- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
"თბილისის თასის" მისია
<p>12 მაისს ვაკეში, კალათბურთის აკადემიის სასპორტო დარბაზში, მხატვრულ ტანმოვარჯიშეთა საერთაშორისო ტურნირი დაიწყება <br> 12 მაისს ვაკეში, კალათბურთის აკადემიის სასპორტო დარბაზში, დაიწყება მხატვრულ ტანმოვარჯიშეთა საერთაშორისო ტურნირი - "თბილისის თასი".</p><p>უფროსებში ჩვენი ქვეყნის სპორტულ ღირსებას დაიცავს ელვირა ზუკაკიშვილი, რომელმაც ახლახან მიიღო საქართველოს მოქალაქეობა. მხატვრულ ტანვარჯიშში მან მეცადინეობა მოსკოვში დაიწყო ელენა ლის ხელმძღვანელობით. ბოლო წლებია ექვსგზის მსოფლიოს და რვაგზის ევროპის ჩემპიონის, ბარსელონის ოლიმპიური თამაშების ბრინჯაოს პრიზიორ ოქსანა სკალდინასთან იმაღლებს ოსტატობას.</p><p>სახელოვანი სპორტსმენი ქალიშვილ დარია სვადკოვსკაიასთან ერთად ახლა თბილისშია და საერთაშორისო ტურნირზე შეგირდებს უქომაგებს.</p><p>- თბილისში პირველად 27 წლის წინათ ვიყავი, - გვითხრა ოქსანამ. - მაშინ საბჭოთა კავშირის მოსწავლეთა სპარტაკიადაზე გამოვდიოდი უმცროს ასაკში. თავი არაფრით გამომიჩენია. პირველ ადგილზე, მახსოვს, ირინა ვინერის მოსწავლე მარინა ნიკოლაევა გავიდა, უფროსებში გალინა ბელოგლაზოვამ გაიმარჯვა და მერე დიდ სარბიელზეც მიაღწია მნიშვნელოვან წარმატებებს.</p><p>იმ ბავშვობის შთაბეჭდილებებიდან ცოტა რამ შემორჩა მეხსიერებას. ყოველთვის მინდოდა, ჩამოვსულიყავი საქართველოში, მაგრამ სპორტსმენობისას დროს ვერ ვპოულობდი, მერე კი პოლიტიკური ვითარება აირია და...</p><p><strong>- ქართველ ტანმოვარჯიშეებთან თუ გქონიათ ურთიერთობა?</strong></p><p>- რას ამბობთ?! რა ურთიერთობა, მე მათთან დღემდე დიდი მეგობრობა მაკავშირებს. თინიკო ნადირაშვილთან ერთად ახალგაზრდულ ნაკრებში ვიყავი ჯგუფურ ვარჯიშში. შეკრებაც ერთად გავიარეთ 1987 წელს, თინიკო გუნდთან ერთად გაემგზავრა ევროპის პირველობაზე, მე კი იმ ნაკრებში ვერ მოვხვდი.</p><p>მერე ელისო ბედოშვილთან ერთად ვიყავი ნაკრებში და 1989-1990 წლებში მსოფლიოს და ევროპის პირველობებზე ვიასპარეზე. ირმა ყიფშიძესთანაც კარგი ურთიერთობა მქონდა, ოღონდ ცოტა ხანს გვაკავშირებდა სპორტი, რადგან იმ დროს, როცა მე მოვედი, ის დიდი სარბიელს ტოვებდა.</p><p>პირადად არ ვიცნობდი, მაგრამ ბევრი რამ მსმენია ირინა გაბაშვილზე. ერთხელ ვიდეოთი ვნახე მისი ბურთით გამოსვლა, რაც ჩემთვის შოკისმომგვრელი აღმოჩნდა - ასეთი სილამაზე, ასე სულის შეძვრამდე ბურთით შესრულებული ვარჯიში არასდროს მინახავს. ძალიან ვწუხვარ, რომ ირინა ცოცხალი აღარ არის და მისი გაცნობის საშუალება არ მეძლევა.</p><p><strong>- თქვენს ახალ შეგირდსა და ნორჩ ქართველ ტანმოვარჯიშეებზე რას იტყვით?