- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
NBA. პლეი ოფი. 1/2-ფინალი: "სპურსი" ოცამდე ავიდა
<p>"სან ანტონიომ" პლეი ოფში ზედიზედ მეათე მატჩი მოიგო <br> "სან ანტონიომ" პლეი ოფში ზედიზედ მეათე მატჩი მოიგო. "ოკლაჰომამ" ისევ იბრძოლა, მონდომება არ აკლდა, მაგრამ ამჯერადაც ვერაფერს გახდა. მასპინძლების რიგებში ყველამ კარგად ითამაშა.</p><p>შეიძლება ტიმ დანკანის მიმართ გარკვეული პრეტენზიის გამოთქმა, რადგან მან 11-იდან მხოლოდ ორი ბურთი ჩააგდო, მაგრამ ვეტერანმა, ჩვეულებრივ, უამრავი შავი სამუშაო ჩაატარა.</p><p>რა თქმა უნდა, მოედანზე საუკეთესო ტონი პარკერი იყო. ფრანგმა პლეიმეიკერმა მიმდინარე პლეი ოფში ჯერჯერობით თავისი საუკეთესო მატჩი ჩაატარა და ეს იმის მიუხედავად, რომ პარკერის წინააღმდეგ ძალიან ხისტი და უხეში ტაქტიკა გამოიყენეს, რასაც ხშირად წყობიდან გამოჰყავს ხოლმე ტონი.</p><p>ერთ-ერთ ეპიზოდში პარკერი მოედანზე მტკივნეულად დაანარცხეს, მაგრამ ამას არ უმოქმედია ევროპელის თამაშზე.</p><p>ტონის ცოტა დააკლდა ორმაგ დუბლამდე. მან თამაშიდან 21-ჯერ ისროლა და 16-მა ტყორცნამ მიზანს მიაღწია. გარდა ამისა, ფრანგი დაცვაშიც კარგი იყო. მართალია, უესტბრუკმა საკმაოდ შედეგიანად ითამაშა, მაგრამ ზედიზედ მეორე მატჩში "ოკლაჰომას" გამთამაშებელს დაბალი მარგი ქმედების კოეფიციენტი ჰქონდა.</p><p>მისი 24 ტყორცნიდან მხოლოდ ათმა მიაღწია მიზანს, მაგრამ ეს სტატისტიკა დერეკ ფიშერის მაჩვენებელთან შედარებით ნორმალური შედეგია.</p><p>ვეტერანმა რეზერვისტმა თამაშიდან 11-ჯერ ისროლა და მხოლოდ ორი ბურთი მოათავსა კალათში. როგორც ჩანს, ისტორიული მომენტის წინ ინერვიულა - ფიშერმა 220-ე მატჩი ჩაატარა პლეი ოფში და ამ მაჩვენებლით გაუთანაბრდა ყოფილ თანაგუნდელს კობი ბრაიანტს.</p><p>მოქმედ კალათბურთელებს შორის ეს საუკეთესო მაჩვენებელია, ყველა დროის სიაში კი ისინი მესამე ადგილს იყოფენ.</p><p>გუშინდელ მატჩში კიდევ ერთი მნიშვნელოვანი მოვლენა დაფიქსირდა: "სან ანტონიოს" ვეტერანი ტიმ დანკანი მეორე ადგილზე გადავიდა პლეი ოფში დაგროვილი დაფარებების რაოდენობით.</p><p>მისი მონაგარი ახლა 473 ბლოკ-შოტს შეადგენს და აბსოლუტურ რეკორდამდე არც ისე ბევრი უკლია - ლიდერ ქარიმ აბდულ-ჯაბარს კარიერაში 476 დაფარება ჰქონდა.</p><p>დაცვაში სერიოზული პრობლემებისა და ნომინალური გამთამაშებლების უზუსტობის გამო მეორე მეოთხედიდან მოყოლებული სტუმრები სტაბილურად ჩამორჩებოდნენ მეტოქეს 10 ქულაზე მეტი სხვაობით. მესამე მეოთხედში კი "ოკლაჰომასთვის" ნამდვილი კოშმარი დაიწყო.