- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ლიცენზიანტი - ირაკლი თურმანიძე
<p>27 წლის ჩაქველმა მძიმეწონოსანმა ოლიმპიადასა და სამომავლო გეგმებზე ისაუბრა <br> ამას წინათ ზუგდიდში ძალოსანთა საქართველოს ჩემპიონატში შესანიშნავად იასპარეზა 27 წლის ჩაქველმა მძიმეწონოსანმა ირაკლი თურმანიძემ, რომელმაც 197 კილოგრამი აიტაცა, 230 კილოგრამი აკრა და ჩემპიონობა ქვეყნის სამი რეკორდით მოიპოვა.</p><p>საგულისხმოა, რომ თურმანიძის ახალი მიღწევები ორივე მოძრაობაში უწინდელზე 2-2 კილოგრამით, ორჭიდში კი 4 კილოგრამით მეტია.</p><p>- ევროპის ჩემპიონატის შემდეგ ერთი დღეც არ დამისვენია - ნაკრების წევრებთან ერთად განვაგრძე ვარჯიში, მწვრთნელების მითითებებს ზუსტად ვასრულებდი და, როგორც ხედავთ, შედეგმაც არ დააყოვნა, - გვითხრა ირაკლიმ.</p><p><strong>- იმედია, ზუგდიდში მიღწეული შენთვის ზღვარი არ იქნება...</p><p></strong>- რა თქმა უნდა. მართალია, ბატონი ვანო გრიქუროვი ვარჯიშებზე ზედმეტად მძიმე წონების აწევას არ გვავალდებულებს, მაგრამ ზოგჯერ ჩვენი შესაძლებლობების გამოვლენის საშუალებასაც გვაძლევს.</p><p>არაერთხელ დამიძლევია უფრო მძიმე წონები, ვიდრე ზუგდიდში ავწიე. ოლიმპიადაზე, სავარაუდოდ, ატაცში 200 და აკრაში 237 კილო გვაქვს დაგეგმილი, თუმცა თამაშების დაწყებამდე ჯერ კიდევ თვენახევარზე მეტია დარჩენილი.</p><p>ივნისის ბოლომდე ჩაქვში ვივარჯიშებთ, მერე დუშეთში განვაგრძობთ წვრთნას. იქვე საკონტროლო შეხვედრებიც გაიმართება, რომლის შემდეგაც გეგმებში, შესაძლოა, კორექტივებიც შევიტანოთ.</p><p><strong>- ირაკლი, ზემოთ წლევანდელი ევროპის ჩემპიონატი ახსენე. ამ შეჯიბრების საინტერესო ეპიზოდებს ხომ ვერ გაიხსენებ?</p><p></strong>- შარშან ყაზანში ევროპის ჩემპიონატზე ატაცში ვერცხლის მედალი მოვიპოვე, ორჭიდში კი მეოთხე ადგილი დავიკავე.</p><p>ამიტომაც ანტალიაში გამგზავრებამდე მწვრთნელებიცა და ფედერაციის მესვეურები ჩემგან მედალს ელოდნენ, რაც დამატებითი წნეხი იყო, თუმცა საამისოდ ფიზიკურად და ფსიქოლოგიურადაც მზად ვიყავი.</p><p>თურქული საკურორტო ქალაქის ფიცარნაგზე მძიმე წონაში მართლაც მძიმე არტილერიამ მოიყარა თავი.</p><p>განსაკუთრებით, ორი ძალოსანი მინდა გამოვყო: პეკინის ოლიმპიადის გამარჯვებული, 2010 წლის მსოფლიოს ჩემპიონატის ვერცხლისმედალოსანი და ევროპის ჩემპიონატების სამგზის პრიზიორი, გერმანელი მატიას შტაიერი და რუსი ევროპის ჩემპიონი რუსლან ალბეგოვი.</p><p>ტიტულოვანი ათლეტების მეტოქეობის მიუხედავად, ფიცარნაგზე გასვლის წინ არაფრის შემშინებია. ატაცში სამივე ცდა გამოვიყენე. მე და სომეხმა ჰაიკ აკობიანმა 195-195 კილო დავძლიეთ. პირადი წონით მასზე მსუბუქი აღმოვჩნდი და მცირე ოქროს მედალიც მე მერგო.</p><p>აი, აკვრაში კი მიუტევებელი შეცდომა დავუშვი. ვარჯიშებისას ხშირად მქონდა იოლად დაძლეული 220 კილოგრამი, რომელიც ანტალიაში მწვრთნელებმა საწყის წონად შეუკვეთეს. უყურადღებოდ მოვეპყარი და ცდაც გამიცუდდა.