<p>თბილისის სპორტის სასახლეში საქართველოს ჩემპიონატის ნახევარფინალური მატჩი გაიმართა, სადაც "არმიამ" "სოხუმი" 79:63 დაამარცხა <br> <span style="color: #ff0000;"><strong>9 მაისი, თბილისი, სპორტის სასახლე</p><p></strong></span><em><strong>არმია-სოხუმი 79:63</p><p></strong></em>15:15, 20:16, 21:14, 23:18</p><p>მსაჯები: ზ. მაჩალაძე, დ. ბერეკაშვილი, ს. საინერისი</p><p><em><strong>სერია - 1:0</p><p></strong></em></p><p>როცა ერთმანეთს კლასით თანაბარი კალათბურთელები უპირისპირდებიან, მცირე ნიუანსსაც დიდი მნიშვნელობა აქვს.</p><p>მაგალითად, 9 მაისს აშკარად გამოჩნდა, რომ "არმია" უფრო შეკრული გუნდია და სხვადასხვა სიტუაციაში შეუძლია ტაქტიკურ მონახაზში ცვლილებების სათავისოდ შეტანა.</p><p>თანაბრად ჩატარებული პირველი ტაიმის შემდეგ არმიელების მწვრთნელმა, კოტე ტუღუშმა სწორი დასკვნა გამოიტანა - მესამე პერიოდში თამაში ააჩქარა. ასეთ დროს, როგორც წესი, ბევრი რამ გამთამაშებლებზეა დამოკიდებული, ძალოვნებში კი ფორვარდი უილიამ ტომასი გამოირჩა, რომელიც ვიქტორ სანიკიძისავით დრიბლინგით გადადიოდა მეტოქის ნახევარზე და უმეტეს შემთხვევაში შეტევას ფარქვეშიდან ზუსტი გდებით ამთავრებდა. საბოლოოდ ტომასმა ბომბარდირობა არავის დაუთმო - 30 ქულას მოუყარა თავი.</p><p>მესამე პერიოდში "არმიას" მიერ ტემპის მომატებამ შედეგიც გამოიღო და მეოთხე რაუნდს 11-ქულიანი უპირატესობით შეხვდა.</p><p>სტატისტიკაც უნდა მოვიშველიოთ: საწყის ორ მეოთხედში ტუღუშის შეგირდებს სწრაფი შეტევით 7 ქულა ჰქონდათ მოგროვილი, მესამე პერიოდში კი პირველი შეტევის შედეგად ერთბაშად 8 ქულა მოინაგრეს. ხოლო მეოთხე რაუნდში სწრაფი იერიშებით ქულაც არ მოუპოვებიათ. ეს არცაა გასაკვირი, რადგან არმიელებს ბოლო რაუნდში არსად ეჩქარებოდათ.</p><p>კიდევ ერთი საგულისხმო დეტალი: "სოხუმმა" მოხსნებში 36:34 იმარჯვა. ამის მიუხედავად, სამწამიანი ზონიდან შეტევაში "არმიას" სერიოზული უპირატესობა ჰქონდა - 42 ქულა ჩააგდო, მაშინ, როცა საკუთარ კალათში 28 მიიღო. ფარქვეშიდან ტყორცნების მიხედვით, პირველ ტაიმში სხვაობა მხოლოდ ორ ქულას შეადგენდა, მესამე ათწუთეულში კი, როგორც გითხარით, ძალოვნები სწრაფი თამაშით ფარქვეშ შესვლას კარგად ახერხებდნენ და ქულებსაც უმთავრესად სამწამიანი ზონიდან აგროვებდნენ...</p><p>მეორე მატჩი 10 მაისს გაიმართება. საინტერესოა, რომელ გუნდს აღმოაჩნდება სათანადო რესურსი ზედიზედ მეორე შეხვედრის მაღალ დონეზე ჩასატარებლად.</p><p><strong>კოტე ტუღუში</strong> ("არმიის" მწვრთნელი):</p><p><em>"მხოლოდ პირველი შეხვედრა მოვიგეთ. წინ ურთულესი მატჩები გველის. დავინახეთ, რომ "სოხუმი" კარგი მოთამაშეებითაა</em><em> დაკომპლექტებული და ბევრი რამ გამოსასწორებელი გვაქვს. დღეს მეტოქეს მხოლოდ 63 ქულა ჩავაგდებინეთ, რითაც კმაყოფილი ვარ".</p><p></em><strong>ვაჟა კვარაცხელია</strong> ("სოხუმის" მწვრთნელი):</p><p><em>"დიდი მადლობა მაყურებელს, რომელმაც მატჩი კიდევ უფრო გაალამაზა. გულშემატკივარს ვპირდები, რომ ხვალ გაცილებით უკეთესი და სანახაობრივი თამაში იქნება, ანგარიშში სხვაობაც დაიკლებს".