<p>საქართველოს ჩემპიონატი. უმაღლესი ლიგა. II ეტაპი. XI ტური. პლეი ოფი <br> 06.05. მარტვილი. ცენტრალური. 2000 მაყურებელი</p><p><em><strong>მერანი-ბაია 2:1</strong></em></p><p>0:1 გაბედავა (45+1 ფარჯიკიას პასით), 1:1 გ. ჟვანია (55.პენალტით), 2:1 ამბროლაძე (58)</p><p><em>მერანი (4-3-3) ბაია (4-4-2)</em></p><p>შეროზია მაქაცარია</p><p>გეგეჭკორი ზარნაძე</p><p>იობაშვილი აფაქიძე</p><p>გ. ჟვანია გამრეკლიძე</p><p>სუხიაშვილი აკობია</p><p>დიდავა ქვარცხავა</p><p>მანწკავა ენდელაძე</p><p>ფონიავა ფარჯიკია</p><p>ამბროლაძე ნ. შონია</p><p>ტორონჯაძე გაბედავა</p><p>ტაპე კუკავა</p><p>მწვრთნელი: მწვრთნელი:</p><p>მ. ჟვანია გ. ტყებუჩავა</p><p><em>მერანი</em></p><p>80. ამბროლაძე - მელიავა</p><p>86. მანწკავა - წოწორია</p><p>90. ტაპე - ტორაძე</p><p>სათადარიგოები: შენგელია, ვართაგავა, კაკუშაძე, კაკულია</p><p><em>ბაია</em></p><p>46. ნ. შონია - გუჯეჯიანი</p><p>65. ენდელაძე - სიხარულია</p><p>80. ქვარცხავა - პაჭკორია</p><p>სათადარიგოები: ჯომიდავა, შ. ლომია, ტყებუჩავა, აქუბარდია</p><p>გაფრთხილება: ფარჯიკია (51)</p><p>არბიტრი: ჯ. ხორავა</p><p>"მეგრულ დერბის" ინტრიგა არასოდეს აკლდა და გამონაკლისი არც ეს შეხვედრა ყოფილა. თამამად შეიძლება ითქვას, რომ პრინციპულ დაპირისპირებაში უფრო ძლიერმა იმარჯვა.</p><p>მიუხედავად იმისა, რომ სტუმრებმა პირველი ტაიმი მათთვის სასურველი ანგარიშით ჩაამთავრეს, მეორეში მერანელებმა მდგომარეობა მნიშვნელოვნად გამოასწორეს და საბოლოო გამარჯვებაც მოიპოვეს.</p><p>აღსანიშნავია ისიც, რომ მასპინძლებს წამყვანი ფეხბურთელი ელგუჯა გრიგალაშვილი აკლდათ, რომელიც დისკვალიფიცირებული გახლდათ.</p><p>საწყისი წუთები თანაბარ ბრძოლაში წარიმართა და რეალური საგოლე მომენტი, ფაქტობრივად, არცერთ გუნდს ჰქონია. თანდათანობით კი მასპინძელთა ტერიტორიული უპირატესობა გამოიკვეთა და რამდენიმე დასამახსოვრებელი ეპიზოდიც ვიხილეთ: გამოსაყოფია <strong>გიორგი მანწკავას</strong> შორეული დარტყმა, ხოლო მოგვიანებით ლამაზი კომბინაცია, რომელიც მარჯვენა ფრთაზე <strong>ლევან გეგეჭკორმა</strong> წამოიწყო, შემდეგ <strong>მამუკა ტორონჯაძემ </strong>განაგრძო, თუმცა დამაგვირგვინებელ ფაზაში <strong>მუნინი ტაპემ</strong> ვერ ივარგა.</p><p>34-ე წუთზე "მერანს" კიდევ ერთი რეალური მომენტი ჰქონდა: <strong>მანწკავასა</strong> და <strong>ამბროლაძის</strong> კომბინაციის შემდეგ <strong>ანზორ სუხიაშვილი</strong> გავიდა დასარტყმელ პოზიციაზე, თუმცა მცველებმა ითამაშეს კარგად და ბურთი კუთხურზე მოიგერიეს.