ქართველები

• ქართველი სპორტსმენები
ფეხბურთი
• ეროვნული ნაკრები
• ეროვნული ლიგა
• ეროვნული ლიგა 2
• ლეგიონერები
• თასი
• ასაკობრივი ნაკრები
• სხვადასხვა
• ევროპა ლიგა
• კონფერენს ლიგა
• ინგლისი
• ესპანეთი
• იტალია
• გერმანია
• საფრანგეთი
• მსოფლიო
• ჩემპიონთა ლიგა
• ევროპის ჩემპიონატი
• სხვადასხვა
• ქალთა ფეხბურთი
• ტრანსფერები
კალათბურთი
• ეროვნული ნაკრები
• სუპერლიგა
• თასი
• NBA
• ლეგიონერები
• ევრო ლიგა
• ევროპის ჩემპიონატი
• მსოფლიოს ჩემპიონატი
• ასაკობრივი ნაკრები
• სხვადასხვა
ჭიდაობა
• ძიუდო
• თავისუფალი
• კლასიკური
• ქართული
• სუმო
• სამბო
• ქალთა ჭიდაობა
• ბერძნულ-რომაული
ჩოგბურთი
• როლან გაროსი
• უიმბლდონი
• ავსტრალიის ღია პირველობა
• ამერიკის ღია პირველობა
• მონტე კარლო
• ATP ცინცინატი
• მადრიდის მასტერსი
• რომის მასტერსი
• მაიამის მასტერსი
• სხვადასხვა
რაგბი
• ეროვნული ნაკრები
• დიდი 10
• თასი
• ლეგიონერები
• 6 ერი
• ტესტები
• ერთა თასი
• მსოფლიო თასი
• ასაკობრივი ნაკრები
• სხვადასხვა
ფორმულა 1
• მონაკოს გრან-პრი
• ბრიტანეთის გრან-პრი
• იტალიის გრან-პრი
• ბელგიის გრან-პრი
• ბაჰრეინის გრან-პრი
• საუდის არაბეთის გრან-პრი
• იაპონიის გრან-პრი
• ჩინეთის გრან-პრი
• მაიამის გრან-პრი
• ემილია-რომანიის გრან-პრი
• აბუ დაბის გრან-პრი
MMA
• UFC
სხვადასხვა
• კრივი
• ველოსპორტი
• ტანვარჯიში
• ცურვა
• ჭადრაკი
• მძლეოსნობა
• ძალოსნობა
• მკლავჭიდი
• ტყვიის სროლა
• კარატე
• ნიჩბოსნობა
• მშვილდოსნობა
• ფარიკაობა
• წყალბურთი
• ხელბურთი
• ფრენბურთი
• ავტოსპორტი
• ჰოკეი
• თხილამურებით სრიალი
• ფიგურული სრიალი
• საინტერესო ამბები
• სხვადასხვა
• ფიტნესი
• ფიგურული ციგურაობა
• სხვა სახეობები

საბერძნეთი-ჩეხეთი 1:2 - სტარტზე მოთავებული საქმე [+VIDEO]

