<p>რეგულარული ეტაპის დასრულებამდე 4 მატჩია დარჩენილი და ცხრილში უპრეცედენტო სიტუაციაა <br> <strong>გიორგი ცინცაძის </strong>დამატებამ "ოლიმპი" ჩემპიონობის ერთ-ერთ ფავორიტად აქცია. ეს ფრაზა შესაძლოა "არმიას" კალათბურთელებს ყურში ცუდად მოხვდეთ, მაგრამ ფაქტია: 21 აპრილს გასამართი მატჩის შედეგის წინასწარ განსაზღვრა ძალიან რთულია. ერთმანეთს ხომ "არმია" და "ოლიმპი" ეთამაშებიან.</p><p>არ დაგვავიწყდეს მათი პირველი შეხვედრაც, რომელიც ბოლო წამზე <strong>ჯერემი რიჩარდსონის</strong> რეალიზებული სამქულიანით "არმიამ" 63:62 მოიგო.</p><p>არც ისაა დასამალი, რომ ეს გუნდები ფინალის საგზურის მოპოვების მთავარი პრეტენდენტები არიან, თუმცა ნახევარფინალებში იოლი გასეირნებები არ ელით. სწორედ ზედმეტი მგზავრობის თავიდან ასაცილებლად "ოლიმპს" "არმიასთან" გამარჯვება სჭირდება. ასეთ შემთხვევაში ოლიმპელები ქულებით გაასწრებენ "ქუთაისს" და ნახევარფინალში შეხვედრის შემთხვევაში მოედნის უპირატესობა თბილისელთა მხარეს იქნება.</p><p>სიტყვა "მოედნის უპირატესობა" ამ შემთხვევაში ბევრს ნიშნავს: 1/2 ფინალში საწყისი ორი თამაში იმ გუნდის მოედანზე გაიმართება, რომელიც რეგულარულში ცხრილში უფრო ზემოთ აღმოჩნდა. მომდევნო ორ თამაშს მეორე გუნდი უმასპინძლებს. თუ სერიაში ოთხი შეხვედრის შემდეგ გამარჯვებული ვერ გამოვლინდა (2:2), მაშინ მეხუთე, გადამწყვეტი დაპირისპირება იმ გუნდის მოედანზე გაიმართება, რომელსაც რეგულარულში უკეთესი შედეგი ჰქონდა.</p><p>ასე რომ, "ოლიმპისთვის" მისაღები ნამდვილად არ უნდა იყოს ცხრილში "ქუთაისის" ქვემოთ დაშვება. თუ სატურნირო მდგომარეობას გადახედეთ, შესაძლოა გაგიჩნდათ კითხვა: "ოლიმპმა" "არმიას" რომ ვერ მოუგოს, მოგება-წაგებებით "ქუთაისს" გაუთანაბრდება, ასეთ შემთხვევაში ვინ დაიკავებს მეორე ადგილს? - ქუთათურები, რომლებმაც "ოლიმპთან" ორივე მატჩი მოიგეს.</p><p><span style="color: #ff0000;"><strong>ვინ?</strong></span></p><p>როგორც ხედავთ, <strong>გია კაზანჯიანის</strong> შეგირდებს ამ მატჩისთვის მოტივაცია საკმარისზე მეტი აქვთ. მათ შემადგენლობაც გააძლიერეს, წინა ხაზში შემცვლელ-სასტარტოებიანად ყველაზე ძლიერები არიან, უკანა ხაზში საქართველოს ნაკრების წევრები <strong>გიორგი ცინცაძე</strong> და <strong>ლაშა გამყრელიძე </strong>თამაშობენ. ამით ყველაფერია ნათქვამი.</p><p>ასე რომ, "არმიელთა" ძლევა სენსაცია ნამდვილად არ იქნება, თუმცა <strong>კოტე ტუღუშის</strong> გაწვრთნილ გუნდსაც აქვს უპირატესობები, რომელთაგან უმთავრესი ორია - მაღალი კლასის ლეგიონერები და შეთამაშება: "არმია" სექტემბერში შეიკრიბა და მას მერე თითქმის ერთი შემადგენლობით თამაშობს, ლეგიონერები უკვე გაუშინაურდნენ საქართველოს ჩემპიონატს.</p><p>ზედა წინადადებაში სიტყვა "თითქმის" იმიტომ გამოვიყენეთ, რომ არის ერთი კალათბურთელი, რომელიც არმიელებმა ცოტა გვიან დაიმატეს, თუმცა დეკემბრის შემდეგ <strong>ბენ ვუდსაიდიც</strong> სათანადოდ შეეწყო გუნდს.</p><p><span style="color: #ff0000;"><strong>არმია და შსს </strong></span></p><p>XXII ტურის ხუთი მატჩიდან ერთი უკვე გაიმართა "ქუთაისმა" "ბათუმს" აჯობა. რეგულარული ეტაპის დასრულებამდე 4 მატჩია დარჩენილი და სატურნირო ცხრილში უპრეცედენტო სიტუაციაა: აქამდე არასოდეს ყოფილა შემთხვევა, ბოლო ტურის წინ ერთი საპლეიოფო წყვილი მაინც არ ყოფილიყო გარკვეული. ახლა მხოლოდ ისაა ცნობილი, რომ პირველ ადგილს "არმიას" ვერავინ წაართმევს, ხოლო "შსს აკადემიას" - მეოთხეს.