როლან გაროსი: ნოვაკ ჯოკოვიჩმა 0:2 შემოატრიალა

ჯერჯერობით ყველაზე დამაჯერებელი ნადალია გასულ უქმეებზე მამაკაცთა ტურის ლიდერებს განსხვავებული ორი დღე ჰქონდათ.შაბათს რაფაელ ნადალი და ენდი მიურეი მეორე წრეს ასრულებდნენ და ორივემ სეტის წაუგებლად მოიგო თავისი მატჩები.ესპანელმა სამ პარტიაში დაამარცხა არგენტინელი ედუარდო შვანკი და მერვედფინალში კიდევ ერთ არგენტინელს, ხუან მონაკოს დაუპირისპირდება, რომელმაც, თავის მხრივ, კანადელ მილოშ რაონიჩს ხუთ სეტში აჯობა.რაც შეეხება მიურეის, მან კოლუმბიელ სანტიაგო ხირალდოს მოუგო. ამჯერად ბრიტანელს ზურგი არ აწუხებდა და როგორც ჩანს, ამ როლან გაროსზე შორს წასვლას აპირებს. თუმცა წინ მას პირველი სერიოზული მეტოქე ელოდება - რიშარ გასკე.ფრანგმა შაბათს ოთხ პარტიაში მოუგო ტომი ჰაასს, რომელიც ტურნირს ჯერ კიდევ კვალიფიკაციიდან იწყებდა. რიშარმა ტაი-ბრეიკზე წააგო პირველი პარტია, მაგრამ მეორე სეტში 3:3-იდან ბრწყინვალე სერია ჰქონდა - ზედიზედ 15 გეიმი აიღო - 6:7, 6:3, 6:0, 6:0.* * *გუშინ კი დაიწყო მერვედფინალური ეტაპი და ტურნირი კინაღამ პირველი ჩოგნის, ნოვაკ ჯოკოვიჩის გარეშე დარჩა. სერბმა კარიერაში მესამედ შეძლო 0:2-იდან მატჩის ბედის თავის სასარგებლოდ შემოტრიალება.სიურპრიზის ავტორი კი კინაღამ გახდა 22-ე ნომრად განთესილი იტალიელი ანდრეას სეპი. მასთან ჯოკოვიჩს შვიდიდან შვიდი მოგება ჰქონდა და ამ შვიდ შეხვედრაში აპენინელმა მხოლოდ ერთი სეტი მოუგო სერბს.ასე ცუდად ნოვაკს კარგა ხანია არ უთამაშია.მან 4 საათისა და 18 წუთის განმავლობაში 81 (!) უნებლიე შეცდომა დაუშვა და ექვსი გეიმი წააგო საკუთარ მოწოდებაზე. სერბი ძალიან ცუდად იყენებდა საკუთარ შანსებს, განსაკუთრებით, პირველ ორ სეტში. სულ კი 22 ბრეიკ-პოინტიდან ცხრა გამოიყენა.საწყისი ორი პარტიის წაგების შემდეგ ჯოკოვიჩმა მესამე სეტის სტარტზე აიღო ბრეიკი და ამის ხარჯზე გაიმარჯვა. მეოთხე სეტში კი ყველაფერი 6:5-ზე გადაწყდა, როცა ნოვაკმა ისევ მოიგო მეტოქის მოწოდება და სეტებს შორის ანგარიში გაათანაბრა.ამის შემდეგ ცხადი იყო, რომ სერბი შანსს ხელიდან აღარ გაუშვებდა და ასეც მოხდა. კიდევ ერთი ბრეიკის წყალობით მან მეხუთე სეტიც აიღო და 4 საათისა და 18 წუთის ბრძოლის შემდეგ "დიდი სლემის" ტურნირებზე ზედიზედ მეთორმეტედ გავიდა მეოთხედფინალში.იოლი თამაში არც როჯერ ფედერერს ჰქონია. მან მიგვაჩვია ამ როლან გაროსზე ყოველ მატჩში თითო სეტის წაგებას და ტრადიციას არც ამჯერად უღალატა. ლეგენდარული შვეიცარიელი ბელგიელ სენსაციას, "დიდი სლემის" ტურნირების დებიუტანტს დავიდ გოფენს ხვდებოდა.ბელგიელმა მთელი მატჩის განმავლობაში ერთადერთი ბრეიკი გააკეთა და ამის წყალობით მოიგო პირველი პარტია. გოფენი გაცილებით კარგად თამაშობდა საკუთარ გეიმებში: პირველ სეტში ფედერერს ერთი ბრეიკ-პოინტიც არ ჰქონია - ასეთი რამ კი, პრაქტიკულად, არ ხდება.ამ მხრივ, შვეიცარიელს უკეთესი მდგომარეობა არც მეორე სეტში ჰქონდა და, პრაქტიკულად, გაუმართლა, როცა პარტიის ბოლოს მატჩში პირველი ბრეიკ-პოინტი მიიღო და ის გამოიყენა. ამის შემდეგ ყველაფერი თავის ადგილას დადგა.შვეიცარიელი მოწოდებაზე შანსს არ აძლევდა გოფენს, თავად კი კიდევ სამჯერ აიღო მეტოქის მოწოდება და თითქმის სამ საათში მოიპოვა ზედიზედ 32-ე მერვედფინალის საგზური.III წრედავიდ ფერერი (ესპ, 6)-მიხაილ იუჟნი (რუს, 27) 6:0, 6:2, 6:2; მარსელ გრანოლერსი (ესპ, 20)-პოლ ანრი მატიო (საფ) 6:4, 6:4, 1:6, 4:6, 6:1; რიშარ გასკე (საფ, 17)-ტომი ჰაასი (გერ) 6:7(3), 6:3, 6:0, 6:0; ენდი მიურეი (ბრიტ, 4)-სანტიაგო ხირალდო (კოლ) 6:3, 6:4, 6:4; იანკო ტიპსარევიჩი (სერ, 8)-ჟულიან ბენეტო (საფ, 29) 6:3, 7:5, 6:4; ნიკოლას ალმაგრო (ესპ, 12)-ლეონარდო მაიერი (არგ) 6:4, 6:1, 6:2; ხუან მონაკო (არგ, 13)-მილოშ რაონიჩი (კან, 19) 6:7(5), 6:3, 6:7(5), 6:3, 6:4; რაფაელ ნადალი (ესპ, 2)-ედუარდო შვანკი (არგ) 6:1, 6:3, 6:4.1/8-ფინალინოვაკ ჯოკოვიჩი (სერ, 1)-ანდრეას სეპი (იტა, 22) 4:6, 6:7(5), 6:3, 7:5, 6:3; როჯერ ფედერერი (შვეიც, 3)-დავიდ გოფენი (ბელ) 5:7, 7:5, 6:2, 6:4; ჟო ვილფრიდ ცონგა (საფ, 5)-სტანისლას ვავრინკა (შვეიც, 18) 6:4, 7:6(6), 3:6, 3:6, 4:2 გადაიდო; ხუან მარტინ დელ პოტრო (არგ, 9)-ტომაშ ბერდიხი (ჩეხ, 7) 7:6(6), 1:6, 6:3 გადაიდო.ყოველდღიური სპორტული გაზეთი "ლელო"