<p>ევროპის 2012 წლის ჩემპიონატი. A ჯგუფი. II ტური</p><p><br> ევროპის ჩემპიონატის ჯგუფური ეტაპის მეორე ტური საბერძნეთისა და ჩეხეთის ნაკრებების მატჩით დაიწყო. პირველი შეხვედრების გათვალისწინებით, უმეტესობა უპირატესობას ელადებს ანიჭებდა, მაგრამ რეალობა სხვაგვარი გამოდგა - ჩეხებმა აჯობეს მეტოქეს, პირველი ქულები ჩაიწერეს აქტივში და პლეი ოფსაც გახედეს.</p><p>რაც შეეხება თამაშს, პირველი 6 წუთი კარგი, სანახაობრივი ფეხბურთი ვიხილეთ, აი, დარჩენილ დროზე კი რა მოგახსენოთ...</p><p><strong><span style="color: #ff0000;">ტაქტიკა/სტრატეგია</span></p><p></strong>მწვრთნელებმა ზუსტად ის ტაქტიკური სქემები აირჩიეს, რომლითაც პირველი მატჩები ჩაატარეს. ჩეხთა თავკაცმა შემადგენლობა უცვლელი დატოვა, აი, ფერნანდუ სანტუშმა კი გარკვეული ცვლილებები მოახდინა; მაგალითად, სათადარიგოთა სკამზე დატოვა თეოფილას გეკასი, მის ნაცვლად კი შეტევის წინა ხაზზე გეორგიოს სამარასი გაამწესა.</p><p>რუსებთან შეხვედრაში სამარასი ფორვარდის უკან მოქმედებდა და მისი ადგილი დიმიტრის სალპინგიდისმა დაიკავა. აქედანვე უნდა ითქვას, რომ ამ როტაციამ არ გაამართლა და სანტუშს შესვენებაზე მოუხდა დაშვებული შეცდომის გამოსწორება - მეორე ტაიმიდან მოედანზე გეკასი გამოჩნდა და გამოკვეთილი თავდამსხმელის პოზიცია დაიკავა, სამარასმა კი უკან დაიხია და შემტევი ნახევარმცველის ამპლუა მოირგო.</p><p>მიხალ ბილეკმა სწრაფ გოლზე დაგეშა შეგირდები და ამან 100%-ით გაამართლა. ნომინალური სტუმრები პირველივე წამებზე ეკვეთნენ მეტოქის კარს, რამაც შედეგი მესამე და მეექვსე წუთებზე გამოიღო.</p><p>პირველი გოლი 4-2-3-1-ტაქტიკით მოასპარეზე გუნდის ტიპურ იერიშს მოჰყვა - მარცხენა ფრთიდან მეტოქის საჯარიმოში პეტრ ჟირაჩეკი შეიჭრა, კიპერთან პირისპირ დარჩა და გახსნა კიდეც ანგარიში.</p><p>მეორე გოლისას მარჯვენა ფრთაზე გებრე სელასიემ ივაჟკაცა, გამჭოლი გადაცემა გააკეთა კარის ხაზის გასწვრივ და ვაცლავ პილარს ანგარიშის გაორება აღარ გასჭირვებია.</p><p><strong><span style="color: #ff0000;">საუკეთესო ფეხბურთელი</span></p><p>გებრე სელასიე (ჩეხეთი)</strong></p><p>გებრე სელასიე მარცხენა მცველის პოზიციაზე ირჯებოდა - მთელ ფრთას აკონტროლებდა და თანაბრად ნაყოფიერი იყო როგორც დაცვითი ფუნქციების შესრულებისას, ისე შეტევაში. არაერთხელ ჩაშალა ბერძენთა იერიშები და გაამწვავა თავისი გუნდის შეტევები.</p><p>ძალიან სწრაფია და არც პასი დაეწუნება - სწორედ მის მწვავე გადაცემას მოჰყვა ბერძენთა კარში გატანილი მეორე გოლი და ვგონებთ, ის უდავოდ იმსახურებს მატჩის საუკეთესო ფეხბურთელის სტატუსს.</p><p><strong><span style="color: #ff0000;">ყველაზე სუსტი ფეხბურთელი</span></p><p>პეტრ ჩეხი (ჩეხეთი)</strong></p><p>საბერძნეთის ნაკრების მიერ გატანილი ერთადერთი გოლი პეტრ ჩეხის სინდისზეა - სრულიად უწყინარ სიტუაციაში ხელიდან გაუვარდა ბურთი და თამაშს ინტრიგა დაუბრუნა.</p><p>მისდა საბედნიეროდ, ბერძნებმა მეტის გატანა ვეღარ შეძლეს, თუმცა ჩეხის ქმედებებს ეს არ ამართლებს - დიახ, ქმედებებს, რადგან გამოცდილი კიპერი სხვა მომენტებშიც დაბნეული ჩანდა და დამაჯერებლობით ვერ გამოირჩა; თითქოს შეშინებული იყო, რაც ამ რანგის მეკარისგან ნამდვილად გასაკვირია.</p><p>შესაძლოა, ეროვნული ნაკრების ლიდერის როლი მისთვის მეტისმეტად მძიმე ტვირთი და პასუხისმგებლობაა.</p><p><strong><span style="color: #ff0000;">მსაჯი</span></p><p></strong>სტეფან ლანოის უხეში შეცდომა არ დაუშვია, მაგრამ ვერც იმას დავიჩემებთ, რომ შეუმჩნეველი იყო და თავისი საქმე უბადლოდ შეასრულა. ცოტა დაბნეული დარბოდა, ხშირად იყო მოვლენების ზედმეტად ეპიცენტრში, რის გამოც ერთხელ მინდორზეც კი გააგორეს - ამასთან, ძალიან ხშირად უსტვენდა და ამით ისედაც მოსაწყენ თამაშს კიდევ უფრო უკარგავდა ტემპს.</p><p>მოკლედ, ფრანგ არბიტრს უხეში შეცდომა არ დაუშვია, მაგრამ მის მიმართ მაინც აღმოგვაჩნდა პრეტენზიები.