NBA. პლეი ოფი. 1/4-ფინალი: ლებრონ ჯეიმსი - 70

"მაიამის" ლიდერისთვის სერიის მეოთხე შეხვედრა, 101-ე მატჩი პლეი ოფში 21 მაისს ინდიანაპოლისში გაიმართა "მაიამისა" და "ინდიანას" სერიის მეოთხე შეხვედრა, რომელშიც ფლორიდელებს აუცილებლად სჭირდებოდათ გამარჯვება. წინააღმდეგ შემთხვევაში სერიაში ანგარიში 3:1 ხდებოდა "ინდიანას" სასარგებლოდ და სპოელსტრას შეგირდებს კონფერენციის ფინალში გასვლის მინიმალური შანსი დარჩებოდათ.სპოელსტრამ წინა შეხვედრის მსგავსად, სასტარტოში ბატიე გამოიყვანა და ლებრონ ჯეიმსი მძიმე ფორვარდის პოზიციაზე დააყენა.სხვათა შორის, ლებრონისთვის ეს იყო 101-ე მატჩი პლეი ოფში. "მაიამის" ლიდერი ერთადერთი მოთამაშეა ისტორიაში, ვინც პირველ 100 შეხვედრაში 2500 ქულაზე, 800 მოხსნასა და 600 შედეგიან გადაცემაზე მეტი დააგროვა.მან ამ მაჩვენებლებით ისეთ ლეგენდებს გაუსწრო, როგორებიც არიან: მაიკლ ჯორდანი, მეჯიქ ჯონსონი და ლარი ბერდი, მაგრამ ეს სტატისტიკური მიღწევები პირველ წუთებში ვერ შველოდა მის გუნდს. აქტიურმა პრესინგმა და სწრაფმა ტემპმა, რომელიც მეტოქეს "პეისერსმა" შესთავაზა, სტუმრებს ოთხ წუთში ხუთი შეცდომა დააშვებინა."ჰიტს" ამ დაბნეულობის დასაძლევად ბატიესა და ჩელმერსის სამქულიანები დაეხმარა, რამაც "ინდიანას" 10 ქულაზე შორს წასვლის საშუალება არ მისცა. ხოლო, როცა მეოთხედის ბოლოს ჯეიმსს, როგორც იქნა, საფირმო გარღვევები წაუვიდა, ფრანკ ფოგელის გუნდის ინიციატივისგან არაფერი დარჩა."მაიამის" სათადარიგო მოთამაშეებმა სტუმრებს მცირე უპირატესობაც კი მოუტანეს, თუმცა ამას "პეისერსის" შტურმი მოჰყვა და "ჰიტი" დიდხანს ვერ დატკბა მოპოვებული ლიდერობით. სტუმრებისთვის ყველაზე საგანგაშო ის იყო, რომ დუეინ უეიდი აგრძელებდა უზუსტო საშუალო ტყორცნების სერიას, რომელიც წინა მატჩიდან გადმოჰყვა.მხოლოდ დიდი შესვენების წინ გუნდის მესამე ნომერმა რაღაც იმედი ჩაუსახა გულშემატკივრებს: ორ წუთში მან ექვსი ქულა დააგროვა. მესამე მეოთხედის დასაწყისში კი უეიდი უკვე შეუჩერებელი იყო: "ფლეშმა" პირველი ექვსი ტყორცნიდან ექვსივე მოათავსა კალათში.ამას ემატებოდა ლებრონის აქტიურობა და ნელ-ნელა მატჩის სასწორი სტუმრებისკენ გადაიხარა. ამ წყვილმა მეოთხედში გუნდური 30 ქულიდან 28 თავის ანგარიშზე მიითვალა და თან თავის საყვარელ საქმესაც მიხედა - პერსონალურებით დატვირთა მეტოქე.როგორც კი მათ ამ ხერხით გზიდან ჩამოიცილეს უესტი და ჰიბერტი, "ინდიანას" უპირატესობა მოხსნებში სადღაც გაქრა და მასპინძლები საშუალო და შორი მანძილებიდან ტყორცნების იმედად დარჩნენ.სამქულიანები კი "პეისერსს" სერიის დასაწყისიდან არ მისდის და ამის გამო ბოლო 12-წუთეულის დასაწყისისთვის სხვაობა 10 ქულა იყო, ოღონდ "ჰიტის" სასარგებლოდ.ბოლო მეოთხედის წინ საკითხი ასე იდგა - შეძლებდა თუ არა "პეისერსი" ჯეიმსისა და უეიდის შეჩერებას. მასპინძლებმა ეს საკითხი ვერ მოაგვარეს, თან იმდენად გადაერთვნენ ამ ორი კალათბურთელის განეიტრალებით, რომ დაავიწყდათ "მაიამის" სხვა შემტევი მოთამაშეები. ისინი საჭირო დროს გააქტიურდნენ.ჰასლემი ფარისკენ უშვებდა ყველა ბურთს, რომელსაც უეიდისგან ან ჯეიმსისგან იღებდა და რადგან ამ მომენტებში ყოველთვის თავისუფალი იყო, რეალიზაციის მხრივ პრობლემები არ ჰქონია.ბოლოსკენ "ინდიანას" შეტევა გამოცოცხლდა, მაგრამ საბოლოოდ გამარჯვებულის საკითხი დღის წესრიგიდან ლებრონ ჯეიმსმა მოხსნა, რომელმაც ოთხიდან სამი საჯარიმო გამოიყენა და თავის გუნდს ფლორიდაში ფავორიტის რანგში დაბრუნების საშუალება მისცა.ინდიანა-მაიამი 93:10125:18, 29:28, 16:30, 23:25ი: გრეინჯერი (20+5 მოხსნა+3 პასი), კოლისონი (16), ჯორჯი (13+6 მოხსნა+5 პასი+3 ჩაჭრა), ჰიბერტი (10+9 მოხსნა+3 დაფარება), უესტი (8+6 მოხსნა+3 პასი), ჰილი (8+4 პასი), ბარბოზა (8), ჰენსბრო (8), ამუნდსონი (2+7 მოხსნა).მ: ჯეიმსი (40+18 მოხსნა+9 პასი+2 დაფარება), უეიდი (30+9 მოხსნა+6 პასი+2 დაფარება), ჰასლემი (14), ჩელმერსი (8+3 პასი), ენტონი (4+3 დაფარება), ბატიე (3), მილერი (2).რეალიზაციის პროცენტი: თამაშიდან (41.8/47.5), სამქულიანები (31.8/41.7), საჯარიმოები (83.3/71.4).სერია: 2-2ყოველდღიური სპორტული გაზეთი "ლელო"

