<p>"ბრივი" შინ მოულოდნელად დამარცხდა უშუალო კონკურენტ "ბორდოსთან" და ბოლოსწინა, დივიზიონიდან გასავარდნ ადგილზე დამკვიდრდა <br> საფრანგეთის სარაგბო ჩემპიონატის ელიტურ, პირველ დივიზიონში ბოლოსწინა ტურში მოვლენები ტრაგიკულად განვითარდა ქართველ მორაგბეთა გუნდისთვის - <strong>დავით ხინჩაგიშვილის</strong>, <strong>ვასილ კაკოვინისა</strong> და <strong>ირაკლი ნატრიაშვილის</strong> "ბრივი" შინ მოულოდნელად დამარცხდა უშუალო კონკურენტ "ბორდოსთან" და ბოლოსწინა, დივიზიონიდან გასავარდნ ადგილზე დამკვიდრდა.</p><p>ბრიველები, ფაქტობრივად, უკვე მეორე დივიზიონში არიან. ბოლო ტურში ჩვენებურთა ამ გუნდს სტუმრად უწევს თამაში ერთ-ერთ ლიდერთან, <strong>დავით ზირაქაშვილისა</strong> და <strong>ვიქტორ კოლელიშვილის</strong> "კლერმონთან".</p><p>მართალია, "ვულკანებს" ამ თამაშში გამარჯვება არაფერში სჭირდება, მაგრამ მას საკუთარ მოედანზე, აგერ, უკვე მეორმოცე მატჩია, არ წაუგია და არც ამჟამად დათმობს რამეს. თანაც, "ბრივმა" ისე უნდა მოიგოს, რომ პრემიალური ქულაც დაიმსახუროს.</p><p>ამასთან ერთად, კონკურენტმა "ბაიონმა" სტუმრად პრემიალურის გარეშე უნდა წააგოს <strong>ანტონ ფეიქრიშვილის</strong> "კასტრთან", რაც სავსებით შესაძლებელია, თუმცა "ბრივის" წარმატება ფანტასტიკის სფეროს მიეკუთვნება.</p><p>შინაგანად უკვე ყველა შეეგუა, რომ ფრანგული რაგბის ერთ-ერთი უძველესი და ტიტულოვანი გუნდი ელიტას გამოეთხოვა. "ბრივი" მე-19 საუკუნის მიწურულს, 1883 წელს დაარსდა და საფრანგეთის ჩემპიონის ტიტული 13-ჯერ მოიპოვა. ამ გუნდში თამაშობდა ოდესღაც ქართული წარმოშობის ერთ-ერთი საუკეთესო ფრანგი მორაგბე მიშელ იაშვილი, დიმიტრი და გრეგუარ იაშვილების მამა.</p><p>ცხადია, ელიტიდან გავარდნის გამო გუნდს ბევრი წამყვანი მოთამაშე დატოვებს. საქართველოს ნაკრების ბურჯი <strong>ვასილ კაკოვინი</strong> დიდი ხანია ცნობილია, რომ ფრანგული რაგბის გრანდში, "ტულუზში" გადადის.</p><p>ახლახან კი ყოველდღიურმა სარაგბო გაზეთმა "მიდი ოლიმპიკმა" გაავრცელა ინფორმაცია, რომ ჩვენი ნაკრების კიდევ ერთი ბურჯი <strong>დავით ხინჩაგიშვილი</strong> შესაძლოა პარიზულ "სტად ფრანსეში" გადაბარგდეს. სავარაუდოდ, მოლაპარაკება უკვე დაწყებულია.</p><p>გადაწყვეტილია, რომ "ბრივში" რჩება საქართველოს ნაკრების შერკინების კვაჭი <strong>ირაკლი ნატრიაშვილი</strong>. ამავე გუნდში ჩაირიცხება საქართველოს A ნაკრების მესამეხაზელი <strong>ბექა ბიწაძე</strong>.</p><p>აღსანიშნავია, რომ თუ ხინჩაგიშვილი პარიზულ კლუბში ჩაირიცხა, ის იქ ერთადერთი ქართველი არ იქნება. "სტად ფრანსემ" დიდი ხანია თვალი დაადგა ქუთაისის "აიას" შერკინების ბურჯ <strong>ზურაბ ჟვანიას</strong>, რომელიც ფოთის "რაინდების" აღზრდილია.</p><p>ჟვანია პარიზში ჯერ კიდევ ამ სეზონის დაწყების წინ უნდა გამგზავრებულიყო, თუმცა სავიზო პრობლემების გამო ეს არ მოხერხდა.</p><p>ამის გარდა, მოსალოდნელია კიდევ რამდენიმე ახალი ტრანსფერი. ქუთაისის "აიას" კიდევ ერთი შერკინების ბურჯი <strong>თორნიკე ლომიძე</strong> საფრანგეთის სარაგბო ჩემპიონატის ელიტური, პირველი დივიზიონის "ბიარიცში" ჩაირიცხა, რომელმაც ქართველი მორაგბე, განათხოვრების წესით, "მონ დე მარსანს" დაუთმო.</p><p>ეს გუნდი ამჟამად ელიტურ, მეორე დივიზიონში ასპარეზობს და პლეი ოფში გასვლისთვის იბრძვის. გამორიცხული არაა, წარმატების შემთხვევაში პირველ დივიზიონშიც აღზევდეს. სავარაუდოდ, ამავე გუნდში განაგრძობს ასპარეზობას "არმიის" შუამარბი თამაზ მჭედლიძეც.</p><p><em>"ბრივი" ლიდერებისგ</em>ა<em>ნ იცლება (იბეჭდება მცირე ცვლილებით)</em></p><p><strong>ყოველდღიური სპორტული გაზეთი "ლელო"</strong></p>
zviadi
მალადეც ბესო! ასე უნდა ხალხისთვის გულის გახეთქვა :)))) მე მეგონა, მთელი გუნდი ამოწყდა :(
kiriakou73@
ტას გვასჰინებტ, ეს რა სატაურია????