</p><p>თამაშის განახლებიდან სამ წუთში "სან ანტონიომ" სამი სამქულიანი ჩააგდო. თავი გამოიჩინეს მეორე ეშელონის მებრძოლებმა - გრინმა, ლეონარდმა და დიაომ. ხოლო მას შემდეგ, რაც იმავე ლეონარდმა და პარკერმა კიდევ ორჯერ მოათავსეს კალათში შორეული ტყორცნა, სხვაობამ 20 ქულა შეადგინა.</p><p>განსაკუთრებით ეფექტური იყო ფრანგის სამქულიანი. მცველმა შესანიშნავი ორსვლიანი კომბინაცია გაითამაშა ჯინობილისთან - ბურთი არგენტინელს მიაწოდა და თავად კუთხისკენ გაიქცა. თანაგუნდელს ზურგსუკან პასი არ დაუგვიანია და პარკერმა ყოველგვარი წინააღმდეგობის გარეშე ისროლა.</p><p>სტუმრები არ დანებდნენ, რისთვისაც ქებას იმსახურებენ, განსაკუთრებით კი - მათი მწვრთნელი ბრუქსი. შეგახსენებთ, რომ პირველი მატჩის ბოლო მეოთხედში მან სკამზე დასვა იბაკა და მსუბუქი ხუთეული ათამაშა დურანტით მძიმე ფორვარდის პოზიციაზე.</p><p>ამ სვლამ მაშინ არ გაამართლა: სამწამიანში წაგებული ბრძოლით (ქულები: 2:16) სტუმრებმა უპირატესობა დაკარგეს და კრახი განიცადეს. ახლა კი იბაკათი მოედანზე "თანდერმა" ბოლო მეოთხედი თავის აქტივში ჩაიწერა.</p><p>ესპანელი კარგად ეხმარებოდა თავისიანებს პარკერის ნეიტრალიზაციაში - ნახევარი მეოთხედის განმავლობაში ფრანგს მხოლოდ ერთხელ ასროლინეს.</p><p>შედეგად, უესტბრუკის ზედიზედ ოთხი საჯარიმოს შემდეგ სტუმრების ჩამორჩენა მხოლოდ ექვს ქულას უდრიდა, სათამაშო კი საკმაოდ ბევრი - ხუთი წუთი რჩებოდა. თითქოს მატჩის ბოლოს დაძაბული ბრძოლა უნდა გვეხილა, მაგრამ ასე არ მოხდა.</p><p>ლეონარდის ბლოკმა იმავე უესტბრუკზე და აგრეთვე პარკერის ურთულესმა ტყორცნამ საბოლოოდ ამოაგდო რიტმიდან მეტოქე. სულ რაღაც ორ წუთში მასპინძლების ლიდერობამ ისევ ორნიშნა რიცხვს მიაღწია.</p><p>ამის შემდეგ სტუმრებს მეტოქესთან დაწევის მცდელობა აღარ ჰქონიათ - ეს სრული უაზრობა იყო. ამ პლეი ოფში "ოკლაჰომას" ამდენი ქულა არასოდეს გაუშვია და ასეთ დროს გამარჯვებაზე ლაპარაკი ზედმეტი იყო.</p><p>მით უმეტეს, რომ "სპურსი" მეოთხე გუნდი გახდა ისტორიაში, რომელმაც ზედიზედ მე-20 გამარჯვება ჩაიწერა აქტივში. უფრო მეტიც, "სან ანტონიო" ამ ოთხი გუნდიდან ერთადერთია, რომელმაც ეს სერია რეგულარულიდან პლეი ოფში გააგრძელა.</p><p>"ოკლაჰომამ" კი, ალბათ, იცის, რომ ლიგის ისტორიაში მხოლოდ 14-ჯერ დაფიქსირებულა ისეთი შემთხვევა, როცა რომელიმე გუნდს 0:2-იდან მოუგია პლეი ოფის სერია.