"სულ ონლაინაა და ყველაფერს იჯერებს“ — როგორ გადააქცია ლებრონმა ერთი რეკლამა მთელი NBA-ის განსახილველ თემად

"ლოს ანჯელეს ლეიკერსმა" ლებრონ ჯეიმსს ახალი კონტრაქტი არ შესთავაზა

იქ, სადაც განსაკუთრებულად უყვართ - დემიენ ლილარდი "პორტლენდში" დაბრუნდა

17-წლამდე გოგონათა ნაკრები საკვალიფიკაციო ეტაპისთვის ემზადება

ყველა დროის ანტი-რეკორდი - იტალიაში 20-მა გუნდმა მხოლოდ 11 გოლი გაიტანა

ოფიციალურად: შონ დაიჩი პრემიერ ლიგას დაუბრუნდა

ფუტსალი | საქართველო 2:2 ყირგიზეთი

პსჟ პაჩოს კონტრაქტს გაუგრძელებს

შენგელიას 18 ქულა და გამარჯვება, ბურჯანაძის 7 ქულა და ბრძოლაში მარცხი

ქალთა ნაკრები ორ ამხანაგურ მატჩს გამართავს

"ინტერის" სპორტულმა დირექტორმა ნეიმარის შესაძლო ტრანსფერზე ისაუბრა

ბენზემა ევროპაში დაბრუნდება? - ფრანგი ფორვარდის დამატება თურქულ გრანდს უნდა

პსჟ-ში ტრავმირებულები ბრუნდებიან - დემბელესა და მარკინიოსს "ლევერკუზენთან" თამაში შეეძლებათ

ფაბიო ბორინი ინგლისის მე-4 ლიგის კლუბში ჩაირიცხა

რობერტო მანჩინი შესაძლოა, სამუშაოდ პრემიერ ლიგაში დაბრუნდეს

ოფიციალურად: შვედეთის ნაკრები გრემ პოტერს ჩააბარეს

[VIDEO] "რა დაემართა ჩვენს გუნდს?! ეს სასაცილო აღარაა!" - "მანჩესტერ იუნაიტედთან" მარცხის შემდეგ გაბრაზებულმა ალექსანდერ-არნოლდის ძმამ მიმართვა გაავრცელა

რატომ ჩაითვალა მამარდაშვილის კარში პირველი გოლი - VAR-ის გადაწყვეტილების მიზეზი სადავო ეპიზოდზე

პირველი შეხვედრა უკვე შედგა - "იუვენტუსმა" შესაძლოა, მთავარი მწვრთნელი შეიცვალოს

აბუაშვილის და წიტაიშვილის "მეცმა" მორიგი მარცხი განიცადა

როგორი შეფასებები მიიღო მამარდაშვილმა "მანჩესტერ იუნაიტედთან" მატჩში?

[VIDEO] გამორჩეული დაპირისპირება მოულოდნელი გმირით - მამარდაშვილის "ლივერპული" სახლში "მანჩესტერ იუნაიტედთან" დამარცხდა

ლეგენდების მატჩში თბილისის "დინამომ" "აიაქსი" 5:2 დაამარცხა