- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
გერმანია-პორტუგალია 1:0 - სადაა ის ტემპი, იოახიმ?
<p>ევროპის 2012 წლის ჩემპიოანტი. B ჯგუფი. I ტური</p><p><br> გერმანიის ნაკრებისგან უფრო სწრაფ ტემპს და თავბრუდამხვევ კომბინაციებს ველოდით - ცხადია, იმიტომ, რომ კარგად გვახსოვს, როგორ თამაშობდა ბუნდესგუნდი 2010 წლის მუნდიალზე.</p><p>მეტს ველოდით პორტუგალიის ნაკრებისგან და კონკრეტულად კრიშტიანო რონალდოსგანაც.</p><p>საბოლოოდ კი ვნახეთ დაძაბული თამაში და გერმანელთა გამარჯვება გვიანი გოლით.</p><p>პორტუგალიელებსაც ჰქონდათ მომენტები და უფრო მეტიც: ბურთი ორჯერ მოარტყეს მანუელ ნოიერის კარის ძელს.</p><p><strong><span style="color: #ff0000;">რეაქციები</span></p><p>იოახიმ ლიოვი (გერმანიის ნაკრების მწვრთნელი):</strong></p><p><em>"საერთო ჯამში, ჩემი გუნდის თამაშით კმაყოფილი ვარ. მიმაჩნია, რომ ტაქტიკურად გამართული ფეხბურთი ვითამაშეთ და რაც მთავარია, სიკვდილის ჯგუფში პირველივე შეხვედრა მოვიგეთ.</p><p>კლოზეს მოედანზე გამოყვანას უფრო ადრეც ვაპირებდი, მაგრამ მერე მოცდა გადავწყვიტე და როგორც ხედავთ, ინტუიციამ არ მიმტყუნა: გომესმა გაიტანა".</em></p><p><strong>პაულუ ბენტუ (პორტუგალიის ნაკრების მწვრთნელი):</strong></p><p><em>"მატჩის მიწურულს უდიდეს უპირატესობას ვფლობდით. გერმანელებმა მხოლოდ რამდენჯერმე ჩააწოდეს ჩვენს საჯარიმოში - ეს იყო და ეს, მეტი შანსი არ ჰქონიათ! შესაბამისად, შედეგი აბსოლუტურად ალოგიკურია.</p><p>დამაგვირგვინებელ ფაზაში სასტიკად არ გვიმართლებს! გოლის მომენტშიც არ გაგვიმართლა, რადგან ბურთმა ზუსტად გომესისკენ შეიცვალა მიმართულება".</em></p><p><strong><span style="color: #ff0000;">ტაქტიკა/სტრატეგია</span></p><p></strong>გერმანელი ექსპერტ-მიმომხილველები დარწმუნებულები იყვნენ იმაში, რომ იოახიმ ლიოვი ძირითად შემადგენლობაში პერ მერტეზაკერს და მიროსლავ კლოზეს ათამაშებდა, მაგრამ შეცდნენ: ბუნდესგუნდის დაცვაში, ბადშტუბერის გვერდით ჰუმელსი ვიხილეთ, წინა ხაზზე კი - გომესი.</p><p>პორტუგალიელთა თავკაც პაულუ ბენტუს სიურპრიზები არ შემოუთავაზებია: როგორც მოსალოდნელი იყო, თავდასხმის ცენტრში ელდერ პოშტიგა ათამაშა.</p><p><strong><span style="color: #ff0000;">მატჩის საუკეთესო ფეხბურთელი</span></p><p>მატს ჰუმელსი (გერმანია)</strong></p><p>თუკი აქამდე საფეხბურთო გერმანიაში ბევრს ეპარებოდა ეჭვი იმაში, რომ დორტმუნდის "ბორუსიას" დაცვის ბურჯი გერმანიის ნაკრებშიც სასტარტოში თამაშს იმსახურებს, ეს მატჩი ყველას დაარწმუნებდა, რომ ჰუმელსი მერტეზაკერს სჯობია - მატსი ბრწყინვალე იყო!