- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ესპანეთის გრანპრი: "უილიამსის" ტრიუმფი და ხანძარი
<p>პოულიდან სტარტის აღების შემდეგ პასტორ მალდონადომ ფერნანდო ალონსო დაამარცხა და თავის გუნდს 2004 წლის შემდეგ პირველი გამარჯვება მოუტანა <br> პოულიდან სტარტის აღების შემდეგ პასტორ მალდონადომ ("უილიამსი") დაძაბულ ბრძოლაში დაამარცხა ფერნანდო ალონსო ("ფერარი") და თავის გუნდს 2004 წლის შემდეგ პირველი გამარჯვება მოუტანა.</p><p><strong>სკანდალური კვალიფიკაცია</p><p></strong>ესპანეთის გრანპრის კვალიფიკაცია სკანდალური გამოდგა - საუკეთესო დრო ლუის ჰემილტონმა ("მაკლარენი") აჩვენა, მაგრამ წრის დასრულებისთანავე მანქანა ტრასაზე გააჩერა.</p><p>ამ ეპიზოდის განხილვა საღამოსთვის გადაიდო. "მაკლარენს" უნდა დაემტკიცებინა, რომ მანქანის გაჩერების მიზეზი ტექნიკური პრობლემები იყო და არა ავზში საწვავის არასაკმარისი რაოდენობა.</p><p>საქმე ისაა, რომ რეგლამენტში არსებობს პუნქტი, რომლის მიხედვითაც, გუნდი ვალდებულია, ავზში ჩაასხას ისეთი რაოდენობის საწვავი, რომელიც პილოტს ბოქსებში დაბრუნების საშუალებას მისცემს.</p><p>ხანგრძლივი განხილვის შემდეგ რბოლის სტიუარდებმა მეტად მკაცრი გადაწყვეტილება მიიღეს - ჰემილტონი ამოშალეს საბოლოო ოქმიდან და ბრიტანელს სტარტის ბოლო ადგილიდან აღება მიუსაჯეს.</p><p>პოული კი, პირველად კარიერაში, პასტორ მალდონადომ მოიგო - პირველად 2010 წლის ბრაზილიის გრანპრის შემდეგ "უილიამსი" სასტარტო ბილიკის პირველ პოზიციაზე აღმოჩნდა.</p><p><strong>რბოლა</p><p></strong>ჰემილტონის დასჯის შემდეგ პირველი ხაზიდან სტარტი აიღეს მალდონადომ და ფერნანდო ალონსომ ("ფერარი") - მათ შორის დაძაბულ ბრძოლაში პირველ მოსახვევში ლიდერის რანგში ესპანელი შევიდა და სათავეში ჩაუდგა პელოტონს.</p><p>მესამე ადგილისთვის ბრძოლაში ადგილები გაცვალეს "ლოტუსის" პილოტებმა - კიმი რაიკონენმა და რომენ გროსჟანმა; მეხუთე-მეექვსე ადგილზე "მერსედესის" წყვილი - ნიკო როსბერგი და მიხაელ შუმახერი.</p><p>მოგვიანებით როსბერგმა გროსჟანს გაუსწრო და ერთმანეთს დააშორა "ლოტუსის" დუეტი.</p><p>მეექვსე წრისთვის, როცა ალონსომ მალდონადოს წამნახევრით გაუსწრო, პილოტებმა ბოქსებში შესვლა დაიწყეს.</p><p>პირველები პიტლეინზე "რედ ბულის" პილოტები - მარკ უებერი და სებასტიან უებერი დაფიქსირდნენ, რომლებიც ხისტ საბურავებზე გადავიდნენ.</p><p>პიტსტოპებს სერიოზული ცვლილებები არ შეუტანია ლოდერთა განლაგებაში - ალონსო ისევ მალდონადოზე წინ იყო, მათ კი რაიკონენი, როსბერგი და გროსჟანი ედგნენ კვალში. მეექვსე პოზიციაზე გადავიდა ფეტელი - საქმე ისაა, რომ მე-13 წრეზე პირველ მოსახვევთან დამუხრუჭებისას შუმახერი ბრუნო სენას "უილიამსს" უკნიდან შეეჯახა, რის შემდეგაც ორივესთვის რბოლა დასრულებული იყო.