- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
პრინცი დადიანოვი ბორჯღალოსნებს ქომაგთა მრავალათასიან არმიას ჰპირდება
<p>ქართველი პრინცი ვიქტორ გრინვიჩ-დადიანოვი, რომელიც სამშობლოდან შორს, ავსტრალიაში ცხოვრობს, ქართული რაგბის დიდი ქომაგია...</p><p><br> ქართველი პრინცი ვიქტორ გრინვიჩ-დადიანოვი, რომელიც სამშობლოდან შორს, ავსტრალიაში ცხოვრობს, ქართული რაგბის დიდი ქომაგია. 2003 წელს, როცა "ბორჯღალოსნებმა" ავსტრალიაში გამართულ მსოფლიო თასის გათამაშებაში პირველად იასპარეზეს, ის ჩვენი მორაგბეების მასპინძელი გახლდათ. გრინვიჩ-დადიანოვმა ბევრი რამ გააკეთა საიმისოდ, რათა უგულშემატკივროდ ჩასულ საქართველოს ნაკრებს თავი ეულად არ ეგრძნო. სახელდახელოდ შექმნილი "საქართველოს ნაკრების გულშემატკივართა კლუბი" ჩვენს ბიჭებს ყველა თამაშზე ომახიანად უჭერდა მხარს. მაშინ ქართველმა პრინცმა სხვა ბევრი ღონისძიებაც გამართა და რადგან ავსტრალიასა და ახალ ზელანდიაში საქართველოს საპატიო კონსულია, აპირებს, ყურადღება "ბორჯღალოსნებს" არც ახალ ზელანდიაში მოაკლდეთ.</p><p>პრინცი გრინვიჩ-დადიანოვი ამჟამად სამშობლოშია. საკმაოდ დატვირთული გრაფიკის მიუხედავად, რაგბიზე სასაუბროდ სიამოვნებით დაგვთანხმდა.</p><p><strong>- თქვენ უკვე შეხვდით საქართველოს რაგბის კავშირის ხელმძღვანელებს. ხომ ვერ გაგვანდობდით თქვენი საუბრის დეტალებს?</p><p></strong>- განსკუთრებული არაფერი გვითქვამს. მე, უბრალოდ, გავეცანი, ასე ვთქვათ, თავი წარვუდგინე საქართველოს რაგბის კავშირს. საკმაოდ თბილი შეხვედრა მქონდა პრეზიდენტ გიორგი ნიჟარაძესთან. ვკითხე, რით შეიძლება, დავეხმარო. მან დიდი მადლობა გადამიხადა ყურადღებისთვის და ასე დავცილდით. ვფიქრობ, ჩვენი ურთიერთობა მომავალში გაგრძელდება და უფრო შინაარსიანი გახდება.</p><p>საქართველოს რაგბის კავშირს გადავეცი ის უზარმაზარი დროშები, რომლებსაც 2003 წლის მსოფლიო თასზე "ბორჯღალოსანთა" ქომაგობისთვის ვაფრიალებდით. მინდა, ის დროშები აქ, საქართველოში ინახებოდეს.</p><p><strong>- 2003 წელს ავსტრალიაში, როცა საქართველოს ნაკრებმა პირველად ითამაშა მსოფლიო თასზე, თქვენ საკმაოდ მრავალრიცხოვანი ქომაგობის დარაზმვა შეძელით...</p><p></strong>- დიახ, ასე იყო. მაგალითად, სამხრეთ აფრიკის ნაკრებთან მატჩში საქართველოს 30 ათასამდე ქომაგი უჭერდა მხარს. ყველა ერთხმად მღეროდა "ლელოო, ლელოო". მათი შეძახილები იქაურობას აყრუებდა.</p><p>გარწმუნებთ, ასე იქნება ახალ ზელანდიაშიც, რადგან საქართველოს ნაკრებს იქაც ბევრი ქომაგი ჰყავს. ჩვენი ქვეყნის მიმართ დიდი სიყვარული, თბილი დამოკიდებულება მიუხედავდ იმისა, რომ შვიდი წელიწადი გავიდა, ისევ აქვს უამრავ ადამიანს.