</p><p>მეწყვილე ბადშტუბერს იდეალურად უგებდა და თუ პირველ წუთებში ერთი-ორ ანერვიულებას დავივიწყებთ, მთელი 90 წუთის მანძილზე უშეცდომო გახლდათ.</p><p>ჰუმელსმა თავისი საჯარიმოდან ყველა ბურთი შესაშურად გამოიტანა და ბოლო წუთებშიც, როცა პორტუგალია უკანმოუხედავ იერიშებზე გადავიდა, მოწოდების სიმაღლეზე იდგა. სხვათა შორის, ძალიან კარგი იყო სამი ხედირაც.</p><p><strong><span style="color: #ff0000;">მატჩის უსუსტესი ფეხბურთელი</span></p><p>ელდერ პოშტიგა (პორტუგალია)</strong></p><p>ბენტუს იმედი ჰქონდა, რომ ბეჯითი და ვერცხლისწყალივით მოძრავი პოშტიგა რონალდოსთან და ნანისთან ერთად გერმანიის ნაკრების დაცვას პრობლემებს შეუქმნიდა, მაგრამ "სარაგოსას" თავდამსხმელი დაკარგული იყო.</p><p>ეს პირველ რიგში, რა თქმა უნდა, ბუნდესგუნდის ცენტრალური მცველების, ჰუმელსის და ბადშტუბერის დამსახურებაა.</p><p><strong><span style="color: #ff0000;">მსაჯი</span></p><p></strong>ფრანგი არბიტრი სტეფან ლანუა 25-ე წუთზევე შეცდა, როცა პეპეზე ჯარიმა დააფიქსირა, არადა იმ შეტევას გერმანელთა გოლი მოჰყვა. 45-ე წუთზე პორტუგალიელები გოლის ჩათვლას ითხოვდნენ, მაგრამ პეპეს დარტყმის შემდეგ ბურთს ნოიერის კარის ხაზი არ გადაუკვეთია და შესაბამისად, ლანუამ სიტუაცია სწორად შეაფასა.</p><p>თუმცა იყო რამდენიმე მომენტი, როცა ფრანგმა ისეთი ჯარიმები დააფიქსირა, ბევრი მსაჯი ფეხბურთელებს თამაშის გაგრძელებს ნებას რომ დართავდა. სამაგიეროდ, ყვითელი ბარათების ჩამორიგებისას არ შემცდარა.</p><p><strong><span style="color: #ff0000;">მწვრთნელების დუელი</span></p><p></strong>ლიოვი გამოცდილებაზე მეტად აქტუალურ ფორმას ენდო, როცა კლოზე და მერტეზაკერი სკამზე დასვა, ძირითად შემადგენლობაში კი გომესი და ჰუმელსი გაამწესა.</p><p>ეს ლოგიკური გადაწყვეტილება იყო, რადგან მერტეზაკერს და კლოზეს გასული სეზონის მეორე წრეში სათამაშო პრაქტიკა აკლდათ.</p><p>ამ ლოგიკით, საუკეთესო ფორმაში არც შვაინშტაიერია, მაგრამ იოგისთვის ის შეუცვლელი ფიგურაა. საინტერესოა ისიც, რომ მიუხედავად უამრავი ალტერნატივისა, ლიოვმა პირველი ცვლილება მხოლოდ მე-80 წუთზე გააკეთა.</p><p>ბენტუმ უგო ალმეიდა ძირითადი შემადგენლობიდან ამოაგდო, რაც ამ თავდამსხმელის ბოლოდროინდელი შედეგებიდან გამომდინარე, ლოგიკური გადაწყვეტილებაა. სამაგიეროდ, "სამუდამო ტალანტ" პოშტიგას ენდო და არც ამ ნაბიჯმა გაუმართლა - კიდევ ერთხელ დავრწმუნდით, რომ პორტუგალიას ცენტრფორვარდი არ ჰყავს.</p><p>ცვლილებების განხორციელება არც პორტუგალიელთა თავკაცს უჩქარია, მაგრამ, ლიოვისგან განსხვავებით, მას ამის მიზეზი არც ჰქონია, მერე კი თამაშში მოძრავი ოლივეირა ჩართო. რომ არა გომესი და მისი გოლი, ბენტუს კონცეფცია შედეგს მოიტანდა.