</p><p>მე-16 წრეზე გროსჟანმა როსბერგს გაუსწრო და მეოთხე ადგილზე გადავიდა, ერთი წრით გვიან კი მერვე ადგილზე მიმავალმა უებერმა მკვეთრად დაკარგა სიჩქარე და პიტ-ლეინზე გაემგზავრა, რითაც მეორე პიტსტოპების სერია გახსნა. ბოქსებიდან დაბრუნებულმა ავსტრალიელმა უსწრაფესი წრე გაიარა.</p><p>24-ე წრეზე მალდონადომ მეორე პიტსტოპი შეასრულა, ალონსომ კი ორი წრით გვიან მიიღო ახალი საბურავების კომპლექტი და პიტ-ლეინიდან გამოსვლის შემდეგ "უილიამსის" პილოტის უკან აღმოჩნდა! ესპანელის ჩამორჩენა ვენესუელელთან შვიდ წამს უდრიდა, რის შემდეგაც ალონსომ დაიწყო სხვაობის გაბათილება - 39-ე წრისთვის პასტორსა და ფერნანდოს შორის სამი წამი იყო.</p><p>რაიკონენი და გროსჟანი დისტანციის მეორე ნახევარში მესამე და მეოთხე პოზიციაზე დამკვიდრდნენ - ისინი ლიდერთან, შესაბამისად, 20 და 35 წამს აგებდნენ. გარკვეული ხანი ხუთეულში იყო ლუის ჰემილტონი, რომელიც სხვა ტაქტიკით მოძრაობდა - "მაკლარენის" პილოტმა მეორე პიტსტოპი 34-ე წრის შემდეგ შეასრულა.</p><p>როსბერგი მეხუთე ადგილზე დაბრუნდა, რომლის უკან მჭიდრო ჯგუფად მოძრაობდნენ კამუი კობაიაში ("ზაუბერი"), ჯენსონ ბატონი ("მაკლარენი") და ფეტელი.</p><p>38-ე წრეზე ფეტელმა პირველ მოსახვევში შიდა ტრაექტორიით გაუსწრო ბატონს, რაც "მაკლარენის" ბოლიდზე საბურავების სწრაფი ცვეთის ბრალი იყო. ამით ბრიტანელმა მიანიშნა ყველას, რომ მესამე პიტსტოპების დრო მოვიდა.</p><p>ალონსომ ისევ ორი წრით ადრე შეცვალა საბურავები, ვიდრე მალდონადომ და პიტსტოპის შემდეგ ესპანელი სამ წამს აგებდა ვენესუელელთან.</p><p>47-ე წრეზე მალდონადომ ლიდერობისთვის ბრძოლაში რაიკონენს გაუსწრო, რის შემდეგაც კიმიმაც მესამე პიტსტოპზე შეუხვია და ამით "უილიამსისა" და "ფერარის" ლიდერებს ერთმანეთში ბრძოლის გაგრძელების საშუალება მისცა.</p><p>ალონსომ დამაჯერებლად დაიწყო მალდონადოს პრესინგი და ფინიშამდე 17 წრით ადრე ლიდერებს შორის სხვაობა წამზე ნაკლები იყო.</p><p>მსოფლიოს ორგზის ჩემპიონი ცხრა წრე ავიწროებდა შარშანდელ დებიუტანტს, მაგრამ მალდონადომ ბოლომდე გაძლო, 59-ე წრეზე კი ალონსოს მანქანის საბურავები გაცვთა და ესპანელი თანდათან დაშორდა მეტოქეს.</p><p>ლიდერთა დუეტის უკან ყველაზე მეტად კობაიაში და ფეტელი აქტიურობდნენ. იაპონელმა მოულოდნელი შეტევა განახორციელა ბატონზე და მეხუთე ადგილზე გადავიდა. ფეტელმა პიტ-ლეინზე საჯარიმო შესვლა მიიღო და ფინიშამდე ათი წრით ადრე ქულათა ზონის ბოლოში აღმოჩნდა, მაგრამ გერმანელმა გაუსწრო ბატონს, ჰემილტონსა და როსბერგს და მეექვსე მივიდა ფინიშთან.</p><p>წინ კი ნამდვილი პოზიციური ბრძოლა მიდიოდა - მალდონადომ თანდათან უკან ჩამოიტოვა ალონსო, თან ესპანელს უკნიდან ეწეოდა რაიკონენი.</p><p>ფინიშამდე 16 წრით ადრე ფინელის ესპანელთან ჩამორჩენა 20 წამს უდრიდა, მაგრამ კიმიმ ყოველ წრეზე დაახლოებით წამნახევრის გაბათილება დაიწყო. რბოლის ბოლოს რაიკონენი DRS-ის ზონაში იყო, მაგრამ ალონსოს გასწრება ვერ შეძლო.