მკითხველი
ქართველო ჟურნალისტებო! ქართული არ იცით? რა მოხდა ტრაგიკული? დაიღუპა ვინმე? სანამ სპორტულ მიმომხილველობას დაიბრალებდეთ ქართული ისწავლეთ წესიერად
ბაჩუკი ჭუმბაძე - ინგლისური გამოცდილებით ნოემბრის ტესტებისთვის
ქართველები ევროტურნირების ფინალში
ბექა საღინაძის ლელოთი ჩელენჯ თასის ფინალში!
საქართველო - მოლდოვა | ქალთა ნაკრებმა მატჩისწინა ვარჯიში გამართა
მესიმ "ინტერ მაიამისთან" კონტრაქტი გაახანგრძლივა
"შავი ლომი" | დავით აბდუშელიშვილი - თანაგუნდელების დახმარების გარეშე ეს შეუძლებელი იქნებოდა
2 წელზე მეტი გავიდა - პოგბა მოედანზე დაბრუნებასთან ახლოსაა
მძიმე ტრავმის შემდეგ ჯამალ მუსიალამ ვარჯიში დაიწყო
ყველაზე ახალგაზრდა ფეხბურთელი და რეკორდი - კეინმა კარლს წარმატება მიულოცა
საიუბილეო მე-300 მატჩი და მე-4 საუკეთესო შედეგი - კურტუა ბრწყინვალე ასპარეზობას განაგრძობს
ტერ შტეგენს მუნდიალზე თამაში უნდა - გერმანელი სავარაუდოდ, ზაფხულში "ბარსელონადან" წავა
[VIDEO] ლეგენდარული ჩემბერლენის შემდეგ პირველი - "ფილას" ახალწვეულის ისტორიული მატჩი და დამარცხებული "ბოსტონი"
ცნობილი კამერუნელი გოლეადორი კარიერას აზერბაიჯანის ჩემპიონატში განაგრძობს
[VIDEO] სასიამოვნო კადრები - როგორ შეხვდნენ ერთმანეთს მიქაუტაძე და შერკი "ვილიარეალი" სიტის" მატჩამდე
[VIDEOS] მამუკელაშვილის წარმატებული დებიუტი - ბითაძეს ორმაგ დუბლამდე ცოტა დააკლდა
"ბარსელონამ" შეიძლება ტერ შტეგენი სხვა კლუბში გაუშვას
"ბორჯღალოსნები" | ნოემბერში ინგლისელი, ზელანდიელი და ირლანდიელი გვიმსაჯებს
ფანცულაია გოლებს აგროვებს; "სამგურალმა", "გარეჯმა" და "თელავმა" გაიმარჯვეს
"სპორტინგმა" ქოჩორაშვილის გარეშე მოიგო - "რეალმა" "იუვენტუსი" ბელინგემის გოლით დაამარცხა
გამარჯვება ოთხი წაგების შემდეგ - მამარდაშვილის "ლივერპულმა" "აინტრახტი" დაჯაბნა
ოსიმენის დუბლი - "გალათასარაიმ" და "ატლეტიკმა" გაიმარჯვეს
მამარდაშვილი "აინტრახტთან" სასტარტოშია, ქოჩორაშვილი "მარსელთან" სათადარიგოა
თბილისის "დინამოს" ახალგაზრდულმა გუნდმა ჩემპიონთა ლიგაზე ისევ გაიმარჯვა