<p>U19. ევროპის ჩემპიონატის ელიტრაუნდი. II ტური. VI ჯგუფი <br> საქართველოს 19-წლამდელთა ნაკრები ევროპის ჩემპიონატის ელიტრაუნდის VI ჯგუფის ბოლო მატჩში ავსტრიას დაუპირისპირდა.</p><p>ჯგუფიდან მხოლოდ ერთი გუნდი გადიოდა და პირველი ადგილის დასაკავებლად <strong>ოთარ კორღლიძის </strong>შეგირდებს მხოლოდ მოგება აძლევდათ ხელს, მაგრამ ჩვენების ბედი დამოკიდებული იყო მასპინძელი ხორვატიისა და ბოსნიის შეხვედრის შედეგზეც.</p><p>...<strong>რუბერტ მარკოს</strong> გუნდი ავსტრიაში ჩატარებულ საკვალიფიკაციო ეტაპზე დამაჯერებლად ვერ გამოიყურებოდა: მალტასთან 3:0 მოიგო, მაგრამ ალბანეთსა (0:0) და დანიასთან (0:0) ფრედ ითამაშა და მეორე ადგილზე გავიდა.</p><p>გუნდის წამყვანი ფეხბურთელები ცნობილ კლუბებს წარმოადგენდნენ: ორი მოთამაშე იტალიურ გრანდში თამაშობს - თავდამსხმელი <strong>ფილიპ პროსენიკი</strong> "მილანში", მცველი <strong>ლუკას შპენდლჰოფერი</strong> - "ინტერში". ნახევარმცველი <strong>მარსელ რიცმაიერი</strong> ჰოლანდიურ პსვ-ში ირიცხება, ნახევარმცველი <strong>კევინ შტეგერი</strong> კი "შტუტგარტის" ღირსებას იცავს.</p><p>პირველი სახიფათო მომენტი მე-14 წუთზე <strong>ვალერი ყაზაიშვილმა </strong>შექმნა: მისი დარტყმის შემდეგ ავსტრიელები გოლისგან მეკარე <strong>რიჰარდ შტრებინგერმა</strong> იხსნა.</p><p>33-ე წუთზე ჩვენები გადარჩნენ: <strong>შტეგერის</strong> დარტყმის შემდეგ <strong>ლევან ტყეშელაშვილმა</strong> მშვენიერი რეაქცია გამოავლინა და ბურთი მოიგერია.</p><p>ანგარიში პირველი ტაიმის მიწურულს გაიხსნა: მეკარესთან პირისპირ გასული ქართველი ფეხბურთელი <strong>ლუკას შპენდლჰოფერმა</strong> მოცელა.</p><p>პოლონელმა არბიტრმა <strong>ადამ ლიჩმანკიმ</strong> ავსტრიელ მცველს წითელი ბარათი აუფრიალა და ავსტრიელები კაცნაკლული დატოვა, თერთმეტმეტრიანი კი <strong>გიორგი ჭანტურიამ</strong> უნაკლოდ დაარტყა და საქართველო დააწინაურა - 1:0.</p><p><img src="/media/images/new_photo/QARTULI/SOCCER/Nakrebi/Asakobrivi/U19/u19-georgia-30052012-001.jpg" border="0" alt="Sportall.Ge" title="საქართველო-ავსტრია 2:1 - ევროფინალს გამარჯვებით დავემშვიდობეთ" width="296" height="227" style="margin: 10px; float: left;" />რიცხობრივი უმცირესობის მიუხედავად, მეორე ტაიმის დასაწყისში ავსტრიელებმა წონასწორობა მაინც აღადგინეს: 51-ე წუთზე საქართველოს ნაკრების კარი <strong>ტონი ვასტიჩმა </strong>აიღო - 1:1.</p><p>ავსტრიელებმა სახიფათო მომენტი 58-ე წუთზეც შექმნეს, როდესაც <strong>ტყეშელაშვილი სრდან სპირიდონოვიჩის</strong> დარტყმას გადაეღობა.