</p><p>შედეგად, რაიკონენმა ზედიზედ მეორე პოდიუმი მოიპოვა, ალონსო კი კარიერაში მეექვსედ ავიდა საშინაო გრანპრის პოდიუმზე. პირველ საფეხურზე კი პასტორ მალდონადო აღმოჩნდა - ვენესუელელმა ფრენკ უილიამსის გუნდს პირველი გამარჯვება მოუტანა 2004 წლის შემდეგ, როცა ბრაზილიის გრანპრიზე ხუან-პაბლო მონტოიამ იმარჯვა.</p><p>საერთო ჩათვლაში პირველ ადგილს ორი პილოტი - ფეტელი და ალონსო იყოფენ, რომლებიც რვა ქულით უსწრებენ ჰემილტონს. ხუთეულში არიან რაიკონენი და უებერი.</p><p>კონსტრუქტორთა თასზე "რედ ბულმა" 11 ქულით გაზარდა "მაკლარენთან" უპირატესობა, მაგრამ მესამე ადგილზე მყოფმა "ლოტუსმა" თითქმის ორჯერ შეამცირა სხვაობა ლიდერთან - ახლა ბულიეს შეგირდები ჰორნერის გუნდთან 25 წამს აგებენ.</p><p>მეექვსე ეტაპი ორი კვირის შემდეგ გაიმართება - ეს იქნება მონაკის ლეგენდარული გრანპრი.</p><p><strong>სასჯელი შუმის</p><p></strong>რბოლის შემდეგ სტიუარდებმა განიხილეს ინციდენტი მიხაელ შუმახერსა და ბრუნო სენას შორის და დამნაშავედ გერმანელი პილოტი მიიჩნიეს.</p><p>შედეგად, მომდევნო რბოლაში სასტარტო ბილიკზე მსოფლიოს შვიდგზის ჩემპიონს ხუთი საფეხურით დასწევენ უკან იმ ადგილთან შედარებით, რომელსაც ის საკვალიფიკაციო ეტაპზე დაიკავებს.</p><p>აღსანიშნავია, რომ რბოლის შემდეგ ორივე პილოტი მეტოქეს ადანაშაულებდა ავარიაში.</p><p><strong>ხანძარი ზეიმის დროს</p><p></strong>"უილიამსის" ბოქსებში მალდონადოს ტრიუმფის აღნიშვნა კინაღამ სავალალო შედეგით დასრულდა. გუნდის ბოქსებში ხანძარი გაჩნდა და იქიდან შავი ბოლი გამოდიოდა. ბრიტანელებს ცეცხლმაქრებით შეიარაღებული სხვა საჯინიბოების წარმომადგენლები დაეხმარნენ.</p><p>როგორც "უილიამსის" ერთ-ერთმა წევრმა განაცხადა, აალება ძალიან სწრაფად მოხდა და მისი მიზეზი უცნობი დარჩა. საბედნიეროდ, არავინ დაშავებულა.</p><p>პოლიციამ გუნდის ყველა წევრი მოარიდა ხანძრის კერას და საქმეს სახანძრო ბრიგადის თანამშრომლები შეუდგნენ.</p><p><strong>ესპანეთის გრანპრი. V ეტაპი</p><p></strong>ბარსელონა (66 წრე, 307.104 კმ)</p><p>1(1). პასტორ მალდონადო (უილიამსი, ვენესუელა) 1:39.09,145</p><p>2(2). ფერნანდო ალონსო (ფერარი, იტალია) +3,195</p><p>3(4). კიმი რაიკონენი (ლოტუსი, ფინეთი) +3,884</p><p>4(3). რომენ გროსჟანი (ლოტუსი, საფრანგეთი) +14,799</p><p>5(9). კამუი კობაიაში (ზაუბერი, იაპონია) +1.04,641</p><p>6(7). სებასტიან ფეტელი (რედ ბული, გერმანია) +1.07,576</p><p>7(6). ნიკო როსბერგი (მერსედესი, გერმანია) +1.17,919</p><p>8(24). ლუის ჰემილტონი (მაკლარენი, ბრიტანეთი) +1.18,140</p><p>9(10). ჯენსონ ბატონი (მაკლარენი, ბრიტანეთი) +1.25,246</p><p>10(13). ნიკო ჰიულკენბერგი (ფორს ინდია, გერმანია) 1 წრე</p><p>11(11). მარკ უებერი (რედ ბული, ავსტრალია) 1 წრე</p><p>12(14). ჟან-ერიკ ვერნი (ტორო როსო, საფრანგეთი) 1 წრე</p><p>13(15). დანიელ რიკარდო (ტორო როსო, ავსტრა) 1 წრე</p><p>14(12). პოლ დი რესტა (ფორს ინდია, ბრიტანეთი) 1 წრე</p><p>15(16). ფელიპე