<p>"პიტსბურგის" მსგავს სიტუაციაში იყო მოხვედრილი რეგულარული ჩემპიონატის გამარჯვებული "ვანკუვერი"</p><p><br> "პიტსბურგის" მსგავს სიტუაციაში იყო მოხვედრილი რეგულარული ჩემპიონატის გამარჯვებული "ვანკუვერი". მასაც 0:3-იდან უწევს "ლოს ანჯელესთან" სერიის გადარჩენა.</p><p>"კენაქსისთვის" კარგი ამბავი ის იყო, რომ ტვინის შერყევის შემდეგ სრულად მოახერხა აღდგენა დანიელ სედინმა და გუშინ დაუბრუნდა თავის გუნდს. მაგრამ გადამწყვეტი მომენტი ის გახდა, რომ "ვანკუვერის" სამწვრთნელო შტაბმა კარში არა რობერტო ლუონგოს, არამედ კორი შნაიდერის დაყენება გადაწყვიტა.</p><p>პირველი პერიოდის დიდი ნაწილი სწორედ "კენაქსის" მეკარე მიათრევდა თავის გუნდს და ურთულეს დარტყმებს იგერიებდა. სტუმრების წინა ხაზის მოთამაშეები დაბნეულები ჩანდნენ და "კინგზის" მეოთხე შეტევითი სამეულიც კი აქტიურად იყო ჩართული იერიშებში.</p><p>ვანკუვერელები არათუ ეხმარებოდნენ საკუთარ მეკარეს, არამედ აუარესებდნენ სიტუაციას. მეისონ რეიმონდმა კოპიტარის პრესინგით საკუთარ ზონაში დაკარგა შაიბა და სლოვენიელმა ანგარიში გახსნა.</p><p>მეორე პერიოდში კორი შნაიდერმა ორი შესანიშნავი სეივი განახორციელა და შეხვედრას ინტრიგა შეუნარჩუნა. "კინგზმა" თავად შეიქმნა პრობლემები, როცა თამაშში პირველი გაძევება მიიღო, რომელიც შორეული ტყორცნით გამოიყენა ედლერმა.</p><p>"ვანკუვერმა" მომენტი დაიჭირა და სწრაფად გახადა ანგარიში 2:1 - მეკარე კუიკი ვერ გაუმკლავდა მაიკ რიჩარდსის რიკოშეტს, რომელიც ბიეკსას დარტყმის დაბლოკვას ცდილობდა.</p><p>მიუხედავად იმისა, რომ მატჩის მსვლელობა სტუმრებისა იყო, ბოლო პერიოდი კალიფორნიელებს დარჩათ, რომლებმაც რიცხობრივი უპირატესობის გამოყენების ორი შანსი მიიღეს. "მეფეები" შესანიშნავად ათამაშებდნენ შაიბას და ბევრს ურტყამდნენ, მაგრამ ბრწყინვალე შნაიდერმა შეუნარჩუნა "ვანკუვერს" უპირატესობა.</p><p>მესამე პერიოდში "მეფეების" აქტიურობა შეწყვიტა ვოინოვის გაძევებამ. "ვანკუვერი" სწრაფად კომბინირებდა და სახიფათოდ ურტყამდა, მაგრამ ფანტასტიკურად თამაშობდა კუიკი. მისმა ორმა სეივმა არა მარტო გადაარჩინა გუნდი, არამედ საპასუხო გოლის გატანის შანსი მისცა.</p><p>ბრაუნი კონტრეშეტევაში გაიქცა და მშვიდად გადიოდა ერთი ერთზე, მაგრამ ბიეკსამ შეგნებულად იუხეშა და მეტოქეს ბულიტის შესრულების საშუალება მისცა. "ლოს ანჯელესის" კაპიტანმა ვერ მოატყუა მეკარე და პირდაპირ შნაიდერს გაარტყა შაიბა. "კენაქსს" კიდევ ჰქონდა დარჩენილი დრო რიცხობრივ უპირატესობაში და 3:1 გახადა ანგარიში - ჰენრიკ სედინმა დამატებაზე ივარგა.</p><p>სატერის გუნდმა მოინდომა, მაგრამ ამან წარმატება ვერ მოუტანა და "ვანკუვერი" იმედიანად ბრუნდება შინ. "კენაქსის" კარში, ალბათ, დარჩება ბრწყინვალე შნაიდერი, რომელმაც ამ მატჩში 43 სეივი შეასრულა. ასევე უნდა აღვნიშნოთ ჰენრიკ სედინი, რომელმაც ძმის დაბრუნების შემდეგ იპოვნა თავისი თამაში.</p><p><em></p><p></em><strong><em>ლოს ანჯელესი-ვანკუვერი 1:3</em></p><p></strong>1:0, 0:2, 0:1</p><p>გოლები: 1:0 კოპიტარი-1 (ჯასტინ უილიამსი-4, უ. მიტჩელი-1), 1:1 ედლერი-2 (ჰამჰუისი-1, კესლერი-3), 1:2 ბიეკსა-1 (ბუტი-1), 1:3 ჰ. სედინი-1 (ჰამჰუისი-2, დ. სედინი-1).</p><p>სერია: 3-1</p><p><strong>ყოველდღიური სპორტული გაზეთი "ლელო"</strong></p>
საქართველოს თასის პირველი და მეორე ეტაპის წილისყრა
მეორე ლიგის "სპაერმა" თბილისის "დინამოს" მოუგო და თასის მფლობელი გახდა [VIDEO]
საქართველოს თასის ნახევარფინალური ეტაპის წილისყრა
არისაბალაგა შეიძლება ფაბრეგასის გუნდში გადაბარგდეს
დუდუ დადიანის მემორიალზე ნახევარფინალისტები დაწყვილდნენ
ბოლო წუთების ფასი... "დილამ" და "სამგურალმა" მოიგეს, "იბერია 1999"-"გარეჯი" ფრედ დასრულდა
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
Le Parisien-ი კვარაცხელიას ტრავმის შესახებ ინფორმაციას ავრცელებს
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