</p><p><strong><span style="color: #ff0000;">ანალიზი</span></p><p></strong>კრიშტიანო რონალდო ხშირად ინაცვლებდა თავდასხმის ცენტრში, ელდერ პოშტიგას კი მარცხენა ფლანგზე აგზავნიდა - როგორც ხედავთ, ბენტუმ ჟოზე მოურინიოს მიბაძა, რომელიც "რეალში" რონალდოს და ბენზემას უცვლის ხოლმე პოზიციებს.</p><p>პორტუგალიელები შეტევებს თავიდან უმეტესად მცველების, ბრუნო ალვეშის ან პეპეს გრძელი და მაღალი პასებით იწყებდნენ, რასაც არც შედეგი მოჰყოლია და კრიშტიანოც ვერ დაიტვირთა ისე, როგორც უნდა დატვირთულიყო.</p><p>საწყის წუთებში გერმანიას ბურთის ფლობის 65-პროცენტიანი მაჩვენებელი ჰქონდა, მაგრამ ეს პირველ რიგში იმის დამსახურება იყო, რომ ბუნდესგუნდის ფეხბურთელები თავიანთ ნახევარზე ბევრ მოკლე პასს აკეთებდნენ, პორტუგალიელთა ნახევარზე კომბინირება კი უჭირდათ, რადგან მეირელეში, მოუტინიო და ველოსო კომპაქტურად იდგნენ და ცენტრს ამაგრებდნენ.</p><p>ბუნდესგუნდის ნახევარმცველთაგან ყველაზე უკეთ ხედირა გამოიყურებოდა, რომელიც ყველა ბურთზე თავდაუზოგავად იბრძოდა და კარგი პასებიც არიგა. შვაინშტაიგერი კი შედარებით მოკრძალებული გახლდათ. ვერ იფრინა იოზილმაც, რადგან ველოსო ხშირად პერსონალურ დაცვას ეთამაშებოდა.</p><p>მეორე ტაიმში პორტუგალიელებმა გერმანელთა ნახევარზე მეტი გაბედეს, რადგან მოუტინიო შეტევებში უფრო აქტიურად ერთვებოდა და მარცხენა ფლანგზე გაცილებით გააქტიურდა კოენტრაოც.</p><p>გომესის გოლამდე არაერთხელ ვიფიქრეთ, რომ გერმანელები ტემპს მოუმატებდნენ, მაგრამ არაფერიც: მაინც უჩვეულოდ ზანდატ უტევდნენ. პოდოლსკი და მიულერი უმეტესად თავისთვის თამაშობდნენ და იოზილს ვერაფერში დაეხმარნენ.</p><p><strong><span style="color: #ff0000;">დასკვნა</span></p><p></strong>მთელ თამაშს თუ შევაჯამებთ, უნდა ვთქვათ, რომ ნებისმიერი შედეგი ლოგიკური იქნებოდა. გერმანიის ნაკრებმა 9 ივნისს მხოლოდ ის დაამტკიცა, რომ ქომაგებს თავიანთი გუნდის მცველების არ უნდა ეშინოდეთ.</p><p><span style="color: #ff0000;"><strong>ევროპის 2012 წლის ჩემპიონატი. B ჯგუფი. I ტური</strong></span></p><p>9.06. ლვოვის სტადიონი</p><p><strong><em>გერმანია-პორტუგალია 1:0</em></p><p></strong>გერმანია (4-2-3-1): ნოიერი - ბოატენგი, ჰუმელსი, ბადშტუბერი, ლამი - ხედირა, შვაინშტაიგერი - მიულერი (94. ლ. ბენდერი), იოზილი (87. კროოსი), პოდოლსკი - გომესი (80. კლოზე).</p><p>პორტუგალია (4-3-2-1): რუი პატრისიო - ჟოაო პერეირა, პეპე, ბრუნო ალვეში, კოენტრაო - მიგელ ველოსო, რაულ მეირელეში (80. ვარელა), ჟოაო მოუტინიო - ნანი, კ. რონალდო - ელდერ პოშტიგა (70. ნელსონ ოლივეირა).