</p><p><strong><span style="color: #ff0000;">მწვრთნელების დუელი</span></p><p></strong>ფერნანდუ სანტოშს პორტუგალიური არაფერი სცხია - მაშინაც არ გადააწყო გუნდი ორფორვარდიან ტაქტიკაზე, როდესაც ორი ბურთის სხვაობით აგებდა და დიდი ფორა ჰქონდა ამოსაქაჩი.</p><p>თეოფილას გეკასი ანტრაქტის შემდეგ გაიყვანა მინდორზე, მაგრამ გიორგიოს სამარასი დაწია უკან და კვლავ 4-3-2-1-სქემით განაგრძო თამაში.</p><p>არადა, ვინ იცის, იქნებ ორ გამოკვეთილ თავდამსხმელში იყო ბერძენთა ხსნა და ცოტა რომ გაერისკა სანტუშს, შედეგიც მოემკა. ვერ გარისკა და დამარცხდა კიდეც...</p><p>რაც შეეხება მიხალ ბილეკს, როგორც ზემოთ აღვნიშნეთ, მან სწრაფ გოლზე ათამაშა შეგირდები და მიზანსაც მიაღწია - გოლი კი არა, გოლები გაიტანეს ჩეხებმა და გადაწყვიტეს კიდეც მატჩის ბედი.</p><p>ყოველივე ზემოთქმულიდან გამომდინარე, ბილეკმა აშკარად დაჯაბნა პორტუგალიელი ვიზავი.</p><p><strong><span style="color: #ff0000;">ანალიზი</span></p><p></strong>ერთმანეთის პირისპირ ორი დაახლოებით თანაბარი კლასის გუნდი წარსდგა და გაიმარჯვა იმან, ვისაც უკან დასახევი გზა აღარ ჰქონდა.</p><p>სადღაც ეს ლოგიკურიც არის, რადგან როდესაც ბერძნები იმაზე ფიქრობდნენ, იქნებოდა თუ არა ფრე მისაღები შედეგი, ჩეხებმა ყველაფერი ძალიან კარგად იცოდნენ და მიზნის მისაღწევად ძალები არ დაიშურეს - შედეგიც სახეზეა...</p><p><strong><span style="color: #ff0000;">დასკვნა</span></p><p></strong>ჩეხებმა უმნიშვნელოვანესი მატჩი მოიგეს, ჯგუფიდან გასვლისკენ გადადგეს ნაბიჯი და მათთვის სხვა ყველაფერი ნაკლებად მნიშვნელოვანია.</p><p>და მაინც, კარგი იქნება, თუ მომავალში მიხალ ბილეკის შეგირდები მხოლოდ 6 წუთით არ შემოიფარგლებიან.</p><p><span style="color: #ff0000;"><strong>ევროპის 2012 წლის ჩემპიონატი. A ჯგუფი. II ტური </strong></span></p><p>ვროცლავი. მუნიციპალური სტადიონი</p><p><strong><em>საბერძნეთი-ჩეხეთი 1:2 </em></strong>(<a href="/mtavari/video.html?view=video&video=1367" target="_blank"><span style="color: #ff0000;"><strong>იხილეთ ვიდეო</strong></span></a>)<strong></p><p></strong>საბერძნეთი (4-3-2-1): ჰალკიასი (23. სიფაკისი) - ჰოლებასი, ტოროსიდისი, კ. პაპადოპულოსი, კაცურანისი - მანიატისი, ფოტაკისი (46. გეკასი), კარაგუნისი - სალპინგიდისი, ფორტუნისი (71. მითროღლუ) - სამარასი.</p><p>ჩეხეთი (4-2-3-1): ჩეხი - სივოკი, კადლეცი, ლიმბერსკი, გებრე - პლასილი, ჰუბშმანი - პილარი, როსიცკი (46. კოლარი - 90. რაჟტორალი), ჟირაჩეკი - ბაროში (64. პეხარტი).</p><p>გოლები: 0:1 ჟირაჩეკი (3), 0:2 პილარი (6), 1:2 გეკასი (53).</p><p>კუთხური: 1-4; ჯარიმა: 14-26; თამაშგარე: 6-0; კარში დარტყმა: 7(5)-8(3); ბურთის ფლობა: 55%-45%.</p><p>მაყურებელი: 42 000</p><p><span style="color: #ff0000;"><strong>A ჯგუფი</strong></span></p><p><em>ა გ თ მ ფ წ ბ ქ</em></p><p>1. რუსეთი 2 1 1 0 5-2 4</p><p>2. ჩეხეთი 2 1 0 1 3-5 3</p><p>3. პოლონეთი 2 0 2 0 2-2 2</p><p>4. საბერძნეთი 2 0 1 1 2-3 1</p><p><strong>ყოველდღიური სპორტული გაზეთი "ლელო"</strong></p><p>ასევე იხილეთ:</p><p><a href="/fexburti/euro-2012/34031-polonethi-rusethi-11-intriga-cockhalia.html" target="_blank"><span style="color: #ff0000;"><strong>პოლონეთი-რუსეთი 1:1 - ინტრიგა ცოცხალია</strong></span></a></p><p><a href="/fexburti/euro-2012/34040-varshavis-brdzola-2012-poloneth-rusethis-arasafekhburtho-dapirispireba-video.html" target="_blank"><span style="color: #ff0000;"><strong>ვარშავის ბრძოლა 2012 - პოლონეთ-რუსეთის არასაფეხბურთო დაპირისპირება</strong></span></a></p><p><a href="/fexburti/euro-2012/34041-gia-guruli-a-jgufidan-rusethi-da-polonethi-gavlen.html" target="_blank"><span style="color: #ff0000;"><strong>გია გურული: A ჯგუფიდან რუსეთი და პოლონეთი გავლენ </strong></span></a></p>

