- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ქართველი წყალბურთელები თურქეთში ფინალის საგზურისთვის იბრძოლებენ
<p>წლეულს, 24-27 მაისს, სტამბული ახალგაზრდა წყალბურთელთა ევროპის პირველობის შესარჩევ ტურნირს უმასპინძლებს <br> წლეულს, 24-27 მაისს, სტამბული ახალგაზრდა წყალბურთელთა ევროპის პირველობის შესარჩევ ტურნირს უმასპინძლებს.</p><p>ფინალური ეტაპის ორი საგზურისთვის მასპინძლებთან ერთად ქართველები, ბელარუსები, მოლდოველები და კვიპროსელებიც იბრძოლებენ.</p><p>ამ შეჯიბრებისთვის მონდომებით ემზადებიან ჩვენი ბიჭები სახელოვანი სპორტსმენის, ოლიმპიური თამაშების პრიზიორის - რევაზ ჩომახიძის ხელმძღვანელობით.</p><p>აპრილის მიწურულს ქართველმა წყალბურთელებმა საწვრთნელი შეკრება სერბეთში გაიარეს და რამდენიმე ტესტმატჩიც ითამაშეს. 3-6 მაისს კი პოლონური გორჟოვის საერთაშორისო ტურნირში ითამაშეს, ზედიზედ სძლიეს უკრაინას, დიდ ბრიტანეთს, პოლონეთს, ისრაელს, ბელარუსს და "სლოვიანკას თასი" მოიპოვეს.</p><p>ამჟამად ახალგაზრდები საწყლოსნო კომპლექს "ოლიმპიკში" ემზადებიან.</p><p>- მესამე წელიწადია, ამ გუნდს ვავარჯიშებ, - გვითხრა რევაზ ჩომახიძემ. - ერთობლივი მეცადინეობა ექვსი თვის დაწყებულიც არ გვქონდა, ყველასთვის მოულოდნელად ევროპის პირველობის შესარჩევი ტურნირის ბოლო მატჩის დამატებით დროში პოლონელებს რომ ვძლიეთ და ფინალში მოვხვდით.</p><p>იქ კი ყველა ორთაბრძოლა წავაგეთ, თანაც სოლიდური ანგარიშებით. ეს მოსალოდნელიც იყო. მას შემდეგ ორ წელიწადზე მეტი გავიდა და ჩვენი ნაკრებიც გაძლიერდა.</p><p>ბიჭების დღევანდელი მომზადებით უკმაყოფილო ნამდვილად არ ვარ, თუმცა, შესაძლოა, უკეთეს ფორმაშიც ვყოფილიყავით, მაგრამ სათამაშო პრაქტიკა გვაკლია. ევროპის პირველობიდან დღემდე მხოლოდ ერთ ოფიციალურ ტურნირში ვიასპარეზეთ, პოლონეთში.</p><p><strong>- სტამბუ</strong><strong>ლში რას გეგმავთ?</p><p></strong>- სერიოზული მეტოქეები გვეყოლება. გვსმენია მათი წარმატებების შესახებ, თუმცა გუნდებს, ფაქტობრივად, არც ვიცნობთ. ვიცით მხოლოდ, რომ თურქეთის ნაკრების ოთხი წევრი უფროსების გუნდში გამოდის.</p><p>წლეულს ევროპის ჩემპიონატის ფინალურ ეტაპშიც მონაწილეობდნენ. ბელარუსებს პოლონეთში ვეთამაშეთ და დაძაბულ პაექრობაში 9:8 მოვუგეთ.</p><p>მოლდოველების და კვიპროსელების შესახებ არაფერი ვიცით. ყოველივეს მიუხედავად, ფინალის საგზურისთვის ვიბრძოლებთ. სტარტზე 24 მაისს ტურნირის ფავორიტ თურქებს ვხვდებით, 25-ში საღამოს - ბელარუსს, 26-ში დილით - მოლდოვას, საღამოს კი - კვიპროსს. დაძაბული გრაფიკია, მაგრამ საამისოდ ფიზიკურად და ფსიქოლოგიურად აქედანვე ვემზადებით.