</strong></p><p>- ელვირა ნიჭიერი, ჭკვიანი და შრომისმოყვარე სპორტსმენია. მასთან მუშაობა სასიამოვნოა. მოსკოვში, სამწუხაროდ, სავარჯიშოდ ცოტა დრო გვაქვს, რადგან მწვრთნელებს მხოლოდ 4 საათით გვაქვს დაქირავებული დარბაზი. იქ კი ბევრი ბავშვი მეცადინეობს. ამის მიუხედავად, როცა ჩვენთან იქნება ელვირა, მაქსიმალურ ყურადღებას მივაქცევთ. თბილისში კი ინდივიდუალურად ვარჯიშის მეტი დრო და საშუალება ეძლევა. აქ მას ხომ თინიკო ნადირაშვილი წვრთნის, სხვა გამოცდილი პედაგოგებიც ეხმარებიან.</p><p>რაც შეეხებათ ახალგაზრდებს, მათი გამოსვლა პირველად ვნახე პენზაში. კარგი გოგონები არიან, მედლებიც მრავლად მოიხვეჭეს. არც გამკვირვებია. ქართული მხატვრული ტანვარჯიშის სკოლა ხომ მთელ საბჭოეთში ყოველთვის იყო ერთ-ერთი მოწინავე ორიგინალური ხელწერით.</p><p>ეტყობა, წლების შემდეგ მისი აღორძინება იწყება. "თბილისის თასის" გათამაშებაც ამის ერთ-ერთი საწინდარია.</p><p><strong>- თქვენს ქალიშვილზეც მინდა გკითხოთ. პენზაში მან პირველი ადგილი დაიკავა. შვილი დედას სჯობია?</strong></p><p>- (ეცინება). დარია ჯერ ჩამოუყალიბებელი სპორტსმენია, მაგრამ ნიჭით ნამდვილად მჯობია. ოღონდ, არ ვიცი, როგორ გამოიყენებს მას. მამა ოლიმპიური ჩემპიონი ჰყავს თანამედროვე ხუთჭიდში, დედა მსოფლიოს ჩემპიონი და ოლიმპიადის პრიზიორი. ასე რომ, გენმა თავისი უნდა თქვას.</p><p><strong>- სწორედ, ბარსელონის ოლიმპიადაზე მინდოდა მეკითხა: დასაჯილდოვებლად რომ გამოგიძახეს, თანაგუნდელ ალექსანდრა ტიმოშენკოს ჩემპიონობა მიულოცეთ, ესპანელ პასკუალეს კი ხელი არ ჩამოართვით. რა მიზეზით?</p><p></strong>- იმ ეპიზოდს ბევრი მახსენებს - ეტყობა, სამუდამო დამღად დამრჩება. არადა, თავდადებული შრომით ვცდილობ, ის უასიამოვნო ამბავი ჩემი ბიოგრაფიიდან ამოვშალო. ეს იყო საერთაშორისო სკანდალი, რაზეც ბევრმა მომენტმა მოახდინა ზეგავლენა.</p><p>მოგეხსენებათ, მაშინ საბჭოთა კავშირი დაიშალა და ბარსელონაში დამოუკიდებელ სახელმწიფოთა თანამეგობრობის გუნდმა იასპარეზა. ბოლო დღემდე არ ვიცოდი, მომცემდნენ თუ არა შეჯიბრებაზე გამოსვლის უფლებას. ბურთით ვარჯიშის დაწყების წინ 40 წამი მუსიკა არ ჩამირთეს. ყოველმხრივ ცდილობდნენ ხელშეშლას. ამის მიუხედავად, ბრინჯაო მაინც მოვიპოვე. არადა, შესაძლებელი იყო, კვარცხლბეკს მიღმა აღმოვჩენილიყავი.</p><p>წინა წელს მსოფლიოს აბსოლუტური ჩემპიონობა რომ მოვიპოვე, ესპანელი პასკუალე ოცეულში ძლივს შევიდა. ექვსი თვის შემდეგ ბარსელონაში უცებ მეორე ადგილზე აღმოჩნდა. სხვა სახეობებში არ ვიცი, მაგრამ მხატვრულ ტანვარჯიშში ასეთი სასწაულები არ ხდება. ქულებს მაკლებდნენ.</p><p>დაჯილდოების წინ სიმწრის ცრემლს ძლივს ვიკავებდი. ძალიან ემოციური პიროვნება ვარ. სხვა ფაქტორმაც იმოქმედა ჩემზე - ევროპის ჩემპიონატებზე ბულგარელები რომ გვიგებდნენ, მკაცრად გვაფრთხილებდნენ, გამარჯვებულებს ხელი არ ჩამოართვათო. ყველაფერმა ზემოთქმულმა ერთად მოიყარა თავი და მოხდა ის, რაც მოხდა, თუმცა ჩემს საქციელს გამართლება მაინც არ აქვს.</p><p><strong>- ქალბატონო ოქსანა, ერთი შეკითხვაც: მხატვრულ ტანვარჯიშში ბოლო დროს საკმაოდ იმძლავრა აკრობატიკამ, მეტი ყურადღება მოქნილობაზეა გადატანილი, დაიკარგა უწინდელი ქალური სინაზე, პლასტიკა... მეთანხმებით?