</p><p>მესამე ცდაზე 228-კილოიანი შტანგა დავიმორჩილე და ორჭიდში 423 კილოგრამით ბრინჯაოს მედალი დავიმსახურე. პირველი ცდა რომ არ გამეფუჭებინა, შესაძლოა, ორჭიდში მეორე ადგილზე გავსულიყავი, რადგან შტაინერმა მხოლოდ კილოგრამით გამისწრო.</p><p>ალბეგოვის გასწრება კი წარმოუდგენელი იყო, რადგან მან 238 კილო აკრა და ორჭიდში 429 კილოგრამით ყველას აჯობა. მსოფლიოს უძლიერეს ათლეტებთან ჩემი პაექრობა ანტალიით არ დასრულებულა - წინ ლონდონის ოლიმპიური ფიცარნაგია და მწვრთნელებისა თუ ქომაგების იმედების გასამართლებლად ყველაფერს ვიღონებ.</p><p><strong></p><p>* * *</strong></p><p>ირაკლი თურმანიძემ 15 წლისამ დაიწყო ძალოსნობაში ვარჯიში ბესო ბასილიასთან.</p><p>რამდენიმე თვის შემდეგ მის მშობლიურ ჩაქვში ჭაბუკთა შორის აჭარის პირველობა გაიმართა. ახალბედამ ყველას აჯობა და თასით დააჯილდოვეს. მწვრთნელისა და თანაკლასელების შექებამ ენთუზიაზმი შემატა - მეტი მონდომებით განაგრძო წვრთნა.</p><p>2007 წელს თბილისში გადმოვიდა სავარჯიშოდ. ყმაწვილის გულმოდგინება მხედველობიდან არ გამოპარვია ოლიმპიურ ჩემპიონ გიორგი ასანიძეს, რომელიც იმავე დარბაზში ემზადებოდა მორიგი შეჯიბრებისთვის.</p><p>რჩევა-დარიგებებს აძლევდა ჭაბუკს. 2009 წელს თურმანიძემ საქართველოს ჩემპიონობა რომ მოიპოვა, ოლიმპიურმა ჩემპიონმა, როგორც ძალოსნობის ეროვნული ფედერაციის ვიცე-პრეზიდენტმა, კორეაში წაიყვანა მსოფლიოს ჩემპიონატზე. შარშან და შარშანწინ პლანეტის უძლიერეს ათლეტებთან პაექრობაში ირაკლიმ ეროვნულ ნაკრებს ლონდონის ოლიმპიადისთვის ჩასათვლელი ქულები მისცა.</p><p><strong></p><p>* * *</strong></p><p><strong>- ირაკლი, ჭაბუკობისას ყველა სპორტსმენს თავისი კერპი ჰყავს. შენ ვის ბაძავდი?</p><p></strong>- ბარსელონას 1992 წლის ოლიმპიადის შემდეგ ყველას პირზე ეკერა კახი კახიაშვილის სახელი, რომელიც კარიერის განმავლობაში სამჯერ ავიდა ოლიმპიური კვარცხლბეკის უმაღლეს საფეხურზე.</p><p>ასანიძის მაგალითიც მისაბაძი იყო თითოეული ჩვენგანისთვის. რა დამავიწყებს მის მიერ ცალი ხელით მოპოვებულ ვერცხლის მედალს. აბა, ვინ იფიქრებდა, რომ გიორგი უმძიმესი ოპერაციის შემდეგ ათენში ოქროს მედალს მოიხვეჭდა.</p><p>მან კი ეს შეძლო და დაგვარწმუნა, რომ მონდომებისა და თავდადების შემთხვევაში შეუძლებელიც შესაძლებელია.</p><p><strong>- თავისუფალ დროს რას აკეთებ?</p><p></strong>- ახლა მთელი ჩვენი გულისყური ლონდონისკენაა მიმართული და ყოველმხრივ ვცდილობთ, ოლიმპიურ თამაშებს ოპტიმალურ ფორმაში შევხვდეთ. იშვიათად, თუმცა თავისუფალ დროსაც ვპოულობ. ზღვა აქვეა და განტვირთვის მიზნით ლურჯ ტალღებზე ნებივრობაც კარგია.</p><p>ხან ფრენბურთს და ფეხბურთს ვთამაშობთ. შეძლებისდაგვარად, რეჟიმის დაურღვევლად, ევროპის ჩემპიონატის მატჩებსაც ვადევნებთ თვალს.</p><p><strong>- ვის ქომაგობთ?</p><p></strong>- გია მაჭავარიანი და რაულ ცირეკიძე უფრო ესპანეთისკენ იხრებიან. მე კი გერმანიას ვქომაგობ. კარგი ფეხბურთელები ჰყავს, ზურგს სასახელო ტრადიციები უმაგრებს.