<p>საქართველოს შვიდკაცა რაგბის ნაკრებმა გრანპრის სერიის პირველ ეტაპზე შვიდი მატჩი გამართა, სადაც ორი მოიგო და ხუთი წააგო <br> საქართველოს შვიდკაცა რაგბის ნაკრებმა ევროპის წლევანდელი გრანპრის სერიის პირველ ეტაპზე შვიდი მატჩი გამართა, ორი მოიგო, ხუთი წააგო და საბოლოოდ მე-8 ადგილს დასჯერდა.</p><p>"შვიდკაცა ბორჯღალოსნებმა" ასპარეზობა წარმატებით დაიწყეს. B ჯგუფის პირველივე მატჩში ჩვენმა მორაგბეებმა ჰოლანდიის ნაკრებს დაძაბულ ბრძოლაში სძლიეს - 24:21. მომდევნო შეხვედრაში კი ბევრად უფრო იოლად უკრაინელები დაამარცხეს - 19:5.</p><p>ამის შემდეგ საქართველოს შვიდკაცა რაგბის ნაკრებმა ზედიზედ ხუთი თამაში წააგო. ჯგუფურ ეტაპზე ჩვენმა გუნდმა მესამე და მეოთხე შეხვედრა მშრალად დათმო ესპანეთისა და ინგლისის ნაკრებებთან, შესაბამისად, 0:21 და 0:34. ბოლო მატჩში კი, მიუხედავად იმისა, რომ შოტლანდიას დიდი წინააღმდეგობა გაუწია, საქართველოს ნაკრები მაინც დამარცხდა - 7:14.</p><p>შედეგად, ჩვენმა გუნდმა ჯგუფში მეოთხე ადგილი დაიკავა და ბრძოლა ფარისთვის, ანუ მეხუთე ადგილისთვის განაგრძო.</p><p>აქ ნახევარფინალში მეტოქედ რუსეთის ნაკრები გვერგო. ლიონში ამ დროს კოკისპირულად წვიმდა და მორაგბეებს ფეხი მალიმალ უცურავდათ. ერთი სიტყვით, ქართველი მეშვიდკაცეები რუსებთანაც ვერას გახდნენ და 0:12 დამარცხდნენ.</p><p>ამის მერე სამიზნე მეშვიდე ადგილი იყო. საქართველოს ნაკრებმა მეტოქეს, მასპინძელთა გუნდს პირველი ტაიმის დასაწყისშივე ლელო გაუტანა. მეტოქის შეცდომით ალექსანდრე თოდუამ ისარგებლა და ანგარიში გახსნა, გიორგი მახარაშვილმა გარდასახა - 7:0.</p><p>ფრანგებმა ტაიმის მიწურულს მაინც შეძლეს ლელოს გატანა - 5:7. ასე მოიგო პირველი ტაიმი საქართველოს ნაკრებმა.</p><p>შესვენების შემდეგ ფრანგები უფრო აქტიურად ათამაშდნენ და ანგარიშში დაწინაურებაც მოახერხეს - 12:7.</p><p>თამაშის დასრულებას ერთი წუთი აკლდა, როცა ალექსანდრე თოდუას ფლანგურ გარღვევას მახარაშვილის ლელო მოჰყვა. სამწუხაროდ, მანვე გარდასახვა ვერ გაიტანა და მატჩის ძირითადი დრო ფრედ, 12:12 დასრულდა.</p><p>დამატებით დროში არბიტრმა მოედნიდან დიმიტრი გოგოლაძე გაასინბინა და კაცნაკლულმა ქართველებმა სათანადო წინააღმდეგობის გაწევა ვეღარ შეძლეს. ფრანგებმა მატჩი 19:12 მოიგეს და საბოლოოდ მე-8 ადგილს დაგვაჯერეს.</p><p>ტურნირი კი ინგლისის ნაკრებმა მოიგო, რომელმაც ფინალში პორტუგალიელებს სძლია - 26:7.</p><p><strong>A ჯგუფი</p><p></strong>საფრანგეთი-გერმანია 31:14, რუსეთი-იტალია 22:12, პორტუგალია-უელსი 26:12, იტალია-გერმანია 7:0, საფრანგეთი-უელსი 17:28, პორტუგალია-რუსეთი 21:12, უელსი-გერმანია 38:21, პორტუგალია-იტალია 21:10, რუსეთი-საფრანგეთი 17:7, იტალია-უელსი 12:19, რუსეთი-გერმანია 24:21, პორტუგალია-საფრანგეთი 0:31, რუსეთი-უელსი 14:14, საფრანგეთი-იტალია 15:0, პორტუგალია-გერმანია 12:0.