგვიძლია ის დანაკლისი აღმოვფხვრათ, რაც ჩვენი და საქართველოა ნაკრების ფეხბურთელების ხარისხს შორისაა
მატჩის დღე - ქართველებსა და ბულგარელებს ცუდად დაწყებულის გამოსწორება სურთ!