</p><p><strong>- ტესტმატჩებისთვის თქვენ კირიშის გუნდი მოიწვიეთ...</p><p></strong>- დიახ. ამ გუნდს ჩემი ყოფილი მწვრთნელი ბორის პოპოვი ავარჯიშებს. რუსეთის ჩემპიონატის უმაღლეს ლიგაში მეშვიდე ადგილზეა.</p><p>მათთან ორი მატჩი გავმართეთ და ორივე წავაგეთ, მაგრამ ჩვენთვის ანგარიში კი არა, იმ ხარვეზების გამოვლენაა მთავარი, რომელთა აღმოფხვრაც თურქეთში წარმატებით თამაშში შეგვიწყობს ხელს.</p><p>თანაც, ყოფილი დამრიგებლის რჩევა-დარიგებებიც გასათვალისწინებელია. სტუმრად გვყავს ჩეხოვოს "შტურმის" ჭაბუკი წყალბურთელები. ორივე გუნდის ჩამოსვლა ინფორმაციის გავრცელების თვალსაზრისითაც არის მნიშვნელოვანი - იტყვიან, სავარჯიშო პირობები თბილისშიცაა და ისეთი წყალბურთელები ჰყავთ, სპარინგობა რომ შეიძლებაო. უნდა ვივარაუდოთ, რომ სამომავლოდ საქართველოში უფრო ძლიერ ევროპულ კლუბებსაც ვიხილავთ.</p><p>რევაზ ჩომახიძესთან საუბრის შემდეგ ინტერვიუ <strong>ბორის პოპოვსაც </strong>ვთხოვე:</p><p>- ქართველ წყალბურთელებთან ჩემი ნაცნობობა 1958 წლიდან იწყება, - თქვა სტუმარმა, - მაშინ თბილისში მოსწავლეთა საკავშირო სპარტაკიადა გაიმართა. მოსკოვის გუნდში ვთამაშობდი.</p><p>მეორე ადგილზე გავედით. თქვენმა ნაკრებმა ჩემპიონობა მოიპოვა, რომლის შემადგენლობაში, თუ არ ვცდები, გამოდიოდნენ სანაძე, შაშკინი, წიკლაური. მოგვიანებით თბილისის "დინამოსთან" შეხვედრებისას ბრწყინვალე წყალბურთელები: ლერი გოგოლაძე, გივი ჩიქვანაია, ირაკლი ჩხიკვაძე, დულულო მიმინოშვილი გავიცანი.</p><p>1962 წელს მოსკოვის უნივერსიტეტის გუნდში, სადაც მე ვთამაშობდი, მთავარ მწვრთნელად როსტომ ჩაჩავა მოვიდა. ხუთი წელიწადი გვავარჯიშებდა. ბევრი რამ ვისწავლეთ მისგან - როსტომი საბჭოთა კავშირში წყალბურთის ერთ-ერთი საუკეთესო სპეციალისტი გახლდათ. მგუ-ს გუნდში მან ქართული წყალბურთის თამაშის სტილი შემოიტანა.</p><p>მიბრძოლია ვოვა ისელიძის წინააღმდეგაც. 1976-77 წლებში, როცა საბჭოთა კავშირის ახალგაზრდულ ნაკრებში ვმუშაობდი, გუნდში მოვიწვიეთ მიშა გიორგაძე და გელა ტუკვაძე, რომლებმაც 1978 წელს ახალგაზრდებში ევროპის პირველობა მოიგეს. სასიამოვნო იყო ჩემთვის რევაზ ჩომახიძესთან მუშაობა.</p><p>1999-2003 წლებში იგი მსოფლიოს ერთ-ერთი საუკეთესო წყალბურთელი იყო. 2002-03 წლებში ხომ ევროპაში ოფიციალურად აღიარეს საუკეთესოდ.