ბასილაშვილი მონაკოშია და ძალიან პრესტიჟული მასტერსის ძირითად ბადეში გადასვლელად იბრძოლებს

ბასილაშვილის მორიგი შესანიშნავი მატჩი - ნიკა მაიამის მასტერსის ძირითად ბადეშია

მეტოქეს მხოლოდ 4 გეიმი დაუთმო - ბასილაშვილი ნელ-ნელა ფორმას უბრუნდება და მაიამის მასტერსის ძირითადი ბადისთვის იბრძვის

ბონუსი მუნდიალზე გასვლისთვის - იტალიის ნაკრების ფეხბურთელები ფულს ითხოვდნენ

ფლიკმა გადაწყვეტილება მიიღო - კანსელო "ბარსელონასთვის" მნიშვნელოვანი მოთამაშეა

"ბაიერნი" ნოიერის შემცვლელად 23 წლის ნიდერლანდელი მეკარის ვარიანტს განიხილავს

ინძაგიმ გამორიცხა - იტალიის ნაკრების მთავარი მწვრთნელის პოსტზე მანჩინის ვარიანტი რჩება

კვერნაძის 74 წუთი და "ფროზინონეს" მორიგი გამარჯვება

ქართველების "მეცი" "ნანტთან" ფრეს დასჯერდა

[VIDEOS] გულიაშვილმა ესპანეთში დუბლი შეასრულა

ლოჩოშვილის მორიგი კარგი მატჩი - "ნიურნბერგმა" "აინტრახტთან" ქულები გაიყო

სამწუხარო მარცხი ფინალში - ბასილაშვილი მონტეკარლოს ძირითად ბადეში ვერ მოხვდა

პაოლო მადლინი შესაძლოა, იტალიის ფეხბურთის ფედერაციის პრეზიდენტი გახდეს

[VIDEO] ლუკა გადრანმა "ბეითარში" სადებიუტო გოლი გაიტანა

[VIDEO] ყაზაიშვილმა ჩინეთის ჩემპიონატში ეფექტური გოლი გაიტანა

პეპ გვარდიოლამ "ლივერპულთან" პირადი რეკორდი დაამყარა

ოჩხიკიძის 21 პასი და ბათუმის რეკორდული გამარჯვება | თსუ რეგულარულის მოგების ზღვარზეა

ფუტსალის ნაკრები აზერბაიჯანთან ორ ამხანაგურ მატჩს გამართავს

[VIDEO] "ბარსელონა" "რეალს" 7 ქულით გაექცა

U16. სახვაძის დუბლი, კვარაცხელიას ორი საგოლე პასი - საქართველოს ნაკრებმა სამხრეთ აფრიკას მოუგო

[VIDEO] მორიგი გამარჯვება პირველივე რაუნდში - ღვინიაშვილი MMA-შიც შეუჩერებელია!

18 წ. | 3 ლელო საფრანგეთთან

დე ბრუინს ჩემპიონობის ამ სეზონშიც სჯერა - ბელგიელმა "ნაპოლიში" გადასვლის მიზეზი ახსნა