</p><p>ასე რომ, მისი ჩემპიონობა გასაკვირი არავისთვის იქნება; თუმცა სპორტი სპორტია და მით უმეტეს, ფინალურ ეტაპზე, სადაც ფსიქოლოგიური წნეხი უდიდეს როლს თამაშობს, ყველაფერია მოსალოდნელი.</p><p><strong>- ოლიმპიადამდე თქვენ თუ იასპარეზებთ რომელიმე შეჯიბრებაში?</p><p></strong>- როგორც ვიცი, მხოლოდ ახალგაზრდები გამოვლენ ევროპის პირველობაზე. ეროვნული ნაკრების წევრები კი, წინასწარ შედგენილი გეგმის მიხედვით, მიზანმიმართულად ვემზადებით ოლიმპიური თამაშებისთვის. ამიტომ შეჯიბრებებში მონაწილეობა გაუმართლებელი იქნება.</p><p>ეროვნული გუნდის მთავარი მწვრთნელი ვანო გრიქუროვი, ასევე, სხვა მწვრთნელები და ძალოსნობის ფედერაციის მესვეურები ყველაფერს აკეთებენ ჩვენთვის წვრთნისა და აქტიური დასვენებისთვის ყოველგვარი პირობის შესაქმნელად. ჩვენც ვეცდებით, ამგვარ ზრუნვას საქმით ვუპასუხოთ.</p><p><em>შეჯიბრებებს მოვრჩით... ოლიმპიადამდე! (იბეჭდება მცირე ცვლილებით)</em></p><p><strong>ყოველდღიური სპორტული გაზეთი "ლელო"</strong></p>
კახის თასი იწყება - ინტერვიუ სამგზის ოლიმპიურ ჩემპიონებთან
საქართველოს 17 და 20-წლამდელ ძალოსანთა ნაკრები მსოფლიო ჩემპიონატიდან 13 მედლით დაბრუნდა
ევროპირველობა - თურმანიძის ბრინჯაო ატაცში
"ლიონი" - "მეცი". სამივე ქართველი სასტარტოშია
20 წლის ქართველი ფეხბურთელი "მილანთან" მატჩის განაცხადშია
"რეალმა" ტონი კროოსის შემცვლელს "კრისტალ პალასში" მიაგნო - "არწივები" 80 მილიონს ითხოვენ
"სამზარეულოში გიშვებდა და საჭმელს გაკეთებინებდა" - "იუნაიტედის" ყოფილმა მეკარემ სერ ალექს ფერგიუსონზე საინტერესო ისტორია გაიხსენა
"ყველაფერს გავაკეთებ, რომ კურტუას დონეზე ავიდე" - ლუნინმა "რეალიდან" წასვლა გამორიცხა
[VIDEO] ბუნდესლიგა უხვგოლიანი მატჩით გაიხსნა - "ბაიერნმა" "ლაიფციგი" გაანადგურა
ხვიჩას გარეშე. პსჟ სეზონს მძიმედ იწყებს - "ანჟესაც" მინიმალური ანგარიშით მოუგო
ლოჩოშვილის "ნიურნბერგი" ისევ დამარცხდა
"კვარას" ბარკოლა შეცვლის - "ანჟესთან" მატჩში პსჟ-ს სასტარტო შემადგენლობა ცნობილია
დე ლაურენტისი: "კვარა" და ოსიმენი პსჟ-სთვის 200 მილიონზე მეტად უნდა მიმეყიდა, მაგრამ...
პსჟ-ს მეკარე შეიძლება ესპანურ გუნდში გადავიდეს
"შავი ლომი" | 30 მორაგბით იტალიაში
ჩაკვეტაძის "ვალენსიაში" გადასვლა დღითიდღე არარეალური ხდება - როგორ აფასებენ ტრანსფერის შანსებს?
29 წლის ასაკში ქართველი ფეხბურთელი ტრაგიკულად დაიღუპა
"ამ ფეხბურთელმა ნამდვილად გამაოცა" - ოდეგორმა თანაგუნდელი გამოარჩია
ოფიციალურად: მატიჩი კარიერას სერია A-ში გააგრძელებს
"დარწმუნებული ვარ, ფორმაში შესასვლელად დიდი დრო დასჭირდება" - უოლკოტმა დიოკერეშზე ისაუბრა
"რასაც "კრასნოდარი" სპერციანს უკეთებს, ამას ეგოიზმი ჰქვია" - სომეხმა ჟურნალისტმა რუსული კლუბი გააკრიტიკა
"ჩეფერინი რუსულ ფეხბურთზე გიჟდება და მის ევროპულ არენაზე დასაბრუნებლად იმაზე მეტს აკეთებს, ვიდრე შეუძლია" - ვალერი კოლოტილო
მატჩის დღე! ხვიჩა კვარაცხელია განაცხადში არაა