<p>საქართველოს ჩემპიონატი. უმაღლესი ლიგა. II ეტაპი. XI ტური. პლეი ოფი <br> 06. 05. გორი. თ. ბურჯანაძე. 2000 მაყურებელი</p><p><em><strong>დილა-კოლხეთი 5:1</strong></em></p><p>1:0 გოგონაია (40. საკ. კარში), 1:1 ბოიომო (42), 2:1 არზიანი (70, ხოჯავას პასით), 3:1 ვაწაძე (87), 4:1 ვაწაძე (89, კახელიშვილის პასით), 5:1 კახელიშვილი (90)</p><p><em>დილა კოლხეთი</em></p><p>4-4-2 4-5-1</p><p>სკენდერი ხარშილაძე</p><p>ალადაშვილი ფოფხაძე</p><p>ინწკირველი ბოიომო</p><p>თოთაძე ცხვიტარია</p><p>მეგრელიშვილი გაბუნია</p><p>კახელიშვილი ტუღუში</p><p>კაშია გოგონაია</p><p>ბეჭვაია ლომაშვილი</p><p>ს. გურული ქებაძე</p><p>ხოჯავა პავლიაშვილი</p><p>ვაწაძე ციცხვაია</p><p>მწვრთნელი მწვრთნელი</p><p>თ. შალამბერიძე დ. მახარაძე</p><p><em>დილა</em></p><p>46. კაშია - არზიანი</p><p>84. ხოჯავა - ახალკაცი</p><p>89. ბეჭვაია - ნ. ნოზაძე</p><p>სათადარიგოები: შეყრილაძე, ქარქუზაშვილი, კანდელაკი, ბარაბაძე</p><p><em>კოლხეთი</em></p><p>74. ლომაშვილი - გვალია</p><p>77. გოგონაია - გულუა</p><p>84. პავლიაშვილი - გ. კილასონია</p><p>სათადარიგოები: ა. მიქაბერიძე, ხატიაშვილი, ცხადაია, წაბრია</p><p>გაფრთხილება: გოგონაია (33), ბეჭვაია (47), არზიანი (64), ბოიომო (66), ქებაძე (87), ვაწაძე (88)</p><p>არბიტრი: მ. ბეუქლიშვილი</p><p>პოლიციის დღისადმი გორში გამართული პოლიციის აღლუმი "დილამ" გოლების აღლუმით განაგრძო. არადა, 70-ე წუთამდე სტუმრები ფავორიტ მასპინძლებს მედგარ წინააღმდეგობას უწევდნენ და ამ დროისათვის ანგარიშიც საყაიმო იყო.</p><p>და აი, ამის მერე მასპინძლებმა გაილაღეს! <strong>გოჩა ხოჯავამ</strong> ბურთი მეკარის ბაქანზე ჩაწოდების მომლოდინე ფეხბურთელებს კი არა, საჯარიმოს გარეთ ეულად დარჩენილ <strong>ზურაბ არზიანს</strong> გაუგორა, რომლის ძლიერი დარტყმულიც მეკარისთვის აუღებელი გამოდგა 2:1.</p><p>ეს იყო მატჩის საკვანძო ეპიზოდი. ამ გოლმა და ზედ მოყოლილმა გორელების იერიშებმა "კოლხეთი" ერთგვარ ნოკდაუნში ჩააგდო, მსაჯის საფინალო სასტვენამდე ცოტა ხნით ადრე კი ამ ყველაფერს ნოკაუტი უფრო ეთქმოდა. დროის სამწუთიან მონაკვეთში ჯერ <strong>მათე ვაწაძემ </strong>იხეირა ორჯერ, ბოლოს კი <strong>გიორგი კახელიშვილმა</strong>.</p><p>არადა, როგორც ზემოთ აღვნიშნეთ, "კოლხეთი" პირველ ტაიმში მასპინძლებს მეტ-ნაკლებ წინააღმდეგობას უწევდა. მართალია, გორელებს ტერიტორიული უპირატესობა ჰქონდათ, მაგრამ შესვენებამდე სახიფათო მომენტები ხარშილაძის კართან მათ ბევრი არ შეუქმნიათ, მიუხედავად იმისა, რომ მასპინძელთაგან ერთობ აქტიური იყო ფლანგები (<strong>სანდრო გურული, გიორგი კახელიშვილი)</strong> და <strong>ხოჯავაც</strong> შეტევათა დამაგვირგვინებელი ფაზის საინტერესო განვითარებას სთავაზობდა თანაგუნდელებს.</p><p>სტუმართა მეკარეს პირველი ტაიმის დასაწყისში ორჯერ მოუწია თამაშში ჩართვა <strong>ვაწაძის</strong> და <strong>ალადაშვილის</strong> სახიფათო დარტყმებისას.</p><p>ცოტა ხანში <strong>ბეჭვაიას</strong> თავური გამოდგა სახიფათო, მაგრამ ოდნავ არაზუსტი. მე-20 წუთზე კი <strong>ხოჯავას</strong> ახლოდან დარტყმულსაც დააკლდა სიზუსტე.