</strong></p><p>- სამწუხაროდ, შეფასებისას ობიექტური ვერ ვიქნები, რადგან იმ დროს მოვედი მხატვრულ ტანვარჯიშში, როცა ტექნიკური ელემენტები საკმაოდ გართულდა. მაგალითად, რგოლის 12 გდებიდან რვას ფეხით ვასრულებდი. თავადაც, ხალიჩაზე ქალური სინაზით არ გამოვირჩეოდი, უფრო ტრიუკების ოსტატი ვიყავი და ეს მოსწონდა მაყურებელს.</p><p>მერე მწვრთნელობისას ამგვარი მუშაობა ძვალსა და რბილში გამიჯდა, მისით ვცოცხლობ და ვსულდგმულობ. მართალი გითხრათ, ერთგვარად მეშინია კიდეც რადიკალური სიახლეებისა, რადგან ყველაფერი შესაცვლელი მექნება. მაგრამ რას იზამ, თავს ზემოთ ძალა არ არის. ლონდონის ოლიმპიადის შემდეგ მხატვრულ ტანვარჯიშშიც შეიცვლება წესები. ამბობენ, ძველისკენ იხრებიანო. ვინ იცის, საყურებლად ის იქნებ უკეთესიც აღმოჩნდეს.</p><p><em>ფოტოზე: ოქსანა სკალდინა და ელვირა ზუკაკიშვილი</em></p><p><strong>ყოველდღიური სპორტული გაზეთი "ლელო"</strong></p>
ტანმოვარჯიშე დაჩი დოლიძე ევროპის ახალგაზრდული ოლიმპიური ფესტივალის ფინალშია
დაჩი დოლიძემ ლუქსემბურგში გამართულ ტურნირზე ვერცხლის მედალი მოიპოვა
რუსეთში ყველაფერი მოსულა, პრეზიდენტმა ოლიმპიური ჩემპიონი ისევ დააორსულა
PFL-ის ვარსკვლავური ბრძოლა - ნურმაგომედოვმა ჰიუზი მეორედ დაამარცხა
ახალი ეტაპი "იბერიაში" - გუნდს გუგა ნერგაძე უხელმძღვანელებს
ალექსანდრე იაშვილი: დარწმუნებული ვარ, ჩაკვეტაძე ისევ ისეთი ძლიერი დაგვიბრუნდება
"მამარდას" დებიუტი "ჩელსისთან", "ჟორჟი" "რეალის" წინააღმდეგ და ხვიჩა გოლების ასათვლელად
ევროპალიგაზე "მიდტიულანდთან" სენსაციური მარცხი შემდეგ "ნოტინგემის" ფანები პოსტეკოღლუს გათავისუფლებას ითხოვენ
"მინდა გვარდიოლამ ესპანეთის ნაკრები ჩაიბაროს" - დავიდ სილვა
ვსა-მ დუდუ დადიანის თასი ზედიზედ მეორედ მოიგო
20 წლამდელთა ნაკრებს ვიტო კოლელიშვილი ჩაიბარებს
კონფერენს ლიგა: სიგუას ლამაზი სოლო-რეიდი და საგოლე პასი
[VIDEO] კიტეიშვილი გოლით დაბრუნდა - "შტურმმა" "რეინჯერსს" მოუგო
[VIDEO] კიტეიშვილი დაბრუნდა და "რეინჯერსს" გაუტანა
The Athletic: ალისონის ტრავმა ნავარაუდევზე სერიოზული აღმოჩნდა - მამარდაშვილს შანსი და გამოცდა ელის
კვერნაძე ერთმატჩიანი დისკვალიფიკაციით დასაჯეს
რამუში იამალის მისიასა და პედრის შურისძიებაზე: ამის დამტკიცება მოედანზეა საჭირო
19-წლამდელები ბოსნია და ჰერცეგოვინას დაუპირისპირდებიან - შემადგენლობა
21-წლამდელთა შემადგენლობა ოქტომბრის მატჩებისთვის
კიტეიშვილი და დვალი დაბრუნდნენ - ოქტომბრის მატჩებისთვის საქართველოს ნაკრების შემადგენლობა ცნობილია
"დე ბრუინი ლეგენდაა, ყოველთვის ვიცი, რომ თუ გავიხსნები, მიპოვის" - ჰოილუნი
"კარგი პერიოდი გქონდა, მაგრამ ახლა ჩემი დროა" - სენდჰეგენმა დვალიშვილს მიმართა
"ისინი უპატივცემულოდ მომექცნენ" - ანტონიმ "მანჩესტერ იუნაიტედი" გააკრიტიკა