<p>წინა ტურში ფეხის დასხლტომის შემდეგ, "პარი სენ-ჟერმენს" კიდევ ერთი აუტსაიდერ, "სოშოსთან" უწევს შებმა <br> "პარი სენ-ჟერმენმა" წინა ტურში მატჩის დასრულებამდე 5 წუთით ადრე გაუშვა ხელიდან შანსი, ცხრილის პირველ საფეხურს დაბრუნებოდა. "აბე დეშამზე", სადაც "ლურჯ-წითლებს", ტრადიციულად, თამაში ძალიან უჭირთ, კარლო ანჩელოტის გუნდს ფეხი დაუსხლტა.</p><p>ახლა კი მათ მეორე აუტსაიდერთან უწევთ შებმა, ვისთანაც შინ 14 თამაში აქვს გამართული და ჯერ ერთხელაც არ წაუგია - 8 მოგება, 6 ფრე. ასე რომ, თუკი სტატისტიკას ვენდობით, შეიძლება იმის ვარაუდი, რომ მასპინძლებს მოგების მეტი შანსი აქვთ, ვიდრე წარუმატებლობის.</p><p><em>"ოსერმა" მოახერხა და ჩვენი პრობლემებით ისარგებლა. ისღა დაგვრჩენია, ვნახოთ, რა მოხდება უახლოეს მომავალში. იმისთვის კი, რაც მოხდა, ჩვენ გასამართლებელი საბუთები არ უნდა ვეძებოთ.</p><p>იმ მატჩში სამი ქულის ასაღებად ჩვენ უბრალოდ არასათანადოდ კარგები ვიყავით. აშკარაა, გუნდს პრობლემა აქვს კონცენტრაციაში, რადგან რატომღაც გვგონია, რომ ყველაფერი იოლად გამოგვივა. თუკი გამარჯვება გვინდა, მომავალში ასე აღარ უნდა ვითამაშოთ. მე ეს ფეხბურთელებსაც ვუთხარი, მე მათით უკმაყოფილო ვარ"</em>, - აცხადებს კარლეტო.</p><p>"პარი სენ-ჟერმენს" ქაღალდზე არა უშავს. თავად განსაჯეთ. დედაქალაქელებს ანჩელოტის ხელმძღვანელობით ლიგა 1-ში 13 თამაშში ერთადერთი წაგება აქვთ, მაგრამ სხვა საქმეა, რეალურად რა ხდება. ყველა ტურნირს თუ მივათვლით, გუნდს ბოლო 6-დან ერთი თამაში აქვს მოგებული და ეს ყველაფერი ძირითადად იმის გამო ხდება, რომ დაცვა ვერ დგას მოწოდების სიმაღლეზე.</p><p>სალვატორე სირიგუ ზედიზედ 9 თამაშია ვერ ახერხებს კარის მშრალად შენახვას.</p><p>რაც შეეხება სტუმარს. მისი მდგომარეობა არც ისე უიმედოა, როგორც ეს ერთი შეხედვით შეიძლება მოგეჩვენოთ. მარტში გუნდი ახალმა მთავარმა მწვრთნელმა ერიკ ელიმ ჩაიბარა, ვისი ხელმძღვანელობითაც გუნდს 6 შეხვედრაში 4 მოგება და 2 წაგება ("ლიონსა" და "მონპელიესთან" გასვლებზე) აქვს. "სოშოს" მთავარი მიზანი ლიგაში ადგილის შენარჩუნებაა.</p><p><em>"ფეხბურთელებზე ხანდახან მაინც დამთრგუნველად მოქმედებს ის პოზიცია, რაც ცხრილში გვიკავია. ნერვიულობა კი ჩვენს მისიას კიდევ უფრო ართულებს. აუცილებელია იმედის ქონა, რადგან მას ბევრი უზარმაზარი დადებითი გავლენა შეუძლია ჩვენზე იქონიოს. უნდა გვჯეროდეს ჩვენი თავის და იმის, რომ შევძლებთ იმ მიზნის მიღწევას, რასაც ვისახავთ",</em> - ამბობს ერიკ ელი.