</p><p>მეოთხედფინალს მიღმა დარჩენილებსაც ყველაფერი აქვთ გარკვეული: მეცხრე პოზიცია სტუ-ს, მეათე - "რუსთავს", მეთეთმეტე - "ბათუმს".</p><p><span style="color: #ff0000;"><strong>დინამო და სოხუმი</strong></span></p><p>მესამე ადგილის შესახებ არაფერი გვითქვამს, მაგრამ იოლი მისახვედრია - ან "ოლიმპი" ან "ქუთაისი".</p><p>მეხუთე პოზიციისთვის "დინამო" და "სოხუმი" იბრძვიან. მათ თანაბარი ქულები აქვთ, და ბოლო ტურში ორივე სტუდენტებს ეთამაშება. თუ დინამოელებმა და სოხუმელებმა ბოლო ტურში ერთნაირი შედეგი უჩვენებს, მაშინ მათ შორის ურთიერთშეხვედრებში ჩაგდებულ-მიღებული ბურთები დაითვლება. ამ მხრივ უპირატესობა "დინამოს" აქვს (83:69 და 73:84) და მეხუთე ადგილს ის დაიკავებს.</p><p><span style="color: #ff0000;"><strong>სამედიცინო და თსუ</strong></span></p><p>21-ე ტურში "შსს აკადემიას" ძლევით თსუ-მ მეშვიდე ადგილისკენ დიდი ნაბიჯი გადადგა. მას ამისთვის დინამოელთა ძლევაღა სჭირდება. "დინამოელთა ძლევაღა" დასაწერადაა იოლი, თორემ <strong>ირაკლი ხოშტარიას </strong>გუნდი თსუ-სთან ფავორიტადაც ითვლება.</p><p>თუმცა, <strong>ნუგზარ ჭეიშვილის</strong> მოტივირებულ შეგირდებთან მოგება იოლი რომ არ არის, აქამდე არაერთხელ დავრწმუნდით. მერვეადგილოსანი თსუ ამჟამად მოგებების მიხედვით "სამედიცინოსთან" თანაბრადაა, მაგრამ "მედიკოსებს" რეგულარულის ყველა თამაში მოსტუმრებული აქვთ. თსუ-ს "დინამოსთან" წაგების შემთხვევაში მეშვიდე ადგილზე "სამედიცინო" დარჩება, რადგან ურთიერთშეხვედრაში თსუ-სთან უპირატესობა აქვს (83:74 და 91:93).</p><p>მერვე ადგილისთვის თავის დაღწევა კი მეოთხედფინალში "არმიასთან" თამაშისთვის თავის არიდებას ნიშნავს. რაც დიდი სტიმულია.</p><p>პლეი ოფშის პირველ ეტაპზე ერთმანეთს დაუპირისპირდებიან: პირველი-მერვე, მეორე-მეშვიდე, მესამე-მეექვსე, მეოთხე-მეხუთე.</p><p><span style="color: #ff0000;"><strong>სატურნირო ცხრილი</strong></span></p><p><em>ა გ თ მ წ სხ ქ</em></p><p>1. არმია 19 19 0 1737/1230 38</p><p>2. ქუთაისი 20 16 4 1707/1511 36</p><p>3. ოლიმპი 19 16 3 1625/1377 35</p><p>4. შსს აკადემია 19 11 8 1660/1469 30</p><p>5. დინამო 19 10 9 1563/1615 29</p><p>6. სოხუმი 19 10 9 1502/1466 29</p><p>7. სამედიცინო 20 7 13 1591/1724 27</p><p>8. თსუ 19 7 12 1534/1642 26</p><p>9. სტუ 19 5 14 1424/1658 24</p><p>10. რუსთავი 19 3 16 1336/1640 22</p><p>11. ბათუმი-რსუ 20 2 18 1443/1790 22</p><p><strong>ყოველდღიური სპორტული გაზეთი "ლელო"</strong></p>
დუდუ დადიანის მემორიალზე ნახევარფინალისტები დაწყვილდნენ
დუდუ დადიანის მემორიალის 24-ე გათამაშება ოლიმპიურ სასახლეში დაიწყო
ასაკობრივი ჩემპიონატების მონაწილე გუნდებთან სამუშაო შეხვედრა გაიმართა
არისაბალაგა შეიძლება ფაბრეგასის გუნდში გადაბარგდეს
დუდუ დადიანის მემორიალზე ნახევარფინალისტები დაწყვილდნენ
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
Le Parisien-ი კვარაცხელიას ტრავმის შესახებ ინფორმაციას ავრცელებს
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