</p><p>ქართველთა თამაშმა მაშინ დიდი ინტერესი გამოიწვია. ეს პატარა ქვეყანა ხომ სარაგბო გიგანტებს უწევდა წინააღმდეგობას, რომელთა ნაკრებებშიც პროფესიონალი მორაგბეები თამაშობენ. მათ დიდ ფულს უხდიან, რასაც ვერაფრით ვიტყვით ჩვენს ბიჭებზე. ეს მათ მიმართ დიდ სიმპათიას იწვევს.</p><p>ასე რომ, საქართველოს ნაკრებს ახალ ზელანდიაში ქომაგთა მრავალათასიანი არმია ეყოლება და გუნდის მოთამაშებმა ეს უნდა იცოდნენ, ამისთვის მზად უნდა იყვნენ.</p><p><strong>- გამოდის, ისევ დააფუძნებთ საქართველოს ნაკრების გულშემატკივართა კლუბს?</p><p></strong>- ეს ძნელი არ იქნება. ვფიქრობ, უნდა შეიქმნას ვებ-გვერდი, რომლის მეშვეობითაც გულშემატკივრებს საშუალება ექნებათ, გამოგვეხმაურონ. ეს უკეთ ორგანიზების შესაძლებლობას მოგვცემს. კარგი იქნება, თუ ამას საქართველოს რაგბის კავშირი გააკეთებს, თუ არა და, მაშინ, ვეცდები, მე მოვახერხო რამე.</p><p><strong>- 2003 წელს თქვენ საქველმოქმედო აქციაც გამართეთ. თუ არ ვცდები, შემოწირულობებს აგროვებდით...</p><p></strong>- არა, ჩვენ მაშინ საქართველოს ნაკრების მაისურები და კეპები გავყიდეთ. შემოსული თანხის ნახევარი საქართველოს მორაგბეთა ნაკრების სახელით ავსტრალიის ერთ-ერთ სავადმყოფოს გადავეცით, ნახევარი კი თბილისში, ბავშვთა საავადმყოფოს გადავურიცხეთ. ამით ავსტრალიელებს დავანახვეთ, რომ ქართველებს კეთილი გული გვაქვს და საკმაოდ დიდი ავტორიტეტიც მოვიპოვეთ.</p><p><strong>- როგორ მოხდა თქვენი დაინტერესება რაგბით?</p><p></strong>- საქართველოდან ემიგრაციის შემდეგ ერთი ხანობა ახალ ზელანდიაში ვცხოვრობდი. ამ ქვეყანაში რაგბი რელიგიის დონეზეა. შეუძლებელია, ახალ ზელანდიაში ცხოვრობდე და რაგბით არ დაინტერესდე, არ ითამაშო. მეც ვთამაშობდი, ცხადია, სამოყვარულო დონეზე. რაგბით მეტად დაინტერესება კი ჩემმა ნათესავმა, პრინცმა ალექსანდრ ობოლონსკიმ განაპირობა. ის ინგლისის ნაკრებში თამაშობდა და ახალი ზელანდიის ნაკრებს ერთხელ სამი ლელო გაუტანა. ძალიან მაგარი მორაგბე იყო. კარგად იმიტომ თამაშობდა, რომ, როგორც თვითონ ამბობდა, ხამანწკებს ჭამდა და შამპანურს სვამდა.</p><p><strong>- ისევ ჩვენს ნაკრებს დავუბრუნდეთ, 2007 წელს ბორჯღალოსნებმა მსოფლიო თასზე შესანიშნავად ითამაშეს. თქვენ როგორი შთაბეჭდილება დაგრჩათ?</p><p></strong>- აღფრთოვანებული ვარ ჩვენი ბიჭებით. კარგად ვიცნობ ილია ზედგინიძეს. ძალიან გამიკვირდა, როცა გავიგე, რომ ის კიდევ თამაშობს. ჯერ კიდევ ავსტრალიაში ყველა გაოცებული იყო მისი თავდადებით. ყველამ იცოდა, რომ შუბლში ძვლის ნაცვლად პლატინას ფირფიტა უდევს, მაგრამ ის არაფერს ეპუებოდა, ბოლომდე თავდაუზოგავად იბრძოდა.