დანიელ აგერს ცილი დასწამეს

ლივერპულელი დანიელ აგერი აღშფოთებულია, მას პრესამ ცილი დასწამა... "ლივერპულის" ფეხბურთელი დანიელ აგერი აღშფოთებულია. ის ამტკიცებს, რომ ტყუილია, თითქოს მერსისაიდელთა ახალი თავკაცის როი ჰოჯსონის ხელში თავს კარგად ვერ გრძნობდეს და დანიურ პრესაში გამოქვეყნებულ წერილებს აპროტესტებს. გეხსომებათ: გუშინ ვწერდით, რომ დანიელმა ჰოჯსონის წინააღმდეგ გაილაშქრა. მის სამშობლოში გაზეთებმა სხვა მრავალთან ერთად მისი ასეთი ციტატაც მოიტანეს:"მე აქ ბურთის მალე მოსაშორებლად კი არა, ფეხბურთის სათამაშოდ ვარ".მაგრამ, "ლივერპულის" მცველმა ხმა აიმაღლა და შეეცადა ვითარებისთვის ნათელი მოფინა. მან განმარტა, რომ კითხვები, რომლებზეც მას პასუხის გაცემა მოუწია კვირას, "მანჩესტერ იუნაიტედთან" თამაშის შემდეგ დანიის ტელევიზიის კორესპონდენტმა დაუსვა. სხვა სიტყვებით, გაზეთები, რომელთაც თემა აიტაცეს და მისგან სკანდალი შექმნეს იქ საერთოდ არ იყვნენ."დანიურ გაზეთებზე ძალიან ნაწყენი ვარ. მათ სრულიად ჩვეულებრივი თემა ასე არ უნდა გაებერათ. მე კვირას, თამაშის მერე დანიის ტელევიზიას ველაპარაკე. გაზეთები იქ არ ყოფილან.ყველაფერი კიდევ იმან გაართულა, რომ ტელევიზიას თავისი ჟურნალისტის დასმული კითხვები არ უჩვენებია. იქ, მხოლოდ ჩემი პასუხები გაუშვეს. შემდეგ, ეს კონტექსტიდან მოგლეჯილი პასუხები თითზე გაზეთებმა დაიხვიეს და საბოლოოდ ასპროცენტიანი ტყუილი გამოვიდა. სწორედ ამიტომ ვარ ნაწყენი.ზუსტად კი ყველაფერი ასე იყო: კორესპონდენტმა მკითხა რა უნდა ქნათ "ლივერპულის" ძირითად შემადგენლობაში ადგილი რომ დაიბრუნოთო. მე ვუპასუხე, რომ ამისათვის საჭიროა ბურთი რაც შეიძლება მალე მოვიშორო და დავძინე, რომ ამას სიამოვნებით არ ვიზამდი, რადგან სხვა ყაიდის მოთამაშე გახლავართ. აი, ამ ნათქვამს მოჰყვა მერე კუდები.მართალი გითხრათ, ჩემი აზრით ჩვენ ძალიან კარგ ფეხბურთს ვთამაშობთ და ეს "არსენალთან" და "მანჩესტერ იუნაიტედთან" შეხვედრებში დავამტკიცეთ. ყველაზე უცნაური კი რა არის იცით? ის, რომ ევროპის ლიგაზე ბუქარესტის "სტიაუასთან" შეხვედრის წინ მე ვრცელი ინტერვიუ მივეცი და იქ მკაფიოდ განვაცხადე, რომ ახალი მწვრთნელის ხელში ადრინდელთან შედარებით თავს ყველანი უფრო ბედნიერად ვგრძნობთ.რას იზამ, პრესა ასე მუშაობს, ყოველ შემთხვევაში დანიაში. არადა, რა მაქვს საწუწუნო? ამ სეზონში პრემიერლიგის ყველა შეხვედრაში ვითამაშე. რასაკვირველია, არ მსიამოვნებს, როდესაც მწვრთნელი სასტარტო შემადგენლობაში არ მათამაშებს, მაგრამ ჯამში ხუთი წელიწადია რაც "ენფილდზე" ვარ და თავს ძალიან ბედნიერად ვგრძნობ.თავად განსაჯეთ, კომფორტულად რომ არ ვიყო ამდენ ხანს ერთ ადგილას რა გამაჩერებდა? ერთი სიტყვით, მინდა ყველამ იცოდეს, რომ არსად წასვლას არ ვაპირებ და "ლივერპულის" ძირითადში ადგილის დასამკვიდრებლად ვიბრძოლებ".

თუ გვარდიოლა წავა - "სიტის" მწვრთნელი ენცო მარესკა გახდება

[VIDEO] "ნოტინგემის" მწვრთნელი გაგიჟდა - მაკ ალისტერმა 97-ე წუთზე "ლივერპულს" 3 ქულა მოუტანა

ანსუ ფატი შესაძლოა, ინგლისის პრემიერ ლიგას დაუბრუნდეს

კალანდაძე თბილისის "დინამოში" დაბრუნდა

საქართველოს 15-ქალა ნაკრების წინსვლა რეიტინგში

გრიზმანი MLS-ში - მოლაპარაკებები დასკვნით სტადიაშია

ცვლილებები დაცვით ხაზში - "რეალიდან" ალაბას წასვლა გადაწყვეტილი ამბავია

ქალთა ნაკრები საბერძნეთთან მატჩისთვის მზადებას განაგრძობს

ლეგიონერები/ცინცაძე MVP გახდა. დიხამინჯიამ და კბილაშვილმა 4-4 გოლი გაიტანეს

15-ქალა | ხორვატებთან ახალი რეკორდით

20 წ. | კარგი ტაიმით მსოფლიოს ჩემპიონთან

კვარაცხელია, დუე და ბარკოლა დემბელეს გარეშე - როგორი იქნება "მონაკოსთან" პსჟ-ს შემადგენლობა?

"ბარსელონაში" დაბრუნებისას, საუკეთესო ფორმაში არ ვიყავი" - ჟოაო კანსელო

"სერია A-ში თამაში ყველაზე რთულია" - ალეგრი "პარმასთან" მარცხის შემდეგ

L'Équipe: პსჟ-ში შევალიეს ბედი საფონოვზეა დამოკიდებული

ლებრონ ჯეიმსმა მორიგი რეკორდი დაამყარა

თბილისური შეკრება დასრულდა | 9 ლეგიონერს ჯიკიჩმა სუპერლიგის 5 მოთამაშე დაამატა

"მწვრთნელი გამარჯობასაც კი არ მეუბნება" - საზონოვი "ტორინოს" განრისხებულ ფანებს შეხვდა

[VIDEO] მამუკელაშვილის შედეგიანი მატჩი ყოფილ გუნდთან - "ტორონტომ" "მილუოკი" დაამარცხა

[VIDEO] მიქაუტაძემ ამჯერად ვერ გაიტანა - "ვილიარეალმა" "ვალენსია" დაამარცხა

ზივზივაძის გარეშე - "ჰაიდენჰაიმმა" "შტუტგარტთან" ქულები გაიყო

გულიაშვილის 71 წუთი - "რასინგმა" მოიგო და ისევ ლიდერია

[VIDEO] დიოკერეშის და ეზეს დუბლები, ტუდორის მძიმე დებიუტი - "არსენალმა" "ტოტენჰემი" გაანადგურა