მასა (ფერარი, ბრაზილია) 1 წრე</p><p>16(19). ჰეიკი კოვალაინენი (კატერჰემი, ფინეთი) 1 წრე</p><p>17(18). ვიტალი პეტროვი (კატერჰემი, რუსეთი) 1 წრე</p><p>18(21). ტიმო გლოკი (მარუსია, გერმანია) 2 წრე</p><p>19(22). პედრო დე ლა როსა (HRT, ესპანეთი) 3 წრე</p><p>20(5). სერხიო პერესი (ზაუბერი, მექსიკა) 26 წრე</p><p>21(20). შარლ პიკი (მარუსია, საფრანგეთი) 28 წრე</p><p>22(23). ნარაიან კართიკეიანი (HRT, ინდოეთი) 41 წრე</p><p>23(17). ბრუნო სენა (უილიამსი, ბრაზილია) 53 წრე</p><p>24(8). მიხაელ შუმახერი (მერსედესი, გერმანია) 53 წრე</p><p><strong>კონსტრუქტორთა თასი</p><p></strong>1. რედ ბული - 109; 2. მაკლარენი - 98; 3. ლოტუსი - 84; 4. ფერარი - 63; 5. მერსედესი - 43; 6. უილიამსი - 43; 7. ზაუბერი - 41; 8. ფორს ინდია - 18; 9. ტორო როსო - 6.</p><p><strong>ყოველდღიური სპორტული გაზეთი "ლელო"</strong></p>
Aprilia Racing-ის ისტორიული გამარჯვება MotoGP-ს რბოლაში!
საქართველოს ეროვნული ოლიმპიური კომიტეტის მხარდაჭერით მედია-სემინარი ჩატარდა
ქართველმა სუმოისტებმა მსოფლიო თასზე 4 მედალი მოიპოვეს
"ახლა გუნდებს სჯერათ, რომ ჩვენთან დადებითი შედეგის მიღწევა შეუძლიათ" - სლოტმა "სანდერლენდთან" მატჩი შეაფასა
კიტეიშვილის "შტურმი" სახლში დამარცხდა და ვერ გალიდერდა
ფუტსალის ნაკრები საერთაშორისო ტურნირზე იასპარეზებს
[VIDEO] პარაგვაის ჩემპიონატის შეხვედრაში ცვლილებაზე 51 წლის კლუბის პრეზიდენტი შევიდა
პირველად "ბარსელონას" ისტორიაში - ლევანდოვსკიმ ანტი-რეკორდი დაამყარა
[VIDEO] დიდი პატივისცემა - რა გააკეთა ფლიკმა "ატლეტიკოსთან" საფინალო სასტვენის შემდეგ
[VIDEO] ნიკოლოზ ბასილაშვილი და მისი გერმანელი მეგობარი გოგონა ქართულად ამღერდნენ
სრულ მზადყოფნაშია - 2 თვეზე მეტის გასვლის შემდეგ, პალმერს დღეს "ჩელსის" ძირითადში ელიან
"შავი ლომი" ჩელენჯ თასს "მონპელიეთი" იწყებს
[VIDEO] "ბარსელონამ" სახლში "ატლეტიკოს" მოუგო
20 წ. | დიდი სხვაობით "კუდუსთან"
"კვარაცხელიას აშკარად ორი სახე აქვს" - ფრანგმა ჟურნალისტებმა პსჟ-ს ფეხბურთელების საქმისადმი განსხვავებულ დამოკიდებულებაზე ისაუბრეს
"სსრკ-ს ნაკრები წარმოსახვაში: მამარდაშვილი, კვარაცხელია, მიქაუტაძე, მწვრთნელი კლოპი" - რუსული გამოცემა ფანტაზიაში გადავარდა
მამის ნაკვალევზე - ისაგო სილვამ "ჩელსისთან" კონტრაქტი გააფორმა
"შეცდომებს დაუშვებს - დრო მიეცით" - ზაბარნიზე კომენტარი საფრანგეთის ნაკრების ყოფილმა მცველმა გააკეთა
იტალიაში საუკეთესოები აღიარეს - მაკტომინეი, "ნაპოლი", კონტე
რაფინიას პრემიერ ლიგაში უხმობენ - "ბარსელონას" ფინანსური პრობლემების გამო შესაძლოა, ფეხბურთელის დათმობა მოუწიოს
"ბრენტფორდს" კიდევ ერთ ფორვარდს გამოსტაცებენ? - 50-მილიონიანი ტრანსფერი დაიგეგმა
"ბაიერნის" პრეზიდენტმა ჰარი კეინის მომავალზე ისაუბრა
დიდი დაბრუნება სამწვრთნელო პოსტზე "რეალში"? - ალონსოს მუშაობა შესაძლოა, ძალიან მოკლევადიანი აღმოჩნდეს