</p><p>ამჟამინდელი საქართველოს ნაკრები, ვფიქრობ, უფრო ძლიერია, უფრო დისციპლინირებული, კარგი ოსტატებით დაკომპლექტებული გუნდია. ახალ ზელანდიაში, სავარაუდოდ, მინიმუმ ორ თამაშს მოვიგებთ, რაც შესანიშნავი შედეგი იქნება.</p><p>მინდა, მივულოცო იმ მორაგბეებს, რომლებიც საქართველოს ნაკრების კვართს მოირგებენ და მსოფლიო თასზე ჩვენი ქვეყნის ღირსებას დაიცავენ. ეს უდიდესი პატივია.</p><p>ამასთან, მოვიწოდებ გულშემატკივრებს, ვინც ახალ ზელანდიაში აპირებს საქომაგოდ წასვლას, თადარიგი ადრიანად დაიჭირონ და საქმეს ბოლოსკენ ნუ გადადებენ. წინააღმდეგ შემთხვევაში მსოფლიო თასზე მოხვედრა შეუძლებელი იქნება.</p><p><strong>ყოველდღიური სპორტული გაზეთი "ლელო"</strong></p>
დემეტრე დევდარიანი - „მჯერა, ამ გუნდით ყველაფრის მიღწევა შეგვიძლია“
თორნიკე გოგებაშვილმა თანამდებობა დატოვა
ზელანდიელების მესამე გამარჯვება და ლომების ლომური მატჩი - ივლისის ცენტრალური ტესტ-მატჩები
17-წლამდე ვაჟთა ნაკრები საწვრთნელ შეკრებას იწყებს
სიგუა შვეიცარიაში გუნდს გამოიცვლის
15-წლამდე გოგონათა ნაკრები განვითარების თასისთვის ემზადება
ტონი კროოსმა ფეხბურთის ისტორიაში საუკეთესო მეკარე დაასახელა
"ტოპ გუნდის წინააღმდეგ ჩვენგან ასეთი დომინაცია დიდი ხანია არ მინახავს" - ფერდინანდი "არსენალთან" მარცხის შემდეგ
ლიდერის შთამბეჭდავი მოგება; "გაგრას" გამარჯვება ბათუმში; ათკაციანი "თელავის" ფრე ქუთაისში
"სპორტინგმა" ისევ მოიგო, ქოჩორაშვილი ისევ შეცვლაზე შევიდა
[VIDEO] კვერნაძე შევიდა, გაიტანა და "ფროზინონე" 1/16-ფინალში გაიყვანა
"ნანტთან" მატჩში პსჟ-ს სასტარტო შემადგენლობა ცნობილია
"მეცი" სახლში "სტრასბურგთან" დამარცხდა - წიტაიშვილმა შეუცვლელად ითამაშა
"ვალენსია" ჩაკვეტაძის ტრანსფერზე "უოტფორდს" დაუკავშირდა
"სტრასბურგთან" მატჩში წიტაიშვილი სასტარტოშია, აბუაშვილი - სათადარიგოა
საქართველოს ნაკრები ევრობასკეტისთვის მზადებას ჩეხეთთან 2 მატჩით დაასრულებს
"ლევერკუზენმა" შესაძლოა, "იუნაიტედის" ყოფილი მცველი დაიმატოს
"თუ ფეხბურთელს წასვლა უნდა, უნდა წავიდეს" - პეპ გვარდიოლამ ედერსონ მორაეშზე ისაუბრა
"მან მხოლოდ კრივი იცის, მე მომავალი ჩემპიონი ვარ" - არმან ცარუკიანი
"წელს ჩვენი მთავარი მიზანი ეს იქნება" - რა თქვა ლუის ენრიკემ "ნანტთან" მატჩამდე?
"რეალში" ფიქრობენ, რომ ახალი იამალი შეიძინეს, მაგრამ..." - ლევანდოვსკიმ "ბლანკოსზე" ისაუბრა
"იცით, პსჟ-ში თამაშის დროს ბონუსს რაში იღებდა?" - ბრიტანელმა მწვრთნელმა ნეიმარზე შოკისმომგვრელი დეტალი გაამხილა
ხამზატ ჩიმაევი UFC-ის საშუალო წონის ახალი ჩემპიონია