<p>საქართველოს ჩემპიონატი. პლეი ოფი. ბოლო ტური <br> მსაჯის საფინალო სასტვენის შემდეგ პუბლიკა გაირინდა, სტადიონის დიქტორმა კი გამოაცხადა, რომ რეგლამენტის მიხედვით, საქართველოს ჩემპიონი "ზესტაფონია" და We Are The Champions ჩაირთო. ტრიბუნები ახმაურდა და იქ ნამდვილი საზეიმო განწყობა შეიქმნა.</p><p>თუმცა უნდა ვთქვათ, რომ საზეიმო განწყობაზე სულაც არ იყვნენ გუნდის ფეხბურთელები. დიქტორმა "ზესტაფონის" ყველა მოთამაშისა და მწვრთნელის გვარი გამოაცხადა. მათ ქომაგებს მადლობა გადაუხადეს და მოედანი მალე დატოვეს.</p><p>აი, ასეთი გამოდგა საქართველოს ჩემპიონატის ფინიში.</p><p>დღევანდელი გადასახედიდან, არცთუ დიდია იმის შანსი, რომ ფეხბურთის ფედერაციამ "ზესტაფონისთვის" სასიკეთო გადაწყვეტილება მიიღოს, მაგრამ მოვლენათა განვითარებას მაინც უნდა დაველოდოთ - ფაქტია, რომ სფფ-ს შექმნილ სიტუაციაზე უფრო ამომწურავი და უფრო კომპეტენტური პასუხის გაცემა მართებს.</p><p>მეტისმეტად უსიამოვნო და, შეიძლება ითქვას, სამარცხვინო პრეცედენტს კი, უკვე დარწმუნებით შეგვიძლია ვთქვათ, რომ ვერ ავცდით.</p><p>უშუალოდ თამაში კი, როგორც მოსალოდნელი იყო, "ზესტაფონის" საგრძნობი უპირატესობით დაიწყო და მთელი 90 წუთის განმავლობაში ასეთი სურათი იყო შექმნილი. მასპინძლები მარტვილელთა ნახევარზე ყოველგვარი დაზვერვის გარეშე დამკვიდრდნენ და ჩვეულ კომბინაციურ სტილში "მერანის" კარზე სწრაფი იერიშები მიიტანეს.</p><p>უკვე მე-2 წუთზე <strong>დავით მუჯირმა</strong> ხელსაყრელი პოზიციიდან არაზუსტად დაარტყა, მერვეზე კი <strong>ჯაბა დვალის</strong> დარტყმა მეკარემ მოიგერია. ამას <strong>თორნიკე გორგიაშვილის</strong> უშედეგო მცდელობა მოჰყვა. "ზესტაფონი" კი მეტოქეზე ზეწოლას აძლიერებდა და ნათელი გახდა, რომ გოლი დროის ამბავი იყო. ეს დრო კი 33-ე წუთზე დადგა. <strong>დვალმა</strong> ხელსაყრელ პოზიციაზე გაიყვანა <strong>შოთა გრიგალაშვილი</strong>, რომელსაც ორმა მეურვემ ზუსტ და ძლიერ დარტყმაში ხელი ვერ შეუშალა - 1:0.</p><p>"ზესტაფონი" ამას არ დასჯერდა და ანგარიში და თამაში კვლავ <strong>გიორგი ჭიაბრიშვილის</strong> გუნდის კარნახით გაგრძელდა. <strong>დვალმა</strong> ზედიზედ ორჯერ გაუშვა ხელიდან კარგი საგოლე შანსი, <strong>მუჯირს</strong> კი "მერანის" კარის დარაჯმა არ გაატანინა. ტაიმის მიწურულს კი <strong>გრიგალაშვილმა</strong> დუბლი შეასრულა - <strong>დვალის</strong> გადაცემა მიიღო და ერთი შეხებით ეფექტურად გაიტანა.</p><p>საგოლე ეპიზოდების ნაკლებობა არც მეორე ტაიმში იყო, თუმცა ფეროელებს ხან სიზუსტე ღალატობდათ, ხანაც <strong>ჯონი შეროზია </strong>ახერხებდა ხიფათის განმუხტვას. გატანა შეეძლოთ <strong>მუჯირს, თორნიკე აფციაურსა</strong> და <strong>ლევან შარიქაძეს</strong>, თუმცა ანგარიში კვლავ მათ შეცვალეს, ვინც წინა საგოლე კომბინაციებში მიიღეს მონაწილეობა. <strong>გრიგალაშვილმა</strong> კვლავ <strong>დვალის</strong> პასი მიიღო და ამჯერად საჯარიმოს გარედან გაიტანა - 3:0.</p><p>რაც ნამატჩევს მოხდა, ამის შესახებ თავში გითხარით, დანარჩენ საინტერესო სიახლეებს კი უახლოესი დღეებისთვის უნდა ველოდოთ.