</p><p>გოლი: 1:0 გომესი (72)</p><p>გაფრთხილება: ბადშტუბერი, ბოატენგი - ელდერ პოშტიგა, კოენტრაო</p><p>კუთხური: 2-11; ჯარიმა: 14-19; თამაშგარე: 1-1; კარში დარტყმა: 12(4)-11(7); ბურთის ფლობა: 56%-44%.</p><p>მაყურებელი: 32 990</p><p><strong>ყოველდღიური სპორტული გაზეთი "ლელო"</strong></p><p>ასევე იხილეთ</p><p><a href="/fexburti/euro-2012/33900-holandia-dania-01-kron-delis-khom-miqaeli-hqvia.html" target="_blank"><span style="color: #ff0000;"><strong>ჰოლანდია-დანია 0:1 - კრონ-დელის ხომ მიქაელი ჰქვია...</strong></span> </a></p>
"ასე რთულია. გუნდში 9 ახალი ტვინი მყავს" - კონტემ "ნაპოლის" მარცხის მიზეზებზე ისაუბრა
"ასე არ შეიძლება" - "კაირათის" მწვრთნელი მეკარისთვის გადაცემული საჩუქრით უკმაყოფილოა
"ბედნიერი ვარ თუ არა, რომ სათამაშო დრო მომეცა?" - შჩესნის მოულოდნელი პასუხი
საქართველო - მოლდოვა | ქალთა ნაკრებმა მატჩისწინა ვარჯიში გამართა
მესიმ "ინტერ მაიამისთან" კონტრაქტი გაახანგრძლივა
"შავი ლომი" | დავით აბდუშელიშვილი - თანაგუნდელების დახმარების გარეშე ეს შეუძლებელი იქნებოდა
2 წელზე მეტი გავიდა - პოგბა მოედანზე დაბრუნებასთან ახლოსაა
მძიმე ტრავმის შემდეგ ჯამალ მუსიალამ ვარჯიში დაიწყო
ყველაზე ახალგაზრდა ფეხბურთელი და რეკორდი - კეინმა კარლს წარმატება მიულოცა
საიუბილეო მე-300 მატჩი და მე-4 საუკეთესო შედეგი - კურტუა ბრწყინვალე ასპარეზობას განაგრძობს
ტერ შტეგენს მუნდიალზე თამაში უნდა - გერმანელი სავარაუდოდ, ზაფხულში "ბარსელონადან" წავა
[VIDEO] ლეგენდარული ჩემბერლენის შემდეგ პირველი - "ფილას" ახალწვეულის ისტორიული მატჩი და დამარცხებული "ბოსტონი"
ცნობილი კამერუნელი გოლეადორი კარიერას აზერბაიჯანის ჩემპიონატში განაგრძობს
[VIDEO] სასიამოვნო კადრები - როგორ შეხვდნენ ერთმანეთს მიქაუტაძე და შერკი "ვილიარეალი" სიტის" მატჩამდე
[VIDEOS] მამუკელაშვილის წარმატებული დებიუტი - ბითაძეს ორმაგ დუბლამდე ცოტა დააკლდა
"ბარსელონამ" შეიძლება ტერ შტეგენი სხვა კლუბში გაუშვას
"ბორჯღალოსნები" | ნოემბერში ინგლისელი, ზელანდიელი და ირლანდიელი გვიმსაჯებს
ფანცულაია გოლებს აგროვებს; "სამგურალმა", "გარეჯმა" და "თელავმა" გაიმარჯვეს
"სპორტინგმა" ქოჩორაშვილის გარეშე მოიგო - "რეალმა" "იუვენტუსი" ბელინგემის გოლით დაამარცხა
გამარჯვება ოთხი წაგების შემდეგ - მამარდაშვილის "ლივერპულმა" "აინტრახტი" დაჯაბნა
ოსიმენის დუბლი - "გალათასარაიმ" და "ატლეტიკმა" გაიმარჯვეს
მამარდაშვილი "აინტრახტთან" სასტარტოშია, ქოჩორაშვილი "მარსელთან" სათადარიგოა
თბილისის "დინამოს" ახალგაზრდულმა გუნდმა ჩემპიონთა ლიგაზე ისევ გაიმარჯვა