</p><p>მაგრამ ავსტრიელებს მაინც მოუხდათ უკან დახევა, რადგან <strong>ოთარ კორღალიძის</strong> გაწვრთნილებმა მთელი ძალებით შეუტიეს: ავსტრიელთა მეკარემ ჯერ <strong>ყაზაიშვილის</strong> სახიფათო დარტყმა მოიგერია, შემდეგ <strong>გიორგი პაპავას</strong> დარტყმული ავსტრიელთა კარს ასცდა. თუმცა ჯვაროსნებმა თავისი მაინც გაიტანეს: 68-ე წუთზე <strong>ჭანტურიამ</strong> ზუსტად ითამაშა და ქართველები დააწინაურა - 2:1.</p><p>დარჩენილ დროში რეალური საგოლე მომენტები მხოლოდ ავსტრიელებმა შექმნეს, 67-ე წუთზე <strong>ალესანდრო შოპფის</strong> გასროლის შემდეგ ისევ <strong>ტყეშელაშვილმა</strong> გადაგვარჩინა. საბოლოოდ საქართველომ მატჩი გამარჯვებამდე მიიყვანა - 2:1.</p><p>სამწუხაროდ, ეს არასაკმარისი გამოდგა: ხორვატიამ ჯგუფის აუტსაიდერ ბოსნიას 2:0 სძლია, პირველი ადგილი დაიკავა და ევროპის ჩემპიონატის ფინალში სწორედ <strong>დინკო ელიჩიჩის</strong> გაწვრთნილები ითამაშებენ.</p><p><span style="color: #ff0000;"><strong>U19. ევროპის ჩემპიონატის ელიტრაუნდი. II ტური. VI ჯგუფი</strong></span></p><p>30 მაისი. ხორვატია. ველიკა გორიცა. სტადიონი "რადნიკი".</p><p><em><strong>საქართველო-ავსტრია 2:1</strong></em></p><p>1:0 ჭანტურია (40. პ), 1:1 ვასტიჩი (51), ჭანტურია 2:1 (68).</p><p><em>საქართველო ავსტრია</em></p><p>ტყეშელაშვილი შტრებინგერი</p><p>გრიგალაშვილი ნოიხოლდი</p><p>სანდოხაძე შპენდლჰოფერი</p><p>გაგნიძე პაინზიპი</p><p>ჯგერენაია შოპფი</p><p>პარუნაშვილი ვასტიჩი</p><p>კიკნაველიძე შტეგერი</p><p>ყაზაიშვილი სპირიდონოვიჩი</p><p>პაპავა მურგი</p><p>ჭანტურია პაველიჩი</p><p>სხირტლაძე ვიმერი</p><p>მწვრთნელი: მწვრთნელი:</p><p>ო. კორღალიძე რ. მარკო</p><p><em>საქართველო</em></p><p>37. კიკნაველიძე - გიგაური</p><p>52. სხირტლაძე - გელაშვილი</p><p>85. ყაზაიშვილი - სამუშია</p><p>სათადარიგოები: ლეგაშვილი, ტვილდიანი, ზარნაძე, კვერნაძე.</p><p><em>ავსტრია </em></p><p>82. სპირიდონოვიჩი - კრენი</p><p>84. მურგი - პეტროვიჩი</p><p>სათადარიგოები: ვალტლი, სიმმა, მაშოვიჩი.</p><p>გაფრთხილება: გიგაური (44), სხირტლაძე (45+1), ნოიხოლდი (45+2), ვიმერი (70), ყაზაიშვილი (85).</p><p>გაძევება: შპენდლჰოფერი (38).</p><p>არბიტრი: ა. ლიჩმანსკი (პოლონეთი)</p><p><em><strong>ხორვატია-ბოსნია 2:0 </strong></em></p><p>1:0 რებიჩი (25), ჩოლაკი (72).</p><p><span style="color: #ff0000;"><strong>სატურნირო მდგომარეობა</strong></span></p><p><em> ა გ თ მ ფ წ ბ ქ</em></p><p>1. ხორვატია 3 3 1 0 7-3 7</p><p><strong>2. საქართველო 3 2 0 1 7-6 6</strong></p><p>3. ავსტრია 3 1 1 1 5-4 4</p><p>4. ბოსნია 3 0 0 3 2-7 0</p><p><strong>ყოველდღიური სპორტული გაზეთი "ლელო"</p><p></strong>ასევე იხილეთ</p><p><a