</p><p><em><strong>სან ანტონიო-ოკლაჰომა 120:111</p><p></strong></em>28:22, 27:22, 37:32, 28:35</p><p>ს-ა: პარკერი (34+8 პასი), ჯინობილი (20+4 პასი), ლეონარდი (18+10 მოხსნა+2 დაფარება), დანკანი (11+12 მოხსნა+6 პასი+4 დაფარება), გრინი (10+5 მოხსნა), დიაო (9+7 მოხსნა), სპლიტერი (8+3 პასი), ბონერი (4), ჯექსონი (3), ნილი (3).</p><p>ო: დურანტი (31+5 პასი+5 მოხსნა+3 ჩაჭრა+2 დაფარება), ჰარდენი (30+7 მოხსნა+4 პასი), უესტბრუკი (27+8 პასი+7 მოხსნა), ფიშერი (10), იბაკა (8+10 მოხსნა+4 დაფარება), პერკინსი (3+5 მოხსა+2 დაფარება), სეფოლოშა (2).</p><p>რეალიზაციის პროცენტი: თამაშიდან (55.1/42), სამქულიანი (42.3/47.1), საჯარიმოები (65.7/80.6).</p><p><em><strong>სერია: 2-0</strong></em></p><p><strong>ყოველდღიური სპორტული გაზეთი "ლელო"</strong></p>
ლებრონ ჯეიმსმა მორიგი რეკორდი დაამყარა
"ხშირად ამბობენ, რომ კალათბურთი არ მაინტერესებს, მაგრამ..." - ნიკოლა იოკიჩი
[VIDEO] NBA-ის ყველა ვარსკვლავის მატჩის MVP ენტონი ედვარდსი გახდა
მერაბ რატიშვილი მონტენეგრო-საბერძნეთის მატჩს უკომისრებს
კალანდაძე თბილისის "დინამოში" დაბრუნდა
საქართველოს 15-ქალა ნაკრების წინსვლა რეიტინგში
გრიზმანი MLS-ში - მოლაპარაკებები დასკვნით სტადიაშია
ცვლილებები დაცვით ხაზში - "რეალიდან" ალაბას წასვლა გადაწყვეტილი ამბავია
"ხვიჩა ძალიან მომწონს, სალაჰის შეცვლის კარგი ვარიანტია" - "ლივერპულის" ყოფილმა ფეხბურთელმა კლუბს კვარაცხელიას ყიდვა შესთავაზა
კიდევ დიდი ხნით პსჟ-ში - ჟოაო ნევეში კონტრაქტს გაახანგრძლივებს
პარიზელთა შეტევა დემბელეს არყოფნაში - ყველაფერი ლიგის განმეორებით მატჩებზე
ქალთა ნაკრები საბერძნეთთან მატჩისთვის მზადებას განაგრძობს
ლეგიონერები/ცინცაძე MVP გახდა. დიხამინჯიამ და კბილაშვილმა 4-4 გოლი გაიტანეს
15-ქალა | ხორვატებთან ახალი რეკორდით
20 წ. | კარგი ტაიმით მსოფლიოს ჩემპიონთან
კვარაცხელია, დუე და ბარკოლა დემბელეს გარეშე - როგორი იქნება "მონაკოსთან" პსჟ-ს შემადგენლობა?
"ბარსელონაში" დაბრუნებისას, საუკეთესო ფორმაში არ ვიყავი" - ჟოაო კანსელო
"სერია A-ში თამაში ყველაზე რთულია" - ალეგრი "პარმასთან" მარცხის შემდეგ
L'Équipe: პსჟ-ში შევალიეს ბედი საფონოვზეა დამოკიდებული
ლებრონ ჯეიმსმა მორიგი რეკორდი დაამყარა
თბილისური შეკრება დასრულდა | 9 ლეგიონერს ჯიკიჩმა სუპერლიგის 5 მოთამაშე დაამატა
"მწვრთნელი გამარჯობასაც კი არ მეუბნება" - საზონოვი "ტორინოს" განრისხებულ ფანებს შეხვდა
[VIDEO] მამუკელაშვილის შედეგიანი მატჩი ყოფილ გუნდთან - "ტორონტომ" "მილუოკი" დაამარცხა