</p><p>სტუმრები <strong>სკენდერის </strong>კარს 39-ე წუთზე დაემუქრნენ, როდესაც <strong>დავით ციცხვაიას</strong> თავური გადასცდა ხარიხას. საპასუხო იერიში <strong>კახელიშვილის</strong> ინდივიდუალური ფლანგური გარღვევით და საჯარიმოში ჩამოწოდებით დასრულდა, რასაც <strong>ომარ გოგონაიას</strong> "ავტოგოლი" მოჰყვა.</p><p>"კოლხეთმა" ორ წუთში გაათანაბრა ანგარიში: <strong>ბოიომომ</strong> "დილას" მცველებს საჰაერო დუელი მოუგო და <strong>სკენდერს</strong> შანსი არ დაუტოვა 1:1. <strong>ბეჭვაია</strong> და <strong>კაშია</strong> პირველ ტაიმში მოედნის ცენტრში შეთანხმებულად კი მოქმედებდნენ, მაგრამ შესვენების შემდეგ შეცვლაზე შემოსულმა <strong>არზიანმა</strong> ამ პოზიციიდან გაცილებით გაამწვავა თავისი გუნდის შეტევები.</p><p>გვერდს ვერ ავუვლით 63-ე წუთზე <strong>კახა ალადაშვილის</strong> მიერ საჯარიმოს მისადგომებიდან სტუმართა კარის მიმართულებით დარტყმულს, როდესაც კოლხთა მეკარემ თავგანწირული ნახტომით გადაარჩინა თავისი გუნდი. თუმცა, საბოლოოდ როგორც "გადარჩნენ" სტუმრები, მატჩის ანგარიშიც მეტყველებს.</p><p><em>"ნოკაუტი ეპილოგში" (იბეჭდება მცირე ცვლილებით)</em></p><p><strong>ყოველდღიური სპორტული გაზეთი "ლელო"</strong></p>
კარგი ამბავი - ბათუმის "დინამოს" ახალი მფლობელი ჰყავს
"მომავალ წელს კლუბში მინიმუმ 20 მილიონი ლარის ინვესტირება მოხდება" - ტარიელ ხეჩიკაშვილმა "იბერიას" სამომავლო გეგმებზე ისაუბრა
"იბერია 1999"-მა ბათუმში მოიგო
თუ ალონსოს გაათავისუფლებენ - "რეალის" ჩაბარების მთავარი კანდიდატი არვალო არბელოაა
"შეძლებს ალისონის შეცვლას?" - liverpoolecho-მ მამარდაშვილის ტრანსფერი შეაფასა
დე ლაურენტისს კონტე ძალიან მოსწონს - ხელფასის გაზრდასა და ახალ კონტრაქტს შესთავაზებს
"კორინთიანსმა" "მილანს" ბრაზილიის ნაკრების მეკარე არ მიჰყიდა
20 წ. | ორი ტესტი მოქმედ ჩემპიონ სამხრეთ აფრიკასთან
ზამთრის სერიებისა და წლის ბოლო 3×3 საკალათბურთო ტურნირის გამარჯვებული არგო გახდა
იმედები ვერ გაამართლა - "ატლეტიკო" სორლოტის გაყიდვას ეცდება
"გიორგი რუსეთის ნაკრებში დაბრუნებაზე ოცნებობს, ამხანაგურ მატჩში მაინც..." - ჯიქიას აგენტი
"პსჟ მადრიდის "რეალის" მცველს სარფიან კონტრაქტს შესთავაზებს" - ესპანური გამოცემა
"მიქაუტაძე "ვილიარეალს" წიტაიშვილის შეძენას ურჩევს, საქმეში სხვა კლუბებიც არიან" - რას წერს ფრანგული გამოცემა ქართველზე?
[VIDEO] რონალდოს ლამაზი საგოლე პასი და ფელიქსის ბრწყინვალე გოლი
დეკემბერში პსჟ-ს საუკეთესო ფეხბურთელად საფონოვი დაასახელეს
"ბაიერნი" "რეალს" და "მანჩესტერ სიტის" ფეხბურთელს მხოლოდ სარეკორდო თანხად მიჰყიდის
ფუტსალი | საქართველოს ნაკრები სომხეთთან დამარცხდა
დამძიმებული ფეხებით - ჩაკვეტაძემ "ლესტერთან" მატჩამდე ისაუბრა
"ფრთებგაშლილი ნერესი ფენომენალური "კვარას" დამამძიმებელი აჩრდილისგან გათავისუფლებას ლამობს" - იტალიური მედია
"ბარსელონა" ბოლო წამებზე დამარცხდა - თორნიკეს ისევ არ უთამაშია
"რა კრიზისზე საუბრობთ? მათ ხომ კონტე ჰყავთ" - კაპელომ "ნაპოლიზე" ისაუბრა
ბასტონიმ შესაძლოა, "ინტერი" დატოვოს - იტალიელის გადასაბირებლად ორი გრანდი იბრძვის
ხელფასის შემცირებაზე თანახმაა - ლევანდოვსკის მომდევნო სეზონშიც "ბარსელონაში" თამაში სურს