</p><p><em><strong>სატურნირო მდგომარეობა</p><p></strong></em>1. პორტუგალია - 13 ქულა, 2. უელსი - 12, 3. რუსეთი - 12, 4. საფრანგეთი - 11, 5. იტალია - 7, 6. გერმანია - 5.</p><p><strong>B ჯგუფი</p><p></strong>საქართველო-ჰოლანდია 24:21, ესპანეთი-შოტლანდია 20:7, ინგლისი-უკრაინა 26:0, შოტლანდია-ჰოლანდია 19:17, საქართველო-უკრაინა 19:5, ინგლისი-ესპანეთი 46:0, უკრაინა-ჰოლანდია 7:14, ინგლისი-შოტლანდია 31:19, ესპანეთი-საქართველო 21:0, შოტლანდია-უკრაინა 38:12, ესპანეთი-ჰოლანდია 36:5, ინგლისი-საქართველო 34:0, ესპანეთი-უკრაინა 10:14, საქართველო-შოტლანდია 7:14, ინგლისი-ჰოლანდია 35:19.</p><p><em><strong>სატურნირო მდგომარეობა</p><p></strong></em>1. ინგლისი - 15 ქულა, 2. ესპანეთი - 11, 3. შოტლანდია - 11, 4. საქართველო - 9, 5. ჰოლანდია - 7, 6. უკრაინა - 7.</p><p><strong>IX ადგილისთვის</p><p></strong><em>ნახევარფინალი</p><p></em>იტალია-უკრაინა 14:5, გერმანია-ჰოლანდია 12:24</p><p><strong>V ადგილისთვის</p><p></strong>საქართველო-რუსეთი 0:12, საფრანგეთი-შოტლანდია 12:21</p><p><strong>I ადგილისთვის</p><p></strong><em>ნახევარფინალი</p><p></em>პორტუგალია-ესპანეთი 12:7, უელსი-ინგლისი 10:24</p><p><strong>XI ადგილისთვის</p><p></strong>უკრაინა-გერმანია 7:19</p><p><strong>IX ადგილისთვის</p><p></strong>იტალია-ჰოლანდია 14:21</p><p><strong>VII ადგილისთვის</p><p></strong>საქართველო-საფრანგეთი 12:19</p><p><strong>V ადგილისთვის</p><p></strong>რუსეთი-შოტლანდია 19:7</p><p><strong>III ადგილისთვის</p><p></strong>უელსი-ესპანეთი 12:17</p><p><strong>ფინალი</p><p></strong>ინგლისი-პორტუგალია</p><p><strong>საბოლოო მდგომარეობა</p><p></strong>3. ესპანეთი, 4. უელსი, 5. რუსეთი, 6. შოტლანდია, 7. საფრანგეთი, 8. საქართველო, 9. ჰოლანდია, 10. იტალია, 11. გერმანია, 12. უკრაინა.</p><p><strong>საქართველოს ნაკრები</p><p></strong>გიორგი ფრუიძე, შალვა მახარაშვილი, დავით მაკაროვი, ბიძინა სამხარაძე, ალექსანდრე თოდუა, გიორგი კალმახელიძე, დიმიტრი გოგოლაძე, დავით ჩიტიძე, ირაკლი ღვინჯილია, ირაკლი გეგენავა, ბექა ბიწაძე, მერაბ კვირიკაშვილი.</p><p><em>ლიონის შვიდკაცაზე მერვე (იბეჭდება მცირე ცვლილებით)</p><p></em><strong>ყოველდღიური სპორტული გაზეთი "ლელო"</strong></p>
გვაქვს თუ არა რეგრესი? - "ბორჯღალოსნების" მიერ გამართული ივლისის ტესტების შეჯამება
მეცხრე ადგილი მსოფლიო ჩემპიონატზე - საქართველომ შოტლანდია დაამარცხა
მარცხი მოსალოდნელი შედეგით - საქართველოს ნაკრები სამხრეთ აფრიკასთან დამარცხდა
დუდუ დადიანის მემორიალზე ნახევარფინალისტები დაწყვილდნენ
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
[VIDEO] ლომინაძე და ქოჩორაშვილი შეცვლაზე შევიდნენ - "სპორტინგმა" "ნაპოლიმდე" "ეშტორილს" სძლია
"[VIDEO] ბარსელონასთან" მატჩის წინ ხვიჩამ ტრავმა მიიღო - პსჟ-მ "ოსერს" მცველების გოლებით მოუგო
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