</p><p>"ზესტაფონის" მთავარი მწვრთნელი <strong>გიორგი ჭიაბრიშვილი</strong> თავის გუნდს ჩემპიონად მიიჩნევს და ამავე აზრზეა კლუბის ყველა წარმომადგენელი.</p><p>"ზესტაფონი" ჯერ ფეხბურთის ფედერაციის მიერ გამოცხადებულ ოფიციალურ შედეგებს დაელოდება და ამის მიხედვით იმოქმედებს.</p><p>20.05. ზესტაფონი. დ. აბაშიძე. 2 000 მაყურებელი</p><p><em><strong>ზესტაფონი-მერანი 3:0</strong></em></p><p>1:0 შ. გრიგალაშვილი (31. დვალის პასით), 2:0 შ. გრიგალაშვილი (44. დვალის პასით), 3:0 შ. გრიგალაშვილი (61. დვალის პასით)</p><p><em>ზესტაფონი მერანი</em></p><p>4-4-2 4-2-3-1</p><p>რ. კვასხვაძე შეროზია</p><p>ღონღაძე კიკალიშვილი</p><p>კობახიძე იობაშვილი</p><p>გ. ონიანი მელიავა</p><p>ელიავა სუხიაშვილი</p><p>აფციაური დიდავა</p><p>მენთეშაშვილი მანწკავა</p><p>გორგიაშვილი ტორონჯაძე</p><p>შ. გრიგალაშვილი ე. გრიგალაშვილი</p><p>დ. მუჯირი ბოხუა</p><p>დვალი ტაპე</p><p><em>მწვრთნელები</em></p><p>გ. ჭიაბრიშვილი მ. ჟვანია</p><p><em>ზესტაფონი</em></p><p>58. მუჯირი - შარიქაძე</p><p>65. აფციაური - გუგუჩია</p><p>75. გორგიაშვილი - ბაბუნაშვილი</p><p>სათადარიგოები: მამალაძე, რაჟამაშვილი, წინამძღვრიშვილი, ოვონიკოკო</p><p><em>მერანი</em></p><p>56. ტაპე - ფონიავა</p><p>71. მანწკავა - ტორაძე</p><p>სათადარიგოები: შენგელია, კაკუშაძე, ვართაგავა, წოწორია, ამბროლაძე</p><p>გაფრთხილება: ე. გრიგალაშვილი (38), კობახიძე (81), ონიანი (85)</p><p>არბიტრი: დ. ხარიტონაშვილი</p><p><span style="color: #ff0000;"><strong>სატურნირო ცხრილი</strong></span></p><p><em>შენიშვნა: ცხრილი მომზადებულია www.uefa.com-ის მიხედვით</em></p><p><img src="/media/images/new_photo/UCXOURI/2012/SOCCER/MAI16-31/sc play off xiv a.jpg" border="0" width="480" height="375" alt="Sportall.Ge" title="ზესტაფონი-მერანი 3:0 - We Are The Champions!" /></p><p><em></p><p>ზესტაფონშიც საჩემპიონო ზეიმია! (იბეჭდება მცირე ცვლილებით)</em></p><p><strong>ყოველდღიური სპორტული გაზეთი "ლელო"</strong></p>
iuri
arti ახალკაცის მიშას დასმული იყო და სიჭინავაც, არანაირი სხვაობა არაა, ასეთი სამარცხვინო ფურცელი არასდროს ჩაწერილა, დებულებას რო შეადგენ და ფედერაციის პრეზიდენტი იტყვის 8 გუნდში შედეგები იგულისხმებოდო, რაღაზე უნდა ილაპარაკო, ყველა არგუმენტით იურიდიულად ზესტაფონია ჩემპიონი, და შენ და შე
arti
კოკაია ახალკაცის დრო აგარაა....
ბოლო წუთების ფასი... "დილამ" და "სამგურალმა" მოიგეს, "იბერია 1999"-"გარეჯი" ფრედ დასრულდა
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
ფრე ქუთაისში... და "თელავის" მოგება "გაგრასთან"
დუდუ დადიანის მემორიალზე ნახევარფინალისტები დაწყვილდნენ
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
[VIDEO] ლომინაძე და ქოჩორაშვილი შეცვლაზე შევიდნენ - "სპორტინგმა" "ნაპოლიმდე" "ეშტორილს" სძლია
"[VIDEO] ბარსელონასთან" მატჩის წინ ხვიჩამ ტრავმა მიიღო - პსჟ-მ "ოსერს" მცველების გოლებით მოუგო
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