</p><p>ერთი შეხედვით, "ბაიას" არაფერი გამოსდიოდა, თუმცა მსაჯის მიერ დამატებულ წუთებზე მაინც იხეირა: კუთხურიდან ჩამოწოდებულ ბურთს <strong>გიორგი გაბედავამ</strong> შეაგება თავი და დააწინაურა თავისიანები - 0:1.</p><p>მეორე ნახევარში მასპინძლები კიდევ უფრო აქტიურად ათამაშდნენ და დიდი ძალებით წავიდნენ წინ. განსაკუთრებით ბევრს მოძრაობდა შემტევი ნახევარმცველი <strong>პაპუნა ფონიავა</strong>, რომელიც გამუდმებით პრობლემებს უქმნიდა მეტოქის მცველებს. ასევე, აღსანიშნავია ახალგაზრდა <strong>ლევან გეგეჭკორის</strong> თამაშიც.</p><p>მალე მარტვილელებმა ანგარიში საყაიმო გახადეს: <strong>მამუკა ტორონჯაძის</strong> წაქცევისათვის დანიშნული თერთმეტმეტრიანი სტაჟიანმა პენალტისტმა <strong>გიგა ჟვანიამ</strong> აქცია გოლად. ცნობისათვის, ეს <strong>ჟვანიას</strong> მიერ მიმდინარე ჩემპიონატზე გატანილი მეცხრე ბურთია, რაც მცველისათვის შესანიშნავი შედეგია.</p><p>ზუსტად სამ წუთში მასპინძლების კომბინაცია, რომელიც იმავე <strong>გეგეჭკორმა</strong> წამოიწყო, <strong>ტაპემ</strong> გააგრძელა, ბურთი ძელს მოხვდა. დამატებაზე კი ყველას <strong>გიგა ამბროლაძემ</strong> დაასწრო და 1:2.</p><p>გაშვებული ბურთის შემდეგ სტუმრები შედარებით გამოცოცხლდნენ, მაგრამ თამაშის სადავეები ხელთ მაინც ვერ იგდეს. გატანა ორივე გუნდს შეეძლო: <strong>ტორონჯაძის</strong> საკმაოდ ძლიერად დარტყმულ თავურზე ჩინებული რეაქცია გამოავლინა სტუმართა მეკარემ <strong>მაქაცარიამ</strong>, ხოლო რამდენიმე წუთში კი <strong>აკაკი ფარჯიკიას</strong> ძლიერი დარტყმა მოიგერია <strong>ჯონი შეროზიამ</strong>. ზუგდიდელთა ამ შეტევას იქვე მყოფი <strong>გუჯეჯიანი</strong> აგვირგვინებდა, მაგრამ ბურთი მცირე მანძილით ასცდა კარს.</p><p>შეხვედრის უკანასკნელ წუთზე იმავე <strong>ფარჯიკიამ</strong> სცადა სტანდარტულიდან მოწინააღმდეგის კარის აღება, თუმცა <strong>შეროზიამ</strong> კარგი რეაქცია გამოავლინა და თავისიანებს კიდევ ერთი დამსახურებული გამარჯვება დაუფიქსირა.</p><p><em>"აქტიურობა დაუფასდათ" (იბეჭდება მცირე ცვლილებით)</em></p><p><strong>ყოველდღიური სპორტული გაზეთი "ლელო"</strong></p>
ბოლო წუთების ფასი... "დილამ" და "სამგურალმა" მოიგეს, "იბერია 1999"-"გარეჯი" ფრედ დასრულდა
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
ფრე ქუთაისში... და "თელავის" მოგება "გაგრასთან"
არისაბალაგა შეიძლება ფაბრეგასის გუნდში გადაბარგდეს
დუდუ დადიანის მემორიალზე ნახევარფინალისტები დაწყვილდნენ
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
Le Parisien-ი კვარაცხელიას ტრავმის შესახებ ინფორმაციას ავრცელებს
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