"კონკურენცია ძალიან მაღალია, შეცდომის დაშვების უფლება არ გვაქვს" - ანჩელოტიმ ნეიმარის ნაკრებში არგამოძახების მიზეზებზე ისაუბრა

"ლივერპული" პრემიერლიგის "გალაქტიკოსი" გახდა" - ჯეიმი კარაგერი

შესარჩევიდან ჩემპიონთა ლიგაზე - რას უნდა ველოდოთ ამ შვიდი გუნდისგან?

მოგებული პირველი ტაიმის შემდეგ "შავი ლომი" "ბენეტონთან" დამარცხდა

16-წლამდელებმა აზერბაიჯანის ტურნე გამარჯვებით დაასრულეს

ალთუნაშვილი "იბერია 1999-ში" დაბრუნდა

"ნოტინგემში" იუარეს მაგრამ პრემიერლიგაში ახალი ვარიანტი აქვს - მოურინიომ შესაძლოა, "ლიდს იუნაიტედი" ჩაიბაროს

ნიუკასლში ბურგერზე რიგები დგას - "შვედურმა ვირთხამ" დიდი მოწონება დაიმსახურა [PHOTO]

"შავი ლომი" | ორი ცვლილებით "ბენეტონთან"

ფუტსალი ნაკრებმა პლეი-ოფისთვის მზადება დაიწყო

ტრამპის იმედი აქვთ - დააბრუნებენ რუსეთის ნაკრებებსა და კლუბებს საერთაშორისო ტურნირებზე?

[PHOTOS] მეტი ქართველი ლა ლიგაში - მიქაუტაძე პრეზენტაციაზე ვილიას და ბუტრაგენიოს შეადარეს

პსჟ-ს ფეხბურთელი ევროპაში საუკეთესოდ აღიარეს

ლუის ენრიკე პსჟ-ს ჯერ ვერ დაუბრუნდება - კვარაცხელიას დიდი პასუხისმგებლობა დაეკისრება

ფულადი ჯილდო ფეხბურთელებს - რა თანხა მისცეს უკრაინასთან ფრის შემდეგ აზერბაიჯანის ნაკრების წევრებს

"მათი ხასიათი ვიცოდით და სისულელეების კეთებაში ხელი არ შევუშალეთ" - მარკანენმა საქართველოსთან გამარჯვებაზე ისაუბრა

"უნდა გავაცნობიეროთ, რომ დიდი ამბიციები არ უნდა გვქონდეს" - კროოსმა გერმანიის ნაკრების გეგმებზე ისაუბრა

სტივ მანდანდამ ფეხბურთელის კარიერა დაასრულა

"ასეთი რამ, აქამდე არ მინახავს" - ლუკა დონჩიჩი

"ცხადია, ეს ყველამ იცის" - ანრიმ იმ მწვრთნელის ვინაობა დაასახელა, ვინც საფრანგეთის ნაკრებს ჩაიბარებს

"ფენერბაჰჩეს" დომენიკო ტედესკო ჩაიბარებს

"სპალეტი ნომერ პირველი კანდიდატი იყო" - "ფენერბაჰჩეს" პრეზიდენტმა იტალიელ სპეციალისტზე ისაუბრა

"ალბათ ამ პასუხს ნაკლებად ელოდით" - გვარდიოლამ დაასახელა ფეხბურთელი, რომლის "სიტიდან" გაშვებასაც ყველაზე მეტად ნანობს