</p><p><span style="color: #ff0000;"><strong>საფრანგეთი. ლიგა 1. XXXIII ტური</strong></span></p><p><em>21 აპრილი</em></p><p><em><strong>ბრესტი-რენი 21:00</p><p>კანი-სტ. ეტიენი 21:00</p><p>დიჟონი-ლილი 21:00</p><p>ევიანი-ტულუზი 21:00</p><p>მონპელიე-ვალანსიენი 21:00</p><p>ნიცა-ოსერი 21:00</p><p>ბორდო-მარსელი 23:00</p><p></strong></em></p><p><em>22 აპრილი<strong></p><p>აიაჩო-ნანსი 19:00</p><p>პსჟ-სოშო 19:00</p><p>ლიონი-ლორიანი 23:15</strong></em></p><p><span style="color: #ff0000;"><strong>სატურნირო ცხრილი</strong></span></p><p><em>ა გ თ მ ფ წ ბ ქ</em></p><p>1. მონპელიე 32 20 6 6 59-31 66</p><p>2. პსჟ 32 18 10 4 57-34 64</p><p>3. ლილი 32 16 11 5 60-36 59</p><p>4. ლიონი 32 16 5 11 49-41 53</p><p>5. ტულუზი 32 15 8 9 35-28 53</p><p>6. რენი 32 14 9 9 44-36 51</p><p>7. სტ. ეტიენი 32 14 8 10 40-36 50</p><p>8. ბორდო 32 10 13 9 38-36 43</p><p>9. ევიანი 32 11 9 12 46-46 42</p><p>10. მარსელი 32 10 11 11 39-36 41</p><p>11. ნანსი 32 10 10 12 33-39 40</p><p>12. ვალანსიენი 32 10 7 15 31-39 37</p><p>13. ლორიანი 32 8 11 13 30-41 35</p><p>14. ნიცა 32 8 10 14 33-39 34</p><p>15. კანი 32 8 10 14 34-45 34</p><p>16. დიჟონი 32 9 7 16 37-52 34</p><p>17. ბრესტი 32 6 15 11 28-32 33</p><p>18. სოშო 32 8 9 15 33-48 33</p><p>19. აიაჩო 32 7 12 13 33-54 33</p><p>20. ოსერი 32 5 13 14 37-47 28</p><p><strong>ყოველდღიური სპორტული გაზეთი "ლელო"</strong></p>
დუე და დემბელე ლაზარეთში, ლუის ენრიკე საოპერაციო მაგიდაზე - რა ხდება პსჟ-ში?
ლუის ენრიკე სასწრაფოდ საოპერაციოა
მძიმე ამბავი - "ლიონის" აკადემიის 13 წლის ფეხბურთელი 16 წლის მოზარდის მკვლელობაშია ეჭვმიტანილი
ევრობასკეტზე მიღწეული ისტორიული შედეგისთვის საქართველოს საკალათბურთო ნაკრებს მთავრობა ფულადი პრემიის სახით 3 მილიონ ლარს გადასცემს, ნაკრები 3 მილიონ ლარს მიიღებს ევრობასკეტზე მოგებული ყოველი შემდგომი თამაშისთვის
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
"მადლობა საბერძნეთს" - გოგა ბითაძე სოციალურ ქსელში პოსტს აქვეყნებს [PHOTO]
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია
ოფიციალურად: "კოლოსმა" ზურაბ რუხაძე წარადგინა
ტიაგო მოტამ შესაძლოა, ბუნდესლიგის ბინადარი გუნდი ჩაიბაროს
ონანა კარიერას სავარაუდოდ, თურქეთში განაგრძობს
როდრიმ მისი აზრით "ოქროს ბურთის" ორი ფავორიტი დაასახელა
"სექსის დროს არ მინახავს, არ იცოდა, რომ კამერებზე წვდომა მქონდა..." - როგორ გაიგო ღალატის შესახებ არგენტინელი ვარსკვლავის მეგობარმა გოგონამ
ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს
მოულოდნელი ამბავი - ზიდანი სამწვრთნელო საქმიანობას შესაძლოა, თურქეთში დაუბრუნდეს
ქოჩორაშვილი: აქამდე სწორედ იმიტომ მოვედით, რომ არასდროს ვნებდებით
ევრობასკეტის მთავარი სენსაცია - სერბეთის ნაკრები ფინეთთან დამარცხდა და ტურნირს გამოეთიშა
"შავი ლომი" "ძებრესთან" დამარცხდა
ლუქსემბურგის ახალგაზრდული ნაკრების ავტობუსი გზაში გადატრიალდა
გატუზო თავის სტიქიაშია - ზოგს წაუთაქა, ზოგს სილა გააწნა
დუე და დემბელე ლაზარეთში, ლუის ენრიკე საოპერაციო მაგიდაზე - რა ხდება პსჟ-ში?
მატჩის დღე - ქართველებსა და ბულგარელებს ცუდად დაწყებულის გამოსწორება სურთ!