</p><p></em></p><p><span style="color: #ff0000;"><strong>V-VIII ადგილები. 9 მაისი, თბილისი</strong></span></p><p><em><strong>დინამო-თსუ 115:82</p><p></strong></em>25:12, 26:19, 32:25, 32:26</p><p>დინამო: ლეჟავა (3ქ, 6პ, 8მ), ლომიძე (2ქ), კეიდია (10ქ, 8მ), მეხრიშვილი (10ქ), გრუევი (19ქ, 10პ), ზესევიჩი (17ქ, 3პ), ოლუიჩი (21ქ, 14მ, 3პ, 11დ), კარტერი (33ქ, 14მ, 3პ, 3ჩ).</p><p>თსუ: მჭედლიშვილი (5ქ, 3პ), კოხრეიძე (6ქ, 6მ), თავამაიშვილი (4ქ), ჩიტაშვილი (1ქ, 5პ), ხიზანიშვილი (11ქ), შერმადინი (2ქ), მაისურაძე (27ქ, 7მ), ჩქარეული (5ქ), ბაქრაძე (3ქ), ჩიკვილაძე (18ქ).</p><p>მსაჯები: ზ. მაჩალაძე, დ. ბერეკაშვილი, გ. მიქელაძე</p><p>ამ შეხვედრას რიცხვი 33 მწვანე ზოლად გაჰყვა: მატჩის ბომბარდირი 33 ქულით "დინამოს" 33-ე ნომერი ქიენ კარტერი გახდა. მისმა გუნდმა კი 33 ქულის სხვაობით დაამარცხა თსუ.</p><p>სუპერლიგის წლევანდელ გათამაშებაში მორიგი სამმაგი დუბლი შესრულდა: მილან ოლუიჩმა 21 ქულა, 14 მოხსნა და 11 დაფარება მოაგროვა. 11 "ბლოკ-შოტი" არა მხოლოდ მიმდინარე სუპერლიგის, არამედ საქართველოს ჩემპიონატების აბსოლუტური რეკორდია.</p><p><strong>ყოველდღიური სპორტული გაზეთი "ლელო"</strong></p>
დუდუ დადიანის მემორიალზე ნახევარფინალისტები დაწყვილდნენ
დუდუ დადიანის მემორიალის 24-ე გათამაშება ოლიმპიურ სასახლეში დაიწყო
ასაკობრივი ჩემპიონატების მონაწილე გუნდებთან სამუშაო შეხვედრა გაიმართა
PFL-ის ვარსკვლავური ბრძოლა - ნურმაგომედოვმა ჰიუზი მეორედ დაამარცხა
ახალი ეტაპი "იბერიაში" - გუნდს გუგა ნერგაძე უხელმძღვანელებს
ალექსანდრე იაშვილი: დარწმუნებული ვარ, ჩაკვეტაძე ისევ ისეთი ძლიერი დაგვიბრუნდება
"მამარდას" დებიუტი "ჩელსისთან", "ჟორჟი" "რეალის" წინააღმდეგ და ხვიჩა გოლების ასათვლელად
ევროპალიგაზე "მიდტიულანდთან" სენსაციური მარცხი შემდეგ "ნოტინგემის" ფანები პოსტეკოღლუს გათავისუფლებას ითხოვენ
"მინდა გვარდიოლამ ესპანეთის ნაკრები ჩაიბაროს" - დავიდ სილვა
ვსა-მ დუდუ დადიანის თასი ზედიზედ მეორედ მოიგო
20 წლამდელთა ნაკრებს ვიტო კოლელიშვილი ჩაიბარებს
კონფერენს ლიგა: სიგუას ლამაზი სოლო-რეიდი და საგოლე პასი
[VIDEO] კიტეიშვილი გოლით დაბრუნდა - "შტურმმა" "რეინჯერსს" მოუგო
[VIDEO] კიტეიშვილი დაბრუნდა და "რეინჯერსს" გაუტანა
The Athletic: ალისონის ტრავმა ნავარაუდევზე სერიოზული აღმოჩნდა - მამარდაშვილს შანსი და გამოცდა ელის
კვერნაძე ერთმატჩიანი დისკვალიფიკაციით დასაჯეს
რამუში იამალის მისიასა და პედრის შურისძიებაზე: ამის დამტკიცება მოედანზეა საჭირო
19-წლამდელები ბოსნია და ჰერცეგოვინას დაუპირისპირდებიან - შემადგენლობა
21-წლამდელთა შემადგენლობა ოქტომბრის მატჩებისთვის
კიტეიშვილი და დვალი დაბრუნდნენ - ოქტომბრის მატჩებისთვის საქართველოს ნაკრების შემადგენლობა ცნობილია
"დე ბრუინი ლეგენდაა, ყოველთვის ვიცი, რომ თუ გავიხსნები, მიპოვის" - ჰოილუნი
"კარგი პერიოდი გქონდა, მაგრამ ახლა ჩემი დროა" - სენდჰეგენმა დვალიშვილს მიმართა
"ისინი უპატივცემულოდ მომექცნენ" - ანტონიმ "მანჩესტერ იუნაიტედი" გააკრიტიკა