</p><p>სწორედ რეზოს თხოვნით ჩამოვედით თბილისში. ჩვენი სურვილიც იყო, ქართულ წყალბურთთან ახლო ურთიერთობა გვქონოდა. ორი მატჩი გავმართეთ ახალგაზრდულ გუნდთან.</p><p>გამოუცდელი ბიჭები არიან, ცოტას ფიზიკურ მომზადებაშიც მოიკოჭლებენ. პირველი ორი პერიოდის განმავლობაში მედგარი წინააღმდეგობა გაგვიწიეს, გვიგებდნენ კიდეც. ბოლო ორ რვაწუთიან მონაკვეთში კი პოზიციები დათმეს.</p><p>დროთა განმავლობაში გამოცდილებას შეიძენენ და ეს გუნდი ევროპაში ანგარიშგასაწევი ძალა იქნება.</p><p><em>თურქეთში ფინალის საგზურისთვის (იბეჭდება მცირე ცვლილებით)</p><p></em><strong>ყოველდღიური სპორტული გაზეთი "ლელო"</strong></p>
წყალბურთი| სერბეთმა უნგრეთის ნაკრები დაამარცხა და ევროპის ჩემპიონატის გამარჯვებული გახდა
ევროპის ჩემპიონატი. საქართველოს ნაკრები საფრანგეთთან დამარცხდა და მეათე ადგილი დაიკავა
[VIDEO] ევროპის ჩემპიონატი. საქართველოს ნაკრებმა თურქეთი დაამარცხა და მეცხრე ადგილისთვის საფრანგეთს შეხვდება
ბონუსი მუნდიალზე გასვლისთვის - იტალიის ნაკრების ფეხბურთელები ფულს ითხოვდნენ
ფლიკმა გადაწყვეტილება მიიღო - კანსელო "ბარსელონასთვის" მნიშვნელოვანი მოთამაშეა
"ბაიერნი" ნოიერის შემცვლელად 23 წლის ნიდერლანდელი მეკარის ვარიანტს განიხილავს
ინძაგიმ გამორიცხა - იტალიის ნაკრების მთავარი მწვრთნელის პოსტზე მანჩინის ვარიანტი რჩება
კვერნაძის 74 წუთი და "ფროზინონეს" მორიგი გამარჯვება
ქართველების "მეცი" "ნანტთან" ფრეს დასჯერდა
[VIDEOS] გულიაშვილმა ესპანეთში დუბლი შეასრულა
სამწუხარო მარცხი ფინალში - ბასილაშვილი მონტეკარლოს ძირითად ბადეში ვერ მოხვდა
პაოლო მადლინი შესაძლოა, იტალიის ფეხბურთის ფედერაციის პრეზიდენტი გახდეს
[VIDEO] ლუკა გადრანმა "ბეითარში" სადებიუტო გოლი გაიტანა
[VIDEO] ყაზაიშვილმა ჩინეთის ჩემპიონატში ეფექტური გოლი გაიტანა
პეპ გვარდიოლამ "ლივერპულთან" პირადი რეკორდი დაამყარა
ოჩხიკიძის 21 პასი და ბათუმის რეკორდული გამარჯვება | თსუ რეგულარულის მოგების ზღვარზეა
ფუტსალის ნაკრები აზერბაიჯანთან ორ ამხანაგურ მატჩს გამართავს
[VIDEO] "ბარსელონა" "რეალს" 7 ქულით გაექცა
U16. სახვაძის დუბლი, კვარაცხელიას ორი საგოლე პასი - საქართველოს ნაკრებმა სამხრეთ აფრიკას მოუგო
[VIDEO] მორიგი გამარჯვება პირველივე რაუნდში - ღვინიაშვილი MMA-შიც შეუჩერებელია!
18 წ. | 3 ლელო საფრანგეთთან
"მამარდაშვილი მთავარი დამნაშავე არ არის" - ინგლისური მედია
დე ბრუინს ჩემპიონობის ამ სეზონშიც სჯერა - ბელგიელმა "ნაპოლიში" გადასვლის მიზეზი ახსნა