href="/fexburti/qarthuli-fekhburthi/asakobrivi-nakrebebi/33120-saqarthvelos-19-tslamdeltha-nakrebi-khorvatiasthan-damarckhda.html" target="_blank"><span style="color: #ff0000;"><strong>საქართველოს 19-წლამდელთა ნაკრები ხორვატიასთან დამარცხდა</strong></span></a></p><p><a href="/fexburti/qarthuli-fekhburthi/asakobrivi-nakrebebi/33050-saqarthvelo-bosnia-42-qpatara-jvarosnebmaq-bosnielebi-daibriyves.html" target="_blank"><span style="color: #ff0000;"><strong>საქართველო-ბოსნია 4:2 - "პატარა ჯვაროსნებმა" ბოსნიელები დაიბრიყვეს</strong></span></a></p>
vasiko
არა უშავს. მართალია ვერ გავიდნენ, მაგრამ ...................რეზერვი გვყავს. მტავარია სწორი მიმართულებით ვიაროთ
[VIDEO] ერთმანეთზე ლამაზი გოლებით - საქართველოს 21-წლამდელთა ნაკრებმა მალტა გაანადგურა
U21 | მალტა V საქართველო - მატჩისწინა ვარჯიში "სენტენარიზე"
"შეტევაში გვიჭირს, ძალიან - რესურსებში შეზღუდული ვართ" - სვანაძემ მძიმე პრობლემების შესახებ ისაუბრა
შენგელიას 13 ქულა და "ბარსელონას" საშინაო მარცხი "ჟალგირისთან"
"იმედი მაქვს, "ბარსელონაში" დავრჩები" - მარკუს რაშფორდი
შენგელიას 13 ქულა და "ბარსელონას" საშინაო მარცხი "ჟალგირისთან"
კიტეიშვილის "შტურმი" ოთხი გამარჯვების შემდეგ "სელტიკთან" დამარცხდა
საქართველო - მოლდოვა | ქალთა ნაკრებმა მატჩისწინა ვარჯიში გამართა
მესიმ "ინტერ მაიამისთან" კონტრაქტი გაახანგრძლივა
"შავი ლომი" | დავით აბდუშელიშვილი - თანაგუნდელების დახმარების გარეშე ეს შეუძლებელი იქნებოდა
2 წელზე მეტი გავიდა - პოგბა მოედანზე დაბრუნებასთან ახლოსაა
მძიმე ტრავმის შემდეგ ჯამალ მუსიალამ ვარჯიში დაიწყო
ყველაზე ახალგაზრდა ფეხბურთელი და რეკორდი - კეინმა კარლს წარმატება მიულოცა
საიუბილეო მე-300 მატჩი და მე-4 საუკეთესო შედეგი - კურტუა ბრწყინვალე ასპარეზობას განაგრძობს
ტერ შტეგენს მუნდიალზე თამაში უნდა - გერმანელი სავარაუდოდ, ზაფხულში "ბარსელონადან" წავა
[VIDEO] ლეგენდარული ჩემბერლენის შემდეგ პირველი - "ფილას" ახალწვეულის ისტორიული მატჩი და დამარცხებული "ბოსტონი"
ცნობილი კამერუნელი გოლეადორი კარიერას აზერბაიჯანის ჩემპიონატში განაგრძობს
[VIDEO] სასიამოვნო კადრები - როგორ შეხვდნენ ერთმანეთს მიქაუტაძე და შერკი "ვილიარეალი" სიტის" მატჩამდე
"თოფურია ყალბია. ის ქართველიც კი არ არის, გერმანიაში დაიბადა და გერმანელია" - პიმბლეტმა Marca-ს ეთერიდან თოფურია გამოიწვია
[VIDEOS] მამუკელაშვილის წარმატებული დებიუტი - ბითაძეს ორმაგ დუბლამდე ცოტა დააკლდა
"ბარსელონამ" შეიძლება ტერ შტეგენი სხვა კლუბში გაუშვას
"ბორჯღალოსნები" | ნოემბერში ინგლისელი, ზელანდიელი და ირლანდიელი გვიმსაჯებს
ფანცულაია გოლებს აგროვებს; "სამგურალმა", "გარეჯმა" და "თელავმა" გაიმარჯვეს